“Vllaznia mbetet peng i politikës. Politika e keqe bën klubin e keq. Politika e ka në kthetrat e veta e nuk e lëshon për interesat e veta. Talentet të rinj po ikin vit pas viti nga akademia në drejtim të klubeve të tjera”.

“Ata drejtuesit e tanishëm po ndërtojnë një klub shumë të vogël. Mendoj se do kenë probleme të qëndrojnë në Superiore. Janë shumë mbrapa me merkato, ndërsa nuk e kuptoj as zgjedhjen e trajnerit. Se kuptoj se si ka ardhur te Vllaznia. Si mund të marrësh një trajner të huaj kur nuk ke asnjë garanci pasurore”.

“Dëgjojmë këtë kryetarin e ri të bashkisë, ose më mirë të them atë që mendon se do të jetë kryetari i ri që thotë mos firmoni asgjë, ndërkohë kryetarja e vjetër vazhdon akoma, drejtori Suad Lici nuk  e di me çfarë fondesh punon”, tha Vata.

“Kam folur shpesh për Skënderbeun dhe futbollin shqiptar. Ky është një futboll i korruptuar. Duke qenë të gjithë institucionet në Shqipëri janë të korruptuar, nuk ka mundësi që futbolli të jetë ndryshe”

“Skënderbeu është bërë viktimë e sistemit që ndërtoi vetë. Skënderbeu u ndërtua me qëllimin që do të bëheshin të paprekshëm, por ata nuk kuptuan se futbollit është një lojë që aq sa e dhunon, aq dhunohesh më vonë”.

“Sponsori i Skënderbeut foli si ata politikanët shqiptarë që i thonë popullit që ne jemi burra të mirë dhe shiko çfarë kemi bërë. Ata kanë kurajën të akuzojnë Dervishin. Dervishi për mendimin tim është një figurë që nuk ka qenë përlyer në afera korruptive”.

“Tani flasim për persona që flasin për historitë e Nastradinit. S’ka shqiptarë që nuk e din se çfarë ndodh me ndeshjet, shitjet e blerjet. Vetë sistemi i futbollit është i tillë. Unë Skënderbeun nuk e urrej, por unë urrej mënyrën se si mundohen të mbulojnë gjërat e të shiten si njerëz të pastër, sikur kanë zbritur nga qielli”.

“U dha një dënim i paprecedentë. Këtu nuk ka asnjë reagim nga Ministria e Sportit ose kryeministri. Është diçka e frikshme. Turp të kenë këto njerëz që në vend të reflektojnë e të marrin përgjegjësi, justifikohen. UEFA nuk të bie në qafë kot. Janë marrë njerëz të specializuar me këtë çështje. Shqiptarët menduan se ishin të shkathët po vjen një moment që laku ngushtohet”.

“Unë mendoj se është një lajm i mirë për futbollin shqiptar. Futbolli duhet të ndërtohet me projekte konkrete, duhet të punohet me të rinjtë dhe duhet kohë”, tha Vata.

“Futbollit shqiptar ju i bëni shumë reklamë për atë që jep. Këtu ne flasim për dhunë. Dhuna ekziston në shoqëri. Çka ndodh në shoqërinë, ndodh në stadiume. Është pjesë e edukatës. Në këtë vend funksionon ligji i të fortit. Një mik më tha: ‘Në Shqipëri nuk është a lejohet apo nuk lejohet, por a mundesh apo nuk mundesh’. Çdo gjë bëhet nëse mundesh. Këtë gjykojeni vetë pastaj. Këtu gjërat bëhen me vetëdije. I bwni reklame futbollit shqiptar, si të jetë Premier Liga angleze”.

“Prisja Kukësi më agresiv, që të luante për gjithçka, fitore ose humbje. I mungonte sulmi i vërtetë. Sulmuesi i tyre (i referohet Shkurtajt) një lojtar i thjeshtë, pa ato vlera që trumbetohet. Qendërmbrojtësit nuk patën shpejtësinë dhe agresivitetin e duhur. Uilliam shikohej se kishte vlera. Në mesfushë ishin disi më mirë. Partizani luan njëlloj, mbrohet mirë. Edhe atyre u mungon një sulmues kryesor, që mund ta çojë më lehtë te goli. Ishte një ndeshje e luftuar deri në atë pikë që mua nuk më kënaqi. Rastet ishin të pakta. Golit i Rexhinaldos ishte një vlerë e asaj ndeshjes, si dhe Asani me lëvizshmërinë e tij. Kukësi kishte një mbrojtje të lodhur. Krasniqi ishte shumë i ngadaltë, Cuculi nuk është më ai që ka qenë te Partizani”.

“Kam qenë tifoz i çmendur i Partizanit. Isha tifoz i Ferit Rragamit. E ndiqja në Shkodër atëherë. Kam qenë i vetmi në tribunë, që kur ai i shënoi gol Vllaznisë, kam festuar”.

GREZDA –  “Grezda dje nuk ishte as në 18-she. Ka bërë një lëvizje të madhe, në një futboll tepër të vështirë. Vjen nga futbolli kroat, që luhet në një klime tjetër. Nga një shtet me 300 ditë me diell, kalon në një vend që ka 300 ditë me shi. Është e vështirë. Nuk është përshtatur si duhet. Tani atje pozitat nuk janë të mira as për Stiven Xherard. Kanë bërë shumë blerje dhe janë eliminuar edhe nga Kupa”.

“Dihet që Tirana për atë që ka dhënë është emblema e kampionatit shqiptar. Një Tiranë e dobët bën që një kampionat të jetë i dobët. Me një Tiranë të fortë sigurisht që kampionati ka gjithmonë cilësi më të mirë. Por ajo që unë shikoj është se në kampionatin shqiptar, të paktën në këto 10-15 vitet e fundit, kanë ndodhur gjëra të jashtëzakonshme me skuadrat elitare, pra me skuadrat e traditës. Kur mendon që kampionatit shqiptar çdo sezon i është larguar një, ka ikur Dinamo, pastaj është larguar Partizani, pastaj ka ra nga kategoria Flamurtari, Tirana, Vllaznia, sigurisht që ky kampionat nuk e ka edhe atë vlerën, atë eksitimin e dikurshëm”, ka deklaruar Vata në emisionin “Rubrika Sportive” në RTSH.

Vata ka theksuar se Tirana ka humbur shumë nga identiteti i saj, ndërkohë që shprehet se disa prej lojtarëve nuk janë për këtë klub. “Me ndërrimin e trajnerëve gjithmonë kuptohet se punët nuk janë në rregull. Më duket një skuadër sikur i ka humbur karakteri, i ka humb vlera e asaj Tiranës së madhe, nuk respektohet sikur respektohej dikur. Është bërë një skuadër që mund të thyhet nga çdo kundërshtar. Sigurisht që përgjegjësia kryesore është e trajnerëve, sepse ata janë ata që marrin përsipër fatin e një skuadre dhe ndërtojnë skuadrën me futbollistët që kanë në dispozicion ose dëshirojnë të kenë në dispozicion”, shtoi shkodrani.

“Është një Tiranë që normalisht nuk shikoj se po bën atë që duhet në fushën e lojës. Nuk ka ata futbollistë me grintë, nuk ka ata futbollistët tipik të karakterit tiranas. I mungon karakteristika e saj kryesore, një Tiranë me futbollistë të shkollës së Tiranës dhe një Tiranë me atë grintën që është veçuar prej skuadrave të tjera, që ka krijuar atë fizionominë si skuadër e si klub. Kanë qenë shumë të lidhur, gjithmonë Tirana ka punuar mirë në grup. E shikoj tani një Tiranë që i ka humbur disi identiteti, i ka humbur ai shkëlqimi i dikurshëm dhe fanella nuk u shkon dhe nuk u rrinë për shtat shumë prej këtyre futbollistëve”, përfundoi Vata analizën e tij gjatë emisionit.

“Qëllimi im ishte të shihja Partizanin, pasi ka qenë si risi. Ka vite që nuk janë në krye të tabelës së klasifikimit dhe kisha shumë dëshirë të shihja një ndeshje direkte. Sërish dola në përfundimin se Skënderbeu sërish ka lojtarë, ndoshta mbi moshë, si Radas e Vangjeli, por janë lojtarë që kanë eksperiencën e mjaftueshme në kampionatin shqiptar. Kanë fituar mjaft trofe dhe dinë shumë mirë të ruajnë qetësinë në skuadër”, u shpreh Vata fillimisht.

Më tej ai theksoi se sulmi i Partizani nuk e mban dot peshën për ta nxjerrë klubin e kuq kampion. “Partizani ka disa lojtarë të rinj, kryesisht në fazën sulmuese. Pashë tre lojtarë me tipare pak a shumë të njëjta, si Mala, Asani dhe Bardhi. Janë të shpejtë, me teknikë të mirë, por jonë aspektin e atij lojtarit me potencë, që ka agresivitetin e duhur për të krijuar rrezikshmërinë që ka nevojë skuadra. M’u dukën të lëvizshëm, por jo me peshën dhe autoritet e duhur për të nxjerrë Partizanin kampion. Ata kanë mangësi në aspektin sulmues, u duhet një lojtar i fuqishëm, një lojtar me prezencë dhe që e dërgon topin në rrjetë”.

ARMA EKSPERIENCË –“Në aspektin taktik: përveç Kalarit, të cilin e pashë ndoshta jo të freskët dhe jo në formën më të mirë, pjesa tjetër ishte ‘OK’. Ndoshta edhe periudha e gjatë që ka qëndruar pa u aktivizuar ka ndikuar në gjendjen e tij fizike. E pashë që, përveç Kalarit, tre mbrojtësit e tjerë m’u dukën mirë. Këtë ndeshje e fitoi eksperienca, e fitoi një gol i Muzakës, që për mendimin tim ishte një rreshtim i gabuar i Kalarit. Sigurisht portieri, një portier i mirë, me eksperiencë dhe një kapiten i zoti, duhet të bëjë ndërhyrjen e duhur. Sepse ishte një gol që normalisht, po të ishte i pozicionuar mirë portieri, ishte i evitueshëm. Ky gol pastaj vendosi edhe fatet e ndeshjes, sepse skuadra më pas nuk kishte atë kapacitetin për të reaguar, nuk kishte atë forcën dhe agresivitetin e mjaftueshëm.

Mendoj se meritat i ka Skënderbeu, që diti ta marrë atë fitore të rëndësishme. Mendoj se ata do të ishin të kënaqur edhe me një barazim, pasi po ta kesh kundërshtar direkt dhe t’i marrësh katër pikë në dy ndeshjet e para, sigurisht që është gjë e mirë. Gjithsesi mendoj se Partizani ka kohë për të rikuperuar, ta analizojë mirë këtë ndeshje, sepse këto ndeshje janë ato ndeshje që të japin pikë shumë të rëndësishme. Gjashtë pikë minus me një kundërshtar direkt janë ato që vendosin edhe fatet e kampionatit”, përfundoi Vata.

Shkodrani komenton arritjen e bërë, ndërkohë që jo çdo gjë i shkoi mirë. Ai flet për atë që ka kaluar, eksperiencat në Gjermani dhe Japoni. Nuk flet vetëm për futboll, por edhe për pjesën jashtë që ka hasur. Normalisht nuk mund të mos flasë për Skoci-Shqipëri, që luhet të hënën. Puna si menaxher, vuajtjet dhe djali i tij janë disa nga tematikat e tjera për të cilat flet Vata në rrëfimin e bërë për gazetarin Andrew Smith në “Scotsman.com”.

Kupa me Sëlltikun – “Nuk e di se çfarë do të thoshte për njerëzit në vendin tim, por e di mirë se çfarë do të thoshte për mua. Nuk e prisja që gjërat të ndodhnin aq shpejt, por unë firmosa për një nga klubet më të mëdhenj në ishull, me klubin e parë britanik që fitoi për herë të parë Champions dhe më vonë unë fitova Kupën e Skocisë me Sëlltikun. Ajo që më ndodhi mua, çfarë arrita në atë periudhë si shqiptar, ishte diçka pothuajse e pamundur.”

Skoci-Shqipëri – “Njerëzit më pyesin se si do të dalë ndeshja, por unë nuk jam magjistar. Shqipëria nuk është më e keqja dhe Skocia nuk është ekipi më i mirë. Do të fitojë ai ekip, që është më i organizuar, punon më shumë dhe bën më pak gabime.”

Periudha e vështirë – “Nuk isha në dijeni të asaj çka po ndodhte, derisa mësova gjuhën. Menaxherët vinin dhe iknin, e kuptoja që situata nuk ishte e qëndrueshme në të gjitha kuptimet. Rejnxhërs po firmosnin me lojtarë të shtrenjtë si: Laudrup dhe Gaskojn. Ata ishin dominues atë periudhë, por sot e kuptojmë mirë se si ata paguanin për ta bërë atë gjë.”

Principet e Vatës – “Unë isha serioz në gjërat që bëja, isha i disiplinuar, luaja me rregulla, e bëja atë që më kërkohej dhe punoja më fort se të gjithë. Në Gjermani ekzistonte etika, njerëzit ishin fantastikë dhe unë punoja 30% më shumë se lojtarët vendas, përndryshe pse ata duhet të luanin me një lojtar shqiptar? Në Japoni ishte akoma më e pabesueshme etika e punës. Tokio ishte një qytet me 20 milionë banorë, por me zero kriminalitet.

Si është e mundur? Sepse nuk ngjan me asnjë qytet tjetër në botë, modern, i pastër, i mrekullueshëm, njerëz që punonin nga orët e para të mëngjesit deri në orët e vona të mbrëmjes, njerëz që të respektonin pa masë dhe silleshin në mënyrën më të mirë të mundshme. Njoh shumë lojtarë të tjerë, të cilët gjejnë një vend për t’u rivendosur dhe qëndrojnë aty deri në fund të karrierës, sepse nuk e përballojnë përshtatjen me kultura dhe gjuhë të reja. Por, mua diçka e tillë më mban sytë hapur.”

Sakrifica – “Ti duhet të jesh i përgatitur të vuash, shoku im. Duhet të japësh më shumë se sa mendon që mund të japësh. Mua nuk më pëlqente të merrja pjesë në “party”, nuk dëshiroja të abuzoja me trupin tim dhe ende nuk e bëj diçka të tillë. Ti stërvitesh, punon dhe stërvitesh edhe më fort. Por, të rinjtë e kanë më të lehtë. Ju them djemve të mi që duhet të jepja, jo vetëm për veten time, por dhe për prindërit e mi dhe vëllain. Duhet të rregulloja vizat e tyre, udhëtimet e tyre, t’iu blija shtëpitë e tyre dhe të sigurohesha që ishin në rregull. Djemtë e mi duhet të mendojnë për veten e tyre.”

Puna si menaxher – Rudi Vata arriti marrëveshjet për transferimin e Geri O’Konor dhe Aiden MekGeidi në Rusi, ndërsa vendosi t’i japë fund kësaj pune dhe të përqendrohet te familja, mbasi një përfaqësues i tij bllokoi disa transferime drejt AEK-ut dhe Marsejës, duke kryer transferimin në Qipro për disa para më shumë.

“Diçka e tillë më theu zemrën, më shkatërroi ndjenjat edhe pse i dha fund një periudhe të suksesshme dhe kishte para të mira. Nëse ke para, bëhesh i lumtur vetëm për disa ditë. Nëse mendon që ndodhesh në klubin e gabuar, paratë, pavarësisht rëndësisë së tyre, nuk mund ta mposhtin atë që ndjen. Futbollisti vjen i pari. Dëshiroja të vendosja më të mirën e lojtarëve mbi të gjitha. Shumë agjenci futbollistësh janë biznese të shkatërruara nga njerëz, të cilët nuk kanë aspak interes për lojtarët dhe futbollin. Interesi i tyre i vetëm është sasia e parave që fitojnë.”

Djali i tij, Roko në gjurmët e të atit – “Unë nuk mendoj që ai do të bëjë gjithçka mirë, e di. Të tjerët më thonë që ai mund t’ia dalë. Sëlltik po përfiton shumë sot nga zhvillimi i lojtarëve të rinj në sistemin e tyre shkollor ‘St.Ninian’. Djali im largohet në shtatë të mëngjesit dhe kthehet në shtëpi në shtatë të mbrëmjes, por kjo nuk është ndonjë sakrificë e madhe. Ai duhet të dëshirojë të bëjë gjithçka mundet. Shikoni Kristiano Ronaldon. Ai firmosi me Juventusin në moshën 33-vjeçare për gjithë ato para, sepse ka punuar më shumë se çdo futbollist në histori. Ai vazhdon ta bëjë atë gjë, pavarësisht se ka arritur gjithçka dhe është një multi milioner.”