Francezi hedh Anti-Dopingun në gjyq, pretendon 13 mln sterlina

Sport Ekspres — Thu, 25 Jul 2019 09:03:29 +0000

Futbollisti francez, Mamadou Sakho, ka hedhur në gjyq agjensinë e Anti-Doping, me akuzën se i kanë shkatërruar karrierën. Skho pretendon plot 13 milionë sterlina pas fitimit të këtij gjyqi, pasi një dënim që kjo agjensi i ka bërë në vitin 2016, është i gabuar.

Në prill të 2016-ës, Sakho u dënua nga agjensia Anti-Doping për shkak të një substance e cila ndihmonte në heqjen e dhjamit në trup. (Higenamine). Sakho u dënua me 30 ditë dhe i mungoi Liverpulit në muajin më të rëndësishëm të sezonit.

Sakho nuk u aktivizua më për Liverpulin që pas atij dënimi, madje as në finalen e Europa League atë sezon kundër Seviljës, gjë që i kushtoi dhe vendin në kombëtaren e Francës. Tani, Sakho aktivizohet me Kristal Palas në Premier.

Monako merr masa, akord me dy qendërmbrojtës

Sport Ekspres — Wed, 02 Jan 2019 14:49:59 +0000

Merkato e dimrit do të jetë shumë e zënë për klubi e Monakos. Nënkampionët e Francës rrezikojnë seriozisht rënien nga “Ligue 1”, pasi ndodhen në vendin e parafundit të tabelës, teksa ka mbetur edhe gjysma e kampionatit për t’u zhvilluar.

Ditën e djeshme u përfol për një akord me mesfushorin spanjoll Çesk Fabregas, ndërsa sot po qarkullojnë lajme për dy afrime të tjera. Bëhet fjalë për mbrojtësin e Kristal Palas, Mamadu Sako dhe brazilianin 36-vjeçar të Shalkes, Naldo.

Mamadu Sako

Të dy lojtarët janë qendërmbrojtës me eksperiencë që do të ndihmojnë klubin nga Principata për të shmangur rënien. Naldo pritet të vijë me kosto 0 pasi do të prishë kontratën aktuale me Shalken, ndërsa për Sako do të duhet negociohet me drejtuesit e Kristal Palas.

Naldo