Rugani

Juve mendon për të ardhmen, kontratë faraonike për yllin e skuadrës

Sport Ekspres — Thu, 07 Feb 2019 21:56:30 +0000

Juventusi po mendon për të ardhmen dhe ka nisur punën që të rinovojë me një nga lojtarët më premtues, Daniele Rugani. Mbrojtësi kërkohej me ngulm nga Çelsi, por Juventusi nuk mendon aspak të heqë dorë nga shërbimet e 24-vjeçarit.

Aktualisht, Rugani përfiton 1.7 milionë euro në sezon, por me kontratën e re, pritet të përfitojë 3 milionë euro plus bonuse.

Kjo kontratë e re e shtruar në tavolinë nga drejtuesit e Juventusit është e kënaqshme për mbrojtësin dhe agjentin e tij. Me shumë gjasa, italiani do të qëndrojë te Juventusi deri në 2023.

Juventusi nxiton nga “presioni” i Çelsit, gati rinovimi për mbrojtësin

Sport Ekspres — Thu, 20 Dec 2018 08:37:12 +0000

Te Juventusi duket se i kanë bërë dhe një herë llogaritë dhe e kanë parë të arsyeshme që t’i ofrojnë një kontratë të re Daniele Ruganit. Sipas asaj që shkuan “Goal.com”, mbrojtësi do të nënshkruajë një kontratë të re, që do e mbajë të lidhur 24-vjeçarin deri në vitin 2-23.

Siç dihet, gjatë gjithë verës Rugani ishte një objektiv i Çelsit, por Sarri nuk mundi që ta afronte te “Blutë” e Londrës lojtarin të cilin e njihte mjaft mirë, për shkak se kishte punuar me të në periudhën 2013-2015, te skuadra e Empolit.

Bardhezinjtë janë gati që t’i dyfishojnë rrogën, pasi po shohin se Kelini, Bonuçi dhe Barzali janë në një moshë të madhe dhe shumë shpejt mund ta mbyllin me futbollin e luajtur, kjo gjë duket se e ka bindur Ruganin që të pranojë propozimin e Juventusit dhe t’i mbyllë derën Çelsit, por edhe Barcelonës, që kishte rritur interesin.

Plas çështja Rugani te Juventusi, reagon babai i mbrojtësit

Sport Ekspres — Thu, 22 Nov 2018 10:37:50 +0000

Në verë Danile Rugani u kërkua me insistim nga ana e Çelsit, megjithatë Masimilioano Alegri nuk donte që të privohej nga shërbimet e mbrojtësit, të cilin atëherë theksoi se e kishte në planet e tij. Nga e thëna në të bërë është në mes një deti i tërë dhe për Rganin kjo vlen shumë. Alegri e ka aktivizuar vetëm në 3 ndeshje, saktësisht në 181 minuta në totla, çka ka sjellë pakënaqësi te lojtari.

Babai i Ruganit, ka reaguar përmes një postimi në “Facebook”, ku ka shpërndarë një foto të të birit i grumbulluar me Kombëtaren e Italisë,

Nuk ka nevojë që të them asgjë. Kjo fytyrë i tregon të gjitha, por kjo histori do të përpunojë së shpejti dhe ne do të marri atë që na takon. Forca DR24. Mbrojtësi më i mirë në Itali”, shkruan babai i Ruganit.

Një çështje që mund t’i trazojë ujërat në kampin e bardhezinjve, çka mund të pasohet dhe me largimin e lojtarit në dritaren dimërore, e cila është pranë. Situata nuk është e mirë dhe deklarata e babait të mbrojtësit mund të jetë vetëm tymi i një “vullkani”.

Takim Juve-Çelsi, anglezët bëjnë superofertën!

Sport Ekspres — Sun, 29 Jul 2018 22:16:57 +0000

Ashtu si ishte paralajmëruar, drejtuesit e lartë të Çelsit dhe Juventusit janë takuar në Nicë të dielën pasdite. Klubi londinez ka rreth 60 milionë euro në dispozicion për merkaton, për të mos shkelur rregullat e Fair Play financiar dhe për të mos shitur asnjë nga yjet, ndaj i ka bërë një ofertë mjaft joshëse Juventusit, për të arritur në një përfundim që të kënaqë të dy klubet.

Alvaro Morata te Juventusi, plus 55 milionë euro, me Higuain dhe Ruganin që do të shkonin në Londër: ky është propozimi i Çelsit sipas gazetarit Alfredo Pedula, që nëse do realizohej, do digjte keq Milanin, sepse kuqezinjtë kërkojnë sulmues.

Gjithsesi, Juve nuk dëshiron sulmues, sepse ka Ronaldon e të tjerë, ndaj Morata e shumta do të merrej për t’u xhiruar te Milani, gjithnjë nëse kuqezinjtë janë dakord.

Vetëm 10 ditë kohë ka Çelsi, Juventusi duhet të vendosë dhe është një ndeshje shahu, ku duhen përdorur të gjitha lëvizjet.