“Sigurisht që ndikojnë shumë largimet e lojtarëve si Uilliam Kordeiro dhe Rexhinaldo. Ishin dy lojtarë që bënin diferencën. Nuk e kuptoj se si i lanë të iknin. Gjithsesi këtë gjëra i takojnë drejtuesve. Është e pakuptimtë që ata u larguan për gjëra të vogla”.

“Ka ardhur Markovanbasten Çema. Është një futbollist që sapo kishte filluar hapat e parë të karrierës te Dinamo. Ka një gjatësi 2 metra dhe ka një stil të bukur loje. Në bisedimet që bënim për të, përmendej fakti që na kujtonte stilin e Pero Pejiç.

Kanë marrë Kitanovskin, i cili luan mbrojtës të djathtë. Bruno Lujaj është një lojtar i laftë të luajë si mbrojtës i djathtë, mbrojtës qendre dhe para mbrojtjes. Mendoj se merkato në tërësi është cilësore. U bë mirë që nuk u ndërhy në mënyrë masive. Unë mendoj se Çema do të jetë një futbollist cilësor. Kishte vite që Kukësi e kishte në plane dhe më në fund drejtori Nexhipi e mori”.

Rraman Hallaçi ka dalë në konferencën për shtyp përpara duelit kundër kuqezinjve, duke prekur disa tema. Zëvendëstrajneri vlerëson ndërhyrjet e presidentit Gjici në merkato, ndërsa Valdet Rama dhe Olsi Teqja janë dy afrimet e fundit.

Gara për titullin është e vështirë, por Kukësi është i mbushur plot besim. Hallaçi komenton lëvizjet e merkatos, gjendjen e ekipit, analizon kundërshtarin dhe shpreson që Kamza të ndalë të kuqtë. Të gjithë duhet të luftojnë për një vend në formacion, atë nuk ta fal askush, ndërsa Hallaçi e mbyll me një koment për sulmuesin Rexhinaldo.

FLAMURTARI – “Kuptohet që ata kanë kaluar disa probleme, që ne nuk jemi në brendësi të tyre, por nuk na interesojnë shumë. Kemi parë ndeshjen e fundit që kane luajtur dhe ishin seriozë. Shumë futbollistë kanë qëndruar aty dhe kanë pasur pak largime. Jemi të përqendruar te ndeshja dhe e kemi vlerësuar maksimalisht kundërshtarin.

Nuk na vjen mirë si e nisëm kampionatin, pavarësisht se nuk kemi humbur kushedi. Kemi një diferencë të vogël me Partizanin dhe tani nuk na falet asnjë hap fals. Shkojmë për tre pikët dhe i kemi të gjithë mundësitë për ta bërë diçka të tillë. Partizani ka punën e vet në Kamzë, normalisht do ishte mirë të ndalej. Gjithsesi e rëndësishme është që të fitojmë ndeshjen tonë dhe të shikojmë përpara. Ne nuk ndjehemi në presion, sepse e shikojmë se kemi grup të mirë. Kur vihet nga faza nuk je në maksimum. Me Laçin luajtëm mirë, krijuam shumë. Por ndonjëherë duhet edhe pak fat. Këtë herë do jetë me ne. I kemi mundësitë të dalim kampion”.

AFRIMET E SHUMTA – “Lëvizjet në hyrje nuk janë për të shtuar presionin, por për të rritur konkurrencën dhe kualitetin. Nuk do të jemi të fryrë, pasi objektivi është të shkojmë te titulli kampion. Kjo të frenon për të qenë i mbingopur. Të shkojmë te trofeu dhe pastaj të shikojmë çfarë kemi bërë mirë. Konkurrenca është rritur, por kuptohet që edhe ata që kanë ardhur i pret garë e fortë. Ramën e mirëpresim, ai është një lojtar që ka luajtur në nivele të larta. Duhet të përgatitet për konkurrencë të fortë”.

PAKËNAQËSITË – “Çdo lojtar kur firmos nuk e ka të përfshirë që duhet të jetë me patjetër në formacion, Këtë e vendos trajneri. Nuk na shqetëson kjo, lojtarët janë korrektë. Konkurrenca rrit nivelin dhe për të shkuar te titulli është një rrugë shumë e gjatë dhe nuk mund të shkojmë me 17-18 futbollistë. Patjetër duhet të jenë 23-24 lojtarë dhe të gjithë së bashku të shkojmë drejt realizimit të objektivit.

“Nuk është bërë merkato se nuk jemi mirë, është bërë për të rritur konkurrencën dhe për të shtuar kualitetin në skuadër. E thashë, titulli është i vështirë. Kemi pasur pak lojtarë dhe orët e fundit jemi kompletuar. Bëmë një shkëmbim Qaqi-Teqja. Ai donte më shumë hapësira. Jemi të kompletuar dhe jemi në rrugën e duhur”.

NOTA PËR MERKATON – “Nota është maksimale, presidenti ka bërë maksimumin, madje ka paguar edhe kartonët e dy lojtarëve. Po ndodh në 2-3 vitet e fundit diçka e tillë dhe e falënderojmë presidentin, sepse investimi është shumë i madh. Të blesh kartonin e lojtarit dhe ta paguash është maksimumi. Por kjo nuk përbën presion për stafin, thjesht rrit konkurrencën”.

BLERJET EDHE PËR EUROPËN – “Kukësi nuk është ndërtuar për sot e nesër dhe presidenti Gjici e ka treguar më së miri këtë. Kemi parë shumë skuadra që kanë hyrë në Superiore dhe kanë rënë për një sezon. Kukësi u bë gati tetë vite që qëndron në vendet e para. Mendohet për të ardhmen e largët. Rama dhe të tjerët që vijnë janë dhe për të ardhmen.

HAKMARRJA – “Nuk është momenti për të parë këto gjëra, historia është gjë tjetër. Kemi fituar shumë me ta dhe kemi humbur pak. Nuk na intereson shumë historia, pasi investimi është bërë jashtëzakonisht i madh dhe normalisht duhet të jemi të përqendruar për të marrë fitoren”.

REXHINALDO – “Nuk ka pasur asnjëherë çështje Rexhinaldo, janë të krijuara. Ka pasur një dëmtim të vogël. Ai është gati. Nuk e di nga dalin çështjet. Kur lojtari ka një problem fizik, normal që do të mungojë.”

RRUMBULLAKU – Krah Hallaçit në konferencë ishte edhe mbrojtësi Simo Rrumbullaku. Ai foli për gjendjen e tij dhe për objektivin e Kukësit në ndeshjen e nesërme me Flamurtarin. “Kam qenë shumë kohë jashtë fushe për shkak dëmtimi. Jam rikthyer, luajta disa ndeshje fazën e dytë. Bëra një fazë përgatitore të mirë, kam punuar shumë dhe shpresoj të jem gati për të ndihmuar ekipin për të arritur objektivat tona. Jam apo jo në formacion, e di trajneri. Detyra ime është të bëj maksimumin dhe të jem gati për trajnerin”.

“Situata e Flamurtari, a ju përgjum? Jemi profesionistë, shikojmë çdo ndeshje veç. Shikojmë ekipin tonë, nuk na intereson kundërshtari. Duhet të jemi të gatshëm, të japim maksimumin. Mendojmë vetëm tre pikët, që nuk i morëm me Laçin”, përfundoi Rrumbullaku.

Rrahman Hallaçi, zëvendëstrajneri i ekipit verilindor, ka folur në konferencën për shtyp. 35-vjeçari vari këpucët në gozhdë në fundin e sezonit të kaluar dhe ka nisur punën si ndihmës i Cungut. Ish-kapiteni kuksiane ka luajtur me të dyja ekipet, vlerëson përballjen dhe tregon objektivin e tij për këtë ndeshje.

DUELI – “Nuk mund të themi se është ndeshja e titullit, por është një ndeshje vendimtare, edhe pse ka ende shumë takime për t’u luajtur. Jemi në një moment të mirë, pasi vijmë pas një fitoreje me një kundërshtar direkt dhe me mjaft të fortë si Skënderbeu. Kemi bërë ndeshje shumë të mira. Kemi arritur të dalim aty ku duhet si me lojë ashtu dhe me rezultat. Duhet të jemi shuam të kujdesshëm ndaj Partizanit, pasi nuk duam që të krijomë distancë me pikë. Kemi shumë mundësi për ta ngushur këtë diferencë.”

Ju keni luajtur vetë më parë me Partizanin, mund të thuhet se e njihni disi filozofinë e këtij klubi?
-Kam luajtur shumë kohë më parë me Partizanin. E kemi studiuar kundërshtarin dhe e dimë se janë shumë të kujdesshëm. Edhe pse mund të dalin jo shumë herë para porte, arrijnë të shënojnë dhe më pas është shumë e vështirë t’u shënosh gol. I dimë ato pak pika të dobëta që ata kane. Ju mungon një lojtar kryesor, por kjo nuk do të thotë asgjë për ta, sepse ata janë përgatitur për të ecur përpara ashtu siç jemi përgatitur dhe ne, pasi kanë shumë lojtarë në organikë.

Një humbje me Partizanin, mund t’u nxjerrë jashtë garës për titull?
-Nuk e mendojmë që do të humbim ndeshjen, por thashë që nuk duam që të krijojmë shkëputjen. Them se është momenti më i mirë, pasi tani duhet të tregojmë veten, tani që e kemi më pranë me pikë. Do ja lëmë rrugës se kush do të arrijë në finish i pari.

Presioni është në anën tuaj apo në anën e Partizanit?
-Nuk mendoj se ka presion Kukësi apo Partizani. Është një ndeshje mes dy skuadrave që kanë vite që investojnë pa fund për të shkuar te titulli kampion. Partizani ka shumë vite dhe ka besimin e madh se do të shkojë te titulli, por edhe ne duam me patjetër që duam titullin. Kjo nuk do të thotë se kemi presion. Është ndeshja e radhës, që duhet vlerësuar dhe kaq.

Si është situata në skuadër?
-Kemi pasur dëmtime, por pjesa kryesore është rikthyer, Vijon që të jetë në fazë rikuperimi Tigruxha, i cili do të mungojë dhe për këtë takim. Kemi Dzarian me kartonë, por kemi të tjerët të gatshëm për të luajtur dhe nuk them se kemi probleme.

I keni marrë masat për këtë takim?
-Në ndeshjen e parë krijuam shumë raste, ndërsa Partizani u tregua cinik, arriti të shënonte dhe u bë e vështirë për ne që të shënonim më pas. Nuk do ta bëjmë më atë ndeshje, do të kemi më të kujdesshëm dhe do të tregohemi më të vëmendshëm dhe kur të dalim para porte të shënojmë. Në ndeshjen e parë dolëm 7-8 herë para porte dhe nuk shënuam. I kemi menduar mirë këto gjëra. Partizani do të ketë shumë të vështirë këtë radhë me ne. Kanë pikat e tyre kryesore nga krahët, u mungon lojtari kryesor, por kanë lojtarë të tjerë.

A ju kënaq barazimi në këtë ndeshje?
-Ne si Kukës nuk hymë për barazim, pasi vetë investimi nuk ta lejon që të futemi për barazim në një ndeshje. Ne do të futemi për të marrë fitoren. Duhet të shohim ndeshjen në fushën e blertë.

Si do jetë një ndeshje pa tifozë?
-Ne do kishim dëshirë të ishin tifozët e Partizanit dhe tonët. Edhe nëse do ishin më shumë tifozë të Partizanit, nuk do ishte problem, pasi lojtarët duan që të kenë sa më shumë tifozë. problemi është të jetë i mbushur, pasi do të jetë një ambient në gjumë. i kemi marrë masat dhe për këto gjëra.

35-vjeçari kërkon kthesën pas humbjes së papritur me Flamurtarin, vlerëson kundërshtarin dhe kërkon të minimizohen gabimet në mbrojtje. Lufta për titullin vazhdon, edhe pse Skënderbeu dhe Partizani janë shkëputur disi.

Kukësi krijon shumë sipas Hallaçit, por rezultati ka më shumë rëndësi se loja dhe një gjë e tillë do të tentohet të bëhet që nga sfida e radhës kundër Tiranës së Memës.

Rrahman, pse në këtë konferencë trajneri Cungu nuk zgjodhi që të dilte vetë para medieve?

-Nuk është e thënë që të dalë gjithnjë trajneri, mund të dalë dhe ndonjë pjesëtar tjetër i klubit, si shefi i klubit, menaxheri, apo ndonjë lojtar. Nuk ka asnjë problem. Më tha që do të dal unë sot dhe asgjë tjetër.

Skuadra ka luhatje në rezultate, pse po ndodh kjo gjë?

-Është normale që skuadra has vështirësi ndonjëherë, duke ditur që shumë lojtarë të rinj kanë ardhur gjatë merkatos. Ajo që na ngroh është fakti se këto lojtarë që kanë ardhur po futen në ritmin e lojës, në atë që ne kërkojmë. Një garanci për ne është loja që ka ardhur vazhdimisht në rritje. Kuptohet që nuk ndihemi mirë kur marrim një rezultat negativ, por ajo që na jep bindjen që do ecim përpara, është se loja po vjen në rritje. Në pjesët e dyta kemi pasur një rritje të madhe, por në futboll ka dhe gabime. Nuk na vjen mirë për ato gola që pësojmë, por nga dita në ditë po i korrigjojmë. Mendoj se shumë shpejt do të vijnë dhe rezultatet, duke parë dhe lojën.

A mund të themi se po mbeteni pak mbrapa skuadrave që pretendojnë titullin?

-Jo, nuk mund të themi se kemi mbetur pas, pasi nuk janë shkëputur shumë Partizani dhe Skënderbeu. Po bëjnë mirë, por dhe ata do të kenë një moment jo të mirë, pasi kampionati është i tillë, që në një moment bën mirë dhe në një moment tjetër do gabosh. Ne kemi gabuar deri tani dhe ndoshta në të ardhmen nuk do gabojmë. Loja premton se ne do të bëjmë mirë në të ardhmen.

Si Kukësi dhe Tirana duan fitoren me çdo kusht, si e shikoni këtë përballje?

-Tirana është e vlerësuar gjithnjë, sepse ka një ekip me histori të madhe. Duke parë dhe ndeshjen e fundit, mund të them se fati nuk ishte me ata, pasi kishin shumë raste për të shkuar te fitorja dhe ne e vlerësojmë si gjithnjë, pasi e meriton që të vlerësohet. Duhet të jemi shumë të përqendruar, pasi nuk na lejohen më hapa fals.

Ju mungon finalizimi, ku po çalon skuadra në këtë pikë?

-Është e vërtetë që ne krijojmë shumë raste, krijojmë shumë volum, por nuk është e lehtë të shënosh. Është e rëndësishme që skuadra të shkojë deri te portieri kundërshtar, por kuptohet që më pas duhet të shënojmë, sepse duhet të marrim pikët. Nuk mjafton vetëm loja e mirë. Kemi besim se nga java në javë do të përmirësohemi.

Si është gjendja e skuadrës para kësaj sfide?

-Kemi pasur disa dëmtime. Në stërvitemi në fushë me bar artificial dhe më pas kalimi te fusha me bar natyral ka problemet e veta, por kuptohet se pjesa më e madhe do të jetë në fushë. Vetëm Rrumbullaku dhe Musolli nuk janë të gatshëm, ndërsa pjesë tjetër them se do të jenë të gatshëm.