Rustem Hoxha u rikthye te Teuta pas dy sezonesh dhe duket mëse gati për startin e sezonit. Pasi u aktivizua si titullar në dy takimet kundër Ventspils (Kualifikuese, Europa League), 28-vjeçari e ka kthyer fokusin e tij te fillimi i kampionatit shqiptar.

Në një intervistë për Sport Ekspres, Hoxha tregoi pse zgjodhi rikthimin te Teuta, ambientin që gjeti në skuadër dhe objektivat e sezonit. Në fjalën e tij, mbrojtësi u shpreh:

U rikthyet te Teuta pas dy sezonesh. Pse e bëri Hoxha këtë zgjedhje?

“Teuta është shtëpia ime dhe ishte një vlerësim shumë i mirë që më bëri presidenca dhe profesor Shkëmbi. I falënderoj për besimin. Shpresoj që t’ua shpërblej besimin me paraqitje shumë të mira dhe me arritjen e objektivave në fund”.

Si e keni gjetur skuadrën pas rikthimit?

“Këtu gjeta një ambient shumë të mirë, të ngrohtë, me një grup futbollistësh shumë të mirë e cilësorë, si dhe me një staf shumë të përgatitur”.

Deri ku mund të arrijë kjo Teutë?

“Mendoj se kemi një skuadër të mirë, me një grup futbollistësh cilësorë dhe me talente të rinj. Po stërvitemi shumë mirë, kam besim se në fund do t’i arrijmë të gjitha objektivat që do të na vendosë klubi”.

Si e shikon faktin që janë shtuar futbollistët durrsakë në skuadër?

“Është diçka shumë pozitive, pasi janë lojtarë që e njohim ambientin. Mbi të gjitha, janë dhe lojtarë cilësorë e shumë të mirë, e kanë vërtetuar kudo ku kanë luajtur. Është diçka e mirë, si për klubin, ashtu dhe për tifozët. Shpresoj që këtë sezon ta kemi tifozerinë edhe më afër”, përfundoi Hoxha.

Thuajse gjithçka është e mbyllur me mbrojtësin Rustem Hoxha, i cili është i lirë pas eksperiencës së fundit me Luftëtarin. Qendërmbrojtësi do të jetë një nga alternativat e Shkëmbit për qendrën e mbrojtjes dhe padyshim një element mjaft i vlefshëm. Vlerat e tij dihen tashmë.

Gjetja e një sulmuesi ka qenë synimi kryesor i Teutës dhe duket se e kanë gjetur edhe goleadorin. Marrëveshja me Ismael Dungën thuajse është mbyllur. Shtatlarti i sulmit spikati te Luftëtari, duke shënuar gjashtë gola. Durrsakët e kanë pëlqyer kenianin dhe i kanë bërë një ofertë.

Në Gjirokastër ai ka pasur probleme me pagesat dhe nuk ka ndërmend të kthehet. Gjithsesi mbetet për t’u parë se si do ta zgjidhë kontratën me bluzinjtë. Ndoshta do i duhet që t’i drejtohet gjyqit për të dalë lojtar i lirë. Shkëmbi e do te Teuta sulmuesin, i cili vë në dyshim edhe të ardhmen e Bushiç te durrsakët.

Ky i fundit është kontaktuar së fundmi nga Teuta, ndërkohë që në të shkuarën ka pasur bisedime me Laçin. Gjithsesi palët nuk gjetën gjuhën e bashkëpunimit dhe qendërmbrojtësi iu bashkua Luftëtarit. Tanimë është i lirë dhe në ditët në vijim pritet të mësohet ekipi i tij i ri.

Në kampin kurbinas nuk ndihen mirë kur lexojnë që lojtarë të ndryshëm lidhen me klubin e tyre dhe vetë presidenti Pashk Laska është shprehur për SportEkspres se po punojnë për ta përforcuar ekipin me lojtarët e duhur, por Hoxha nuk është në planet e tyre.

“Kemi nisur nga puna me merkaton dhe po mundohemi të afrojmë në ekip lojtarët e duhur që të na ndihmojnë në realizimin e objektivave tona. Kam lexuar që Rustem Hoxha është pranë klubit tonë, por ua them hapur që ai nuk bën pjesë në planet e Laçit. Në ditët në vazhdim do të mësoni edhe lëvizjet që do të bëjmë. Pa u arritur marrëveshjet nuk mund të flasim për emra konkretë”, u shpreh numri një i klubit kurbinas.

Këta të fundit, që në të shkuarën i kanë besuar edhe shiritin e kapitenit, po mendojnë ta rikthejnë në skuadër. Mësohet se mes palëve bisedimet kanë nisur dhe në vazhdim do të mësohet më shumë në lidhje me konkretizimin e marrëveshjes.

Hoxha është aktivizuar te Teuta për gati tetë sezone dhe normalisht një kthim në shtëpi do ishte një kënaqësi për të, madje për më tepër në një ekip që e mbylli në vendin e tretë dhe sezonin e ardhshëm mund të ketë objektiva edhe më të larta.

NJOFTIMI – “Futboll Klub Luftëtari njofton mbylljen e bashkëpunimit me Rustem Hoxha. Mbrojtësi 27 vjeçar dhe drejtuesit e Klubit kanë vendosur të ndërpresin bashkëpunimin mes tyre, duke i dhënë mundësi futbollistit të jetë lojtar i lirë.

Lojtari, i cili u bashkua me skuadrën tonë në shtator të vitit 2018, duke kaluar pothuajse 1 sezon me ekipin tonë, regjistroi 23 aktivizime në Kategorinë Superiore dhe 4 aktivizime në Kupën e Shqipërisë për sezonin 2018-2019.

Klubi falënderon lojtarin për kontributin e dhënë me fanellën tonë dhe i uron njëkohësisht suksese në jetë dhe në karrierë!”, shkruhet në njoftimin e bërë nga klubi i Luftëtarit në faqen zyrtarë në Instagram.

 

View this post on Instagram

 

Zyrtare! Futboll Klub Luftëtari njofton mbylljen e bashkëpunimit me Rustem Hoxha. Mbrojtësi 27 vjeçar dhe drejtuesit e Klubit kanë vendosur të ndërpresin bashkëpunimin mes tyre, duke i dhënë mundësi futbollistit të jetë lojtar i lirë. Lojtari, i cili u bashkua me skuadrën tonë në shtator të vitit 2018, duke kaluar pothuajse 1 sezon me ekipin tonë, regjistroi 23 aktivizime në Kategorinë Superiore dhe 4 aktivizime në Kupën e Shqipërisë për sezonin 2018-2019. Klubi falenderon lojtarin për kontributin e dhënë me fanellën tonë dhe i uron njëkohësisht suksese në jetë dhe në karrierë! ©?FC Luftëtari!

A post shared by KS Luftëtari Gjirokastër (@fc_luftetari) on Jun 3, 2019 at 5:45am PDT

Kapitenit Behar Ramadani gjithashtu i përfundon kontrata sot dhe mbetet për t’u parë se ku do ta vijojë karrierën. Nëse për ndonjë ka pikëpyetje, për Rustem Hoxhën jo. Mbrojtësi durrsak, i cili në verë iu bashkua Luftëtarit, ka dalë lojtar i lirë.

Përmes një postimi në Instagram ai ka bërë me dije se nuk do të jetë pjesë e Luftëtarit sezonin e ardhshëm. Ai falënderon lojtarët për atë që kaloi në Gjirokastër, ku ka luajtur 24 ndeshje si titullar në kampionat dhe në Kupë kundër Partizanit asistoi dhe shënoi. Një ndihmë e madhe për të shkuar deri në gjysmëfinale të Kupës.

Futbollisti durrsak foli për emisionin “Gol pas Goli” në “Supersport”, ku u shpreh se dy ndeshjet e ardhshme ne skuadrën bardheblu do të shumë më ndryshe.

“Tirana ka një ekip shumë të e mirë e një sulm të rrezikshëm. Duhet të tregohemi të kujdesshëm. Besoj se një gjysmëqëllimi e arritëm”

NDESHJA E KTHIMIT – “Ajo do të jetë një ndeshje krejt tjetër. Ata do të jenë më të rrezikshëm pasi do të kërkojnë golin në fushë të tyre. Shpresojmë që të shënojmë një gol atje pasi do ta kemi shumë më të lehtë”.

NDESHJE E FUNDJAVËS – “Ndeshja e kampionatit do të jetë ndryshe, pasi si ne dhe Tirana dëshirojmë të fitojmë”, përfundoi Hoxha.

Qendërmbrojtësi Rustem Hoxha u ndëshkua me karton të verdhë në sfidën me Tiranën dhe për durrsakun ishte i katërti. Në këtë mënyrë ai humbet takimin me ish-skuadrën e tij. Një mungesë e rëndësishme për Luftëtarin.

Ahmataj duhet të gjejë një zgjidhje dhe me shumë mundësi do të zhvendoset në qendër të mbrojtjes Oltion Rapa. Ky i fundit është aktivizuar në të djathtë të mbrojtjes së fundmi dhe kjo lëvizje është disi e detyruar.

Por ka edhe lajme të mira, pasi mesfushori Maldin Ymeraj është rikuperuar plotësisht dhe do të jetë gati. Kjo bën që lirisht Aurel Demo të kthehet në linjën e djathtë të prapavijës. Gjatë këtyre ditëve do të shihen lëvizjet që do të planifikojë Ahmataj.

Hoxha ka folur për “Supersport” duke treguar se e kanë pritur shumë mirë në Gjirokastër. 27-vjeçari ka theksuar se ka besim se kjo situatë ku ndodhet skuadra do kaloj dhe se ai e skuadra do të rikthehen në një pozicion komod, ku jemi mësuar ta shohim Luftëtarin në dy edicionet e fundit.

AMBIENTIMI – “Ndihem shumë mirë, kam gjetur një ambient shumë të mirë. Kam ndier përkrahje nga të gjithë çunat. Jam ambientuar shumë shpejt dhe më duket sikur kam vite te kjo skuadër”.

MBORJTJA – “Kam luajtur mirë si me Rrapon dhe me Jaçiçin dhe nuk mund të veçoj askënd”.

GJENDJA E SKUADRËS – “Ne kemi besim se do dalim nga kjo situatë shumë shpejt. Gjithnjë duke parë ndeshjen e radhës. Do dalim nga kjo situatë dhe do ngrihemi lart. Kemi shumë besim te grupi që kemi, te stafi, te presidenca, nga të gjithë”.

RROCA DHE SHKURTAJ – “Të dy janë lojtarë të rëndësishëm, por te Luftëtari është forca e grupit dhe jo  te individi. Si Rroca dhe Shkurtaj janë lojtarë shumë të mirë, por nuk mund të bëjnë dot pa grupin, por dhe grupi ndihet shumë mirë me ta në fushë”.

Gjithsesi tanimë ai i ka dhënë fund dilemave dhe sezonin e ardhshëm do të luajë me Luftëtarin, pasi ka nënshkruar me gjirokastritët. Bëhet fjalë për një rikthim të Hoxhës në Gjirokastër pasi ka luajtur edhe më parë.

Asokohe Teuta e huazonte për të marrë minuta, kurse këtë herë shkon për të mbajtur peshë në qendër të mbrojtjes. Kështu trajneri Kostiç ka më shumë alternativa.

Janiçiç dhe Rapa janë ata që kanë luajtur titullarë deri më tani, ndërkohë që nga Vllaznia B është marrë edhe Armenis Kukaj. Planet Luftëtarit ia prishi Ivan Jakovjeviç, i cili do të duhet të operohet sërish dhe do të mungojë për disa muaj. Stafi teknik tanimë mund të mbështetet edhe të Rustem Hoxha.

Së fundmi për 27-vjeçarin ka pasur dy opsione në Greqi, ku kanë shfaqur interes nga Apolon Smirnis dhe AEL Larisa, klube që garojnë në elitën e futbollit të shtetit fqinj.

Sezonin e fundit Hoxha ishte pjesë e Kukësit, klub me të cilin luajti rregullisht si titullar, duke bërë paraqitje të mira. Gjithsesi me përfundimin e kontratës u mbyll edhe bashkëpunimi mes palëve.

Mbrojtësi 27-vjeçar mbylli sezonin me Kukësin, ndërsa tashmë është pranë kalimit te Laçi. Ish-kapiteni i Teutës është në bisedime me bardhezinjtë dhe zyrtarizimi i kalimit të qendërmbrojtësit në Kurbin, mund të vijë mbas përfundimit të ndeshjes që Laçi po luan në Korçë përballë Skënderbeut.

Bisedimet vazhdojnë dhe mbas afrimit të shkodranëve Sukaj dhe Pjeshka, presidenti Pashk Laska mund t’i bëjë një tjetër dhuratë trajnerit Mërgjyshi me afrimin e Rustem Hoxhës. Objektivi tjetër është Elvi Berisha, ish-mesfushori i Tiranës, që aktualisht është pjese e Leganes B në Spanjë.

E duan në Greqi dhe është AEL Larisa që është futur në bisedime për shërbimet e mbrojtësit durrsak. Hoxha, nëse konkretizohet transferimi i tij të në këtë klub, do të gjente aty edhe Suad Sahitin, që kaloi këtë verë te skuadra greke.

Por një opsion është edhe transferimi në një tjetër skuadër në Greqi. Apollon Smirnis, gjithashtu ka shfaqur interes për Rustem Hoxhën. Një duel mes dy skuadrave greke për shërbimet ish-mbrojtësit të Kukësit, që në Superiore ka goxha eksperiencë.

Hoxha ka treguar se mund të jetë edhe një lider, teksa te Teuta ka mbajtur edhe shiritin e kapitenit. Për një periudhë të shkurtët, gjashtë muaj, ai është aktivizuar me Luftëtarin prej janarit të vitit 2012.

Tashmë ai mund të provojë një eksperiencë të re jashtë vendit, madje në një kampionat më të fortë. Edhe më parë ka pasur opsione për të luajtur në kampionat tjetër, teksa verën e shkuar ishte në bisedime me Shkëndijën e Tetovës, por në fund u bind t’i bashkohej Kukësit, që ishte kampionia në fuqi.

VLADIMIR PRENGA

Në sezonin e fundit Hoxha luajti 27 ndeshje si titullar në Superiore, duke qenë sërish një pikë kyçe te Teuta, por tani hedh një hap gjigant përpara në karrierë.

Për Hoxhën është një mundësi e artë për të treguar sa vlen, por nuk do ta ketë të lehtë të luajë rregullisht, pasi përveç Ylli Shametit, në qendër të mbrojtjes do të vijë edhe spanjolli Albert Serran.

“Jam shumë i lumtur që kam arritur marrëveshjen me skuadrën e Kukësit. Falënderoj të gjithë personat që më ndihmuan të transferohem në këtë klub dhe besoj se do të jap më të mirën për ekipin tim të ri. Jam i sigurt se do të arrijmë suksese të tjera dhe mendoj se do të shkojmë lart edhe në Champions League. Një përshëndetje edhe për tifozët kuksianë dhe i them se do të bëj maksimumin për Kukësin“, deklaroi Hoxha për faqen zyrtare të Kukësit, pas prezantimit zyrtar.

Vladimir Prenga

Shkëndija e Tetovës kërkon të përforcohet në qendër të mbrojtjes dhe i ka hedhur sytë në Superiore për ta bërë diçka të tillë. Emri i Bajram Jashanicës është përmendur para disa ditësh, ndërkohë që së fundmi kanë tentuar edhe Ditmar Bicajn. Kuqezinjtë e Tetovës më parë janë interesuar edhe për Tefik Osmanin dhe Renato Malotën, por asnjë nga emrat e lartpërmendur nuk kanë veshur fanellën e skuadrës shqiptare në Maqedoni. Së fundmi një tjetër lojtar kërkohet nga Shkëndija e Tetovës, teksa mësohet se ata kanë shfaqur interes për ish-kapitenin e Teutës, qendërmbrojtësin Rustem Hoxha.

Durrsaku, i cili në korrik mbush 26 vjeç, vjen nga dy sezone mjaft të mira me “djemtë e detit” dhe kjo ka bërë që për të të ketë interesim nga disa klube. Burime të gazetës pranë lojtarit bëjnë me dije se Shkëndija e Tetovës ka shfaqur interes për të dhe është menaxheri i futbollistit ai që po merret më tratativat. Veç kësaj skuadre, ka edhe skuadra të tjera të interesuara në Superiore, ndërkohë që për momentin lojtari së bashku me përfaqësuesin e tij po studiojnë ofertat e paraqitura, në mënyrë që të ndërmarrin vendimin e duhur. Kalimi i tij te Shkëndija e Tetovës do të ishte një hap i mirë për Rustem Hoxhën, pasi do kishte mundësinë të luante në kupat e Europës. Veç kësaj, në Maqedoni ai do luftonte për titullin kampion, edhe pse kampionati atje nuk është në nivelin e Superiores. Ekipe si Vardari, Shkëndija e Rabotniçki kanë nivel të mirë dhe këtë e kanë treguar edhe në garat ndërkombëtare.

VENDIMI – Qendërmbrojtësi për 9 vite ka qenë pjesë e skuadrës së Teutës, aty ku është formuar si lojtar. Ai është shkëputur nga durrsakët vetëm për gjashtë muaj, madje edhe atëherë është huazuar te Luftëtari, për t’u rikthyer sërish në shtëpi. Më përfundimin e kontratës me Teutën, lojtari e pa të arsyeshme që të shkëputej nga “djemtë e detit”, pasi kërkon të provojë veten në një eksperiencë të re. Shkëndija  e Tetovës është njëra prej atyre skuadra që ia ka afruar diçka të tillë dhe ndoshta mund të jetë e duhura për ta “joshur” Hoxhën. Në ditët në vijim pritet që lojtari të marrë vendimin për të ardhmen, pasi tetovarët duan një përgjigje të shpejtë, për shkak se ata po përgatiten për ndeshjet në kupat e Europës.