TITULLI KAMPION – “Vuajtjet dhe sakrificat e gjithë vitit na u shpërblyen me fitoren e kampionatit në fund. Ishte një fund i lumtur, u gëzuam të gjithë”.

STËRVITJA  – “Në stërvitemi pothuajse çdo ditë. Një seancë zgjat diku te një orë o gjysmë ose dy orë. Pjesa tjetër është kohë e lirë. Po të kemi dëshirë mund të bëjmë stërvitje ekstra. Ndonjëherë trajneri vendos të na japë një ditë pushim pas një ndeshje”.

RËNDËSIA E REGJIMIT –“Nëse nuk mban regjim kjo gjë do të pasqyrohet menjëherë në paraqitjet në ndeshje ose stërvitje. Gjithçka është në dëmin tënd”.

HAPAT E PARË – “Futbollin e kam filluar shumë i vogël, diku te 8 vjeç. Babai më thoshte se do i hyja futbollit, pasi ai i kishte luajtur vetë, dhe ky sport do më bënte mirë për shëndetin. Më pas e kuptova se mund të shkoja më larg. Daja më bëri tifoz më Brazilin. Në përgjithësi më pëlqenin të gjithë brazilianët, veçanërisht Ronaldinjo. Më pas u dashurova me Ronaldon, jo me Mesin”.

A KA ZËNKA NË SKUADËR – “Të them drejtën këtë vit kemi pasur shumë harmoni në ekip. Normalisht nuk është e thënë të rrish me 25 çuna. Mund të kesh një grup djemsh që je më i afërt. Këtë vit ka pasur shumë harmoni, prandaj besoj arritëm te ky sukses. Futbolli i njeh acarimet. Janë gjëra që ndodhin në nerva e sipër, por shuhen aty menjëherë”.

E ARDHMJA – “Nuk e di të them të drejtën. Këtu te Partizani jam në huazim. Kam dhe një vit kontratë me Domzhalen në Slloveni. Tani do shoh sa të fillojë merkato. Partizani ka të drejtë të aplikojë të drejtën e blerjes së kartonit. Në rast se jo, atëherë do kthehem në Slloveni e do vazhdoj atje”.

KOMBËTARJA – “Është një ëndërr që e ka çdo shqiptar besoj, sidomos ne që jemi marrë përherë me futboll. Nuk ka arritje më të madhe se sa të luash në kombëtare”.

MIQËSIA ME LOJTARË TË KOMBËTARES – “Po Balajn e kam kushëri, ndërsa Roshin e njoh prej Bekimit. Jam shumë i afërt me ata, komunikoj shpesh. Kur kam qenë pjesë e moshave të Rijekës, ata ishin në ekip të parë dhe më kanë dhënë një ndihmë shumë të madhe. Kalonim çdo ditë bashkë. Më kanë këshilluar si të jem më i qetë dhe si të stërvitem më shumë”.

SKUADRA E ZEMRËS –  “Unë jam formuar si futbollist në Shkodër dhe normalisht kam qenë tifoz i Vllaznisë. Vitin e parë si profesionist e kam kaluar te Vllaznia. Është normale të jem tifoz me Vllazninë. Për Partizanin kam pasur gjithmonë simpati, pasi pavarësisht se ra në kategoritë më të ulëta, u ngrit prapë dhe doli kampion. Është krenari dhe nder për ne që e arritëm ta kthenim në majë të futbollit. Kështu bëjmë që moshat e reja te bëhen tifozë me Partizanin, pasi ka shumë me Tiranën”.

THUHET SE FUTBOLLISTËT JANË TIPA TË TURPSHËM? – “Varet, nuk janë të gjithë njësoj ka dhe tipa që s’i pushon goja. Unë ndoshta hyj më shumë te të turpshmit, por më mirë të them diku në mes”.

MESAZHI PËR TË RINJTË – “Do i thosha të rinjve që të besojnë në vetvete dhe me punë e përkushtim mund të arrijmë çdo gjë”.

Praktikisht sezoni për Hebajn ka përfunduar dhe pritet që së shpejti të kthehet te Domzhale, klub nga ku Partizani e ka marrë në huazim. Sulmuesi shënoi gjatë kampionatit vetëm 4 gola, dygolësha ndaj Tiranës dhe Flamurtarit.

Ndërkohë, sipas RTSH Sport, trajneri Skënder Gega do të ketë të gatshëm për ndeshjen me Kukësin edhe lojtarët që janë ftuar në kombëtare. Kështu, Esat Mala, Lorenc Trashi dhe Alban Hoxha do të jenë në fushë kundër verilindorëve.

Thuhet se e njëjta gjë do të ndodhë edhe me Bruno Telushin, i cili do të duhet të shlyejë pezullimin e mbetur në gjobë. Pas sfidës me Laçin ai u pezullua me katër ndeshje dhe deri më tani ka shlyer tre prej tyre. Që të aktivizohet kundër Kukësit mjafton të depozitojë në FSHF gjobën prej 1 milion lekësh, sikurse edhe e parashikon rregullorja.

Hebaj u mor për të qenë sulmuesi kryesor dhe në fillim ishte titullar. Shtatë ndeshje i nisi nga minuta e parë dhe më pas trajneri Gega zgjodhi të luajë me Bardhin në majë të sulmit. Shkodrani ishte gjithmonë gati për të dhënë kontributin e tij dhe ka zbritur në fushë 14 herë si zëvendësues.

E ARDHMJA – Kanë mbetur edhe tre javë kampionat dhe është momenti që në klubin e kuq të vendosin. Janë të shumta arsyet pse palët mund të ndahen. Hebaj te Partizani është transferuar nga Domzhale me formulën e njohur huazim me të drejtë blerje.

Sezoni i tij ka qenë plot dritëhije dhe Partizani zor se do ta aktivizojë klauzolën, që kap shifrën e 50 mijë eurove. Gjithashtu edhe paga e lojtarit nuk ka qenë e vogël dhe në klubin e kuq ekziston një mendim që sulmuesi  nuk e ka justifikuar shpenzimin e tyre. Kështu e ardhmja e Hebajt duket të jetë e destinuar në Slloveni, ku pritet të kthehet me përfundimin e kampionatit. Koha për një rinisje të re.

DYGOLËSHI – “Ndihem shumë mirë që shënova dy gola dhe që i dhashë fitoren ekipit. Gjithsesi, shpresoj të bëj edhe më shumë gola dhe t’i jap më shumë pikë skuadrës.

DERBI, TITULLAR APO NGA STOLI DHE ME GOL ? – “Normalisht, do të zgjidhja të shënoja, por shpresoj të luaj sa më shumë minuta. Zgjedhja i takon trajnerit. Asisti i Asanit ishte shumë i bukur. Zakonisht, nuk kroson me të djathtën, por unë isha gati dhe jam i lumtur që shënova. Në fakt, çdo derbi është i vështirë, ne do të bëjmë çdo gjë siç kemi bërë gjithmonë. Shpresoj të bëjmë më të mirën tonë. Ngacmime? Janë përgjatë gjithë vitit, jo vetëm në derbi. Le të fitojë më i miri”,- përfundoi Hebaj.

“Nuk e prisja të luaja kur ndeshja ishte 0-0. Ishte ndeshje e luftuar nga të dyja pakët. Goli i pësuar bëri që trajneri të ndryshonte taktikë dhe u futa unë. Shfrytëzova dy rastet dhe jam shumë i gëzuar”, u shpreh Hebaj pas ndeshjes.

Shkodrani nuk bën polemika kur i përmendin stolin: “Është normale të jesh në stol, do preferoja më mirë të hyja në lojë dhe të shënoja nga dy gola, se sa të mos shënoja. Problemi është që të kem sa më shumë minuta dhe të kem mundësi të tregoj veten”.

“Mesazh për trajnerin dhe skeptikët? Shpresoj të jem ai bomberi i Partizanit, shpresoj të shënoj sa më shumë gola. Nuk kam asnjë problem me trajnerin, ai ka zgjedhjet e veta. Nuk më takon mua ta gjykoj këtë pjesë. Sa herë të më jepet rasti do mundohem të tregoj veten|.

“A meritoj më shumë minuta? Është mirë që ka konkurrencë, pasi na bën të rritemi të gjithë. Kushdo që të luajë do të japë maksimumin. Kjo është e rëndësishme. Shpresoj të jemi gjithmonë në vend të parë dhe të fitojë ekipi. Plani individual është i dyti në radhë”.

Partizani zgjodhi të rikthente në Superiore Rubin Hebajn. Shkodrani u mor në huazim nga Domzhale dhe ende nuk k treguar vlerat e tij të vërteta. Trajneri Skënder Gega në daljet e tij publike e ka mbrojtur në maksimumin sulmuesin e tij.

Për javë të tëra është thënë se janë të kënaqur me lojtarët e sulmit që kanë dhe se nuk po mendojnë të ndërhyjnë në merkato. Situata tani është ndryshe dhe Partizani realisht po shikon për një sulmues. Vasil Shkurtaj është në krye të dëshirave të të kuqve.

SHIFRAT E HEBAJT TE PARTIZANI– Vetëm një gol i shënuar me fanellën e kuqe. Shkodrani i ka realizuar Tërbunit të Kategorisë së Dytë në Kupë. Në kampionat ende është në kërkim të golit dhe deri më tani është aktivizuar në 9 ndeshje. Pesë prej tyre i ka nisur si titullar.

Në dy ndeshjet e fundit ka marrë pak minuta. Kundër Laçit u aktivizua në minutën e 89-të. Partizani ishte në avantazh dhe mund të merret thjesht si një strategji për të vonuar lojën. Me Kastriotin nuk pati asnjë minutë për sulmuesin, edhe pse lojtarët e tjerë shpërdoruan shumë.

MOMENTI I SË VËRTETËS – Tre gola në dy ndeshje. Rubini i ka shënuar Maltës në dy miqësoret që Shqipëria U21 fitoi së fundmi. Shkodrani i sulmit tashmë ndihet i çliruar disi dhe mendon të japë më të mirën e tij për Partizanin. Dëshira është e madhe, por për këtë duhet të zbresë në fushë.

Trajneri Skënder Gega ka mundësinë që ta fitojë sërish sulmuesin, ose edhe ta humbasë përfundimisht. Gjithçka është në dorë të Hebajt, i cili duhet të tregojë që jo më kot Domzhale e transferoi nga Vllaznia, apo pse Partizani i besoi atij dhe jo ndonjë sulmuesi tjetër.

Dilema për Gegën, pasi Bardhi momentalisht po bën paraqitje të mira dhe në dy ndeshjet e fundit në Superiore ka arritur të shënojë tre gola. Gjithsesi Hebaj e dha një mesazh për trajnerin e të kuqve, i cili duhet tanimë të menaxhojë situatën. Çfarë do të ndodhë, do të shihet… Gega ka në dorë të ndezë “jeshilen” ose të “kuqen”. Hebaj ka arritur në “udhëkryq”.

VLADIMIR PRENGA

Malta bëri një ndeshje të mirë dhe 45 minutat e para u mbyllën në barazim 1-1. Shefit Shefiti ishte ai që kaloi në avantazh kuqezinjtë dhe diçka të tillë e bëri përmes një goli mjaft të bukur të realizuar që në minutën e 11-të.

Skuadra drejtuar nga Alban Bushi u mundua të shënonte edhe golin e dytë, por nga ana tjetër Malta nuk u dorëzua dhe në dy momente rrezikoi portën e Dajsinanit. Ky i fundit u mposht në minutën e 37-të, kur Brinket u shërbye si duhet pas shpinës së mbrojtjes dhe i vetëm me portierin kavajas arriti të realizojë golin e barazimit.

Në fundin e pjesës së parë pati probleme për Arbnor Muçollin. Mesfushori i Vejle BK u dëmtua dhe në vend të tij u aktivizua Arbër Basha. Dy minutat shtesë nuk dhuruan asgjë të re dhe me rezultatin 1-1 në fuqi skuadrat iu drejtuan dhomave të zhveshjes.

Bushi bëri një tjetër lëvizje, duke larguar Malën për Selahin. Kuqezinjtë i afrohen shumë shpejt golit me anë të Hebajt, por shkodrani gjen traversën nga goditja e dënimit. Maltezët kanë befasuar përmes Brinket, i cili pas një rrëmuje në zonë shënoi golin e avantazhin për skuadrën e tij.

Rreth dhjetë minuta më pas Shqipëria barazoi. Një penallti e dyshimtë, e akorduar nga gjyqtari Hamitaj, u kthye në gol nga Rubin Hebaj. Barazim 2-2 dhe djemtë kuqezi nuk dorëzohen dhe pak minuta nga fundi shkodrani realizoi edhe golin e tretë dhe të fitores.

Protesta nga miqtë për pozicion jashtë loje, por për anësorin gjithçka ishte e rregullt. Deri në fund nuk pati më ndryshim rezultati dhe Shqipëria U21 fitoi me rezultatin 3-2.

MIQËSORE – E HËNË, MË 19 NËNTOR, ORA 19:00

SHQIPËRI-MALTË 3-2
Shënues: Shefiti 11’, Hebaj 76’ (pen.), 87’ / Brinket 37’, 66’

Shqipëri: Dajsinani, Kryeziu, Mersinaj, Tafa, Maloku, Muçolli (Basha 45’), Mala (Selahi 46’ – Ndraxhi 81’), Imeri (Fazliu 59’), Shefiti, Zeka, Hebaj. Trajner: Alban Bushi

Malta: Vela, Borg, Guilomjer, Sansone, Frixheri, Zamit, Pulis, Birman, Shou, Brinket, Zerafa. Trajner: Silvio Vela

Gjyqtarë: Eldorian Hamiti, Melis Dervishi, Fisnik Thorja, Edvin Hoxha

Karton i verdhë: Mersinaj 63’ / Birman 53’, Sansone 82’

Shkak është bërë një kontraktim që lojtari ka. Të premten Partizani zbret në fushë kundër Flamurtarit dhe Hebaj rrezikon të mungojë. Nëse ndodh kështu, me shumë mundësi do të jetë Emanuel Mensah ai që do të pozicionet në sulm.

Gjithsesi sytë janë nga Hebaj, pasi shpresohet të jetë gati për ndeshjen me vlonjatët. Sulmuesi i ka luajtur si titullar të katër ndeshjet e para të kampionatit, por ende nuk ka arritur të shënojë.

Momentalisht Hebaj ka kaluar te Partizani në huazim me të drejtë blerje, ndërkohë që të kuqtë mund ta bëjnë tyrin sulmuesin për shumën e 100 mijë eurove, sikurse raporton gazetari Gjergji Stefa në emisionin “Gol pas Goli” në Supersport.

Gjithashtu aty u diskutua edhe për largimin e Gerhard Prognit, i cili thuhet se ka pasur pakënaqësi që në fund të sezonit të shkuar, por edhe me fillimin e kampionatit të ri. Për këtë ai ka kontaktuar presidentin e Teutës, Edmond Hasanbelliun.

Ky i fundit i ka lënë gjithçka në dorë trajnerit Shkëmbi. Drejtori i Partizanit, Olsi Rama, thuhet se ka pasur një bisedë me Prognin dhe dëshira ka qenë që ai të qëndrojë. Gjithsesi lojtari ka këmbëngulur për të ikur dhe palët kanë gjetur akordin dhe kanë shtrënguar duart.