Rudiger

Rudiger shpërthen në akuza: Jemi katastrofë, fajin e ka… mentaliteti

Sport Ekspres — Sun, 23 Dec 2018 08:29:21 +0000

Humbja ndaj Lesterit ka shkaktuar një tronditje te skuadra e Çelsit. Mbrojtësi gjerman Antonio Rudiger ka bërë lajmin kryesor me intervistën e tij në përfundim të takimit, ku vuri në dyshim mentalitetin e skuadrës së tij.

“Kjo është një katastrofë. Nuk mund të flasim më për titullin. Nëse nuk fitojmë këtë lloj ndeshje, nuk mund të pretendojmë për trofe. Tani duhet të flasim për vetëm një vend në katërshen e parë. Ndoshta s’kemi mentalitetit e duhur”, tha qendërmbrojtësi gjerman.

Edhe trajneri Maurisjo Sarri nuk i kurseu kritikat mbas ndeshjes: “ Jam i çuditur me përgjumjen e skuadrës pasi pësuam gol. Në pjesën e parë luajtëm futboll të bukur. Më pas nuk ishim më një skuadër, por 11 lojtarë të ndryshëm”.

Foto | Pavard ia hedh paq, plagë të frikshme pas kontaktit në qafë

Sport Ekspres — Thu, 06 Sep 2018 19:50:33 +0000

Ndeshja Gjermani-Francë nuk pati një nisje ideale. Shkak për këtë u bë një kontakt midis mbrojtësve Benxhamin Pavard dhe Antonio Rudiger. Viktima ishte francezi, i cili në përpjekje për të larguar një top të rrezikshëm kapi kontakt me takën e kundërshtarit në zonën e qafës.

Fatmirësisht për 22-vjeçarin, gërvishtjet nuk shkaktuan çarje të venave të qafës, çka mund të kishte rezultuar fatale. Pas kontrollit nga mjekët, Pavard iu rikthye përsëri fushës së lojës.

Zyrtare, Çelsi blen mbrojtësin e Gjermanisë

Sport Ekspres — Sun, 09 Jul 2017 15:15:50 +0000

Pas disa ditësh pritjeje, bisedimesh e kontrollesh mjekësore, tashmë ka marrë fund: Antonio Rydiger është zyrtarisht i Çelsit.

Mbrojtësi, fitues i Kupës së Konfederatave me Gjermaninë duke luajtur titullar, tashmë transferohet nga Roma në Londër për 38 milionë euro.

Roma e kishte blerë nga Shtutgarti verën e shkuar për 9.5 milionë euro, ndaj për një vit nxjerr një fitim të jashtëzakonshëm.

Te Çelsi Rydiger merr vendin e Xhon Territ, ndërsa do të duhet të luftojë për një vend në formacion me Geri Kahill dhe David Luiz.