Numri një i klubit, së bashku me drejtorin sportin Nderim Nexhipi, do të duhet të bindin një pjesë të mirë të titullarëve të qëndrojnë. Valdet Rama është ai që do të linte një gropë të madhe te Kukësi. Ofertat nuk i mungojnë dhe dëshira e tij është që të luajë në Gjermani dhe të jetë pranë familjes.

Për ta bindur do të jetë shumë e vështirë. Veç sulmuesit anësor, janë edhe të tjerë lojtarë të cilëve u kanë mbaruar kontrata me eliminimin nga Europa League. Rinovimet me disa prej titullarëve nuk do të jenë të lehta, ndaj edhe presidenti Gjici do të duhet të nisë sa më parë nga puna.

Rikthimi i Gjokës në stolin e Kukësit zgjati pak më shumë se tre muaj. 49-vjeçari u emërua trajneri i verilindorëve në fillim të muajit prill, duke zëvendësuar Ramazan Ndreun. Nën drejtimin e Gjokës, Kukësi mbylli kampionatin në vendin e dytë të tabelës dhe siguroi trofeun e Kupës së Shqipërisë për herë të dytë në historinë e klubit.

Njoftim i Klubit!

Trajneri Ernest Gjoka nuk do të jetë më në krye të skuadrës së Kukësit.

Vendimi është marrë pas rezultateve zhgënjyese të ndeshjeve kualifikuese të Europa League.

Klubi ynë trajnerit Gjoka i ka dhënë gjithë mbështetjen e mundshme, sidomos pas rikthimit të tij në krye të pankinës së skuadrës nënkampione të Shqipërisë. FK Kukësi falenderon trajnerin Gjoka për punën e bërë në krye të ekipit.

Shumë shpejt, klubi do të njoftojë për emrin e trajnerit të ri, i cili objektiv kryesor do të vijojë të ketë fitimin e titullit Kampion, Kupës së Shqipërisë si dhe përfaqësim sa më dinjitoz në Kupat e Europës!!

ECURIA NË EUROPË – “U bënë shumë vite që luajmë në Kupat e Europës. Në përgjithësi kemi dalë mirë, duke kaluar turet. Duke pasur besim te stafi dhe ekipi, pavarësisht se është një ekip shumë i mirë. Debreceni është një ekip me traditë në Hungari, eksperienca që kanë një pjesë e mirë e lojtarëve do mundemi t’ia dalim me sukses. Patjetër që iu them se turi i parë është detyrim, natyrisht edhe fati në futboll është një pjesë që mund të na ndihmojë për sa i përket kalimit të këtij, turi pasi është një tur shumë i vështirë”.

Ndeshja e parë në Hungari? Në fakt ky është një favorizim mund të thosha. Po të nxjerrim një gol atje, pastaj e kemi më të lehtë në Shqipëri. Gjithsesi duhet mobilizim nga ana e stafit dhe ekipit. Besoj se kanë bërë një fazë të mirë. Them se janë mirë, duket mirë ekipi dhe them se pse mos ta kalojmë. Në futboll luajnë 11 me 11 dhe natyrisht duam që të kemi edhe pak fat”.

MERKATO – “Sivjet nuk kemi ndërhyrë shumë. Kemi bërë gabime në vitet e fundit, pasi ndërhyjmë shumë në shumë reparte dhe prish shumë gjëra. Pavarësisht se e kaluam një tur, nuk na rezultoi i suksesshëm, sidomos verën e vjetshme. Kështu që sivjet kemi ndërhyrë pak. Kemi nevojë për të ndërhyrë në disa reparte, sidomos në repartin e sulmit apo të mesfushës. Kemi kohë deri më 24 gusht, kur edhe fillon kampionati.

Natyrisht edhe drejtori sportiv, por edhe stafi, nuk janë nxituar për të marrë lojtarë që nuk janë niveli që bëjnë diferencën në Shqipëri. Janë 20 lojtarë që kanë në dispozicion dhe mendoj se janë mjaftueshëm për këtë tur të parë. Na nevojitet edhe një sulmues që të bëjë diferencën, apo një mesfushor qoftë qendre apo krahu. Mendoj se me 2-3 blerje do e kompletojmë ekipin, që më pas do të luftojnë denjësisht në kampionat”.

EKIPI MË I MIRË SHQIPTAR NË EUROPË – “Mbetet për t’u parë në fakt, nëse do të kemi sukses dhe do ta kalojmë turin e parë. Ne dhe Partizani i kemi shumë të vështira ekipet që na kanë rënë në short për hir të së vërtetës. Karabakun e njohim, e dimë se çfarë skuadre ka, por edhe Debreceni është një ekip me traditë.

Gjithsesi kjo nuk do të thotë që ne të shkojmë dhe të mos marrim atë rezultat që presim. Kam bindjen dhe besoj shumë te stafi teknik dhe te lojtarët që do t’ia dalin me sukses, edhe pse ekipi kundërshtar është shumë i fortë. Pas kësaj mbetet të shihet se kush është ekipi më i mirë mbas kalimit të turit, sidomos ne dhe Partizani, që i kemi kundërshtarët edhe më të fortë”.

GJUNJËT – “Këtu problemi është se nuk garojmë në kampionatin shqiptar. Aty e ka në dorë stafi teknik, skuadra, nuk kemi se çfarë menaxhojmë ne, pjesa jashtë. Natyrisht që janë skuadra si Debrecen dhe Karabak që kanë kaluar edhe në fazat e grupeve të Europës, kështu që duhen respektuar dhe vlerësuar maksimalisht”.

EKIPI I KAMPIONATIT – “Do të ketë edhe ndërhyrje të tjera. Thashë që ne nuk kemi bërë shumë ndërhyrje, sepse nuk duam që ta prishim ekipin. Kemi larguar Rexhinaldon, ka qenë një ndër sulmuesit kryesorë të Kukësit. Më shumë u vetëlargua se sa e larguam, pasi kishte problemet e veta. Duam që të kemi një sulmues, pasi me një sulmues nuk mund ta nisësh kampionatin, sidomos kampionatin e Shqipërisë. Kemi një sulmues që është Van Basten i Shqipërisë, ishalla na del si Van Basteni atje.

Emrin e ka të madh, por nuk e di se çfarë do të na dalë. Është sulmues i ri, i perspektivës, por duam një sulmues me përvojë që të përballojë kampionatin shqiptar. Kjo pasi do të jetë një kampionat akoma dhe më i fortë, sepse ekipet janë përforcuar. Ne na duhen 2-3 lojtarë që të bëjnë diferencën, jo lojtarë për të mbushur numrin edhe kaq. Na duhen lojtarë duke nisur nga reparti i sulmit, mesfushës dhe deri në mbrojtje”.

VALDET RAMA – “Nga Valdeti pres që të tregojë emrin e vet, si lojtar i madh, lojtar me përvojë në këto ture, që në fakt duhen lojtarë të tillë, sepse kanë eksperiencën e duhur. Me çfarë më thanë sot, stafi dhe ekipi e kanë studiuar ekipin kundërshtar. E dinë se çfarë pikash të forta kanë dhe çfarë pikash të dobëta kanë. Besoj se tani që stafi i ka bërë analizën, edhe këta janë mobilizuar që të kalojnë turin dhe pse jo të dalin me rezultat pozitiv edhe në Hungari. Pastaj mbetet për t’u parë. Kam besim se do ia dalim”.

STADIUMI – “Në fakt stadiumi duhet të kishte nisur para një muaji. Kontrata është firmosur para një muaji me firmën zbatuese. Kanë vajtur mjetet, ka vajtur për të filluar punë, por Bashkia që iku nuk lejoi për të filluar punimet. Kjo ishte një gjë e rëndë në fakt, sepse ai stadium nuk bëhet as për mua personalisht, as për atë që ishte në krye të Bashkisë, por bëhet për qytetarët kuksianë, për Kukësin. Stadium me standarde europiane.

Është e pafalshme që të luajmë për 8 vite larg fushës sonë, si dhe në Kupat e Europës. Të loz sa në një stadium në një stadium tjetër. Tifozët shpresojnë që të mbarojë. Shpresoj dhe besoj se kjo kompani do të punojë me ritme të shpejta. Do mundohemi që të mos ketë pengesa, burokracira dhe të ecim me ritme të shpejta. Nëse do ecin punët ashtu siç e kemi planifikuar, për 6-7 muaj, ose 1 vit, e përfundojmë. Ekipi i Kukësit do të luajë edhe këtë sezon jashtë. Do mundohemi që të luajmë në një vend fiks. Elbasani dhe Kamza do të jenë shtëpia e re dhe nuk do ta lëvizim deri në fund”, ka thënë Gjici në mbyllje të intervistës për “Ora News“…

Donte të vendoste kampionatin. Bënte me kokën e tij? Unë njoh kokën e tij. Vjen në stadium vecc kur luan Partizani, s’e kam parë te Kukësi. Kur donte i mbante ndeshjet perfekt. Normal gabojnë arbitrat. Kur nuk ka tendenca, OK”, u shpreh Gjici, herë serioz, herë duke qeshur.

Olsi Rama ndërkohë në formë batute i tregon Gjicit se pse Jemini nuk e ka ndjekur Kukësin: “Jemini më tha se shkova për të parë Kukësin në Kamzë, ishin në Shkodër, pastaj në Elbasan (qesh). Keni shëtitur shumë”. Presidenti i Kukësit sigurisht nuk mund të qëndronte pa u përgjigjur: “Prandaj e fituat ju, se ishim vërdallë”.

Gjici: Stadiumi do jetë 6 mijë vendesh. Sot është miratuar kontrata, është miratuar kontraktuesi. Fondet janë vënë në dispozicion. Është gati për të nisur punë.

Rama: Ta shohim kush e mbaron i pari

Gjici: Kanë 4 vjet që nuk e bëjnë. Më duket kanë më shumë se 6 vjet.

Rama: Ne jemi më modest, kemi edhe Arenën Kombëtare. Po të jenë ekip i fortë vitin tjetër, po.

Gjici: Partizanin e shohim në Champions, atje s’ka më. Atje është e vështirë. Gim Zeqo u tha të vetëve, Kukësi kaloi katër ture, duhet të dilnin ata kampionë. Në Europë nuk jemi konkurrentë, duam që të ecin gjithë ekipet. Përfaqësojmë Shqipërinë të gjithë. Po kaluan një tur do u them bravo u qoftë.

Gjici: Demin nuk e pashë ta ngrejë asnjëherë Kupën.

Rama: Demi e ka mendjen te Champions League.

Rama: As Partizani nuk ka pasur ndjekshmërinë që pritej. Një nga shqetësimet qëmë bën të mos gëzohem shumë, se edhe në ndeshjen me Tiranën nuk ishte plot. As në ndeshjen që u dha Kupa nuk ishte plot. Kishte vende bosh në sektorin tonë. Është një punë e madhe për të kthyer tifozët. Nuk ishte bosh, por kishte vende bosh.

Gjici: 1 milionë Tirana, stadiumi bosh. Kjo tregon që titulli duhet marrë me lodhje.

“Ne kemi pasur vështirësi, sepse të gjitha studiot nisën të flasin për fushën tonë. Nuk luhet aty thoshin. E pashë që duhet të largohemi. Ishte një premtim që do niste shpejt dhe ta mbaronim pas dy fazave të para. Kemi pasur probleme me projektin. Po të luash jashtë është e vështirë. Nuk është pak të dalësh i dyti dhe të jesh në finale. Nëse do luhej në Kukës do merrnim më shumë pikë në shtëpi dhe atë Kupë nuk do e kishte Olsi, por unë”.

“Të gjithë presidentët janë heronj, duke nisur nga Demi që është kampion, e deri te i fundit. Heqin lekët e familjes. Kemi një premtim për ligjin për sportin. Qeveria mund ta miratojë dhe është gjë e mirë”.
“Partizani nuk do fitojë dot Kupë kaq lehtësisht. Sivjet ia kanë dhënë. Edhe vetë lojtarët habiten si e kanë marrë. Kanë pasur ekip shumë më të mirë vitet e tjera. Kuptohet unë marr informacione edhe nga brenda. Ata thoshin me njëri-tjetrin, si ka mundësi e morëm Kupën se ata”.

“Moxhi ka bërë historitë e veta, e kam thënë se nuk kanë nevojë, kanë Olsin. Bënë ekipin me Gegën dhe morën Kupën. Nuk u morën me të tjerët”.

“Partizani as për vend të katërt? Pyet Sul Starovën. Thashë që nuk ishin ne të fortë për titullin. Partizani bëri menaxhim, Gaz Demi ka qenë edhe më përpara aty. Sivjet nuk u morën me të tjerët. Bënë edhe një video, që Kukësi kishte futur këtë e atë. Partizani ka pasur menaxhim krejt tjetër. Gega bëri grupin, lojtarët i kishte aty. Starova kishte bërë punë, për ndërtim ekipi është ndër më të mirët. Unë e Demi nuk marrim vesh shumë nga futbolli, janë specialistët e drejtorët. Osli dhe Gega, u gjet formula e suksesit. Por as ne dhe as Skënderbeu nuk ishim lart. Partizani e mori me meritë. Kur garojnë tre ekipe është më e vështirë, të jemi realistë”.

Më tej ai shton: “Kemi pasur problemet tona. Në letër është Kukësi ekipi më i fortë, e thonë edhe vetë ata. Me rezultate janë ata. Jemi kundërshtarë, por presidentët të gjithë investojnë. Është mirë që e fitojnë titullin, ta gëzojnë”.

Në fund Gjici u shpreh se prova e vërtetë për Partizanin do të jetë në arenën ndërkombëtare. “Ajo që do shoh janë rezultatet në Champions. Do shoh sa ture do kalojnë. Uroj të kalojnë sa më shumë. Ajo është prova e vërtetë. Jashtë nuk jemi konkurrente, uroj që çdo ekip të kalojë sa më shumë ture. Përfaqësojnë jo vetëm qytetet, por edhe Shqipërinë”, ka përfunduar presidenti i Kukësit.

Nëse Partizani është në krye, Gjici mendon se për këtë ka menduar edhe vetë Kukësi. Gjithashtu një faktor që e ka ndihmuar ekipin kryeqytetas është fakti që Skënderbeu nuk është ai i viteve të shkuara. Sipas presidentit të verilindorëve, “demat” me ekipin që kanë as vendin e katërt nuk do e e zinin në kushte të tjera.

“Partizani e ka marrë kampionatin këtë vit se ne kemi pasur probleme. Faktori kryesor ka qenë fusha, por kemi pasur probleme edhe me stafin teknik, që nuk ka arritur ta menaxhojë dot grupin. Kemi dy ekipe, kemi lojtarë pa fund dhe me CV të mirë. Po të ishte dhe Korça si vitet e shkuara, jo e jo që nuk do dilte kampion.

Ia kemi bërë shumë të lehtë për të dalë kampion. Me atë ekip që ka, as në vendin e katërt nuk do ishte”, ka thënë Gjici në një intervistë për ABC News. Mes të tjerave ai ka zbuluar se punimet në stadium do të nisin javën e ardhshme, ndërkohë që nuk lë jashtë shënjestrës edhe mediat, që sipas tij akuzojnë kot për shkarkimet e trajnerëve.

Numri një i Kukësit nuk i kurseu thumbimet për presidentin e Skënderbeut, Ardian Takaj, një reagim ky që vjen pas humbjes së ekipit korçar ndaj Partizanit.

“Ne nuk kemi akoma një ekip kampion në Shqipëri për derisa nuk e lejon matematika. Është më mirë për të gjithë që kampionati të luftohet deri në javën e fundit. Është e vërtetë që ne bëmë një hap fals dhe mund të ishim shumë afër Partizanit. Në futboll nuk të ecin gjithmonë gjërat mbarë, por ne nuk dorëzohemi”.

DO E LINI KUKËSIN PËR BASHKINË ? –“Unë mund të rri pa politikë, por pa sport nuk mund të rri. Kam bërë një analizë dhe me veten dhe jam penduar që i kemi luajtur të gjitha ndeshjet jashtë, sidomos kur shikoj disa fusha që janë si ara. Kukësin nuk do ta lë, përveç stadiumin e ri do kemi dhe aeroport është diçka e ndërlidhur. Stadiumi mund të filloj punën. Të mos çuditeni sikur në të ardhmen në Kukës të luajë dhe kombëtarja”.

“Ekipi është i kompletuar duhet që trajneri e stafi i ri të japë mendimet e veta nëse do të jetë nevoja për ndërhyrje ne do t’ia plotësojmë. Kemi lojtarët, por kemi çaluar në aspektin e stafit. Unë ua kam plotësuar të gjithë kërkesat. Prandaj vendosa të ndërhyrja kaq shumë që t’i jepja trajnerit dy ekipe në dispozicion”.

ZGJEDHJA E GJOKËS – “Ma gjeni një trajner tjetër. Unë në atë kohë e shkarkova për shkak se më la një ndeshje të hidhur një të Champions-it, por gjithmonë e kam thënë që ka qenë një trajneri i ri. Nuk është normale që t’i vë kusht për titullin kampion me këtë diferencë pikësh. Derisa matematika na lejon do luftojmë”.

BASHKIA APO KAMPIONATI – “Dua t’i fitoj të dyja. Në gjithë këto vite që jam në sport dua të fitoj. Kupën pa diskutim që do e fitoj, unë nuk jam si Presidenti i Korçës që dorëzohet kollaj. Dikur ka qenë rivali më i fortë, tani është Partizani”.

RIVALËT – “Këtë sezon prisja që dhe Durrësi të ishte kandidat për titull, por futbolli ndonjëherë kështu të merr. Po të ishte dhe Skënderbeu i dikurshëm, kampionati do të ishte i fortë. Por na doli i dorëzuar në aspektin e konkurrimin në kampionat, dështoi në të pasurit vazhdimësi”.

STADIUMI – “Këtë sezon do e mbyllim në Elbasan, ndoshta edhe të gjithë sezonin tjetër derisa të mbarojë stadiumi i ri”.

“Klubi i Partizanit ka meritën e vetë. Por ata e kanë fituar kampionatin pasi ne nuk kemi qenë mirë, që do të thotë faktori fushë. Po të luanim në Kukës, të jeni të bindur që ne do të ishim kampion. Vitin e kaluar të gjithë flisnin për fushën e stadiumit tonë, por këtë sezon kemi luajtur në fusha shumë të këqija”.

Vetë klubi ka publikuar fotot nga ky takim dhe nuk kanë munguar as batutat. Sigurisht ka pasur edhe biseda serioze, pasi te Kukësi ende besojnë te titulli kampion. Një fitore do vinte në presion Partizanin dhe ngushtimi i diferencës me të kuqtë do rriste optimizmin dhe shpresat për të ngritur trofeun në fund të sezonit.

Kjo është ndeshja e parë që luhet në Laç këtë sezon. Verilindorët kanë fituar takimin e fazës së dytë në “Elbasan Arena”, ndërkohë që po në këtë stadium është mbyllur në barazim sfida e parë e sezonit. Takimi i fundit, i zhvilluar në Kamzë, përfundoi në barazim pa gola.

“Kandidatin për kryetar bashkie nuk ua solla unë, por e gjeta këtu dhe ja ku e keni (i drejtohet Gjicit). E gjetëm midis jush dhe e gjetëm kampion, ose pretendent për kampion, se këtë vit më duket se…. Po të paktën, po nuk fituat kampionatin, fitoni bashkinë. Pasi të fitoni bashkinë, e fitoni edhe kampionatin”, tha mes të tjerash kryeministri Rama. Kështu, Gjici kërkon që të jetë i pari i qytetit jo vetëm në futboll.

Çfarë ndodh me klubin, mbetet për t’u parë. Aktualisht administrator i Kukësit është vëllai i Gjicit dhe mund të vijohet kështu. Gjithsesi duhet parë se kush do të fitojë zgjedhjet në qershor. Pas tyre atëherë mund të qartësohet gjithçka.

“Natyrisht jam i zhgënjyer, pasi e kishim lojën në dorë. Gabim i rëndë i Cuculit, nuk e di a ishte penallti. Por ju e dini që Partizani penalltitë i ka qejf”, u shpreh Gjici në emisionin “Gol pas Goli” në Supersport.

“Titulli, një ëndërr? Matematika e lejon, kështu që ëndërr nuk ka. Do të luajmë deri në fund. Patjetër që diferenca është e madhe, por ka akoma pikë në lojë”, përfundoi kreu i klubit të Kukësit, që shpresonte shumë që klubi verilindor këtë vit të festonte sërish titullin kampion.

GJOKA – “Ernest Gjoka bëri mirë, fitoi titullin kampion, por në fund bëri si “puna e lopës”, pasi i ra me shkelm në momentin kur po hidhnim hapin e madh. Ishim pranë kalimit të një turi në Champions. Duhet ta bënte mirë punën për veten e vet, jo për mua. I thashë që të mos ia linte penalltinë Pejiçit, pasi portieri i Sherifit ishte kroat dhe e njihte Peron. Trajnerët nuk mendojnë shumë, janë ‘kokëvegjël’. Unë nuk i thashë që në vend të Pejiç duhet ta gjuante filani. Atë duhet ta vendoste vetë, në bazë të formës së lojtarëve.

Emini kishte shënuar dy gola, mund ta godiste ai. Mund ta humbiste edhe ai, por penallti kanë humbur Mesi me Ronaldon. Kukësi humbi 1.3 milionë euro nga ajo penallti. Gjoka nuk është trajner i keq, por më pas mori Vllazninë dhe Kamzën, duke i ulur një kategori më poshtë. Një trajner kampion shkon te 3-4 ekipet e para, nuk mund ta ulë vetën. Kjo ndodh për faktin që Gjoka nuk është trajner i madh, nuk e ‘bën vezën aq të madhe’.

DURO – “Klodian Duro fliste që na e dha ai Kupën e Shqipërisë. Kur mbylla marrëveshjen me të e urova, duke i thënë që ishalla merrte ndonjë ekip kampion që të konkurronte me ne. Askush nuk e mori, derisa shkoi te Kamza. Edhe pas 5 humbjeve radhazi vazhdonte të thoshte që ‘ishin një skuadër shumë e fortë’. Nuk krahasohet me Gjokën, pasi Gjoka u shpall kampion, edhe pse e bëri skuadra atë dhe jo ai skuadrën. Ai bëri shumë mirë në kampionat, por shumë keq në post-kampionat. Na mori në qafë me një detaj të vetëm.

CUNGU – “E patë çfarë na bëri trajneri i ‘famshëm’ në Kupë kundër Teutës? Po fitonim 2-0, hoqi Rrocën dhe e ktheu ekipin në mbrojtje. Do të kishim mbyllur gjithçka. Trajnerët këtu janë ‘bjeri t’i biem’, nuk i studiojnë kundërshtarët. Trajneri duhet të përgatitet shumë përpara se të shkojnë në dy orët e stërvitjes. Në Shqipëri nuk ka akademi trajnerësh dhe kemi vështirësi të shumta.

Përse nuk kemi trajner për kombëtaren dhe shkojmë lusim Panuçin, apo dikë tjetër? Sepse nuk ka trajnerë. Kemi vetëm Ilir Dajën dhe Shpëtim Duron, të tjerët kanë të njëjtën filozofi, janë akoma me ‘kohën e qepës’. Futbolli ka evoluar dhe nuk ka lidhje me atë që luhej përpara 20 viteve”.

TË HUAJT – “Nuk është se ata nuk dinë, por hasin probleme me mentalitetin shqiptar. Ose duhet t’i marrim për një afat të gjatë, por duhen pritur dy vite dhe më pas duhet pretenduar për titullin kampion. Në Shqipëri nuk të pret kush tre vite për të pretenduar. Futbolli ynë ndryshon nga ai austriak. Europa të sjell para, nëse nuk arrin aty, je i mbaruar. Sezonin e kaluar dolëm më mirë, pasi shitëm edhe Gurin. Në aspektin e futbollit kemi bërë mirë, në aspektin e trajnerit nuk kemi bërë mirë”.

Presidenti Safet Gjici është nga ata që kërkon gjithmonë më të mirët dhe për këtë i ka bërë një ofertë trajnerit Ilir Daja. Sipas asaj që është raportuar në emisionin “Sport Plus” në Klan Plus, tekniku kryeqytetas e ka refuzuar ofertën.

Aktualisht Daja drejton Flamurtarin, klub që nuk po kalon një moment të mirë në aspektin financiar, edhe pse kjo vjen për shkak të burokracive. Gjithsesi kjo pak rëndësi ka, realiteti është i tillë që lojtarët prej muajsh nuk paguhen.

Daja ka refuzuar të marrë përsipër një bast të madh me Kukësin, që kërkon titullin kampion. Nëse pranonte, sfida e parë e tij ishte e programuar kundër Partizanit, që është një finale në luftën për titull. Ai e ka parë të arsyeshme të qëndrojë ën Vlorë dhe të mbyllë sezonin, ndërsa në verë pritet të ndryshojë skuadër.

“Trajnerin e heq kur dua unë. Unë trajnerin e heq kur nuk ka rezultate dhe e heq vetë. Madje kur të thoni ju që e shkarkoj trajnerin, unë do e mbaj dhe dy vite të tjera”, na thoshte Gjici në konferencën e organizuar pas disfatës me Teutën. Tashmë ka ardhur zyrtarizmi i largimit të Cungut dhe si zakonisht tifozët në rrjetet sociale komentojnë pa drojë.

Lexon gjëra nga më të çuditshme, flitet për politikë, tolerime, prapaskena nga më të ndryshmet. Gjithsesi nuk do të thotë se ato që ata shkruajnë janë të vërteta. Nëse shikon në faqen zyrtare të Kukësit, ka zëra pro dhe kundër largimit të Cungut. Gjithsecili ka të drejtë të gjykojë e mendoja ashtu si dëshiron. Më poshtë ju sjellim reagimet e para të bëra nga tifozët.

SHKARKIMI – “Të them të drejtën, edhe e prisja, edhe nuk e prisja. Kjo situatë ishte krijuar edhe thuajse tri javë më parë, kur ndërhyrja e presidentit Gjici bëri që të vazhdoja të drejtoja Kukësin. Dje në mbrëmje m’u komunikua dhe sot në mëngjes shkova në zyrë dhe u takova me presidentin, duke i dhënë dorën njëri-tjetrit. Kam bërë maksimumin tim. Largohem me kokën lart, me një skuadër që është ende në garë për titullin, që lufton për të fituar trofeun e Kupës së Shqipërisë”.

“Rikthimi i mundshëm? Jo, tri herë janë shumë. Mjaftueshëm janë dy herë. Kukësit i uroj të gjitha të mirat e kësaj bote, por nuk do të kthehesha më. Si u ndatë me presidentin? Në mënyrë shoqërore dhe të ngrohtë. Nuk kam asgjë ndaj presidentit dhe ai e di. Siç edhe ai nuk ka asgjë kundrejt meje. E ardhmja? Do të jem tifoz i Kukësit. Dua të pushoj deri në verë, më pas do të shoh se çfarë mundësish do të më ofrohen”.

LOJTARËT – “Patët futbollistë kundër? Nuk besoj, por edhe nëse dikush e ka bërë, mjerë ai. Sepse, grupin e kisha nën kontroll dhe të gjithë ishim për një objektiv. Pakënaqësi të vogla ka, sigurisht, për ata që nuk luajnë. Por, do të ishte e çuditshme po të mos kishte, realisht”.

MERKATO – “Kam folur me drejtuesit dhe sipas nevojave kemi bërë edhe ndërhyrjet e duhura. Si mund të them që Rroca apo Shkurtaj janë dy afrime që nuk doja? Çdo trajner do t’i kishte dashur në ekipin e tij. Edhe Valdet Rama, që ka qenë dikur pjesë e kombëtares, gjithashtu një lojtar që bën diferencën”.

ÇFARË NUK SHKOI – “Nëse ndryshon 2/3 e një skuadre, sigurisht që duhet koha e përshtatshme. Është si një organ i ri në trupin e njeriut. Nuk mund të përshtatet menjëherë. Kishte djem të rinj, pa përvojë për të luftuar për titullin apo për të duruar presionin e ndjekësit. Besoj se bazat u hodhën, thjesht duhet pak kohë. Megjithatë, unë i uroj Kukësit që të luftojë deri në fund për titullin dhe jam i bindur se do ta bëjë. Në të njëjtën kohë, besoj se do të fitojë edhe Kupën e Shqipërisë. Kontigjentin e futbollistëve e ka dhe me disa rikthime pas dëmtimeve do të jenë edhe më të fortë”.

“Besoj se një pengesë e madhe që ka ndikuar ishte fakti që nuk kemi luajtur në stadiumin tonë, që do të ishte arma më shumë, ose futbollisti i 12-të. Shumë skuadra kanë fituar ndeshje që edhe nuk meritonin thjesht prej publikut dhe shtyrjes apo përkrahjes që i ka dhënë. Të luftosh për titull pa stadiumin tënd është tepër e vështirë”.

EPËRSIA E PARTIZANIT – “Strategjia e zgjedhur, ndoshta. Ata nuk ndryshuan aspak grupin. Ndërhynë me pikatore, duke marrë futbollistë funksionalë dhe duke plotësuar grupin. Pastaj, fakti që patën ecuri pozitive dhe vazhdimësi, duke marrë kreun, i dha më shumë bindje. Ndryshe është të jesh i pari, ndryshe të ndjekësh. Por, në një moment, u afruam me 3 pikë dhe aty ndoshta gabuam, duke ngadalësuar më pas hapin”.

TRAJNERËT KOKA TURKU – “Jo vetëm në Shqipëri, kudo në botë ndodh kjo. Është profesioni ynë. Ja shihni Liverpulin. Jurgen Klop ka disa vite aty dhe çdo seksion merkatoje investohen shuma të mëdha parash, por sërish nuk ka asgjë të sigurt edhe këtë vit për të fituar titullin, sepse Siti e ka marrë veten. Duhet kohë, projektim dhe sidomos durim. Ekipet e mëdha ndërtohen kështu, sidomos pasi fitohet edhe eksperienca e futbollistëve”.

Krahas çështjes së bojkotit të arbitrave, numri një i klubit verilindor propozoi dhe një ndryshim në ligjin për sportin duke parë gjendjen e rënduar të bilanceve të klubeve shqiptare.

BOJKOTI – “Nuk është normale pezullimi i ndeshjes, por pas ngjarjes që ndodhi në Kamzë, duhet një mbledhje e të gjithë aktorëve, për të bërë diçka, pasi nuk mund të vazhdohet kështu.”

POLICIA – “Kompanive të sigurimit nuk ua lejon ligji të përdorin të njëjtin autoritet e policisë së shtetit. Pra ose duhet që të bëhet ligji për t’u dhënë policive private për të vepruar njësoj si policia e shtetit, ose përndryshe të rikthehet policia”.

LIGJI – “Policia dhe ligji duhet të veprojë fort për të ndëshkuar fort tifozët problematikë që shkaktojnë probleme të mëdha të klubeve. Ligji duhet të jetë i njëjtë për të gjithë, qoftë për tifozin e thjesht e deri te presidenti i klubit”.

LEHTËSIRA FISKALE  – “Duhet një ligj i ri për sportin. Klubet shqiptare në përgjithësi janë me humbje. S’kemi asnjë lehtësi fiskale. Duhet diçka që realisht të ndihmon klubet. Një lehtësi tatimore a diçka e tillë”.

TITULLI – “Jemi 6 pikë larg Partizanit, ndërsa në Korçë do të shkojmë për marrë një rezultat të pozitiv”.

STADIUMI I RI – “Dua të falënderoj qeverinë dhe federatën për fondet për stadiumin e ri. Të gjithë përfshi kryetarin e bashkisë duhet të kuptojnë se stadiumi nuk bëhet për mua personalisht dhe as për atë. Ai zotëria duhet të kuptoj se fundja e fundit ai stadium Kukësit po i vjen për shkak të ecurisë që ka bërë në vitet fundit falë shpenzimeve tona pa pasur mbështetjen e bashkisë në asnjë moment”.

Ai nuk është lëkundur kurrë për të shkarkuar trajnerin Cungu, ndërsa komenton dhe zërat që e lidhin me një kandidim të tij për Bashkinë e Kukësit. Gjici shfaqet kategorik dhe mohon lidhjen midis futbollit dhe politikës, sulmon përsëri mediat sportive, zbulon lajmin e largimit të përgatitësit fizik, Daniele Nervit dhe e mbyll me largimin e Shafik nga ekipi në merkaton e janarit.

PRESIONI – “Ne nuk vuajmë fare për presion, sepse e kemi kaluar kohën e presionit kur fituam titullin. Një pjesë e lojtarëve kanë 6 vite te Kukësi dhe po ti pyesësh ata nuk kanë asnjë presion. Të gjitha kushtet ua kemi plotësuar. Tani është problemi i stafit teknik, kur ka shumë lojtarë. Ekuilibri mund të prishet nga ardhja e disa lojtarëve në merkaton e janarit, por kjo është në funksion të rregullimit për më mirë. Tani është detyra e trajnerit dhe stafit teknik për t’i mirë menaxhuar këto forca të mira që kanë ardhur në ekip dhe t’iu marrë 100%. Loja ka ardhur në rritje, si me Tiranën dhe me Teutën, por unë pres akoma më shumë, padiskutim. Kjo nuk do të thotë që ka presion, apo jemi në presion. Jemi 3 ekipe që luftojmë për titullin kampion. Dëgjoj me vëmendje që Teuta thotë që është për Europë. Në fakt nuk janë për Europë, por duan titullin kampion. Ata nëndetëset e vjetra vazhdojnë punën e vet, por dhe ne vazhdojmë punën tonë. Partizani merret vetëm me Kukësin, por është dhe Teuta për titull. Kjo është një gjë e mirë dhe është një konkurrencë e fortë. Ekipet e tjera po ofrohen, por ka akoma ndeshje për t’u zhvilluar. Ne do shohim ndeshjet tona dhe nuk na interesojnë rivalët. Ne do të presim, rivalët tanë do të gabojnë, ne do të fitojmë, kampionati kështu është dhe do e shohim në fund se kush do të triumfojë. E rëndësishme është që janë tre ekipe që luftojnë për vendin e parë.”

BASHKIA – “Se të tjerët aludojnë se Gjici dëshiron të marrë titullin se s’bën, sepse do të fitojë Bashkinë. Dëgjova disa media, disa mediokër, po çfarë lidhje ka futbolli me Bashkinë? Fare. Po të ishte kështu që me futbollin fitohen të gjitha Bashkitë, ne do e kishim bërë nga një ekip futbolli, çdokush nga ne, dhe i kishim marrë të gjitha Bashkitë me ekipe futbolli. Futbolli është për gjë tjetër, për të kënaqur njerëzit, tifozët dhe objektivat që ka klubi. Kjo është një ndërmarrje tjetër dhe nuk ka lidhje fare.”

TRAJNERI – “Cungu do ketë vështirësitë e veta dhe ka patur vështirësitë e veta, derisa ta gjejë formacioni e duhur. Unë kam besim te trajneri, por futbolli nuk është matematikë. Nëse i ecën do të vazhdojë përsëri, por kur një trajner nuk ka rezultate nuk ka nevojë ta heq unë. Ai e sheh vetë se nuk po funksionon, por besimi është i palëkundur ndaj trajnerit dhe kam besim dhe te lojtarët. Janë të njohur, me eksperiencë, por duhet të punojmë dhe të krijojmë një klimë të qetë.”

MEDIAT – “Ju duhet të kuptoni një gjë: asnjë media nuk ia arrin kurrë qëllimit të më përçajë me ekipin, pasi unë jam korrekt në shumë aspekte. Trajnerin e heq kur dua unë. Unë trajnerin e heq kur nuk ka rezultate dhe e heq vetë. Madje kur të thoni ju që e shkarkoj trajnerin, unë do e mbaj dhe dy vite të tjera.”

LARGIMI – “Po ju jap një lajm që nuk e keni thënë. Përgatitësi fizik është larguar dhe ju nuk e keni thënë. Ai ishte problemi i ekipit? Po, ai ishte problemi”, tha me ironi presidenti i verilindorëve.

TITULLI – “Të gjitha shanset janë që të fitojmë titullin kampion, por besoj se lufta është e vështirë. Një faktor që na ndikon negativisht është zhvillimi i ndeshjeve jashtë, prandaj kemi bërë sforco të përforcojmë ekipin me lojtarë cilësorë. Po t’i kishim zhvilluar ndeshjet brenda do të ishim ne në vend të parë me më shumë pikë se Partizani.”

PARIMI – “Unë nuk kam luajtur ndonjëherë futboll profesionist si Takaj, por kam luajtur në ligën amatore. Prandaj ai ka patur më shumë qetësi se unë, sepse ka luajtur futboll vetë. Unë kam një parim: trajnerin e heq kur dua unë dhe jo kur thonë të tjerët. Askush nuk vendos te unë përveç rezultateve. Iku dhe Murinjo prej rezultateve. Ka patur raste kur trajnerët më kanë kërkuar dorëheqjen dhe i kam mbajtur, sepse kam parë që nuk ka qenë i gjithë faji i trajnerit. Kanë përgjegjësi dhe lojtarët, por nuk mund t’i heqim dhe barra i bie trajnerit.”

LARGIMI I SHAFIK – “Është e vërtetë që Shafik ishte një lojtar dhe mesfushor shumë i mirë. Ishte lojtar teknik, por nuk e përballonte fizikisht kampionatin shqiptar. Ai pati problemet e veta, mjekët thanë që ka probleme rrëzash dhe rrezikon operacionin.”

Akuzat se ai dhe klubi i tij kapin arbitrat e ndeshjeve e ka mërzitur dhe Gjici kërkon më shumë profesionalizëm dhe më pak tifozllëk në deklaratat publike të specialistëve të futbollit, ndërsa e mbyll me një thumbim dhe batutë kundrejt Sulejman Starovës.

“Mediat po na sulmojnë. E kam me RTSH, dalin specialistë dhe analistë që në mënyrë të paturpshme sulmojnë Kukësin me deklarata të turpshme, si ndodhi këtë fundjavë, me dikë që tha ‘Kukësi ka kapur arbitrat’. Shoh lajme sikur Kukësi ka larguar 3 trajnerë në një kohë të shkurtër (Cungu, Milinkoviç dhe Pakult), por nuk është e vërtetë dhe ky është një sulm tendencioz.  Është skandaloze që RTSH, që paguhet nga taksat e shqiptarëve, të sillet në mënyrë të tillë, duke sulmuar Kukësin dhe duke u kthyer në televizion në shërbim të një klubi. Çdo analist ka qëndrimet e veta, por në televizion duhet me shume kujdes, asnjanësi. Starova nis e këndon Çelentanon në televizion, ç’të themi më“, përfundon kreu i klubit verilindor.

DYSHIME MBI POZITAT E TRAJNERIT ? –  “Absolutisht jo, unë i marr vendimet pa ndikimin e askujt dhe nuk pushohet trajneri nga mediat”.

“Kam biseduar sot me trajnerin dhe lojtarët, sepse edhe ata kanë përgjegjësi. Duhet qetësi e madhe për ndeshjet e ardhshme. Kamza nuk duhet nënvlerësuar, edhe pse e fundit”.

“I kam kërkuar Cungut të jetojë në Tiranë, nuk është normale ta bëjë vajtje-ardhje për në Shkodër. Ka pasur jo pak probleme, që do t’i zgjidhim. Skuadra është cilësore, blerjet janë të shkëlqyera. Në Durrës më zhgënjeu mbrojtja, e papranueshme që humbëm ashtu, me 2 gola ne 3 minuta.

PRESIONI PO NDIKON TE SKUADRA ? – “As që bëhet fjalë, skuadra ka eksperiencë, disa lojtarë janë kampionë. Duhet kohë, për të gjetur ekuilibrat e reja. Jemi 3 ekipe për titull, edhe Teuta, pavarësisht se sillet si nëndetëse dhe Partizani merret vetëm me ne”.

MARRËVESHJA ME LOJTARËT – “Sot kemi bërë marrëveshje me lojtarët, duam 4 fitore rresht. Nuk kam vendosur gjoba, do të ketë premio nëse arrijmë objektivin në ndeshet e radhës”.

MBËSHTETJA PËR CUNGUN  – “Do ketë kohën e duhur, ka pasur shumë ndryshime, por rezultatet e largojnë, nëse nuk do kemi, nuk ka nevojë ta heq unë. Unë kam besim të plotë te trajneri dhe te lojtarët, që janë shumë cilësorë”.

MERKATO E JANARIT –  “Gjithçka është bërë në koordinim me trajnerin, ai nuk është ankuar, thjesht ka thënë diçka që dihet, shumë afrime duan kohë” .

Shkurtaj dhe Rexhinaldo në formacion ? – “Unë do luaja me 4-4-2, me dy sulmues, por për gjithçka vendos trajneri. Ne na ka prishur shumë punë Musolli, dëmtimi i tij. Kur të kthehet ai, skuadra do gjejë ekuilibrat e duhur taktike”.

“Për mendimin Gjici gabon nëse shkarkon tani Cungun. Kukësi ka disa problematika këtë sezon. Luan në fushë asnjanëse, kanë pasur dëmtime, ndërsa në merkaton e verës sollën lojtarë me shumicë”.

“Nëse largohet Cungu atëherë do të thotë të dorëzohesh për titull. Ai është një djalë punëtor që po bën mirë. Te Kukësi kanë gabuar të gjithë jo vetëm ai. Ka pasur gabime në blerje dhe shumë gjëra të tjera”, përfundoi Starova.

Në lidhje me humbjen e Kukësit dhe zërat për të ardhmen e trajnerit Armando Cungu, vetë presidenti Gjici ka sqaruar gjithçka: “Ishte një hap shumë fals me Tiranën,  nuk e besonim kurrë që do humbnim. Njerëzit dhe gabojnë, edhe trajneri, por me një të gabuar nuk mund të themi se trajneri nuk e ka besimin tim. Të gjithë gojët e liga që thonë e hoqi sot, e hoqi nesër, e kanë shumë gabim”. 

Edhe pse vetëbeson Cungun, Gjici ka edhe një kërkesë: “Pres që trajneri të rri më afër ekipit dhe mos të shkojë çdo ditë në Shkodër. Mos të lëvizë çdo ditë vajtje-ardhje, por të qëndrojë këtu në Tiranë. T’i përkushtohet ekipit,  se është një ngarkesë e madhe të shkosh çdo ditë në Shkodër”. 

Kukësi nuk luan në shtëpi dhe në intervistën e dhënë për “Report TV” Gjici thekson se nëse do i zhvillonin takimet në “Zeqir Yneri” do të ishin shkëputur ndjeshëm nga Partizani. “Po të kishim luajtur në Kukës,  të jeni të bindur se sot do ishim +10 pikë më shumë se Partizani”, shtoi numri një i klubit verilindor.

Sa i takon punimeve në stadiumin e ri, Gjici deklaron: “Besoj se në 15-20 shkurt do të fillojë prishja e godinës së vjetër dhe më pas do nisë me shpejtësi ndërtimi i stadiumit të ri. Do jetë më të gjithë standardet europiane”. 

Në fund presidenti i Kukësit komentoi edhe zgjedhjen e kreut të FSHF-së, Armand Duka, në Komitetin Ekzekutiv të UEFA-s: “Gjithë shqiptarët dhe gjithë Shqipëria duhet të gëzohet pasi për herë të parë një person nga vendi ynë bëhet pjesë e qeverisë së futbollit Europian. Nga kjo Shqipëria do të përfitojë shumë”.

“Është rasti më i përfolur, unë them që është faull. Është lojë e rrezikshme. Këtu thuhet, ‘anulohet ky lloj goli’. Ka edhe lloj lloj paralelizmi me golin e Ronaldos, që s’ka lidhje. Nëse hynte me kokë, nuk ka faull. Nuk ka kontakt. Nëse ishte më larg ishte gol. Nuk është me qëllim. Quhet lojë e rrezikshme, edhe pse nuk ka kontakt. Është faull. Nuk luhet në zonën e kokës me këmbë. Nëse ngre takën te fytyra, është faull. Rastin ua kam nisur edhe dy vëzhguesve të huaj dhe më thanë edhe ata që kemi të bëjmë me lojë të rrezikshme”, u shpreh Jemini.

Një ndërhyrje për rastin në fjalë e bëri edhe presidenti Gjici: “A ka nen të rregullores që nuk anulohet goli i bukur? Pse ulet lojtari i Kukësit kur nuk ka probleme. Është lojë e rrezikshme. Jepni mendimin sipas rregullores”.

“Bashkimi i presidentëve është çështje shqiptarësh, pasi nuk bëhen bashkë shqiptarët. Ata që investojnë duhen falënderuar. Nuk po gjejmë gjuhën e përbashkët, është bërë liga dhe nuk e di çfarë do sjellë. Shpresojmë që diçka t’u kthehet klubeve pas. Vjen një ditë që thua mjaft. Asnjë klub nuk është kthyer në biznes, veç Skënderbeut që shkoi në grupe. Tani shumë ekipe kanë probleme financiare. Është e vështirë të mbijetosh”.

“Pse nuk e lë? Shumë presidentë e kanë lënë. Xhani ka shpenzuar shumë. Në futboll po t’u fut në gjak, është problem. Unë jam i zonës dhe më lidh diçka. Jam edhe tifoz futboll. Thua dua e lë dhe e mban. Kështu ndodh gjithmonë dhe mbetemi në këtë”.

“Jemini i kushton rëndësi lukut, ia ka kaluar Redit. Tani Redi ka kaluar i treti”, thotë Gjici më tej me shaka. “Jemini ka qenë pranë nesh, por më shumë pranë Partizanit”, shtoi presidenti i Kukësit.

“Stadiumi? Nuk ka lidhje hatri, është bërë stadiumi në Shkodër e Elbasan. Kukësi ishte pa shtëpi, nuk plotësonte kriteret të luante në Europë. Qeveria dhe Federata kanë miratuar fondet, do bëjmë stadiumin. Për atë që kemi dhënë në këto 7 vite, e meritojmë. Na duhet infrastrukturë, për të luajtur ne Elbasan paguhen 3 milionë lekë. Në Shkodër bën më shumë. Nga fundi i muajit nisin punimet. Për 7-8 muaj besojmë të mbyllet stadiumi”.

“Presidenti i Teutës ka mendimin e vet. Ne kemi qenë çdo vit para tyre. Kur ne kalonim 3-4 ture, ekipet e tjera nuk e dinin, pastaj Skënderbeu shkoi në grupe. Presidenti i Teutës është shumë simpatik, është kënaqësi të pish një gotë verë me të. Kukësi del kampion me presidentin, por unë nuk luaj futboll”.

“Merkato? Kemi qenë aktiv, por ajo që flet është fusha. Pres shumë nga Shkurtaj e Rroca. Edhe Valdet Rama është i njohur dhe emër i madh. Do shohim çfarë do japin në fushë, Duan kohën e vet të gjithë, të lidhen dhe të ambientohen me njëri-tjetrin. Duam titullin”.

“Mos e ngatërro Ramën me Moxhin, nuk kanë lidhje. S’ka lidhje me atë të Juventusit. Me Takajn ka qenë konkurrencë e fortë, por e fortë është edhe me Partizanin e Teutë. A ka batutë më të bukur se ajo e Hasanbelliut. Ky Moxhi i Partizanit është gërshetuar pak me këtë traditën shqiptar. Jemi konkurrues, në fund shikohet. Të dy janë të fortë, Takaj është disi i maskuar. Edhe Olsi është i mirë”.

“Incidentet në Fushë-Krujë? Realisht nuk është fushë për të luajtur, nuk ka siguri. Nëse ka pasur dhunë, nuk do e fusja ekipin. Nëse ka pasur presion, duhet parë. Policia duhet të hetojë. Vangjeli nuk pashë të kishte ndonjë dëm”.

“Presim që firma zbatuese të ecë shpejt me punimet. Besoj që do të kemi një stadium modern të standardeve ndërkombëtare që dhe ndeshjet e Europës t’i zhvillojmë në Kukës. Projekt i parë shkonte te 12 milionë euro, ndërsa tani kosto totale shkon diku te 6 milionë euro me gjithë tvsh, parashikohet që stadiumi të ketë një kapacitet prej 6000 vendesh”.

“Ka pasur disa pengesa nga pjesa e bashkisë për disa procedura që s’kishin lidhje me investimin pasi investimi kryhet nga qeveria. Pasi kishin dalë fondet nga FSHF-ja dhe shteti mora vesh që bashkia thoshte se stadiumi ishte i tyri, dhe se ata kishin të drejtë ta shisnin, pra gjëra që nuk kanë lidhje me ligjin shqiptar. Besoj se stadiumi do mbyllet për pesë ose gjashtë muaj. Ndoshta ndeshjet e Europës nuk do t’i luajmë dot në Kukës, por të paktën stadiumi do të jetë funksional për fillimin e sezonit tjetër”, tha Gjici.

Sulmuesi është paraqitur në zyrën e presidentit dhe Gjici ka vendosur ta falë. Gjithsesi nuk ka më falje. “Rexhinaldo më erdhi së bashku me familjen dhe realisht më vendosi në pozitë. Vendosa ta fal për këtë herë edhe sepse më erdhi së bashku me familjen”, ka treguar Gjici për A2 CNN.

“Pas bisedës, që zgjati mbi 1 një orë, i komunikova se sjellje të tilla nuk do të tolerohen më. I kërkova edhe familjes ta ndihmojë në këtë pjesë, ndërsa Rexhinaldo më premtoi se nuk do të përsëriten këto situata”, përfundon presidenti i Kukësit.

Rexhinaldo në Superiore për herë të parë ju bashkua Luftëtarit, ekip me të cilin arriti të shënonte tetë gola. Më pas kaloi te Laçi. Me kurbinasit spikati edhe më shumë, duke arritur ta dërgonte topin në rrjetë 18 herë në kampionat.

Kjo bindi Kukësin t’i besonte majën e sulmit. Vetëm shtatë gola të realizuar, tre prej tyre ndaj Tiranës. Në kampin verilindor nuk ishin fort të kënaqur prej tij, ndërkohë që në dhjetor blenë Vasil Shkurtajn. Rexhinaldo nuk e priti mirë diçka të tillë dhe u kthye në një çështje në klubin e tij. Gjithsesi për momentin tashmë ka sërish paqe dhe shpresohet që sulmuesi të qetësohet dhe të japë kontributin e tij në arritjen e objektivave të Kukësit.

“Titulli i takon Kukësit, se kemi investuar më shumë? Ia jap me gjithë qejf trofeun e merkatos. Titullin e jep fusha. Investimet të shpërblejnë, por futbolli jonë nuk po lulëzon. Fitorja vjen në aspektin sportiv. Nuk kemi luksin të bëjmë shpenzime të tepruara. Gjithçka do e tregojë fusha. Ai e ka natyrë e tij. Duhet falënderuar që investon. Ata që investojnë janë për t’u përgëzuar, sakrifikojnë për t’i dhënë dëfrim kësaj shoqërie. Karakteri i tij është i veçantë në disa drejtime. Nuk më intereson kjo pjesë. Është si puna e boksierit, që ndeshja bëhet me 15 raunde. Do e shohim deri në fund të kampionatit”.

“Rexhinaldo? Nuk ka pasur asnjë bisedim. Nëse do kishim qenë të interesuar, do të kishim kontaktuar. Normalisht ai është një lojtar i mirë”, deklaroi Rama gjatë emisionit Rubrika Sportive në RTSH Sport.

Të tre drejtuesit kanë shprehur para mikrofonit të “Ora Neës”, disa nga kërkesat dhe pakënaqësitë e tyre në lidhje me këtë zhvillim madhor të futbollit shqiptar.

Safet Gjici:Liga duhet të kërkoj sponsorë të fuqishëm, sidomos kryetari i Shoqatës dhe të gjithë klubet që janë pjesëtar të ligës. Kryetari i Ligës duhet të jap rezultate çdo 6 muaj, duhet të raportoj para presidentëve se çfarë kemi bërë. Duke pasur të ardhura më të larta klubet shqiptare, natyrisht do të ketë produkt akoma më të fortë sepse do ketë blerje më cilësore, lojtarë më të mirë. Do të bëhet loja më e fortë, më e bukura. E duke ndodhur kjo do na vijnë tifozët. E duke ardhur tifozët do të rriten edhe të ardhurat e klubit. Pra janë të lidhura zinxhir. Unë nuk e kam parë në fakt kontratën që e drejta televizive është shitur për 4 vite, por nëse Kryetari i Ligës  do të ketë sponsor më të fuqishëm se kjo që është shitur padiskutim që nuk do të jetë pjesë e diskutimit të Ligës, pasi prandaj është krijuar. Por duhet të shikojnë se nëse ka sponsor më të fuqishëm ky që na ka blerë të drejtën televizive për 4 vjet, e nëse do të ketë patjetër që do të shikohen me sy tjetër, pasi të ardhurat e klubit kryesisht janë nga të ardhurat televizive. Liga duhet ta kontrollojë edhe pse prapë e ka në mbikëqyrje Federata. Koordinimi mes Federatës dhe Ligës besoj se do të jetë bashkëpunues që të kemi sa më pak gabime të arbitrave në fushë.

Sinan Idrizi: Si iniciativë e kam përkrahur dhe e përkrah deri në fund. Pra na duhet një Ligë Profesioniste për njerëz profesionist. Kjo është ana teorike e çështjes. Ana praktike është se cilët janë ata që do e krijojnë Ligën Profesioniste. Pra nëse do të bëjmë skanerin e aktorëve që duan të krijojnë Ligën Profesioniste, do të shikojmë një tablo që nuk ka lidhje në terminologjinë, Ligë Profesioniste. Pse? Poseduesit e aseteve dhe aksioneve kryesore të kësaj, të ashtuquajtur Ligë Profesioniste duhet të jenë ente publike shqiptare. Pra e përsëris për Bashkitë që menaxhojnë dhe janë aksionere kryesore të të gjitha këtyre shoqërive që ne sot menaxhojnë. Pra flas në rastin konkret Flamurtarin. Nëse unë do të vij dhe do të marr përsipër që të jem pjesë e Ligës Profesioniste, unë jam askushi. Jam vetëm një firmëtar i radhës. 100% aksioner i SHA-së është Këshilli Bashkiak i Vlorës. Po kështu, përjashto Partizanin janë të gjitha ekipet shqiptare. Nëse ne nuk zgjidhin përfundimisht në mënyrë të qartë ose kapitalizëm ose bolshevizëm, Liga Profesioniste për mua është ajo dilema e madhe mes një virusi dhe një bakteri. Pra nuk ka të ardhme në syrin tim. Pra ky muhabet nuk fillon nga A-ja. A-ja është që sporti shqiptar duhet t’i kthehet kapitalizmit. Nuk duhet të ngelet peng i aseteve publike. Domethënë klubet shqiptare janë të gjitha me minus dhe vazhdojnë të mbeten në këmbë. Dmth me ligj ne duhet të kishim falimentuar të gjithë, duhet të kishim shfaqur falimentimin. Janë të gjitha hipokrizi. Klubet shqiptare janë qesharake, ose më mirë jemi qesharak.

Arbi Laçi: Emri duhet shitur më mirë. Emri duhet mbrojtur. Emri duhet kuruar në të gjitha pikat më të rëndësishme të tij. Dhe në këtë linjë logjike duhet në mënyrë absolute që ajo pjesa organizative të ndihmojë futbollin në mënyrë që të jetë më i shitshëm, të jetë më produktiv për thithjen e të ardhurave dhe më pas, jo vetëm që duhen marrë por edhe duhen rishpërndarë më mirë. Kam kërkuar gjithmonë të na vihet në dispozicion kontrata katërvjeçare për të drejtën televizive. Ende nuk e kemi marrë. Unë vijoj ta kërkoj për ta konsultuar dhe për ta parë sepse ajo kontratë duhet ribërë në momentin që Liga do të marrë jetë sepse Liga do të vendosi vetë për sa i përket burimit të të ardhurave, menaxhimit të shitjeve të të drejtës televizive etj. Kështu që Liga domosdoshmërisht duhet të jetë kompetente për të vendosur kontratën që normalisht duhet rishikuar.

“Në stol ulem vetëm në shtëpi”, shkruante Rexhinaldo. Një paralajmërim se do të kërkojë të jetë zgjedhja e parë. Sigurisht do të vendosë trajneri Armando Cungu, sikurse edhe është shprehur presidenti Safet Gjici i ftuar në emisionin “Pressing”, që drejtohet nga Gerti Çarçani dhe transmetohet në ABC News.

Numri një i verilindorëve është i qartë për sulmuesi dhe stafin. Nuk ka asnjë justifikim për titullin kampion, ashtu sikurse edhe për Rexhinaldon nuk do të ketë më asnjë tolerim. Madje Gjici tregon se masat kanë nisur të merren që tani.

“Ai është sulmuesi i mirë i kampionatit, ka bërë mirë deri diku. E prisja të bënte edhe më mirë te Kukësi, por aq sa ka bërë ka bërë. Nuk mund të rrimë dot me një sulmues. Një ekip që do të dalë kampion, patjetër që i duhen dy sulmues. Kampionati është i gjatë dhe nuk mund të rrish me një sulmues e të presësh se kur do të bëjë ndonjë gol Rexhinaldo. Ai ka një problem, sa shoh. Një lojtar profesionist duhet ta shohë qetësisht konkurrencën. Një profesionist që nuk e pret qetësisht konkurrencën, do të thotë që ka probleme. Megjithatë them se ata të dy do gërshetohen të dy bashkë. Varet se si trajneri do e bëjë skemën e lojës”.

“Rexhinaldo është sulmues që edhe luan mirë aty ku luan, por edhe kthehet shumë mbrapa. Nuk e di si do luajë trajneri, ai e ka në dorë. E rëndësishme është që këta lojtarët janë kërkuar nga trajneri. Kemi pasur ankesa dhe në fakt me një sulmues nuk dilet kampion, edhe pse profesori ka bërë skema që të ndihmojnë edhe krahët. Por me një sulmues pykë, ne kemi menduar që Shkurtaj e bën mirë atë punë. Kukësi ka pasur gjithmonë një lojtar përpara si Shkurtaj, që na ka dhënë garanci”.

“Rexhinaldo do ulet në pankinë? Nuk e thashë këtë, atë e di vetëm trajneri. Nëse luhet me dy sulmues, nuk ka pse ulet në stol. Ndaj janë në fazë, të provojnë. Nuk dua të rri atje në tribunë dhe të pres kur po vjen goli. Për hir të vërtetës kemi shënuar pak, kjo ka të bëjë edhe për faktin se ka sulmues të dobët në kampionatin tonë. Ne kemi prodhuar lojë, por nuk kemi shënuar. Me Partizanin në Elbasan kishin 6-7 raste dhe nuk shënuam. Edhe kjo ndikon. Nëse prodhon lojë dhe nuk ke sulmues të bëjë golin, normal do vuash”.

“Rexhinaldo jo i qetë, i druheni ndonjë kontradikte? Nuk i frikësohem. Rexhinaldo e ka kuptuar mirë se ka rregullore klubi, ka disiplinë dhe nuk tolerohet më. Nëse është toleruar deri tani, nuk do të ndodhë më. Ka kontratë dhe do e zbatojë kontratën. Nuk do ta tolerojmë. Që tani ka nisur mostoleranca. Nëse Rexhinaldo ka frikë nga konkurrenca, atëherë nuk është profesionist. Pra ai duhet t’i bindet urdhrave të trajnerit, rregullores së klubit. Është nën kontratë dhe do e zbatojë deri kur t’i përfundojë. Nuk ka arsye pse Rexhinaldo, që ende pa parë skemat, të mërzitet”.

“I kam thënë Cungut, po të isha unë do të luaja me dy sulmues. Problemi është se nuk vendos unë, por trajneri. I kam than t’i shohë në miqësore në Turqi. Ai vendos se cila është skema më funksionale. Nuk mund të them, se për shkak se Rexhinaldo do vendosë kushte që o do luaj unë, o plasa, do luhet me dy sulmues. I kam thënë Rexhinaldos, do marr katër sulmues. Nëse do paraqitesh mirë, do luash. Trajneri e shikon, nëse luan me një sulmues gjithmonë. Edhe Rroca. E kemi marrë për lojtar të mirë, por nëse nuk paraqitet mirë, atëherë do luajë tjetri. Po të marrim 22 lojtarë të të njëjtit nivel, çfarë do ndodhë?! Po rrinë rezerva lojtarë të Barcelonës, lojtarë të ekipeve të mëdha dhe nuk rrika Rexhinaldo”.

“Rroca nuk luan në vendin e Shkodrës, luan më para. Shkodra ishte mesfushor qendre. Ai nuk ishte në planet tona, kështu biseduam dhe e falënderojmë për kontributin. Rroca e bën edhe mesfushorin e qendrës, por edhe përpara. Gjithmonë varet nga skema e trajnerit. Na kërkuan këto lojtarë, ia dhamë. Nuk ka justifikime për titullin, fare. Kjo është e prerë. Nuk ka justifikime stafi teknik për titullin. Të gjithë lojtarët i kanë. Madje asnjë ekip në Shqipëri nuk i ka lojtarët njëlloj. Fusha përcakton kush është më i mirë. Ne kemi bërë një investim gjigant, deri tani asnjë ekip në Shqipëri nuk ka blerë dy lojtarë si ne. I kemi marrë jo pa qëllim, pasi mund të merrnim edhe të huaj. Morëm këta që e njohin kampionatin dhe i njohim edhe ne. Kjo do të thotë se trajneri e ka topin”.

“A ka presion Cungu? Nuk është trajner i ri ai. Vitin e parë që shkoi deri në tur të katërt thoshin të gjithë që e ka vënë në presion presidenti. Është kalitur, ka qenë te Vllaznia dhe Laçi. Është trajner me eksperiencë. Vetëm se nuk mund të përcaktojë një lojtar se çfarë blerjesh bën klubi. Të gjithë kanë një kontratë. Trajneri nuk ka pse të jetë në presion. Ku ta gjesh ti një president që të bën dy blerje që i ka zili gjithë Superiorja. Pse Laçi nuk i do? Po t’i kishte këto dy lojtarë do thoshte do dalim ne kampion, 100%. Ja ku e kemi trajnerin (i referohet Besnik Prengës, teknikut të Laçit, që ndodhej në studio), pyeteni”.

Për dy vite e gjysmë ai dha kontributin e tij dhe kishte edhe përgjegjësinë e gjuajtjes së penalltive. Aktualisht ai drejton Dinamon, ndërkohë që një ditë më parë ka qenë i ftuar në emisionin “Pressing” në ABC News.

I ndodhur krah Safet Gjicit, për Allmuçën ka ardhur edhe një batutë nga ana e presidentit të Kukësit: “Nuk ka pasur sukses tjetër veçse me Kukësin. Ka gjuajtur 14 penallti dhe asnjë nuk e ka humbur. Mjeshtri i gjuajtjes së penalltive në Shqipëri. Flas 14 për aq kohë sa ka qenë te Kukësi, jo për një vit. Po të jetë për një vit, e kishim marrë kampionatin direkt. Djalë model? Patjetër që një djalë shumë model, në të gjitha aspekt”.

“Në fakt ne kemi zgjedhur një strategji që e zgjodhi Skënderbeu disa vite, që lejonte të çanin erën të tjerët dhe pastaj nga shkurti dilte në vend të parë. Besoj se sivjet ndoshta kjo mund të jetë një nga formulat tona. Formulë fituese? Po, patjetër. Gjithsesi kampionati është i fortë, është konkurrues, të gjitha ekipet janë pranë dhe janë përforcuar. Po shikojmë që po përforcohet Partizanit, edhe Teuta e ekipet e tjera. Duhet t’ia lëmë kohës dhe fushës, edhe ne jemi përforcuar shumë. Fusha do tregojë kush ka gjunjë më shumë deri në fund. Ai do fitojë kampionatin”.

RUAJTJA E VENDIT TË PARË – “Më e vështirë është ta mbash vendin e parë. Skënderbeu nuk është dorëzuar, duhet të pranojmë që ata kanë eksperiencë të jashtëzakonshme në futboll. Presidenti Takaj tani po bën skemat se si të arrijë prapë majat. Nuk e neglizhoj këtë. Ai është lojtar i vjetër, e njoh mirë. Nuk dorëzohet kollaj. Ata e kanë eksperiencën, kanë fituar shumë tituj, kanë kaluar ture dhe dy herë kanë qenë në grupe. Nuk besoj se Skënderbeu do dorëzohet kaq lehtë. Ne do ta shohim në vazhdim”.

“Partizani është i pari dhe me meritë. Besoj se lojtarët e Partizanit do e ndjejnë atë presionin siç e ka pasur para disa vitesh Kukësi, që shkonte afër titullit dhe nga presioni ishim larg asaj që donim. Merrnim rezultate pozitive dhe pastaj kalonte Skënderbeu që kishte eksperiencën duke dalë disa herë kampion. Kukësi, Partizani, Skënderbeu, Teuta dhe pse edhe ekipet e tjera, do jenë pretendentë. Të gjithë duan titullin. Do shikojmë afrimet e bëra nga të gjitha ekipet. Këto dy faza janë më të vështirë, konkurrenca shtohet, vështirësitë dhe presioni po ashtu. Do fitoja ekipi që do ketë qetësinë dhe eksperiencë. E thashë edhe më parë, ai që do ketë gjunjë deri në fund”.

“Titulli? Në radhë të parë do vendosë cilësia e lojtarëve dhe e lojës. Nëse menaxhohet mirë presioni, fitohet titulli kampion. Me ekipet që kemi në dy fazat e para, e dimë ku kanë çaluar të gjithë. Nëse rregullohen në merkato, kuptohet do ketë tjetër lojë dhe rezultate. Blerjet që kemi bërë ne mendojmë se janë më të mira. Edhe ai që ka marrë Partizani (e ka për sulmuesi Kuameh Karikari, që nuk është ende i konfirmuar) është i huaj dhe i duhet kohë të përshtatet. Ne i kemi bërë brenda për brenda kampionatit dhe besoj se do përshtaten më lehtë. Do i shikojmë, atë janë lojtarë që kanë bërë diferencën. Kampionati do jetë i fortë”.

NDESHJET JASHTË – “Po të luanim brenda do të ishim në vend të parë dhe me diferencë pikësh më të madhe se sa është Partizani sot me ne. Por puna e stadiumit është kjo që është. Do sforcohemi dhe do ta bëjmë stadiumin”.

Presidenti i skuadrës verilindore, Safet Gjici, deklaroi se skuadra është më pranë objektivit të titullit kampion, ndërsa paralajmëroi edhe për përforcime të tjera të tjera në repartin e mbrojtjes.

“Rrocën edhe Shkurtaj jemi më pranë objektivit, që gjithmonë ka qenë titulli. Përforcuam mesfushën edhe sulmin, tani mund të shohim për ndërhyrje ne mbrojtje. Shkurtaj është një sulmues i rallë në kampionatin tonë, edhe kombëtarja duhet ta shohë”.

“Nuk ka rrezik për xhelozi brenda ekipit, të gjitheë janë profesionistë. Ekipi është i kompletuar edhe trajneri nuk ka më justifikime. Ia kemi plotësuar të gjitha kërkesat. Madje duke bërë sforco. Tani e kanë në dorë lojtarët edhe stafi, sepse klubi e ka bërë detyrën”, ishin fjalët e presidentit të kuksianëve.

https://www.facebook.com/313559492122738/posts/1645467858931888/

PËRBALLJA – “Të kënaqur do ishim me fitoren, por nuk desh sot.”

VËSHTIRËSITË – “Kemi disa probleme. Mesfusha kishte probleme për shkak dëmtimesh. Nuk ishin Shafik dhe Dzaria. Me ato të dy do të kishim një rezultat tjetër. Ne të gjitha ndeshjet i luajmë jashtë, por them se dhe kjo pikë është pozitive.”

MERKATO – “Besoj se i kemi piketuar dhe kam përshtypjen që brenda dhjetorit do të lidhim lojtarë me disa lojtarë të mirë dhe që do të bëjnë diferencën.”

TITULLI – “Ne kemi objektiv titullin kampion. Konkurrenca është e fortë, por ne do ia arrijmë.”

“Unë besoj se ky kampionat është më i forti nga të gjithë. Katër ekipet e para kanë qenë të forta dhe e kanë bërë ato kampionatin, sivjet janë të gjithë të forta. Është e freskët që vendi i fundit mundi një ekip më lart, edhe ne kemi fituar me vështirësi me Luftëtarin dhe Kamzën. Ju e dini objektivin tonë, që është vetëm titulli kampion”, thotë Gjici për Supersport.

STADIUMI I RI – “Kryeministri Rama e ka shpallur vendimin. Federata dhe Qeveria do investojnë 50 me 50. Është mbyllur tenderi i projektimit, shpejt do mbyllet edhe tenderi i i zbatimit. Besoj se mund të mbyllet gjithçka brenda 6-mujorit të parë të vitit të ardhshëm.

Sa i takon stadiumit ku Kukësi do të luajë deri në fund të sezonit, Gjici shtoi: “Kemi bërë një marrëveshje me Kamzën, besoj se tani e tutje do luajmë aty. Tifozët e Kukësit nuk kanë pasur mundësinë ta ndjekin kudo, por po e çojmë aty ku ka kuksianë. Zgjedhja më e mirë e mundshme është Kamza. Edhe për ata që vijën nga Kukësi, pasi nuk kanë nevojë të futen në trafikun e Tiranës”.

NDESHJA E RADHËS – “Skënderbeu është Skënderbeu, duhet vlerësuar maksimalisht. Nuk janë ai ekipi që kanë qenë vitet e fundit, por mbeten Skënderbeu. Tifozët e kuptojnë se është një ndeshje shuymë e rëndësishme për ne, ndaj duhet të na mbështesin ekipi. Do mundohemi t’i ndihmojmë të jenë pranë ekipit. Ndeshja do të jetë e fortë dhe besoj tek ekipi dhe stafi”.

MERKATO – “Ndreu dhe Nexhipi po merren fort, jo shumë lojtarë, pasi jemi të kufizuar. Po punohet për 2-3, ose katër lojtarë që bëjnë diferencën. Jemi gati t’ia plotësojmë kërkesat trajnerit, pasi kampionati sa vjen e vështirësohet”.

MUSOLLI – “Me marrëveshjen e parë, i thashë që nëse nuk gjen ekip në Kosovë, e ke të hapur derën. je në shtëpinë tënde, duhet ta rrëzosh në shkelm derën nëse do të kthehesh. Nga shkurti do jetë me grupin, do jetë në fazë dhe do ketë një grup në dispozicion që të kthehet sa më shpejt. Ai do jetë i Kukësit derisa të lërë futbollin. Ne nuk hedhim në rrugë asnjë, jo më Musollin”.

Në njoftimin e publikuar në llogarinë e klubit në “Facebook” thuhet se Musolli do të vazhdojë të jetë pjesë e Kukësit dhe mbas përfundimit të rehabilitimit nga dëmtimi në gju, 29-vjeçari do të rikthehet sërish në fushën e blertë.

Presidenti i Kukësit, Safet Gjici, nuk ishte i pranishëm në mbledhjen e organizuar nga FSHF për këtë çështje, por sot ka dhënë opinionin e tij mbi situatën e krijuar. Përmes kanaleve zyrtare të komunikimit të klubi verilindor, mes të tjerave ai ka theksuar se nëse Policia e Shtetit nuk merr përsipër, atëherë duhet të mblidhen gjithë presidentët dhe të ndalin kampionatin.

https://www.facebook.com/FKKukesiAlbania/videos/vb.313559492122738/259215301597547/?type=2&theater&notif_t=notify_me_page&notif_id=1535371693021121

“Unë e kam thënë që në fillim se siguria në stadiume nuk bëhet me Polici Private. Në Shqipëri nuk janë pjekur akoma kushtet, ku tifozeria është e ndërgjegjësuar që ne të arrijmë të marrim përsipër sigurinë e stadiumeve me Polici Private. Zgjidhja është që të rikthehet Policia e Shtetit në stadiume për të siguruar rëndin. Futbolli është një sport masiv dhe duke qenë i tillë ka tifozë të ndryshëm. Në fillime kemi pasur shumë tifozë në Kukës, që vinin e thyenin stolat dhe policia i shoqëronte për dy orë në Komisariat pastaj i lironte. Kur do të luajnë ekipet që janë rivalë si Kukësi-Partizani ose Partizani- Korça do të kemi përsëri probleme të mëdha në sigurinë e stadiumeve. Unë jam i mendimit që të gjithë Presidentet e klubeve të Superligës, si dhe ato të Kategorisë së Parë, të bllokojmë Kampionatin nëse Policia e Shtetit nuk na mundëson dot sigurinë në stadiume, pasi Policia Private nuk është e përgatitur për turma masive. Kur të kalojnë 2 muaj Kampionat do të shtohet rivaliteti mes tifozëve , prandaj unë i bëj thirrje gjithë Presidentëve që bllokojmë Kampionatin në rast se Policia e Shtetit nuk merr masa për sigurinë në stadiume”.

Nëse arrihet diçka e tillë, atëherë do të ketë dhe pagesa për ta, por dhe premio. Momentalisht, Kukësi ka marrë rrogën e muajit maj, por nuk e ka marrë ende qershorin bëjnë me dije burime të “Sport Ekspres” pranë klubit verilindor. Basti i Gjicit është i thjeshtë: rrogë+premio! Në rast se skuadra verilindore do të bëjë mrekullinë, atëherë presidenti i ka idetë e qarta.

Grupi i futbollistëve do të marrë rrogën e qershorit, por dhe 100 mijë euro premio. Presidenti Safet Gjici është padyshim ndër më korrektët e Superiores për sa i takon shpërndarjes së rrogave dhe premiove të dhëna për ekipin. E përsërisim, Gjici nuk ka shpërndarë ende rrogën e muajit qershor dhe është presidenti më korrekt i Superiore në shpërndarjen e rrogave. Jeni të qartë të gjithë se sa vuajnë futbollistët e ekipeve tona!

Sigurisht presidenti Safet Gjici është ndjerë i nderuar për vlerësimin dhe pritjen e bërë. “Jam i nderuar për pritjen madhështore. Falënderoj shumë Shkëlqesinë e saj, presidenten e malteze Maria-Luiz Koleiro Preca. Topi është kaq i vogël, por bashkon shumë njerëz rreth tij, sikurse dhe sot na bashkoi në këtë darkë madhështore. Uroj që dhe fusha të tjera të jenë po kaq frytdhënëse ndërmjet dy vendeve tona. Jeni të ftuarit e mi, sido që të vejë rezultati i ndeshjes”, kanë qenë disa nga fjalët e presidenti të Kukësit.

[Best_Wordpress_Gallery id=”25″ gal_title=”Kukesi malte”]

Siç ndodh zakonisht, palët kanë shkëmbyer edhe dhurata. Një çifteli dhe qeleshja e bardhë e krahinës së Lumës do të jetë një kujtim i bukur për presidenten Maria-Luiz Koleiro Preca. Sot është dita për të luajtur futboll dhe ekipi i drejtuar nga Armando Cungo do kërkojë të kalojë turin, ndaj edhe është përgatitur për një fitore nga Valeta.