Trajneri i ri i skuadrës në pronësi  “de facto” të Kladio Lotitos do të jetë ish-trajneri i Italisë Xhanpiero Ventura. Trajneri 71-vjeçar së fundmi pati një përvojë jetëshkurtër te Kievo. Kontrata e Venturës me klubin nga jugu i Italisë është e vlefshme për një sezon.

?? Giampiero Ventura è il nuovo allenatore della Salernitana
Il tecnico ha firmato un contratto per l'attuale stagione sportiva con opzione.
Nel ringraziarlo per l’encomiabile lavoro svolto e la professionalità profusa la Società augura a Leonardo Menichini le migliori fortune. pic.twitter.com/MzJEnQkBoH

— US Salernitana 1919 (@OfficialUSS1919) June 30, 2019

Sezonin e kaluar Salernitana i shpëtoi rënies në Seria C falë triumfit në takimet e fazës “Play-Off”, ku eliminuan Venecian.

Vendimtar portieri i Salernitanës Mikai, i cili priti 2 penallti, por pas ndeshjes u zbulua një prapaskenë e pabesueshme, sepse portieri mund të mos ishte fare te penalltitë, po të mos ishte për presidentin e Lacios dhe njëkohësisht të Salernitanës, Klaudio Lotito.

Ky i fundit ishte në Venecia dhe në pushim të ndeshjes shkoi në dhomat e zhveshjes për t’i dhënë zemër skuadrës, por u gjend para një situate të papritur. Portieri Mikai kishte marrje mendsh dhe donte të ndërrohej, por Lotito bëri “magji”, duke u dhënë një gotë ujë e sheqer dhe duke e bindur të zbriste në fushë.

Pas ndeshjes Lotito tha: “Bravo skuadrës, nuk u shpërbë as pas 1-0. Nuk e meritonim të binim. Tifozët mund të më sulmojnë, por nuk ka rëndësi, sepse edhe në verë vesh një pardesy që nuk lejon të më futet në trup asnjë fjalë.

“Ka qenë një sezon i vështirë, me dëmtime, pezullime e gjithçka tjetër. Sot për shembull Mikai kishte marrje mendsh, zbrita në dhomat e zhveshjes dhe i këshillova ujë e sheqer, sepse ishte një rënie e lehtë tensioni dhe duke qenë se kam studiuar për mjekësi, e dija që nuk ishte asgjë serioze“.

Edhe trajneri Leonardo Menikini, ish-Tirana, konfirmoi pas ndeshjes: “Merita është e Lotitos, sepse në pushim i dha ujë e sheqer dhe e bindi të luante“.

Goli i Modolos në minutën e 41-të nuk mjaftoi për venecianët. Rezultati qëndroi i pandryshuar përgjatë të gjithë pjesës së mbetur të ndeshjes dhe skuadrat iu drejtuan goditjeve të 11-metërshave.

Fati nuk ishte me lojtarët e Venecias, të cilët humbën dy penallti, ndërsa te Salernitana nuk pati vend për gabime. Në këtë takim u aktivizua nga stoli mbrojtësi shqiptar Hysen Memolla.

Peruxhia përfitoi dhe u bë pjesë e ndeshjeve play-off për t’u ngjitur në elitë, ndërsa Salernitana shpëtoi. Këta të fundit kanë si president Klaudio Lotiton, njëherazi kreu i klubit lacial.

Lotito njihet për pushtetin e madh që ka në futbollin italian. Lotito kërkoi që të mos zhvilloheshin fare ndeshjet play-out dhe diçka e tillë solli rënien e Foxhias një kategori më poshtë.

Këta të fundit apeluan vendimin e dhënë me 13 maj nga Liga e Serie B. Gjykata Administrative Rajonale e Lacios i ka dhënë të drejtë Foxhias, që do të përballet me Salernitanën për të qëndruar në Serie B.

Megjithatë, kuqezinjtë duhet të presin datën 28 maj, aty ku do të mësojnë përfundimisht fatin e tyre pas vendimit të shkallës së dytë në Gjykatën e Apelit të Federatës në lidhje me ekipin siçilian.

Nëse vendimi për Palermon do të përmbyset në këtë datë, atëherë Foxhia, e cila u rrëzua nga rezultatet, do të humbiste shansin për të luajtur finalen kundër Salernitanës, që do të përballej me Venecian e Vrionit.

? #UltimOra #SerieB
Tar del Lazio accoglie ricorso del #Foggia
Annullato lo stop dei playout#SkySport

— Sky Sport (@SkySport) May 23, 2019

Ekipi nga jugu i Italisë është prej disa vitesh në pronësi të pronarit të Lacios Klaudio Lotito dhe drejtori i sportiv Igli Tare luan një rol kryesor edhe në vendimmarrjet e këtij klubi.

Sipas asaj që shkruajnë mediet italiane, Tare po negocion për ndërprerjen konsensuale të kontratës së trajnerit të tanishëm Anxhelo Greguçi. Në listën e trajnerëve që synohen për sezonin tjetër janë dhe emra si Alesandro Nesta ose ish-trajneri i Xhenoas, Ivan Juriç.

Memolla është grumbulluar shpeshherë dhe nga Panuçi në kombëtaren shqiptare të futbollit dhe 26-vjeçari do t’i bashkohet emrave si Hysaj, Veseli, Gjimshiti, Strakosha dhe shumë shqiptarëve të tjerë që luajnë në kampionatet e Italisë.

Te Salernitana, Memolla pritet të ketë minuta të plota dhe të fiksojë një vend titullari në krahun e majtë të mbrojtjes. 26-vjeçari është zyrtarizuar sot te skuadra italiane. Lajmin për transferimin nga Hajduku te Salernitana e ka konfirmuar klubi kroat.

“Hysen Memolla nuk është më lojtar i Hajdukut dhe do të largohet drejt Italisë. Memolla dhe klubi i Salernitanas kanë qenë në bisedime prej shumë ditësh dhe sot është gjetur akordi mes tyre. I urojmë fat Memollës në aventurën e tij të re.”

Sipas asaj që raporton eksperti i merkatos, Alfredo Pedulla, mbrojtësi i majtë është në bisedime të avancuara me Salernitanën. Gjithçka është drejt mbylljes dhe pritet zyrtarizimi i kalimit të Memollës në Itali.

Për Memollën, nëse do të luajë, do të ishte zgjidhja e duhur. Dëshira e kavajasit është që të rikthehet sërish në kombëtare dhe kjo arrihet vetëm nëse luan rregullisht në skuadrën e tij të re. Panuçi e ka ftuar më parë dhe sigurisht që do e ketë në fokusin e tij.