Gjithsesi, pak momente më parë, klubi i Kluzhit, ka njoftuar se kanë zgjidhur kontratën me sulmuesin, i cili do të jetë një lojtar i lirë tashmë. Kujtojmë, në karrierën e tij, Zhulio Baptista ka veshur fanellën e Realit të Madridit, Arsenalit, Sevijas apo dhe Romës.

Fillimisht ishin vendasit që kaluan në avantazh, por në minutën e 76-të ishte lojtari i kombëtares tonë, i cili pas një krosimi që i erdhi nga e djathta goditi mjaft bukur, duke shkundur rrjetën.

Festa, si gjithnjë me shqiponjë. Ky ishte goli i gjashtë për Llullakun në kampionat, teksa 31-vjeçari ka kontribuar dhe me gjashtë asist gjithashtu.

“Bosi” i Steauas ka deklaruar se në rast se UEFA i detyron klubet që të kenë me patjetër një ekip femrash, do ta lërë futbollin përfundimisht, pasi kjo gjë është krejtësisht kundër ligjeve të natyrës sipas tij. Gjithashtu 60-vjeçari nuk është mjaftuar me kaq, ku ka shtuar se ky fenomen është përmbushja e vullnetit të satanit (djallit) kundër Perëndisë.

“Nëse UEFA do të detyrojë të gjitha klubet që të kenë një ekip femrash, unë do e lë botën e futbollit. Femrat mund të luajnë sporte të tilla si basketboll apo hendboll, por kurrsesi futboll. Nuk janë krijuar për të luajtur një sport të tillë, pasi nuk kanë fizik të përshtatshëm, është diçka kundër ligjeve të natyrës. Si të gjithë njerëzit e kësaj bote edhe unë kam kryer mëkate në jetën time, por kurrë nuk do të zbatoj vullnetin e satanit kundër Perëndisë.”

Një sfidë, që në pjesën e parë thuajse kishte vetëm një ekip në fushë. Italia shihej mjaft këmbëngulëse dhe pati shumë raste, ku Rui Patrisio shfaqi vlerat e tij dhe mbajti portën të paprekur. Kështu ekipet u drejtuan në dhomat e zhveshjes me rezultatin e bardhë pa gola.

Në fraksionin e dytë, kombëtarja axurre u pa disi më e lodhur dhe Portugalia e shtoi nivelin e saj të lojës. Donaruma shpëtoi 13 minuta përpara fundit të kaltrit, pas goditjes së Uilliam Karvajos, duke reaguar në mënyrë fantastike. “Axurrët” provuan deri në fund të gjenin golin, por nuk ia arritën me luzitanët, të cilët festojnë arritjen e vendit të parë.

Ndërkohë, në Ligën B, Turqia mori një goditje të rëndë brenda në shtëpi, teksa pësoi një disfatë ndaj Suedisë, duke zbritur në Ligën C. Ndeshja u vendos nga një gol i Grandkuist nga pika e bardhë. Suedezët tashmë do të provojnë të marrin kreun e grupit dhe të ngjiten në Ligën A, në “finalen” që luajnë ndaj Rusisë.

Rumania arriti një triumf të thjeshtë 3-0, ndaj Litunisë, e cila është kombëtarja e vetme në Ligën C që nuk ka marrë asnjë pikë. Tashmë rumunët afrohen me Serbinë dhe do të shpresojnë deri në ndeshjen e fundit për arritjen e vendit të parë.