Rossi

Trofeu më i rëndësishëm i Valentino Rosit, Françeska s’ka konkurrencë

Sport Ekspres — Wed, 24 Apr 2019 14:11:15 +0000

Tifozja më speciale e Valentino Rosit është padyshim e dashura e tij Françeska Sofia Novelo. Modelja italiane udhëton së bashku me legjendën e MotoGP në çdo shtet ku ai garon.

Së fundmi Françeska ndodhet në Argjentinë, ku ka tërhequr vëmendjen e shumë paparacëve me format e saj që e diferencojnë nga partneret e tjera të garuesve të MotoGP.

VIDEO | Rins i rrëmben vendin e parë Rosit, kolaps i Markez

Sport Ekspres — Sun, 14 Apr 2019 20:09:32 +0000

Motoristi spanjoll Aleks Rins u shpall fituesi i garës së tij të parë në “MotoGP”. 23-vjeçari la në vend të dytë Valentino Rosin, ndërsa bashkëkombësi i tij Mark Markes zhgënjeu duke mbyllur garën në xhiron e nëntë pasi humbi kontrollin e motorit, të njëjtin fat pati dhe Lorenco i Hondës.

Dueli midis Rosit dhe Rins vazhdoi përgjatë të gjithë garës, por në spanjolli mori vendin e parë më një diferencë prej vetëm 0.462 sekondash. Vendin e tretë në podium e pistës amerikane e mori garuesi i Dukatit, Xhek Miller.

What a spectacular show these two riders put on! ?@ValeYellow46 congratulates #MotoGP's newest winner @Rins42! ?#AmericasGP ?? pic.twitter.com/jXUPsjOm91

— MotoGP? (@MotoGP) April 14, 2019

Në fund të garës, 40-vjeçari Rosi lavdëroi kundërshtarin e tij që provoi për herë të parë emocionet e fitimit të një gare, një emocion që Rosi e ka provuar plot 115 herë (rekordi mbahet nga Xhakomo Agostini me 122).

Renditja e përgjithshme

Renditja e garës së SHBA

MotoGP/ Nis sezoni, triumfi i parë është italian

Sport Ekspres — Sun, 10 Mar 2019 18:12:01 +0000

Ka nisur Kampionati Botëror në MotoGP, kategoria mbretëreshë e motorëve. Gara e parë e sezonit të ri është zhvilluar në Katar, aty ku ka qenë një “deja vu”, sepse ashtu si vitin e shkuar, triumfoi italiani Andrea Doviciozo me Dukati, i pari pilot që fiton dy herë rresht aty, pas Lorencos (2012-2013). Doviciozo bëhet italiani i tretë më fitues në MotoGP, duke barazuar Maks Biaxhin.

Ladies and gentlemen, your first winner of 2019! ?@AndreaDovizioso! ?#QatarGP ?? pic.twitter.com/7uMY01iFBg

— MotoGP ?? (@MotoGP) March 10, 2019

I dyti në finish Mark Markez, ndjekur nga Kal Kraçlou e Rins. Valentino Rosi e nisi nga vendi i 14-të dhe e mbylli i pesti, aspak keq, ndërsa pas tij u rendit Petruçi. Në 20 Botërorët e fundit, një ndër 6 pilotët e parë në garën hapëse ka fituar edhe Botërorin.

Fitorja e gjashtë italiane në Losail International Circuit, duke barazuar rekordin e Spanjës.

Pas triumfit, Doviciozo tha: “Pashë që Markez po vuante shumë në pjesën finale të garës, e kuptova dhe i dhashë gaz në maksimum për të fituar“.

Respect between rivals! ?@AndreaDovizioso and @marcmarquez93 congratulate each other after another epic duel!#QatarGP ?? pic.twitter.com/5pnfFxeMbr

— MotoGP ?? (@MotoGP) March 10, 2019

Markez: “Ishte garë identike me 2018, në këtë cirkuit është e rrezikshme të garosh shumë shpejt dhe ne vuajmë këtu, aq më shumë që me gomën e mesme nuk ecja dot aq shpejt sa doja”.

Një dritare e re për Xhuzepe Rosin, në Itali i besojnë akoma

Sport Ekspres — Wed, 14 Nov 2018 17:11:16 +0000

Ish-sulmuesi i Fiorentinës dhe Xhenoas, Xhuzepe Rosi është pranë gjetjes së një ekipi të ri. Mbas mbylli me sukses çështjen e dopingut në gjykatën sportive italiane, 31-vjeçari po shqyrton ofertat e shumta që i kanë ardhur agjentit të tij.

Sipas gazetës napolitane “Il Mattino”, sulmuesi është shumë pranë firmës me skuadrën e Juve Stabian. Klubi që militon në Serie C është “kollitur” paksa për të plotësuar kërkesat e sulmuesit, që në karrierën e tij ka siguruar 30 aktivizime me kombëtaren e Italisë.

Sigurisht, shumë vetë mund të çuditen nga ky regres kaq i madh, por s’duhet harruar fakti se Rosi është një lojtar me një “CV” me dëmtime të shumta në gju, ku numërohen mbi pesë raste ku ai ka ndenjur më shumë se 6 muaj në riaftësim larg ekipit.

Lehtësohet Xhuzepe Rosi, gjykata jep vendimin përfundimtar

Sport Ekspres — Mon, 01 Oct 2018 16:26:35 +0000

Xhuzepe Rosi me sa duket mund të marrë frymë lirisht. Gjykata agjencisë kombëtare të dopingut ka dhënë lajmin e mirë për italian, ku ka vendosur vetëm ta paralajmërojë Rosin.

Ish-sulmuesi i kombëtares Italiane, u akuzua për doping në një test që i ishte bërë në 12 maj, kur ky i fundit luante për Xhenoan. Pas sfidës Xhenoa-Benevento, Xhuzepe Rosi u nënshtrua testit anti-doping.
31-vjeçari, i cili tashmë është pa ekip, mund të fillojë kërkimet për të rinisur karrierën, pasi vërtetoi pafajsinë e tij.

Gjithashtu Rosi ka postuar dhe në llogarinë e tij në “Twitter”, ku ka shprehur dhe lehtësimin që ai ka kaluar pas vendimit të gjykatës.
“Sot ka përfunduar një makth 4-mujor! Tani dua të mendoj vetëm për futbollin dhe të vazhdoj të bëj atë që dua më shumë se çdo gjë tjetër”, ka përfunduar italiani.

Oggi è finito un incubo di 4 mesi! . Adesso voglio pensare solo al calcio e continuare a fare quello che amo più di ogni altra cosa! #giustiziafatta #grandeteam pic.twitter.com/36ZLdO2Kd0

— GIUSEPPE ROSSI (@GiuseppeRossi22) October 1, 2018

Video | Dramë në MotoGP, Rosi refuzon t’i japë dorën Markezit

Sport Ekspres — Thu, 06 Sep 2018 17:21:47 +0000

Valentino Rosi dhe Mark Markes nuk ruajnë marrëdhënie të mira që prej përplasjes midis tyre në pistën e Sepangut në vitin 2015. Ndërsa përplasja tjetër midis tyre në pistën e Argjentinës gjatë këtij viti ka bërë që marrëdhëniet midis tyre të jenë më nxehura se kurrë.

Spanjolli Markez u mundua të sheshonte gjithçka gjatë konferencës së shtypit që i paraprin garës së Misanos. Por, Rosi nuk pranoi t’i jepte dorën rivalit të tij duke thënë.

“Nuk e kuptoj se përse duhet të bëjmë paqe, midis nesh nuk ka asnjë problem, s’ka nevojë për shtrëngim duarsh”, tha “Doktori”, duke përdorur qartë ironinë në fjalët e tij.

Valentino Rossi le niega la mano a Marc Márquez pic.twitter.com/7ssIIsVbqv

— Miguel (@miguelperezzz15) September 6, 2018

Valentino Rosi dëmtohet rëndë, merr fund Botërori

Sport Ekspres — Fri, 01 Sep 2017 10:04:13 +0000

Valentino Rosi i ka dhënë fund Botërorit në MotoGP. Piloti legjendar italian është dëmtuar rëndë duke bërë gara me motorë Enduro (motorë për gara në zona malore ose në pista me pengesa e barrikada).

“Doktori” ka pësuar fraktura të ndryshme dhe është operuar me urgjencë, por gjithçka ka shkuar mirë dhe kampioni është përmendur pa probleme.

Tani ylli i motoçiklizmit botëror do të qëndrojë pushim deri në tetor dhe më pas do të nisë procesin e riaftësimit, që do të zgjatë jo pak.

“Më vjen keq për atë që ndodhi. Jam zgjuar sot në mëngjes, falënderoj stafin mjekësor të Spitalit Riuniti në Ankona. Tani do të mundohem të kthehem sa më shpejt të garoj, do të bëj gjithçka”, deklaroi Rosi paraditen e sotme.