Laçi zyrtarizon afrimin e radhës, firmos ish-lojtari i Flamurtarit

Sport Ekspres — Wed, 09 Jan 2019 11:21:42 +0000

Skuadra e Laçit ka bërë mirë në dy fazat e para dhe pretendimet e kurbinasve janë madhore. Nën drejtimin e teknikut Besnik Prenga skuadra ka nisur përgatitjet për pjesën e mbetur të kampionatit.

Paralelisht me përgatitjet, drejtuesit po mendojnë për të përforcuar skuadrën në të gjitha repartet, për t’i paraprirë çdo lloj surprize të pakëndshme gjatë edicioni. Sot, drejtuesit kanë mbyllur marrëveshjen me portierin Edmir Sali, i cili do të vihet menjëherë nën urdhrat e stafit teknik.

Sali ka qenë pjesë e skuadrës së Flamurtarit, por nuk ka pasur shumë mundësi për të treguar vlerat e tij. Edicionin e shkuar, 21-vjeçari luajti vetëm në 5 takime. Bardhezinjtë tregojnë dhe një herë tjetër se besojnë tek lojtarët e rinj, pasi si portieri dhe kapiteni Selmani është 20 vjeç.

Selmani nuk ia del, Bushi grumbullon për herë të parë portierin e Flamurtarit

Sport Ekspres — Wed, 21 Mar 2018 20:08:35 +0000

Gentian Selmani u kthye në fushë në ndeshjen e fundit të kampionatit, por kapiteni i Laçit duket se nuk është riaftësuar ende nga një dëmtim pësuar disa javë më parë. Një tërheqje në kofshën e djathtë ka detyruar portierin e talentuar që të braktisë kombëtaren U-21, për të vijuar kurimin.

Për pasojë, Alban Bushi ka vendosur të grumbullojë Edmir Salin, portierin 20-vjeçar të Flamurtarit, i cili ka luajtur titullar në 3 ndeshjet e fundit të kampionatit, për shkak se është dëmtuar titullari Nurkoviç.

Paraqitje të mira nga Sali, që ka bindur Bushin ta grumbullojë për ndeshjet kundër Sllovakisë U-21, më 23 dhe 27 mars. Titullari tashmë pritet të jetë Alen Sherri, i cili ka shkëlqyer këtë sezon me Vllazninë.