Presidenti De Laurentis është mik i ngushtë me agjentin e lojtarit, Federiko Pastorelo. Ky i fundit pati futur edhe Napolin në valle. Megjithatë, jemi mësuar që kreu i klubit të kaltër flet hapur dhe është ai, që shuan zërat rreth një kalimi të tillë. Shprehet se kjo ndodh për të rritur çmimin e lojtarit.

“Ka zëra rreth një oferte nga ne sepse ata e dinë se un jam mik me agjentin e Lukakut. E kam pyetur atë nëse i përshtatet Napolit dhe a do shkojë te Juventusi. Folëm rreth këtyre kornizave. Të gjithë e dimë se fjalët rreth një oferte nga Napoli janë në interes të agjentit sepse rritet vlera e lojtarit”, deklaroi De Laurentis.

Negociatat vazhdojnë dhe palët po tentojnë akordin përfundimtar. Gjithsesi, Sky Sport raporton se argjentinasi nuk i vetmi juventin që pëlqehet nga Junajtid.

Drejtuesit e klubit anglez pëlqejnë shumë edhe Mario Manxhukiç. Me largimin e Alegrit 33-vjeçari nuk shihet më aq i rëndësishëm dhe aventurës së tij në Torino mund t’i ketë ardhur fundi.

Solskjaer e pëlqen shumë “luftëtarin” kroat dhe beson se ai do të vazhdojë të paraqitet në nivele të larta edhe për disa vite. Trajneri norvegjez e dëshiron Manxhukiç në Old Trafford dhe tratativat midis dy klubeve vazhdojnë.

Nga ana tjetër është edhe fantazisti argjentinas. Dibala rikthehet sot nga pushimet dhe mund të fluturojë menjëherë drejt Anglisë. Agjenti i tij po negocion me drejtuesit e “djajve të kuq”.

Alfredo Pedulla raporton se Dibala ka kërkuar një rrogë më të lartë sesa ajo që përfiton. Te Juventusi rroga e tij sezonale prej shifrën 7.5 milionë euro, ndërsa Junajtid i ka kërkuar 30% më shumë.

Shkëmbimi pritet të ndodhë shpejt, palët janë shumë afër marrëveshjes finale dhe diçka e tillë do i kënaqte të gjithë, sidomos dy trajnerët Sarri dhe Solskjaer.

Klubi anglez e ka bërë të qartë që nuk e lëshon sulmuesin pa 83 milionë euro. “Calciomercato”, raporton se ky çmim është i papërballueshëm për financat e Interit që përveç shumës rekord do i duhet të plotësojë dhe kërkesat e futbollistit.

Pas këtij vendimi të drejtuesve zikaltër, fokusi i Interit shkon te boshnjaku i Romës, Edin Xheko. 33-vjeçari është një opsion shumë më i lirë, megjithëse mosha e madhe nuk jep garanci për të ardhmen, por për Konten, Xheko shikohet si një zgjidhje e përkohshme.

Antonio Konte kërkon me çdo kusht Lukakun, por pjesë e ekuacionit është dhe Mauro Ikardi, i cili duhet të largohet për t’i liruar vend belgut. Një tjetër mungesë në listën e “djajve të kuq” ishte dhe Mateo Darmian.
Lukak
Mbrojtësi italian është prej katër vitesh pjesë e Junajtid, por ka shumë pak gjasa që 29-vjeçari të kalojë vitin e fundit të kontratës tek ekipi anglez. Në dy sezonet e fundit Darmian është aktivizuar me pikatore, por ai mbetet një lojtar i kërkuar nga shumë klube në vendlindje.

Lista me 26 lojtarët e grumbulluar: David De Gea, Lee Grant, Joel Pereira, Sergio Romero; Diogo Dalot, Phil Jones, Victor Lindelof, Marcos Rojo, Luke Shaw, Chris Smalling, Axel Tuanzebe, Aaron Wan-Bissaka, Ashley Young; Fred, Angel Gomes, Daniel James, Jesse Lingard, Juan Mata, Nemanja Matic, Scott McTominay, Andreas Pereira, Paul Pogba; Tahith Chong, Mason Greenwood, Anthony Martial, Marcus Rashford.

Paulo Dibala nuk do të përfshihet në këtë operacion. Argjentinasi nuk e sheh me sy të mirë transferimin në Old Traffod, ndërsa edhe vetë Junajtid kërkon një juventin tjetër.

Daily Mail raporton se “Djajtë e kuq” kërkojnë Dagllas Kostën dhe “Zonja e vjetër” është dakord që braziliani të largohet drejt Premier Ligës. Edhe Interi nuk qëndron duarkryq.

Oferta e fundit për sulmuesin belg shkon në 75 milionë sterlina, 70 në dorë dhe 5 në formë bonusesh. Zikaltrit janë gati të përfshijnë edhe Ivan Perishiç në këtë tratativë, por Junajtid preferon më shumë Dagllas Kostën e Juves.

Romelu Lukaku mbetet synimi i madh dhe fjalët e trajnerit kanë dhënë efekt. Times raporton se zikaltrit kanë rritur ofertën për sulmuesin belg, i cili është gjithnjë e më afër transferimit në Serie A.

84 milionë euro (67+17 në formë bonusesh) është oferta e fundit e Interit për gjigantin e sulmit. “Djajtë e kuq” duan 80 milionë sterlina, por diferenca mes ofertës dhe kërkesës është e vogël dhe marrëveshja finale mund të vijë shumë shpejt.

Afër është akordi me Romën për transferimin e Edin Xheks tek ekipi i Kontes. Boshnjaku është një tjetër preferencë e trajnerit leçez, që i pret me padurim Xhekon dhe Lukakun.

Një shumë e tillë cilësohet e lartë nga drejtuesit e Interit, të cilët nuk duan të shpenzojnë më shumë se 65 milionë euro për 25-vjeçarin. “Djajtë e kuq” nuk heqin dorë nga kërkesat e tyre dhe Interi po mendon një sulmues tjetër.

Corriere dello Sport raporton se ideja e fundit quhet Edinson Kavani. 32-vjeçari ka edhe një vit kontratë me PSG-në, por problem mbetet paga e lartë. Bomberi uruguaian përfiton 12 milionë euro në sezon, ndërsa zikaltrit shkojnë deri në 9 të tilla.

Marota po tenton të nisë negociatat me “El Matador” dhe kampionët e Francës. Për të tentuar një marrëveshje me ta dhe për t’i bërë “presion” Junajtid që të ulë kërkesat në lidhje me Lukakun.

Duvan Zapata është një tjetër emër që pëlqehet, por kërkesa prej 60 milionë eurosh e Atalantës cilësohet e tepruar nga drejtuesit e klubit nga Milano.

Duke qenë se çmimi i lartpërmendur është i papërballueshëm për financat e Interit, drejtori Marota ka filluar të mendojë për alternativa të tjera. Sipas “Corriere Dello Sport”, fokusi i klubit zikaltër tashmë është te kolumbiani Duvan Zapata.

Sulmuesi i Atalantës mbylli sezonin më të mirë të karrierës së tij, ku në 37 ndeshje shënoi 23 gola. Kontrata e Zapatës me klubin bergamask mbaron në fund të sezonit të ardhshëm, një fakt ky që i bën më të lehta negociatat për kartonin e lojtarit.

https://www.youtube.com/watch?v=ZUmP4fptSuo

“Djajtë e kuq” ia kanë bërë të qartë zyrtarit zikaltër: “Nëse doni Lukakun, duhen paguar 75 milionë sterlina (83 milionë euro)“. Një shifër e lartë krahasuar me 60-65 milionë eurot që kishte menduar klubi italian për të harxhuar për 26-vjeçarin.

Gjithsesi, Interi ka kërkuar një huazim të Lukakut me detyrim blerje në fund të sezonit të ardhshëm, e njëjta formulë që u përdor edhe me Nikolo Barelën. Përveç formulës, Interi i ka kërkuar Junajtid të paguajë me këste shumën e kërkuar, por diçka e tillë është refuzuar nga klubi anglez.

Ofertë super për Lukakun. Sulmuesin e kombëtares belge e pret një kontratë 5-vjeçare me një rrogë prej 9 milionë eurosh në sezon. Hapi i parë është hedhur dhe palët mund të arrijnë shumë shpejt akordin përfundimtar.

12 milionë ofrojnë zikaltrit për 33-vjeçarin boshnjak, ndërsa verdhekuqtë kërkojnë 18. Dëshira e Xhekos është transferimi në “San Siro” dhe ky është avantazhi i madh i Interit.

Nga ana tjetër është Lukaku. Trajneri Ole Gunar Solskjaer po tenton ta bindë për të qëndruar te Junajtid, por sulmuesi belg i ka bërë të qartë: “dua të shkoj tek Interi”.

Drejtuesit zikaltër kanë vendosur të negociojnë përballë me homologët anglezë dhe Piero Auzilio ndodhet në Londër. Drejtori sportiv po tenton të mbyllë akordin dhe të marrë Lukakun me vete.

Klubi italian ka gati 70 milionë euro për kartonin e 25-vjeçarit, shumë të cilën pretendon ta paguajë në tre këste. Tani pritet përgjigja e “djajve të kuq”, që vështirë se do të pengojnë Lukakun të provojë emocionet e Serie A.

“Daily Mail” raporton se Konte i ka kërkuar drejtuesve të klubit që të shesin Mauro Ikardin dhe Raxha Naingolan. Karakteri i lojtarëve nuk është i duhuri sipas trajnerit dhe në ekip duhet të ketë vetëm lojtarë që derdhin gjak për Interin.

Paratë e përfituara nga largimi i dyshes do të investohen për të dy lojtarë të tjerë, konkretisht Arturo Vidal dhe Romelu Lukaku. Mesfushori kilian është ëndrra e madhe e Kontes. Të dy kanë punuar bashkë te Juventusi dhe kanë një raport fantastik me njëri-tjetrin.

Konte sheh te Vidal karakteristikat e duhura dhe liderin perfekt për mesin e fushës, ndërsa gjiganti belg do të ishte investimi i duhur për repartin ofensiv. Lukaku po pret me entuziazëm kalimin tek Interi dhe ky është mentaliteti i duhur sipas Antonio Kontes.

Zikaltrit kanë hedhur hapin e parë, duke ofruar 10 milionë euro për një huazim 2-vjeçar dhe 60 milionë të tjera në fund të huazimit. Shumta totale shkon 70 milionë euro, “djajtë e kuq” janë dakord me formën e përcaktuar, por kërkojnë më shumë para.

Vetë agjenti i lojtarit belg do të takohet me drejtuesit anglezë për t’i shprehur atyre dëshirën e Lukakut për t’u transferuar në ekipin e Antonio Kontes. Interi ka tentuar të fusë edhe Ikardin ose Naingolan në tratativë, por Mançester Junajtid kërkon vetëm para të thata.

Sipas raportimeve të “The Sun”, është arritur marrëveshja për rrogën e sulmuesit. Lukaku do të përfitojë 9 milionë sterlina në sezon, ndërsa problem mbetet kërkesa e Junajtid. “Djajtë e Kuq” kërkojnë 75 milionë sterlina (rreth 84 milionë euro) për kartonin e 26-vjeçarit.

Anglezët nuk pranojnë as përfshirjen e ndonjë lojtari interist në këtë tratativë, ata duan para të thata. Në një situatë të tillë, Interi duhet të nxitojë për të shitur Mauri Ikardin dhe milionat e përfituara t’i investojë për të siguruar Romelu Lukakun.

Andrea Pastorelo ka folur për të ardhmen e 25-vjeçarit për “Sky Sport”. Lojtari ka edhe tre vite kontratë me “Djajtë e Kuq”, por ëndrra e tij e madhe është që të provojë eksperienca të reja dhe futboll të ri, konkretisht transferimi në Itali.

“Romelu është i përqendruar te faza finale e sezonit për momentin. Lufta për vendin e tretë dhe të katërt në Premier po bëhet shumë e fortë. Lukaku po luan sezonin e dytë me Junajtid dhe ka tre vite të tjera kontratë. Të shohim se çfarë do të ndodhë. Ai është një person që adhuron të njohë kultura të ndryshme dhe një tjetër lloj futbolli. Italia i pëlqen shumë. Kur ishte i vogël ndiqte Serinë A. Tani janë të gjithë dakord që Premier Liga është kampionati më i bukur në botë, por para disa vitesh Seria A ishte top dhe ëndrra e shumë futbollistëve të rinj”, përfundon agjenti i sulmuesit belg.