“Zgjodha Veronën sepse është një klub me traditë në futbollin italian. Padiskutim që ky është një hap i madh në karrierën time. Jam i lumtur që jam këtu dhe që trajneri më ka besuar. Njoh shumë mirë Pazinin dhe Marronen, pasi kanë vite që luajnë në Serie A”.

“Zgjodha numrin 13 pasi e kam mbajtur gjithmonë. Shumë mund të mendojnë se është numër i pafat, por mua më ka sjellë gjithmonë fat dhe vendosa të zgjedh këtë numër. Nuk më pëlqen të flas për veten, por arma ime e fortë është dueli një kundër një. Preferoj më shumë një mbrojtje me 4, pasi kam luajtur gjithmonë me këtë skemë, por dhe mbrojtja me 3 nuk është një gjë e re për mua”, u shpreh Rrahmani.

Sot, mbrojtësi i përfaqësueses së Kosovës ka zbarkuar në Itali dhe këtë gjë e ndau dhe me ndjekësit e tij në Istagram. “Bella Italia”, shkroi 25-vjeçari krahas fotos, ku shihet mbrojtësi dardan dhe Adrian Aliaj, agjenti i tij.

Rrahmani luajti për 3 sezone me skuadrën e Dinamo Zagrebit, ku shënoi 4 gola në kampionatin kroat. Në Shqipëri, Rrahmani ka mbajtur veshur fanellën e Partizanit për dy sezone (2013/14 dhe 2014/15).

“Mund të them se ky gëzim ndoshta mund të ketë qenë më i madhi i jetës sime. E treguam që jemi një ekip i fortë si në Kosovë edhe jashtë. Luajtëm si skuadër e madhe. I thashtë lojtarëve para ndeshjes që duhet të besojmë te fitorja, duhet të besojmë që jemi më të mirë se kundërshtari, s’duhet të kemi frikë askënd”.

“Kur të vijë koha e Çekisë do të fokusohemi me atë ndeshje. Të them të drejtën mendoj se kemi humbur katër pikë me Malin e Zi dhe Bullgarinë, pasi mendoj se ato të dyja kanë qenë ndeshje që patëm mundësi t’i fitonim”.

Zhvendosemi në Kroaci ku Amir Rrahmani zhvilloi një ndeshje për t’u harruar me Dinamon e Zagrebit. Skuadra kryeqytetase u mund në finalen e Kupës nga Rijeka me rezultatin 3 – 1. Në përfundim të pjesës së parë trajneri Nenad Bjelica zëvendësoi mbrojtësin shqiptar.

“Ka qenë një ndjenjë e jashtëzakonshme fitimi i kampionatit për herë të dytë. E mbyllëm gjashtë javë para fundit. Arritëm të kryesonim grupin e Europa League, ku kishim kundërshtar si Fenerbahçe, Anderleht dhe Spartak Tërnava”.

“Mendoj se ky është sezoni im më i mirë. Jemi bërë një ekip shumë më i fortë se vitet e kaluara. Kanë ardhur shumë lojtarë të rinj dhe një trajner i ri, i cili ka bërë shumë rotacione midis Kupës, Kampionatit dhe Europa League”.

E ARDHMJA – “Dinamo është një klub që ka bërë shumë shitje me vlera të mëdha gjatë dy viteve të fundit. Nëse vjen një ofertë e mirë dhe klubi është dakord pse jo. Kampionati i preferuar? Ndoshta në Gjermani, aty do të ishte kampionati ku do ndihesha më mirë ”.

UZUNI –“Shpresoj që të kalojë në një ekip më të mirë, pse jo dhe te Dinamo. Dihet që Dinamo e Zagrebit merr gjithmonë lojtarët më të mirë. Uzuni ka bërë një sezon shumë të mirë shpresoj që ta kapin zonës e Europës, megjithëse do të jetë e vështirë”.

PARTIZANI – “Nuk e di a do të jem në festën e titullit. Partizani e ka merituar plotësisht këtë titull”.

Pas tri vitesh të mbushura me punë e sakrificë, kalimi i Olmos në Kroaci ka sjellë rezultate të pabesueshme. 20-vjeçari është lojtari më i dalluar i Dinamos dhe pak muaj më parë u shpall lojtari më i mirë në Kroaci.

Ecuria e spanjollit ka sjellë interesin e shumë klubeve elitarë në Europë, ndër to dhe ish-klubi i Barcelonës. Megjithatë, së fundmi në garë për Olmon është futur Bajerni i Mynihut.

via GIPHY / Driblimi fantastik i Olmos kundër 6 lojtarëve të Rijekës

Mediet kroate raportojnë se “gjiganti” gjerman kishte dërguar skautë në takimin midis Dinamos dhe Pëlzenit si dhe në ndeshjen në kampionat kundër Osijekut. Me shumë gjasa Olmo do të shitet në merkaton e verës dhe nga shitja e tij prite të vendoset një rekord i ri për transferimin më të madh në kampionatin kroat, që momentalisht mbahet nga transferimi i Marko Pjacës, i cili u ble tri vite më parë për 25 milionë nga Juventusi.

Ajo që bie në sy është fakti se plot 5 nga këto futbollistë janë shqiptar, por që nuk luajnë vetëm me Shqipërinë. Amir Rrahmani i Dinamos së Zagrebit ishte grumbulluar nga Kosova, por duke qenë dhe protagonist. Edhe shënuesi më i mirë i kampionatit kroat Lirim Kastrati kishte marrë ftesë nga Shalan. Po ashtu dhe Arijan Ademi ishte i grumbulluar nga Maqedonia në ndeshjet e fundit.

Shqipëria po ashtu kishte marrë dy lojtarë që luajnë në Kroaci. Myrto Uzuni dhe Herdi Prenga ishin bashkuar me skuadrën e Kristian Panuçit për ndeshjen me Jordaninë dhe Izraelin. 1/3 e lojtarëve që ishin me Kombëtaret e tyre janë shqiptar dhe kjo nuk është pak, paçka se jo të gjithë luajnë për ngjyrat kuqezi.

Pas ndeshjes me Ishujt, përmes një postimi në “Facebook” ka reaguar Amir Rrahmani, i cili ka kujtuar një statistikë të veçantë. Më shumë se 370 ditë ka skuadra e Kosovës që nuk pëson humbje dhe kjo është vërtetë një statistikë për t’u krenuar. Ç’është e vërteta, Kosova është një nga 4 përfaqësueset europiane që nuk ka humbje, ku veç tyre është Spanja, Ukraina dhe Rumania.

Rrahmani thekson se muajin e ardhshëm skuadrën e tij e presin edhe dy finale. Kosova do të sfidojë Maltën në transfertë dhe më pas do të presë Azerbajxhanin në shtëpi. Nëse arrin një sukses në ndeshjen me maltezët, do i mjaftonte dhe një barazim në shtëpi me Azerbajxhanin për të marrë vendin e parë në grup. Skuadra e Shaland ka 8 pikë pas 4 ndeshjeve të para.

Në minutën e 20-të Fioliç shënoi golin e parë, ndërsa në të 67-tën Fioliç dha krosin për golin e Rrahmanit, i cili shënoi me një kërcim të shkëlqyer.

Përballë ishin Telushi e Pejiç, të dy titullarë për Slavenin, por pa mundur të bënin ndonjë gjë të madhe. Të dy u ndërruan gjatë ndeshjes, ndërsa Slaven humbet ndeshjen e dytë rresht.

Dinamo kryeson kampionatin kroat, me 16 pikë në 6 ndeshje, 3 më shumë se Hajduku.

Natyrisht, në një ekip si Dinamo, me shumë qendërmbrojtës, Rrahmani nuk mund të gjente shumë hapësirë, ndaj u vendos që të aktivizohej një vit te Lokomotiva, ku shkëlqeu, me 28 ndeshje në formacion, duke shënuar edhe një gol.

Tani 23-vjeçari është kthyer te Dinamo e Zagrebit dhe debutimi ka qenë perfekt, sepse dje Dinamo fitoi një miqësore kundër Muras sllovene 4-0, me Rrahmanin që u fut në minutën e 17-të dhe në minutën e 66-të shënoi golin e fundit të ndeshjes.

Rrahmani shpreson që të bindë drejtuesit dhe trajnerin e Dinamos që meriton një shans në formacion te Dinamo, shans që me siguri do t’i jepet, sepse është një investim shumë i rëndësishëm për klubin, që shpreson ta vlerësojë dhe ta shesë për shifra të rëndësishme.