“Pas dy edicionesh e gjysmë mjaft të suksesshme dhe plot emocione, aventura me Kukësin përfundon këtu. Klubi më bëri një ofertë shumë të mirë dhe me shumë vlerë për mua, por dëshira ime është që të luaj diku jashtë vendit dhe kjo gjë u mirëkuptua nga drejtuesit e klubit.

Dua t’i falënderoj, duke nisur nga presidenti Safet Gjici, drejtorin Nderim Nexhipi, të gjithë trajnerët dhe stafet që kemi bashkëpunuar,  të gjithë lojtarët dhe padiskutim tifozët e mrekullueshëm, të cilët na kanë mbështetur në çdo ndeshje.

Së bashku arritëm të fitonim çdo trofe të mundshëm dhe për këtë jam mjaft krenar. Ka qenë një periudhë fantastike, pasi kam pasur mundësinë të bashkëpunoj me një nga klubet më të mirë në Shqipëri.

Me respekt Simo Rrumbullaku.”

 

View this post on Instagram

 

• ??? ?? ?????????? ? ?????ë ????? ?ë ?????????? ??? ???? ????????, ???????? ?? ???ë??? ?ë??????? ?ë??. ????? ?ë ?ë?? ??ë ?????ë ????ë ?ë ???ë ??? ?? ????ë ????ë ?ë? ???, ??? ?ë????? ??? ë???ë ?ë ?ë ???? ???? ?????ë ?????? ??? ??? ??ë ? ???ë?????? ??? ?????????? ? ??????. ??? ?’? ???ë??????, ???? ????? ??? ?????????? ????? ?????, ????????? ?????? ???????, ?ë ?????ë ???????ë? ??? ?????? ?ë ???? ?????ë??????, ?ë ?????ë ??????ë? ??? ?? ???????? ?????ë? ? ???????????ë?, ?ë ???ë? ?? ???ë ??ë??????? ?ë ç?? ???????. ?ë ?????? ?????ë? ?ë ??????? ç?? ????? ?ë ??????ë? ??? ?ë? ?ë?ë ??? ????? ??????. ?? ???ë ??ë ???????ë ??????????, ???? ??? ????? ????ë???ë ?ë ?????ë????? ?? ??ë ??? ?????? ?ë ?ë ???? ?ë ?????ë??. ?? ??????? ???? ???????????…… ????? ??? ?????????? ???????? ??? ? ???? ???? ?? ????????, ????????? ???? ????? ???? ????. ??? ???? ???? ?? ? ???? ???? ????? ??? ???? ???????? ?? ??, ??? ?? ?????? ?? ?? ???? ????????? ?????? ??? ???? ??? ?????????? ?? ??? ????’? ???????. ? ???? ?? ?????, ???????? ???? ????????? ????? ?????, ???????? ?????? ???????, ??? ??? ??????? ??? ?????? ?? ???? ????????????, ??? ??? ??????? ??? ??????????? ??? ????????? ???? ??? ???? ????????? ?? ?? ????? ?????. ???????? ?? ??????? ?? ??? ????? ???????? ?????? ??? ??? ???? ? ?? ???? ????? ??. ?? ??? ???? ? ????????? ???? ????? ? ??? ??? ??????????? ?? ??????????? ???? ??? ?? ??? ???? ????? ?? ???????. ???? ??????? ???? ?????????? #SR20 @fkkukesialbania @kf.kukesi @fk.kukesii

A post shared by ???? ?????????? (@rumbu20) on Jul 24, 2019 at 8:04am PDT

Ndreu do të debutojë kundër Partizanit në kampionat, një sfidë që mund të vendosë dhe titullin kampion. Një debutim aspak i lehtë për Ndreun, por për teknikun ka lajme të mira. Siç mëson “SportEkspres.com”, te Kukësi ka rikthime të rëndësishme. Cuculi, Rrumbullaku dhe Uilliam Kordeiro do të jenë të gatshëm në ndeshjen kundër “Demave”.

Megjithatë, kapiteni Shameti është ai që shqetëson, me mbrojtësin gjirokastrit që pritet të mungojë për 3 javët e ardhshme. Titulli kampion është një objektiv ende i arritshëm për verilindorët, por nuk duhet të bëjnë më hapa fals, duke filluar që nga ndeshja kundër Partizanit.

I fundit do të rikthehet për ndeshjen e kampionatit me Skënderbeun dhe problemi kryesor për sfidën e radhës është krahu i majtë i mbrojtjes.  Në stërvitje është provuar Olsi Teqja në atë pozicion dhe sikurse kuptohet Cungu nuk mund t’ia besojë formacionin të riut Xhemaili.

Fatmirësisht janë rikuperuar kapiteni Shameti dhe Valdet Rama, të cilët patën probleme gjatë javës dhe shtyrja e kampionatit ju erdhi në ndihmë. Në sfidën me Partizanin Kukësi do të jetë më i plotë, pasi edhe periudha e pushimit për shkak të ndeshjeve të kombëtares i vjen në ndihmë të dëmtuarve.

Ky sezon ka qenë i pafat për Rrumbullakun, i cili është dëmtuar dy herë radhazi. Por asgjë nuk mbaroi këtu, pasi numri 20 i verilindorëve është dëmtuar sërish. Në takimin kundër Luftëtarit, mbrojtësi doli i dëmtuar nga fusha e lojës.

Ditën e diel, 27-vjeçari ka udhëtuar drejt Janinës, aty ku ka kryer rezonancën dhe ka mësuar shkallën e dëmtimit. Siç konfirmon vetë mbrojtësi për “Sport Ekspres”, do të qëndrojë pushim për dy javë, por në rast se stërvitja individuale shkon mirë, mund të rikthehet më shpejt në fushat e lojës. Gjithashtu, mbrojtësi u shpreh optimist dhe për titullin kampion, ku tha se dëshiron të rikthehet sa më shpejt në fushë për të ndihmuar Kukësin që të arrijë dhe të parakalojë Partizanin në renditje.

Intervistuesi është mesfushori Et’hemi, ndërsa Rroca dhe Limaj janë pas tij, duke ngacmuar herë pas here mbrojtësin e verilindorëve. Rrumbullaku qëndroi mirë kundrejt ngacmimeve dhe u tregua profesionist, pavarësisht se provokimet nga shokët e skuadrës ishin të shumtë. Video më poshtë flet vetë…

Konkurrenca në ekip është shtuar te skuadra e Kukësit, por kjo gjë sipas Rrumbullakut i bën mirë ekipit dhe vetëm me rivalitet, arrihet te rezultatet e kërkuara. Në një intervistë për “sportekspres.com”, Rrumbullaku ka prekur disa tema: Rifillimin e sezonit, rivalitetin në skuadër, ardhjet e reja të merkatos dhe fokusi në ndeshjen kundër Apolonisë. Në fjalën e tij, Rrumbullaku tha:

Pas një faze përgatitore shumë të mirë, a është gati Rrumbullaku për rifillimin e sezonit?

“Në përgjithësi, si grup por edhe personalisht, jemi të kënaqur nga volumi i punës dhe nga rezultatet e fazës përgatitore në Turqi. Ndihemi mirë edhe të gatshëm për rifillimin e kampionatit. Do mundohemi nga ana jonë të bëjmë të pamundurën që të arrijmë aty ku duhet”.

Konkurrenca në ekip është shtuar me tri afrimet e reja, është një gjë pozitive kjo për ju, apo e shihni vendin tuaj të titullarit në rrezik?

“Futbolli dhe konkurrenca shkojnë bashkë në punën tonë. Është gjë e mirë të ketë ekipi konkurrencë, sepse të gjithë janë më seriozë te puna e tyre dhe më shumë të përqendruar tek ato gjëra që kërkon stafi. Vetëm kështu do të arrijmë te rezultatet dhe sukseset që synojmë”.

Keni qenë një nga lojtarët më të rëndësishëm te Kukësi në gjysmën e parë të sezonit dhe mungesa juaj u ndie tepër kur ishit i dëmtuar. Do vazhdojë Rrumbullaku të jetë një nga lojtarët “flamur” në ekip?

“Personalisht, kam qenë afro tre muaj jashtë fushave dhe ishte pak e vështirë për mua. Gjithsesi, futbolli i ka këto situata te tilla, por nuk e mendoj fare këtë gjë, pasi e kam lënë pas dhe unë shikoj vetëm përpara. Edhe si natyrë, jam njeri pozitiv dhe gjithmonë i lë pas momentet negative. Me besim edhe me punë, do mundohem të arrij aty ku isha më përpara se të kisha dëmtimet dhe të shpërblej besimin që kanë treguar stafi dhe drejtuesit e klubit. 

Dihet se Kukësi synon medoemos titullin kampion, por ndeshja e parë në 2019-ën është në Kupë përballë Apolonisë. E synon Kukësi dhe Kupën?

“Kukësi çdo vit konkurron për sa më shumë trofe. Është mentaliteti i tillë dhe pritshmëritë e klubit dhe të tifozëve çdo vit është kampionati dhe Kupa. Prandaj bëjmë maksimumin te ndeshja me Apoloninë, të tregojmë vlerat në fushën e blertë dhe të fitojmë ndeshjen, pasi kjo është pjesa jonë. Të tilla sfida duan seriozitet dhe me përqendrimin maksimal, pasi në të kundërt, ke probleme. Në futboll, nuk ka kundërshtar të lehtë. Pas kësaj ndeshje, do fokusohemi edhe te takimet e kampionatit”,- u shpreh Rrumbullaku.

Intervistoi: VERONIK ISTREFAJ

Në Pezë, aty ku Kukësi ka kryer seancat stërvitore përgjatë gjithë këtij sezoni, kanë zbritur në fushë futbollistët verilindorë, për të kryer stërvitjen e parë në tokën shqiptare për këtë vit. Në stërvitje, është bashkuar edhe afrimi më i fundit, Faton Xhemaili.

Mbrojtësi ka kryer stërvitje të plotë dhe për të luajtur në formacion, do t’i duhet të rivalizojë me një nga lojtarët më të mirë te verilindorët, Simo Rrumbullaku. Xhemaili është një futbollist që mund të mbulojë të dyja krahët e mbrojtjes dhe me shumë gjasa, Cungu do eksperimentojë me të.

Edhe pse mbetet ende për t’u përcaktuar se ku do të luhet supersfida e kësaj jave, ekipet vijojnë normalisht përgatitjet. Kukësi mori një fitore të vuajtur në Gjirokastër, por që i shërben nga ana morale para dy ndeshjeve më të rëndësishme për këtë edicion. Në fazën e parë Kukësi ka dështuar që të marrë pikë ndaj ekipeve kryesuese dhe të premten do të kërkojë që ta thyejë këtë “ters”.

Armando Cungu do të ketë plotësisht gati kapitenin Ylli Shameti dhe mbrojtësin tjetër Simo Rrumbullaku. Kapiteni ishte në stol në takimin  fundit, ndërsa gjirokastriti luajti pak minuta në fund. Të dy janë pika të rëndësishme të skuadrës dhe me shumë mundësi do të jenë nga minuta e parë. Edhe gjendja e Shafik Tigruxhës është në përmirësim dhe francezi mund të jetë në dispozicion për stafin teknik. Një skuadër më e kompletuar për kuksianët, të cilët në takimet e fundit kanë pasur pak alternativa, duke kujtuar se në takimin me Kamzën ishin vetëm 4 lojtarë në stol.

Në fund gëzuan kuksianët, të cilët tani mendojnë për takimin e radhës me Luftëtarin, që do të luhet të shtunën në orën 14:00. Për këtë takim, Armando Cungu do të ketë të gatshëm Vangjel Zguron, i cili kishte plotësuar numrin e katër kartonëve dhe nuk ishte i disponueshëm për takimin me Kamzën.

Vëmendja është në infermieri, ku kapiteni Ylli Shameti ka dhënë sinjale pozitive dhe me shumë gjasa do të jetë në ndeshjen ne javës së 15-të, që për të do të jetë e veçantë, pasi rikthehet në shtëpinë e tij si kundërshtar. Po ashtu pritet nga dita në ditë leja e stafit mjekësor edhe për Simo Rrumbullakut, i cili është bashkuar me ekipin në ushtrimet e thjeshta dhe mund të jetë në stol që në takimin e radhës.

Shafik Tigruxha po ashtu e ka lënë pas shqetësimin fizik që ka ndjerë dhe gjatë javës do të shihet nëse do të ketë më shqetësime apo do të mund të japë kontributin e tij në ndeshjen e radhës.

Rrumbullaku është bashkuar me skuadrën në vrapimet e lehta, por dhe në ushtrimet e thjeshta, ccka paralajmëron se është në fazën e fundit të rikuperimit dhe mund të jetë pjesë e skuadrës që në takimin e radhës me Kamzën. Gjithsesi, fjala e fundit i takon stafit mjekësor që duhet të thotë nëse mund të zbresë në fushë.

Kukësi po kalon nj moment jo të mirë, pasi ndodhet mjaft larg Partizanit dhe duket e vështirë që të pretendohet titulli. Rikthimi i Rrumbullakut e qetëson disi Cungun, i cili e kishte veçuar disa herë s mungesa e mëngjarashit ka qenë një hall më vete për skuadrën.

Pushimi i ka bërë mirë Shametit, i cili tashmë do të jetë gati për ndeshjen e radhës, por së bashku me të në fushën e kompleksit “Internacional” është bashkuar dhe mbrojtësi Simo Rrumbullaku. Mëngjarashi u dëmtua në ndeshjen me Kastriotin dhe pritej që të mungonte për 6 javë, por gjërat kanë shkuar mirë dhe mund të rikuperohet para kohe edhe pse duket e vështirë që të jetë gati për takimin e kësaj jave.

Të dy gjirokastritët kanë bërë vrapime të lehta rreth fushe, por së bashku kanë qenë dhe në palestër paradite, ku janë ushtruar së bashku me Besar Musollin, i cili po ashtu vijon që të punojë me shumë intensitet, në mënyrë që të rikthehet sa më parë.

Te Kukësi, Donjet Shkodra ka shfaqur probleme fizike, si pasojë e goditjeve të marra në ndeshjen me Flamurtarin. Mesfushori është në diskutim për ndeshjen e nesërme, por duket shumë e vështirë që të jetë në fushë. Do të ishte një hall shumë i madh për Cungun, nëse nuk do e kishte të gatshëm për këtë sfidë. Arsyeja është e thjeshtë, në stol nuk është askush i gatshëm për ta zëvendësuar 29-vjeçarin.
Edhe pse rikthehet Irakli Dzaria, problem mbete numri i të huajve në fushë dhe aktualisht nuk është asnjë mesfushor qendre me pasaportë shqiptare i gatshëm për teknikun Shkodra. Në të tilla kushte mundësitë janë vetëm dy.

Kukësi ose do të ndryshojë modul loje, duke aplikuar një skemë tjetër ku Cungu të ketë mundësinë që të aktivizojë vetëm 4 lojtarë të huaj, ose do të improvizohet një futbollit krahu që të luajë si mesfushor qendre. Mundësia e tretë është që të aktivizohet ndonjë futbollist nga të rinjtë, por kjo duket një mundësi gati e pamundur, duke ditur rëndësinë e kësja sfide.

Situata te verilindorët është jo e mirë, pasi Musolli, Rrumbullaku dhe tani Shkodra janë të dëmtuar. Po ashtu edhe Çyrbja është dërguar te ekipi B. Cungu duhet të gjejë një zgjidhje, por nuk e ka aspak të lehtë, pasi duhet rikujtuar që Limaj, ndonëse është shqiptar, posedon vetëm pasaportë gjermane, çka e privon nga mundësia për t’u pajisur me pasaportë tjetër.

Cungu vinte me ndryshime në formacion, pasi rikthehej pas shtatë javësh Simo Rrumbullaku, i cili merrte vendin e tij në të majtë të mbrojtës, por në fraksionin e dytë gjirokastriti la fushën e lojës, dhe vendin e tij e zuri Vangjel Zguro. Ndonëse u duk një lëvizje e çuditshme, pasi ishte një lëvizje kokë më kokë në mbrojtje, ka një arsye, pasi bëhej fjalë për një zëvendësim të detyruar. Lojtari u pa të çalonte pas ndeshjes dhe duket se kishte një problem në këmbën e majtë.

Një lajm i keq ky për lojtarin dhe klubin, pasi Rrumbullaku vinte nga një lëndim që e kishte mbajtur për 7 javë jashtë fushave të blerta. Rrumbullaku konsiderohet si janë titullar tek Kukësi, por një tjetër dëmtim do i ndërlikonte sërish llogaritë e kuksianëve. Klubi pret që të shohë shkallën e dëmtimit të lojtarit dhe drejtuesit urojnë që të mos jetë asnjë problem për mëngjarashin. Paraprakisht mendohet se ka një problem muskulor, por për më tepër duhen pritur analizat e specializuar.

Plaga ishte mjaft e thellë dhe normalisht që duhej një periudhë jo e vogël që të mos kishte më asnjë problem për 26-vjeçarin. Pas disa javësh stërvitje të diferencuar, lojtari është plotësisht gati për ndeshjen e radhës me Luftëtarin.

Mbrojtësi luan sezonin e tij të tretë me Kukësin, ku ka mundur që të shpallet dhe kampion. Gjirokastriti shihet si një lojtar shumë i rëndësishëm për ekipin dhe rikthimi i tij është një lajm i mirë për teknikun Cungu, ndonëse edhe Zguro ka bërë mjaft mirë gjatë kësaj periudhe. Alternativat në repartin e mbrojtjes janë të bollshme, pasi kuksianët kanë në çdo pozicion nga dy lojtarë.

Nuk ka munguar mbështetja nga miqtë e tij, duke nisur që nga shokët e skuadrës, drejtuesit dhe ish-shokët e skuadrës.

I veçantë dedikimi i kapitenit Shameti, i cili i premton mbështetje të plotë mesfushorit: “Disa momente të vështira bëhen më të lehta për t’u kaluar nëse ke afër shokë, kështu që të premtoj që do ta kalojmë bashkë këtë vëllai im Besar Musolli”.

Edhe drejtori sportiv Nderim Nexhipi përmes një postimi ka shprehur mbështetjen e tij për zëvendëskapitenin: “Do rikthehesh edhe më i fortë Muski”

Donjet Shkodra nuk ka qëndruar pa e shprehur mbështeten e tij teksa shkuan: “Do rikthehesh më i fortë vëlla”.

Po ashtu dhe Simo Rrumbullaku e ka cilësuar si një Legjendë Musollin, duke i uruar rikthim të shpejtë: “Forca legjendë kthehu më i fortë se më parë”.

Kristi Joti, i cili luan me Tomorin, nuk e ka harruar Musollin, që e ka pasur shok skuadre tek Kukësi, duke e kujtuar dhe në këtë moment jo të mirë: “Asnjëherë mos hiq dorë vëlla, ktheu më i fortë.

Mësohet se dhe Simo Rrumbullaku nuk do të jetë i gatshëm për këtë sfidë. Gjirokastriti u dëmtua në Vlorë, në ndeshjen e javës së dytë dhe acarja në gju ka qenë e thellë, dhe plaga ende nuk është mbyllur plotësisht.

Në të majtë të mbrojtjes, kuksianët kanë Vangjel Zguron, i cili pritet që të marrë sërish vendin e Rrumbullakut. Për këtë ndeshje pritet që të jetë rikuperuar mesfushori Arbër Çyrbja, i cili po ashtu la fushën e lojës në takimin me Tiranën.

Ndërkaq, një lajm tjetër i keq për verilindorët ishte dëmtimi i mbrojtësit Simon Rrumbullaku.

Titullari i krahut të majtë pësoi një dëmtim serioz në gju në fundin e ndeshjes dhe doli duke çaluar, ndërsa Kukësi luajti me një lojtar më pak në minutat e fundit të ndeshjes.

Sapo u mbyll takimi Rrumbullaku u shoqërua me ambulancë për në spitalin e Vlorës, për të mësuar shkallën e dëmtimit, si dhe për të qepur plagën e shkaktuar nga përplasja me një futbollist vlonjat.

“SportEkspres.com” mëson se pak minuta më parë Rrumbullaku ka rinovuar dhe për një vit tjetër kontratën me Kukësin, por me detaje financiare të përmirësuara. Gjirokastritit luan prej një sezoni e gjysmë te skuadra kuksiane, ku ka arritur që të fitojë dhe titullin kampion.

Konkurrenca në linjën e majtë të mbrojtjes nuk është e vogël, pasi veç Rrumbullakut në këtë pozicion aktivizohet dhe Zguro dhe Peposhi. Gjithashtu edhe Cuculi mund të përshtatet mjaft mirë. Pavarësisht kësaj, “çelësat” e këtij pozicioni duket se janë pronë e Rrumbullakut, i cili që vijon të mbetet “kuksian”.

Tani Kukësi korr frytet e punës së kryer këtë janar dhe rezultateve të shkëlqyera nëpër miqësore, sepse jo më kot ndeshjet miqësore të ekipeve turke ndiqen nga dhjetëra menaxherë.

“Sport Ekspres” mëson nga burime pranë klubit kuksian se mbrojtësi Simo Rrumbullaku është piketuar nga Antaliaspori, klubi i qytetit ku Kukësi dhe klubet e tjera shqiptare po përgatiten. Drejtuesit e Antalias i kanë ndjekur me vëmendje gjithë ndeshjet e Kukësit dhe sidomos atë kundër Fenerbahçes, të ngacmuar nga fitoret e Kukësit para atij takimi.

Pikërisht Rrumbullaku ka tërhequr vëmendjen e klubit ku aktivizohen edhe Samuel Eto e Samir Nasri. Këto ditë Trabzonspori po këmbëngul për mbrojtësin e majtë Sakib Ajtazh, për të cilin është gati të ofrojë deri në 3 milionë euro, por Antaliaspori ka refuzuar prerë, për shkak se nuk po gjen zëvendës. Paraqitjet e Rrumbullakut, i cili ka qenë titullar fiks te Kukësi që prej ardhjes në Shqipëri janarin e vitit 2017, kanë tunduar jo pak drejtuesit e Antaliasporit, që shohin një mundësi të shkëlqyer biznesi dhe kanë kontaktuar menaxherët e Kukësit.

Sot në mbrëmje është parashikuar një takim mes drejtuesve të Antaliasporit dhe presidentit Safet Gjici: në tryezë janë 300.000 euro për Kukësin!

Nëse realizohet, do të ishte goditja e madhe që do ta përfshinte Kukësin në grupin e klubeve që shesin futbollistë dhe ku natyrisht Skënderbeu është lokomotiva. Gjici e ka parë gjithnjë Skënderbeun si rivalin e vet kryesor në fushë dhe tashmë ka rastin të bëhet si Ardjan Takaj, duke shitur emra për shifra kolosale për nivelet e futbollit shqiptar!

“Në futboll duhet parë gjithmonë përpara, ekipi ka pësuar ndryshime, kemi punuar shumë në Ohër. Tani kemi ndeshjen e Superkupës dhe duhet të japim maksimumin, sepse duam ta fitojmë sfidën kundër Tiranës. Do të jetë sezon më i vështirë, sepse kur je kampion duhet mbrojtur titulli dhe nuk është një mision i lehtë, ka shumë presion, duhet sakrifikuar shumë. Kemi ndryshuar trajner, kemi bërë shumë ndryshime në skuadër, por duhet të shohim përpara, duke punuar shumë, për të arritur objektivat.

“Kampionati? Ne do të mundohemi javë për javë të marrim maksimumin e pikëve. Në futboll ka tre rezultate, nuk është e thënë që të fitojmë ne gjithmonë. Sezonin e shkuar humbëm vetëm një ndeshje kampionati, kur e kishim fituar titullin, ndërsa këtë sezon zor do t’ia dalim sërish të qëndrojmë të pamposhtur, por pak rëndësi ka, titulli mund të fitohet edhe me disa humbje”.

Ndërkaq, mesfushori Hair Zeqiri kërkon Superkupën e parë në karrierë dhe e sheh si një hakmarrje të vogël naj Tiranës: “Superkupën nuk e kam fituar ende, kam luajtur një finale pikërisht kundër Tiranës dhe e kemi humbur, kur luaja për Flamurtarin. Për këtë arsye, dua një ndeshje të suksesshme, për mua dhe për ekipin.

Krahasimi mes Gjokës e Milinkoviçit: “Gjoka është një trajner fitues, ka fituar te Kukësi, por edhe te Flamurtari, ku unë e kisha trajner. Si ai, edhe Milinkoviç, janë trajnerë të suksesshëm, pastaj secili ka filozofinë e vet të lojës.

Jurgen Zela

Çdo ditë që kalon e afron akoma më shumë debutimin e Kukësit në Champions. Verilindorët dhe pse për herë të parë në këtë kompeticion, kanë krijuar eksperiencën e duhur në arenën ndërkombëtare, duke qenë pjesëmarrës të rregullt në katër vitet e fundit dhe duke kaluar disa ture në tre edicione. Tashmë është momenti që të bëjë mirë dhe në kompeticionin më madhor për klube. Nga Austria, për “Sport Ekspres”, mbrojtësi Simon Rrumbullaku tregon rreth përgatitjeve të skuadrës dhe pritshmëritë për takimin me Sherifin e Tiraspolit. I vetëdijshëm për forcën e kundërshtarit, 25-vjeçari tregohet besimplotë për një rezultat pozitiv në takimin e parë. Kualifikimi? Ambiciet e Kukësit janë madhore dhe të gjithë e dinë se duhet të japin maksimumin për të arritur objektivat e klubit.

PËRGATITJET “Kemi 3 javë që po punojmë shumë këtu në Austri. Kemi sakrifikuar maksimalisht që të jemi gati për dy ndeshjet me Sherifin e Tiraspolit, që të japim më të mirën tonë. Besoj që faza përgatitore ka shkuar mirë. Ka qenë një periudhë mjaft e ngarkuar dhe e lodhshme, megjithatë besoj shumë e nevojshme për ndeshjet e Championsit“. SITUATA “Kemi luajtur katër miqësore, ku kemi arritur që të marrim dy fitore dhe të pësojmë dy humbje, kundrejt kundërshtarëve me nivel shumë të lartë. Kemi bërë një punë të madhe në aspektin taktik dhe jemi aty ku duhet për sa i përket anës fizike. Mund të them se jemi të kënaqur për sa u përket përgatitjeve këtu në Austri“.

SHERIF TIRASPOL “Na kanë mbetur dhe disa ditë për t’u përgatitur akoma më shumë për ndeshjen e parë. Kundërshtari është një skuadër që në përbërje ka shumë kualitet dhe cilësi. Nuk do të jetë aspak e lehtë dhe ne e dimë mirë diçka të tillë. Besoj shumë se skuadra është gati dhe do të synojmë një rezultat sa më pozitiv në ndeshjen e parë në transfertë. Ky takim është shumë i rëndësishëm dhe shumë vendimtar. E kemi studiuar shumë kundërshtarin dhe besoj do të jetë një supersfidë ndeshja me ta“.

REZULTATI “Një gol në fushën e tyre do të kishte vlerë shumë të madhe për sa i përket çështjes së kualifikimit, pasi dihet sa vlen një gol në fushën kundërshtare. Nëse do të realizonim atje, në ndeshjen e kthimit gjërat bëhen më të lehta. Kukësi është një klub ambicioz dhe të gjithë këtu duam shumë që të bëjmë të pamundurën për të ecur sa më larg, për tu ngjitur sa më lart“.

AFRIMET “Me grupin janë bashkuar disa lojtarë shumë cilësorë, të cilët janë përshtatur shpejt me skuadrën. Besoj se do të na ndihmojnë shumë sidomos me personalitetin dhe eksperiencën që kanë”.

PRITSHMËRITË “Personalisht tek Kukësi jam ndier mirë që në ditën e parë që kam ardhur këtu. Në këtë periudhë besoj se kam arritur maksimumin tim dhe jam gati si psikologjikisht ashtu dhe fizikisht për këtë ndeshje. Të gjithë së bashku do të japim maksimumin që të kalojmë këtë tur, si në kampionat grupi është pika më e fortë e jona dhe jemi besimplotë se nuk na mungon asgjë për të avancuar në turin tjetër”.