https://www.instagram.com/p/B0ywHJKD912/?igshid=1qs3xlfborgij

Me këtë finalizim Roshi i dha fund një pritje më shumë se 1-vjeçare. Goli i fundit i fierakut datonte më 17 maj të 2018-ës. Sigurisht në këtë statistike të keqe ndikoi dëmtimi i rëndë i pësuar në gju prek të cilit 28-vjeçari qëndroi për gati 8 muaj larg fushave të blerat.

Në ndeshjen e sotme Roshi u aktivizua si rezervë duke zëvendësuar në fillim të pjesës së dytë shqiptarin tjetër të Ahmatit, Bernard Berisha.

Në Zvicër, Kololli bëri një ndeshje për t’u harruar me Zyrihun dhe ekipi i tij u mposht 0-4 në shtëpi nga skuadra e Luganos. Ndërsa në ligën e dytë zvicerane, u përplasën kundër njëra-tjetrës skuadrat e Kriens e Vaduzit, ku në fushë ishin plot pesë shqiptarë. Kukeli luajti si titullar për Kriensin, ndërsa sulmuesi i talentuar, Rezart Hoxha, gjeti dhe golin, duke i dhënë fitoren 1-0 ekipit të tij.

Në Suedi, Anel Rashkaj udhëhoqi si gjithmonë ekipin e Eskiltunës në fushë me shiritin e kapitenit. Futbollisti i Kosovës luajti 90 minuta, së bashku me talentin Lushaku, në sfidën përballë Goteborgut.

Në këtë takim, rolin e protagonistit e ka marrë Benard Berisha. Sulmuesi anësor shënoi dy gola në fitoren 1-2. Fillimisht, 28-vjeçari shënoi me anë të një penalltie në minutën e 58’, ndërsa në të 84-ën, i dha fitoren skuadrës së tij.

MIQËSORE

MOL Vidi – Akhmat Grozni  1-2
Huszti 30’ / B. Berisha 58’ 84’

“T’iu them të vërtetën kisha dëshira të luaja, pasi kishte kaluar një kohë e gjatë që nga ndeshja ime e fundit me kombëtaren. Nuk ka rëndësi për kë shërbej, qoftë Balaj, Sadiku ose Cikalleshi. Bekimin e kam shok të ngushtë natyrisht, por kombëtarja në radhë të parë”.

SKEMA DISAVANTAZH ? –“Është e vërtetë, por nëse rezultatet vijnë trajneri s’ka pse ta ndryshojë skemë. Kishim shumë kohë që s’merrnim një rezultat pozitiv dhe sot sikur nxorrën atë dufin“

Mesfushori Amir Abrashi nuk i fshehu emocionet në intervistën për “Supersport”. Futbollisti nga Gjakova beson se kjo fitore e mban ekipi kombëtar ende në garë për kualifikim për në “Euro 2020”.

“Mu bë shumë qejfi shumë për këtë fitore. Ky rezultati i duhej skuadrës. Mu bë qejfi Cikalleshin që shënoi, është një sulmues shumë i mirë. Me Islandën nuk bëmë një ndeshje të keqe, por me këtë fitore hyjmë sërish në gol. Sado që shanset t’i kemi vogla do provojmë deri në fund”.

Rinovimi mbetet ende një opsion në tavolinë, por një deklaratë e fundit e liderit çeçen, Ramazan Kadirov, ul ndjeshëm gjasat që dy shqiptarët të vazhdojnë të jenë pjesë e ekipit të tij.

Në një prononcim për mediet ruse, Kadirov tha:  “Klubet ruse duhet të besojnë më shumë te futbollistët vendas dhe të ndalojnë së paguari shuma më të mëdha për lojtarë të huaj. Është një çmenduri që një vend me 150 milionë banorë nuk mund prodhojë lojtarë“.

Skuadra e Ahmat Groznit ka 12 lojtarë të huaj. Pas deklaratave të Kadirov pritet që ky numër të reduktohet. Shqiptari tjetër i Ahmat, Bernard Berisha, ndodhet në një pozitë ndryshe nga Balaj dhe Roshi, pasi kontrata e tij përfundon në verën e 2020-ës.

Ditë pozitive dhe për ish-sulmuesin e Shpresave kuqezi, Taulant Seferi. Me skuadrën e Uinterthur në Zvicër, Seferi ka asistuar golin e dytë për ekipin e tij, që triumfoi 2-0 në shtëpi përballë Uil. Seferi luajti 87 minuta në këtë takim. Në Hungari, Hasani ka shënuar për ekipin e DVKT-së, që triumfoi në shtëpi me rezultatin 2-1. Sulmuesit shqiptar i mjaftuan vetëm 5 minuta që të gjente rrjetën.

Mbrojtësi i kombëtares, Ardian Ismajli, luajti 90 minuta për ekipin e Hajduk Splitin. Vetëm një karton i verdhë për mbrojtësin. Balaj dhe Roshi janë aktivizuar në Rusi me ekipin e Akhmat Groznit. Sulmuesi shkodran luajti vetëm 10 minutat e fundit të takimit, ndërsa Roshi që e nisi takimin si titullar, u zëvendësua në minutën e 62’.

Rikthimi i Roshit është një lajm i mirë për kombëtaren shqiptare, që në muaj e fundit e ka ndjerë shumë mungesën e futbollistit fierak.

Kampionati rus ka dhe tetë ndeshje deri në përfundim. Takimet e mbetura do të jenë shumë të rëndësishme për 27-vjeçarin, pasi kontrata e tij me Ahmatin mbaron në përfundim të këtij sezoni.

Ky fakt ka ngjallur reagimin e ambasadorit serb në Rusi. Ai e sheh të habitshme vendosjen e flamurit të Kosovës në stadiumin rus. Duhet të përmendim që dy shtetet kanë marrëdhënie të mira me njëri-tjetrin dhe Rusia është një nga vendet që nuk e ka njohur akoma pavarësinë e Kosovës.

“Është shumë e habitshme paraqitja e flamurit të Kosovës në Ahmat-Arena. Ne presim që autoritetet lokale të reagojnë në përputhje me pozitën zyrtare të Federatës Ruse.”, thuhet në reagimin e ambasadorit serb, Slavenko Terziç.

E menjëhershme ka qenë përgjigja e klubit rus nëpërmjet zëdhënësit për shtyp, Ramazan Umarov. Ai e sheh të zmadhuar dhe të pakuptimtë deklaratën e ambasadorit serb.

“Nuk e kuptoj pse e thotë këtë. Ky flamur nuk u paraqit në stadium dje apo sot. Ai ka qëndruar i varur për disa vite aty. Tek ne aktivizohet Bernard Berisha, i cili luan për ekipin e përfaqësueses të Kosovës. Në stadium varen të gjithë flamujt e ekipeve përfaqësuese, që luajnë lojtarët tanë. Përveç Kosovës, janë flamujt e Shqipërisë, Kroacisë apo Senegalit. Pse bëhet kaq zhurmë për hiçgjë? Nuk e kuptoj politikën. Vetëm mund të them pse ai flamur është i varur dhe nuk e di nëse do të hiqet apo jo.”, u shpreh i Ahmat Groznit. Megjithatë, pak orë pas kësaj deklarate, klubi çeçen mori vendim për të mos mbajtur më asnjë flamur në ambientet e stadiumit.

Megjithatë, këtë fundjavë pritet që Roshi të jetë pjesë e skuadrës së grumbulluar nga trajneri Rashid Rahimov për takimin ndaj Spartakut të Moskës, që do të zhvillohet ditën e shtunë.

Kampionati rus ka dhe 10 ndeshje deri në përfundim, këto takime mund të rezultojnë vendimtare për të ardhmen e Roshit, pasi kontrata e fierakut mbaron në fund të këtij sezoni. Në një situatë të tillë ndodhet edhe bashkëkombësi i tij Bekim Balaj.

Krahas përballjes së nesërme, dy lojtarët e kombëtares sonë do të kenë mundësi të aktivizohen dhe në dy takime të tjera para shpalljes së listës së Panuçit për ndeshjet e kualifikuese të “Euro 2020” kundër Turqisë dhe Andorrës, që do të zhvillohen më datë 22 dhe 25 mars.

Balaj ka qenë një ndër lojtarët më të grumbulluar nga Panuçi dhe me shumë gjasa ftesa për sulmuesin shkodran nuk do të mungojë as kësaj radhe.

Ndërkohë, situata me Roshin është krejt ndryshe. Mesfushori fierak ka pak javë që është kthyer në stërvitje të plotë me grupin pas një dëmtimi që e la jashtë fushave prej më shumë se pesë muajsh. Këto javë do të jenë vendimtare për të parë nëse 27-vjeçari do t’ia dalë të rikthehet në radarin e kombëtares.

Natyrshëm që për festat e fundvitit, anësori është kthyer në vendin tonë, por kjo nuk do të thotë se duhet të ndërpresë terapinë. Lojtari i kuqezi e ka zhvendosur në kryeqytet fazën e rikuperimit, ku po punon me ish-mbrojtësin Roland Peqinin, me këtë të fundit që ka postuar një video në profilin e tij, ku shihet se udhëzon lojtarin e Kombëtares për ushtrimet që duhet të bëjë.

Roshi duket se po ecën me një ritëm të kënaqshme, pasi siç shihet dhe në video, ai mund të punojë me topin mjaft mirë, duke bërë ushtrime të thjeshta. Gjasat janë që Roshi të djegë etapat dhe t’i thyej pritshmëritë për të zbritur në fushë më shpejt nga sa është parashikuar nëse mban këtë ritëm.

Krasnojarsk është një qytet i madh në Siberi dhe aty Gavazaj tashmë po provon makthin e të ftohtit, sepse që në nëntor temperaturat kanë zbritur shumë gradë nën zero, aq sa sot ishte 24 gradë nën zero gjatë natës dhe -16 në mesditë.

Ju duken temperatura të ulëta? Atëherë shihni dhjetorin, sepse të shtunën temperatura më e lartë do jetë -16 gradë, ndërsa të mërkurën e ardhshme moti do jetë vrasës, me temperatura nga – 28 deri në -34 gradë.

Në fundjavë Jenisej do presë Ahmatin e Balajt, Roshit dhe Berishës, ndërsa Federata Ruae ka refuzuar prerë kërkesën që ndeshja të luhet në stadium të mbuluar, nga ata që përdoren për stërvitje ose futboll salle.

Bernard Berisha e Odise Roshi ka kohë që nuk luajnë dhe nuk do shkojnë ne Siberi, por Gavazaj e Balaj priten të paktën në stol, për një torturë 2-orëshe.

“Kam dy muaj e gjysmë që jam operuar. Jam në Torino dhe duhet të bëj dhe një muaj aty, më pas në janar do të kaloj me ekipin tim. Është një stërvitje e vështirë. Çdo ditë nis në orën 10:00 dhe kthehem në shtëpi në orën 19:00, por janë gjëra që duhen bërë që të jem sa më parë në fushë. Më mungojnë çunat, tifozët dhe fitorja”.

Uzuni? “Ka luajtur shumë mirë. kam dëgjuar dhe komentet për të. Është një lojtar i mirë dhe me të ardhme, uroj që dhe sot të bëjë diçka të mirë”.

Megjithatë Odise Roshi dha një konfirmim se forca dhe vullneti nuk i mungojnë. Vetëm pak orë pas operacionit, pas këputjes së ligamentit në gjurin e djathtë, “raketa” është ngritur në këmbë.

Jo vetëm kaq, por Roshi ecën vetë, madje zbret edhe shkallët në Vilën Stuart, klinikës në Itali ku i’u nënshtrua ndërhyrjes kirurgjikale. Imazhet, mesfushori ofensiv i publikoi në adresën zyrtare në Instagram.

Një video, me të cilën i befasoi të gjithë për periudhën e shpejtë që u ngrit në këmbë. Ajo shoqërohej me një fotografi të operacionit në gju, ku përmasat e qepjes janë nga ato që të bëjnë përshtypje.

Gjithçka për të treguar se Odise Roshi nuk është njerëzor. Një tentativë për të djegur etapat e rikuperimit dhe për t’u kthyer shumë shpejt protagonist.

Dita e dyte ?

A post shared by RoshiOdise (@roshiodise) on Aug 28, 2018 at 9:12am PDT

https://www.youtube.com/watch?v=Y09kCAiEsZg

Sot Ahmati u mund 2-0 në fushën e Uralit dhe mesfushori i kombëtares sonë ishte titullar, ashtu si Bernard Berisha, me këtë të fundit që luajti në një pozicion jo të zakonshëm, si anësor i majtë në mbrojtje.

Roshi fitoi një 11-metërsh në pjesën e parë, kur ndeshja ishte në barazim, por Rodolfo nga pika e bardhë gaboi dhe më pas Urali shënoi golat e fitores.

Fitorja e djeshme: “Duke u ndalur te ndeshja e djeshme, u pa që nuk ishte një ndeshje e lehtë, ndryshe nga sa mendonin të gjithë. Nuk ka më rivalë të lehtë, futbolli i tillë është tani, rivali u mbroj fort. Krijuam disa raste në pjesën e parë, por u përmirësuam në pjesën e dytë dhe gjetëm golat.

Forma fizike – “Kam pasur probleme në gju, ndaj kam luajtur pak, por tani jam shumë mirë.

Strumica – “E mbaj mend, kemi luajtur para 5-6 vitesh. Ka qenë një atmosferë jo e mirë, ka pasur thirrje raciste, por shpresoj që këtë radhë gjithçka të shkojë mirë.

Maqedonia – “Do të jetë një ndeshje shumë më agresive se ajo e djeshmja, Maqedonia ka lojtarë mjaft të mirë, disa prej tyre i njoh. Maqedonia ka marrë hov pas fitores në Izrael, do të jetë shumë e vështirë. Barazim apo fitore? Natyrisht, në futboll synim është gjithmonë fitorja, por në ndeshje të tilla edhe barazimi nuk është keq. Do të japim gjithçka, pastaj të shohim.

Ndryshimi mes De Biazit e Panuçit – “Për lojën, më pëlqen loja e të dyve, luajnë lojën nga krahët, që për mua është shumë e rëndësishme. De Biazi ndoshta është më pak liberal në lojë.

Balaj – “Njihem dhe luajmë bashkë prej shumë vitesh, nuk mund të them sa i mungon kombëtares, sepse jemi edhe miq. Shpresoj të riaftësohet sa më shpejt nga dëmtimi në gju dhe të bashkohet me ne”.

Pak minuta, shumë stol dhe ndonjë problem fizik që e ka ndalur.

Një sezon kështu nuk i leverdis askujt, ndaj Roshi po sheh alternativat dhe në orët e fundit në skenë ka dalë Sioni. Ekipi i drejtuar nga Paolo Tramexani ka në përbërje Lenjanin e Kukelin, por Roshi është një opsion tjetër, me Tramexanin që e njeh mirë fierakun.

Koha po mbaron, tentohet një operacion blic deri nesër, duke iu referuar mediave ruse.

Tani bilanci i lojtarëve tanë është negativ, edhe për shkak të dëmtimeve, por këto nuk fshehin problemet.

Bekim Balaj ka luajtur në 3 nga 6 ndeshjet e para të sezonit dhe titullar ka qenë në dy fitore në korrik. Gushti ka qenë fatal për të, sepse pësoi një dëmtim dhe tashmë po i ndjek ndeshjet nga stoli.

E njëjta gjë edhe për Odise Roshin, që tashmë ka lënë pas dëmtimin dhe sot në Shën Petërsburg u aktivizua pas pushimit, kur Zeniti kryesonte 1-0. Përfundoi 4-0 (3 humbje rresht për Ahmatin), me Roshin që nuk mundi të bënte shumë ndaj një rivali tepër superior, por fieraku duhet të shqetësohet për situatën e tij, sepse nuk ka luajtur asnjë ndeshje titullar këtë sezon. Edhe Bernard Berisha ka probleme: vetëm një ndeshje titullar 144 minuta në fushë në 6 ndeshje, shumë pak për një mesfushor i cili në Rusi ka shkëlqyer që kur ka shkuar, nga Skënderbeu.

Nga shqiptarët luajti vetëm Bernard Berisha, 76 minuta në fushë. Odise Roshi e Bekim Balsj munguan sërish për problene fizike dhe situata po bëhet shqetësuese për kombëtaren, sepse kanë mbetur pak javë nga ndeshjet kualifikuese të shtatorit dhe mungesa e tyre do të përbënte një problem të madh për trajnerin Kristian Panuçi.

Sot Ahmati mposhti 2-0 Dinamon e Moskës, duke marrë kreun e renditjes me pikë të plota pas 3 javëve të para dhe duke filluar të ëndërrojë, edhe pse realisht nuk synon më shumë se një vend në Europa League.

Gjithsesi, nuk po u buzëqesh fati shqiptarëve, sepse Odise Roshi e Bekim Balaj e kanë nisur me probleme fizike sezonin dhe munguan sot. Balaj luajti vetëm 45 minutat e para javën e shkuar në Rostov, ndërsa Roshi u dëmtua në pjesën e dytë të asaj sfide.

Sot luajti vetëm Bernard Berisha, i futur në minutën e 62-të, kur ndeshja ishte ende pa gola. Futja e mesfushorit të Kosovës shtoi ndjeshëm rrezikshmërinë në sulm dhe në minutat 80 e 83 erdhën dy golat e fitores.

Sot Ahmat Grozni fitoi në Rostov 1-0, me një gol të shënuar në minutën e 55-të nga Sadaev. Ky zëvendësoi pas pushimit Bekim Balajn, i vetmi shqiptar nga minuta e parë në fushë.

Ndërkaq, Odise Roshi u fut në minutën e 65-të dhe Bernard Berisha 11 minuta më vonë, duke u ndëshkuar edhe me karton të verdhë në shtesë.

Fillim perfekt për klubin çeçen, jo dhe aq për shqiptarët, sepse Balaj ishte i vetmi që luajti javën e shkuar (90 minuta), ndërsa sot asnjëri nuk luajti 90 minuta.

Sipas Roshit, humbja me Luksemburgun nuk duhet ta dramatizohet, pasi edhe ekipe më të forta janë ndalur nga ky kundërshtar: “Po diskutohet shumë, por edhe ekipe me të mëdha kanë humbur ndaj Luksemburgut. Kishim tre-katër shanse për ta mbyllur ndeshjen, pastaj sikur u liruam pak dhe pësuam dy gola”

Skema 3-5-2 nuk duket e përshtatshme për Shqipërinë: “Ne kemi ecuri më mirë kur kemi luajtur me një sulmues, por ka raste kur duhet të luash edhe me 2. Kjo është në varësi të kundërshtarit. Ka shumë skema që kemi aplikuar në stërvitje, pak e vështirë sepse Izraeli ka ekip të mirë, por besoj se ne jemi më lart. E kam ndjekur Izraelin në ndeshjet me Maqedoninë dhe Italinë. Luajnë mirë në të dyja fazat. Ne duhet të japim maksimumin dhe nëse marrim fitoren, shumë humbje që kemi bërë shumëzohen me zero. Përqendrimi është më i rëndësishëm në futboll, ndan suksesin me humbjen. Shqipëria arriti në një nivel ku nuk kishte qenë kurrë. Të gjithë çunat e kanë ndoshta mendimin që kemi rënë cilësisht, por duhet të jemi më të përqendruar ndaj Izraelit”.

Momenti është i zymtë: “Harmoni duhet të ketë gjithmonë në skuadër, edhe nëse humbim duhet të jemi më të qeshur për t’u kthyer te fitorja.  Nuk kemi probleme, skuadra di të rinovohet vit pas viti sepse do të vijnë elementë nga Shpresat”.

Roshit i mungon në kombëtare Balaj, i dëmtuar, ndërkohë që edhe te Tereku e ardhmja e tyre nuk është e qartë: “Tereku ka bërë një vit shumë të mirë, objektivi ynë ishte Europa, por në fund hyri Krasnodari në vendin tonë. Vendi i pestë ishte rekord. Këto ndeshjet e fundit kemi marrë rezultate shumë të mira. Normale që më mungon Balaj, kam qëndruar gjithmonë me të. Komunikojmë herë pas here. I mungon grumbullimi me skuadrën”.