Kalderon ka folur për “Gazzetta dello Sport”, duke zbuluar faktn që ishte ai që arriti marrëveshjen e blerjes së Kristiano Ronaldos. Në epokën e Kalderon u ble dhe Gonzalo Higuain dhe ish-presidenti ka një respekt të madh për të dy. Ai tregon detaje interesante, ndërsa nuk nguron të quajë shitjen e portugezit te Juventusi si një gabim historik i Realit.

HIGUAIN – “E morëm Gonzalon së bashku me Gagon dhe Marselon, për një çmim, që me çmimet absurde që qarkullojnë, mund të duket qesharak: 9 milionë euro. Unë nuk e njihja, por Franko Baldini dhe Predrag Mijatoviç më siguruan që ai do të bëhej një futbollist i madh. Nuk e kishin gabim, Madridi ka shijuar shumë gola nga Gonzalo, pastaj e shitën. Ai erdhi te ne pa i mbushur 18 vjeç, por u integrua mirë në grup. Kapelo nuk e konsideronte Ronaldo Fenomenin të përshtatshëm me Van Nistelroin dhe më bindi ta largoja në janar te Milani. Higuain përfitoi hapësira, dha një kontribut të rëndësishëm në parakalimin ndaj Barcelonës dhe na dërgoi në fitimin e titullit në frymën e fundit. U rrit shumë me ne dhe përparoi në vitet në vijim.”

CR7 – “Jam impenjuar dy vite për të marrë Kristiano Ronaldon. Ishte shumë i lidhur me Junajtid dhe Junajtid me të. Në fund m’u përgjigj pozitivisht, por në gushtin e vitit 2008, kur ishim në Bogota për një miqësore, më telefonoi dhe më kërkoi të qëndronte dhe një vit në Mançester, për një borxh mirënjohjeje kundrejt Aleks Ferguson. Ramë dakord dhe në dhjetor firmosëm kontratën për verën e ardhshme. Fati i Perezit për ta shijuar? Jo, unë jam madrilien dhe e kam shijuar për 9 vite Ronaldon. Së bashku me Di Stefanon, ai është i huaji më i mirë i historisë së Realit. Mentaliteti i tij e ka tërhequr skuadrën drejt shumë sukseseve. Nuk kam njohur kurrë një lojtar të tillë, një që ka një talent të madh dhe një vullnet të hekurt, i udhëhequr nga fiksimi për t’u përmirësuar ditë pas dite.”

DËSHIRA – “Ideja jonë ishte të formonim një sulm: Roben-Ronaldo-Higuain. Perez kishte ide të tjera, ai ka bërë shumë për Realin, por ka vuajtur gjithmonë të menaxhojë lojtarët, të cilët nuk i ka blerë vetë. Kështu ndodhi me Kasijas, Raul, Roben dhe Shnajder. Ishte gati të hiqte dorë dhe nga Marselo e Ronaldo, por nëse nuk do të blinte portugezin, i duhej të paguante penalitetin prej 30 milionë eurosh që kishim vendosur me Junajtid, në rast se Reali hiqte dorë nga blerja e Ronaldos. Një gjë që Kristiano e di dhe nuk i ka pëlqyer, madje e mori si fyerje. Perez bleu Benzema dhe Kakanë (për të cilin kishim sinjalizuar se ka një problem të vështirë për t’u zgjidhur në gju) dhe aty u zvogëluan hapësirat e Higuain, çka çuan në largimin e tij.”

SHITJA E RONALDOS – “Një gabim historik, i përcaktuar gjithmonë nga vështirësia e Perez për të menaxhuar lojtarët e trashëguar. Ai nuk zëvendësohet dot dhe do e bëjë Juventusin akoma më të madh. Do të luajë dhe disa vite në nivele të larta. Juventus do të fitojë kampionatin dhe është kandidati kryesor për fitimin e Champions, sepse uria e Ronaldos është e pashtershme dhe ngjitëse. Reali ka qëndruar 9 orë pa shënuar këtë sezon dhe është evidente që kjo gjë ka të bëjë me mungesën e Ronaldos. E përsëris, ai është i pazëvendësueshëm. Jam i lumtur që po bën mirë me Juven dhe kjo gjë më bën krenar. Milan-Juventus? Do e regjistroj dhe do e shoh më vonë, sepse në atë orë luhet Selta-Real. Shpresoj të shënojnë si Higuain ashtu dhe Ronaldo. Fitoftë më i miri.”

Për mos arritjen e akordit me trajnerin italian ka folur ish-presidenti i Realit gjatë viteve 2006-2009, Roman Kalderon. Ky i fundit njihet për “armiqësinë” e tij me Florentino Perez, por kësaj radhe nuk e ka sulmuar kreun e klubit “merengues”.

Kalderon ka fajësuar Konten për kërkesat e tepruara, një gjë që nuk mund të pranohet nga Perez. Kalderon vazhdon të mendojë që kjo ishte një gjë e mirë, pasi ish-trajneri i Juventusit dhe Çelsit është shumë mbrojtës dhe kjo gjë nuk është në stilin e Realit të Madridit.

“Ka kërkuar një kontratë 3-vjeçare dhe donte të merrte stafin e tij, prej pesë personash, me vete. Konte ka kërkuar të ketë dorë të lirë në merkato dhe largimet e lojtarëve. Por, kjo është diçka e papranueshme për Florentino Perez. Nuk mendoj se Antonio Konte është trajneri i duhur për Realin. Ai i ngjan Murinjos, është trajner difensiv, i cili luan me tre qendërmbrojtës dhe përdor kundërsulmin. Në Bernabeu nuk duan të shohin diçka të tillë. Perez e provoi me Murinjon, por Champions-i nuk erdhi dhe portugezi e la klubin në një gjendje të keqe”, përfundon Roman Kalderon.

Një gjë të tillë e ka bërë dhe Roman Kalderon, i cili mbajti postin e presidentit të Realit në vitet 2006-2009. 67-vjeçari ka sulmuar homologun e tij në një prononcim për mediat spanjolle, ndërsa nuk e kupton as vendimin e Kristiano Ronaldos për t’u larguar.

“Nuk e kuptoj se si mund ta çojë klubin përpara komplet i vetëm. Te Reali i Madridit nuk ka një drejtor sportiv, është vetëm Florentino, i cili është një inxhinier. Di të ndërtojë shumë mirë ura, tunele, rrugë, por jo ekipe futbolli. Nuk është e njëjta gjë. Kristiano Ronaldo? Mungesa e tij peshon shumë, por ka gabuar dhe lojtari që u largua. Nuk e di nëse klube të tjera mund t’i japin atë çfarë i ka dhënë Reali i Madridit”, përfundon Ramon Kalderon.