Rudi

Zyrtare/ Rudi i jep fund në Mynih, firmos me Shalken

Sport Ekspres — Mon, 27 Aug 2018 19:10:00 +0000

Aventura e Sebastian Rudit te kampionët e Gjermanisë zgjati vetëm një sezon. Mesfushori 28-vjeçar u prezantua sot nga klubi i tij i ri Shalke. Te skuadra nga Gelsenkirshen Rudi do mbajë numrin 13 dhe kontrata që ka firmosur zgjat për katër sezonet e ardhshme.

Nga shitja e mesfushorit, Bajerni përfiton 16 milionë euro. Fitim i konsiderueshëm po të marrësh parasysh se lojtari gjerman erdhi me parametra 0 nga Hofenhajmi 12 muaj më parë. Te Rudi Shalke gjen një lider për mesfushën, që do të ndihmojë trajnerin Tedesko të zvogëlojë boshllëkun e madh që lanë largimet me kosto 0 të Maks Majerit dhe Leon Goreckës.

#Rudy erhält Vierjahresvertrag beim #S04 und trägt künftig die Nummer 1?3?. Alle Infos ? https://t.co/vHyD1gC74g pic.twitter.com/1sWJVB4yGp

— FC Schalke 04 (@s04) August 27, 2018

Rumenige flet pa doreza: Rudi është i Shalkes, ndërsa Boateng…

Sport Ekspres — Mon, 27 Aug 2018 16:05:20 +0000

Karl-Hainc Rumenige nuk mbajti asnjë sekret mbi situatën e lojtarëve që po kërkojnë largimin nga Bajerni i Mynihut. Shefi i kampionëve të Gjermanisë foli hapur për situatën e mesfushorit Sebastian Rudi dhe mbrojtësve Zherom Boateng e Huan Bernat.

Rudi – “Mund ta konfirmoj se Rudi tani është duke kryer vizitat mjekësore te klubi i Shalkes. Nëse i kalon me sukses, atëherë duhet të gjendet dhe mirëkuptimi për shumën e transfertës. I uroj gjithë të mirat. Ai është një djalë fantastik”

Boateng dhe Bernat – “Nuk e përjashtoj ende largimin e Boateng. Ne nuk mund të pranojmë oferta qesharake, por unë dhe Uli (Hënes) jemi në gatishmëri në çdo moment nëse na vjen një ofertë që i plotëson kërkesat tona. Për të ardhmen e Bernat ende nuk është marrë ndonjë vendim, ai akoma nuk e ndarë mendjen”

Bajerni akord me Shalken, një “barrë” më pak

Sport Ekspres — Sun, 26 Aug 2018 12:15:01 +0000

Sebastian Rudi është pranë largimit nga Bajerni i Mynihut. Siç citon “WAZ”, bavarezët kanë arritur akordin me Shalke 04 për kalimin e 28-vjeçarit te klubi “mbretëror” për shumën e 16 milionë eurove.

Mesfushori difensiv nuk ishte pjesë e skuadrës në fitoren e Bajernit me rezultatin 3-1 përballë Hofenhajmit dhe tashmë ai është gati për të nisur aventurën e re me Shalken.

“Shanset për të qëndruar janë të ulëta, por unë e di përafërsisht, se ku do të vazhdoj karrierën timë, por le të jetë akoma surprizë”, foli Sebastian Rudi për “Kicker”.Rudi u transferua te Bajerni vitin e kaluar nga ekipi i Hofenhajmit dhe zhvilloi 25 ndeshje dhe shënoi 1 gol me bavarezët. Tashmë pritet vetëm zyrtarizimi i marrëveshjes dhe mesfushori do të veshë bluzën e Shalkes.

“Ankandi” Rudi, Shalke dhe Lajpcig “përplasin brirët”

Sport Ekspres — Tue, 14 Aug 2018 19:41:37 +0000

Sebastian Rudi me shumë gjasa nuk do të jetë më një lojtar i Bajernit të Mynihut gjatë sezonit të ardhshëm. Ngjeshja e mesfushës së bavarezëve dhe dëshira e lojtarit për të luajtur sa më shumë minuta, duke parë se dhe pak vite i kanë ngelur nga maja e karrierës, kanë sjellë në këtë vendim mes palëve.

Për shërbimet e 28-vjeçarit janë të interesuara Shalke dhe Lajpcig. Këta të fundit janë më pranë firmës me lojtarin, por dhe skuadra nga Gelsenkirshen do të përpiqet të bëjë çmos për të siguruar shërbimet e mesfushorit të kombëtares gjermane.

Largimet e Maks Mejer dhe Leon Goreckës kanë sjellë që tekniku Domeniko Tedesko të alarmohet, dhe ka qenë vëtë italiano-gjermani që ka pasur një bisedë të gjatë me Rudin në Mynih. Sipas “Bild”, nga shitja e mesfushorit Bajerni pritet të arkëtojë rreth 15 milionë euro.