Trajneri spanjoll nuk përmend emra në prononcimin e dhënë për mediat belge, por shtyn Lukakun të largohet. Martinez shpreson që të gjithë lojtarët e tij të jenë të lumtur dhe kur nuk janë, zgjidhja më e mirë është provimi i një aventurë të re.

“Lukaku ka nevojë të provojë gjëra të reja dhe është gati për një eksperiencë të re. Nuk jam i shqetësuar për të, pasi Romelu mund të luajë gjithkund. Unë dua që lojtarët e mi të jenë të lumtur, kështu që mendoj se duhet të largohet dhe të bëjë zgjedhjen e duhur për të ardhmen”, përfundon trajneri i kombëtares belge.

Elozhet për Antonio Konten nuk mungojnë, por duhet zgjidhur problemi Mançester Junajtid. “Djajtë e Kuq” kërkojnë shumë për kartonin e Lukakut. Minimalja 70 milionë euro, një shumë që zikaltrit nuk e përballojnë për momentin.

Duke dashur të shfrytëzojë një situatë të tillë, Man Utd i ka bërë Interit një propozim interesant. Solskjaer synon një qendërmbrojtës cilësor dhe ka kërkuar Milan Shkriniar në vend të sulmuesit.

Marota dhe Auzilio kanë refuzuar në mënyrë kategorike. Sllovaku është lideri i repartit defensiv dhe do të formojë një dyshe fantastike bashkë me Diego Godin.

Pas ndeshjes me kombëtaren, 26-vjeçari dha sinjale të qarta. Ai u shpreh me superlativa për Antonio Konten, të cilin e cilësoi si trajnerin më të mirë në botë. Ky i fundit e kërkoi me ngulm gjatë kohës që ishte trajner i Çelsit dhe tani po bën të njëjtën gjë tek Interi.

Auzilio, drejtori sportiv i zikaltërve, është takuar gjatë mbrëmjes së kaluar me agjentin e Lukakut, Federiko Pastorelo. Lojtari është i gatshëm të sakrifikojë paksa nga rroga e tij dhe akordi është pranë, por ka vetëm një problem.

Junajtid kërkon 70 milionë sterlina për kartonin e bomberit. Klubi anglez nuk bën ulje, ndërsa Interi ka vetëm një shans: përfshirjen e ndonjë lojtari për të ulur shumën. Kërkesa e Junajtid është e papërballueshme për arkat zikaltër.

Klubi italian pritet të përfshijë njërin prej Perishiç apo Ikardit në tratativë, me qëllim lehtësimin e transferimit të Lukakut në kampionatin italian.

Në listën e Kontes gjendet emrat e Romeo Lukakut dhe Viktor Moses. Belgu u kërkua me insistim nga trajneri italian në verën e vitit 2017, kur drejtonte Çelsin. Megjithatë, Lukaku preferoi Mançester Junajtid në fund.

Ky sezon nuk ka qenë aspak pozitiv për të, madje ndeshjet e fundit Solskjaer filloi të preferonte Rashford në vend të tij. 26-vjeçari e ka pohuar më shumë se një herë që ëndërron të luajë në Serie A dhe Interi do të ishte opsioni perfekt për të.

Por jo vetëm Lukaku. Nigeriani Moises ka qenë pjesë fikse e formacionit të Kontes në fitimin e titullit në vitin 2017. Me ardhjen e Sarrit hapësirat u pakësuan dhe anësori ofensiv u huazua te Fenerbahçe.

Marrëveshja e turqve me “Blutë e Londrës” zgjat deri në vitin 2020 dhe Interi duhet të arrijë akordin me drejtuesit e Fenerbahçes në fillim dhe më pas 28-vjeçari mund të transferohet në San Siro.

Tek Interi nuk duan të mbesin të papërgatitur dhe kanë nisur punën për gjetjen e një bomberi. Tre janë alternativat dhe dëshirat: Edin Xheko, Romeo Lukaku dhe Duvan Zapata.

Boshnjaku i Romës pëlqehet shumë nga dyshja Marota-Auzilio dhe ai shihet si partneri i duhur për rritjen e Martinez, Negociatat me lojtarin kanë nisur prej kohësh. Xheko është dakord për t’u transferuar tek Interi, që ofron 10-15 milionë euro, ndërsa Roma kërkon 25-30 milionë euro për 33-vjeçarin. Akordi mund të arrihet edhe me përfshirjen e ndonjë lojtari në tratativa.

Romeo Lukaku është i preferuari i madh i Antonio Kontes. Ai ka shënuar 12 gola sivjet me “Djajtë e Kuq”. Dëshira e sulmuesit belg është për t’u larguar, ndërsa Serie A e tundon prej kohësh. Problem mbetet kartoni i lartë prej 70-80 milionë eurosh dhe rroga prej 10 milionë eurosh në sezon.

Në fund kolumbiani i Atalantës. Zapata dhe shokët e tij po shijojnë një super sezon. Sulmuesi gjeti golin e 26-të për këtë sezon kundër Napolit. Ai është i huazuar deri në vitin 2020 tek Atalanta, ndërsa për t’ia “vjedhur” nga duart ekipit bergamask nevojiten të paktën 45 milionë euro.

Siç raporton “Daily Express”, drejtuesit e klubit anglez kanë nisur tratativat me Interin dhe Juventusin. Sipas klubeve italiane, lojtarët nuk janë të pashitshëm. Junajtid po tenton të përfshijë Lukakun në tratativa, me këtë të fundit që ka shprehur prej kohësh dëshirën për t’u bashkuar me bardhezinjtë nga Torino e për të luajtur në një ekip me Kristiano Ronaldon.

Për të dy lojtarët argjentinas janë të mëdha mundësitë për t’u larguar në fund të sezonit nga ekipet respektive. Gjendja e Ikardit është më serioze, pasi problemet me Interin janë të mëdha dhe pajtimi është shumë larg.

Më ndryshe gjendja e Dibala, por dhe për të nuk përjashtohet largimi nga Torino në fund të sezonit, për shkak të minutave të pakta që po merr nga Alegri.

Junajtid është gati të përfitojë nga situata dhe t’i dhurojë trajnerit Solskjaer një përforcim cilësor për repartin ofensiv.

Atmosfera aspak pozitive që mbizotëron në ekipin e “Djajve të Kuq” mund të ketë mërzitur belgun, i cili i ka shkelur syrin Juventusit. Geri Palister, ish-mbrojtësi i Junajtid, ekip me të cilin ka zhvilluar më shumë se 300 ndeshje, është shprehur për çështjen në fjalë. Ai sulmon Lukakun, por nuk toleron as Zhoze Murinjon në prononcimin e tij për mediat angleze.

“Të thuash që aspiron të luash me një klub tjetër, ndërkohë që je pjesë e një tjetër klubi, është mungesë respekti. Ndoshta, mund ta mendosh një gjë të tillë, por ta thuash atë dhe të vendosësh të zezën mbi të bardhë është e tmerrshme. Junajtid është nën presion dhe të dëgjosh goleadorin e skuadrës, i cili kërkon të largohet, nuk është një situatë ideale. Murinjo? Në kohën time nuk kishte shanse të ndodhnin këto përçarje midis trajnerit dhe lojtarëve. Një nga meritat e Sër Aleks Ferguson ishte zbutja e karaktereve të vështirë të ekipit”, përfundon Palister.

Mançester Junajtid do të presë Juventusin me datë 23 tetor në “Old Trafford” për Champions. Një sfidë spektakolare dhe tepër e rëndësishme për vendin e parë  në grup, ndërsa sulmuesi i ekipit të Murinjos ka respekt dhe i frikësohet bardhezinjve. Elozhe për Kristiano Ronaldon dhe “dashuri” për Dagllas Kostën, ndërsa objektivi i Junajtid është vendi i parë në grup.

“Ata kanë një projekt të madh dhe nuk ndalen më. Çdo vit tentojnë të përmirësohen dhe të bëhen më të fortë. Kristiano është lojtari më i mirë, por duhet të kemi kujdes dhe nga të tjerët. Dibala po rritet dhe është shumë i fortë, ndërsa është dhe Dagllas Kosta, të cilin e dua shumë. Me Ronaldon bënë një blerje të shkëlqyer, karriera e tij flet vetë. Ai bën diferencën gjithmonë. Do të jenë dy ndeshje të rëndësishme dhe prestigjioze, të cilat duam t’i fitojmë. Jemi në një grup të vështirë, por ne duam të renditemi në vend të parë”, përfundon 25-vjeçari i sulmit të Junajtid.

“Mbas Euro 2020 mendoj se do ta mbyll me kombëtaren. Objektivi ynë duhet të jenë të paktën gjysmë-finalet e çdo kompeticioni”, u shpreh Lukaku për “Business Insider”.

Mbasi u ndal në çerek-finalet e Kupës së Botës 2014 dhe Euro 2016, në Botërorin e Rusisë, Belgjika arriti në fazën e gjysmë-finaleve dhe e mbylli kompeticionin në vendin e tretë, duke fituar medaljen e bronztë. Belgjika ka një brez të artë dhe është një nga favoritët për të fituar Europianin që zhvillohet mbas dy vitesh, aty ku Lukaku do të tentojë ta mbyllë me nder dhe të largohet si fitues.