“Nuk u mërzita kur humba 2 “matchpoint”-et, isha akoma në lojë dhe kisha besim se mund të fitoja. Në tenis mundohesh të shikosh gjërat pozitive. Bëra një ndeshje të mirë, dhe isha shumë afër fitores. Jam shumë i kënaqur paraqitjen time. Novak është një tenist shumë i mirë që ka vite që luan në këtë nivel kaq të lartë”.

“Jeta vazhdon. Do mundohem të harroj gjërat e këqija dhe të kujtoj gjërat e mira, të cilat nuk ishin të pakta. Është diçka mendore, e konsideroj veten një njeri të fortë. Nuk duhet të ndihem i mërzitur për një kohë të gjatë, thjesht kam humbur një ndeshje tenisi”.

37-vjeçari arrin rikthehet pas dy vitesh në finalen e turneut “Wimbledom”, ku do të ndeshet me numrin një të botës dhe kampionin në fuqi të këtij turneu Novak Xhokoviç. Federer do të ketë mundësinë të tentojë trofeun e nëntë në “Wimbledon” dhe Grand Slamin e 21-të.

The moment @rogerfederer reached his 12th #Wimbledon final… pic.twitter.com/AJrP3yYCns

— Wimbledon (@Wimbledon) July 12, 2019

Në përfundim të ndeshje finalisti i “Wimbledon” tha: “Jam i rraskapitur. Nadal bëri çmos që të qëndronte në lojë. Është një lojtar fantastik. Ishte një ndeshje me dy tablo, pata një moment kur luajta mirë, më pas në setin e dytë nuk më eci asgjë. Megjithatë, u riktheva më i fortë. Mund të themi se sot ishte dita ime“.

“Novak Xhokoviç është kampioni në fuqi dhe ka treguar se është në formë të mirë. Është numri 1 në botë, por gjithsesi jam shumë iu lumtur që fitova kundër Nadal, tani më pret një tjetër ndeshje e fortë”.

DUELI ME NISHIKORIN – “Kei Nishikori është një tenist shumë i mirë. Bën një lojë agresive që të vë shumë të vështirësi. Në fillim të ndeshjes më vuri në shumë telashe, por rëndësi ka reagova mirë kur humba setin e parë”.

DUELI I ARDHSHËM ME NADAL – “Shpresoj që të mos ketë erë në ndeshjen e së premtes. Mund të frymëzohem nga finalja e “Australian Open” ku e munda në një lojë me pesë sete. Fatmirësisht për mua kësaj radhe nuk do ndeshem në fushë me dhe. Të gjithë e pamë si përfundoi dueli jonë i fundit në “French Open” disa muaj më parë, nuk është aspak një kujtim i bukur për mua”.

MUNGESA E TALENTEVE NË TENIS – “Po jetojmë në një periudhë të pazakontë në tenis. 10 vite më parë askush nuk e mendonte se unë, Nadal dhe Xhokoviç do vazhdonin të qëndronin në majë për shumë kohë. E dyta, ndoshta ata nuk janë aq të talentuar se unë dhe Nadal dhe Xhokoviç. Mos harroni përveç ne të treve ka dhe tenistë të tjerë të moshës sonë si Del Potro dhe më parë Murrëi që u hapin shumë punë brezit të ri”.

Fituesi i 20 turneve Grand Slam mundi në finale belgun David Godin 7–6 (7–2), 6–1 duke shtuar në kabinetin e tij trofeun numër 102 në karrierën brilante si tenist profesionist. 37-vjeçari u shpreh i emocionuar për fitimin për herë dhjetë të këtij trofeu: “Është e pabesueshme. Kur luajta për herë të parë këtu, kurrë nuk më kishte shkuar në mendje se do ta fitoja 10 herë këtë trofe“.

Më datë 1 korrik Federer do marrë pjesë në turneun e tij të preferuar Grand Slam, “Wimbledon”. Mosha e madhe ende s’po e ndalon 37-vjeçarin, i cili vazhdon të mbetet në majat e këtij sporti, duke mbajtur aktualisht vendin e tretë në renditjen e ATP-së.

HISTORY IN HALLE ?
@rogerfederer is the 2019 @ATPHalle champion ?
#RF102 pic.twitter.com/IareRxmIah

— ATP Tour (@atptour) June 23, 2019

Por, Federer e di mirë se është në vitet e tij të fundit dhe këtë e pranon në një intervistë për medien shtetërore zvicerane “SRF”: “Tani e kam një ide të qartë se si do ta planifikoj vitin 2019, por më pas për 2020-ën, do të më duhet të bisedoj me stafin tim, më pas do të do të vendos nëse do të vazhdoj ose jo”, tha legjenda e sportit të tenisit.

Federer ka debutuar si profesionist 20 vite më parë dhe deri më tani ka fituar 20 trofe Grand Slam, si asnjë më parë në historinë e tenisit. Periudha e tij më artë ka qenë në vitet 2005 – 2007 ku arriti në 10 finale Grand Slam-i radhazi.