Pikërisht ky i fundit është munduar të mbajë një fjalim në dhomat e zhveshjes pas përfundimit të sfidës, por lojtarët londinezë duket se nuk e kanë lënë numri një të klubit të flasë. Këtë gjë e ka zbuluar David Luiz, i cili tha se Abramoviç u mundua të fliste, por lojtarët nisën të hidhnin objekte drejt tij si për të bërë shaka.
Abramoviç mes të qeshurave ka dalë nga dhoma e zhveshjes dhe ka përfunduar duke mos thënë asnjë fjalë.

“Presidenti erdhi në dhomat e zhveshjes dhe provoi të mbante një fjalim. Të gjithë djemtë nisën të hidhnin objekte drejt tij dhe ai u largua menjëherë (qesh)”, përfundoi David Luiz prenoncimin e tij për “The Sun”.

Megjithatë, Çelsi mendon të kundërtën dhe është gati të veprojë. Sipas raportimeve të mediave angleze, Roman Abramoviç po mendon të shkarkojë Mauricio Sarrin këto ditë. Humbja e fundit kundër Evertonit ishte e papritur, por presidenti rus dëshiron që t’i dhurojë kohë trajnerit të ri.

Stili i veçantë i lojës së trajnerit italian nuk po jep frytet e pritura në kryeqytetin anglez dhe Sarri tashmë ka kundër dhe një pjesë të madhe të tifozëve, të cilët duan shkarkimin e tij.

“Blutë e Londrës” po luftojnë fort për një vend në katërshen e parë. Ata janë aty, por gara me ekipe si Mançester Juanajtid, Totenhem dhe Arsenal nuk jap asnjë garanci. Nga ana tjetër është edhe Liga e Europës. Ekipi i Sarrit është kualifikuar në gjysmëfinale, aty ku do të përballet me Sllavian e Pragës.

Tani Çelsi është në prag të katastrofës. Klubi londinez po shfaq prej javësh paraqitje të habitshme dhe është e qartë se kemi të bëjmë me një problem shumë të madh midis trajnerit dhe lojtarëve, ashtu siç ndodhur me parë në sezonet e fundit të Zhoze Murinjos dhe Antonio Kontes, të dy këta trajnerë u pushuan një vit pasi u shpallën kampion.

Ndërkaq, problemet e londinezëve nuk janë vetëm te paraqitja e dobët e skuadrës. E ardhmja duket shumë e zymtë, pasi ylli i skuadrës Eden Hazard është shumë pranë largimit. Këtë e fakton dhe refuzimi i ofertave të njëpasnjëshme që ia bërë sulmuesit për të rinovuar kontratën që mbaron pas një sezoni i gjysmë.

Sikur të mos mjaftonte situata e komplikuar e Hazard, Çelsi ka dhe një përplasje madhore me FIFA-n. Sipas shtypit britanik, FIFA do ta dënojë Çelsin me një pezullim të merkatos së verës ose janarit të 2020-ës. Arsyeja për këtë është nënshkrimi i kontratave me lojtarë minoren, diçka për të cilin Barcelona u dënua në verën 2020-ës.

Gara me Arsenalin dhe Mançester Junajtid për një vend në Champions Ligë do të jetë e fortë deri në fund. Fitorja e fundit ka rikthyer sadopak qetësinë te “Blutë e Londrës”, por jo për Roman Abramoviç. Presidenti kërkon me çdo mënyrë kualifikimin në kompeticionin e më të mirëve, përndryshe Mauricio Sarri do të shkarkohet!

Siç raportojnë mediat angleze, pronari rus i ka dërguar një mesazh trajnerit italian. “Kualifiko ekipin në Champions, ose do të shkarkohesh”. Shkurt dhe qartë. Abramoviç nuk mund të pranojë një tjetër sezon pa Champions dhe Sarri me djemtë e tij duhet të rinisin një seri fitoresh për të “blinduar” vendin e katërt.

Nëse objektivi nuk arrihet, Çelsi e ka gati pasardhësin e ish-trajnerit të Napolit. Ai është Mauricio Poçetino, një nga trajnerët më të kërkuar në merkato. Në garë për trajnerin argjentinas është dhe Junajtid, ndërsa Totenhemi e ka bërë të qartë: kush dëshiron Poçetinon, duhet të paguajë 50 milionë euro.

Në një takim me presidentin rus, portugezi i kërkoi një përforcim për repartin e sulmit. Dëshira ishte Didier Drogba, i cili kishte shënuar 19 gola me Olimpikun e Marsejës. Gjatë prononcimit për “beIN SPORTS”, Murinjo zbulon një detaj interesant në lidhje me kreun e klubit.

Ai e pyeti se cilin sulmues dëshironte, ndërsa përgjigja e Murinjos e befasoi, pasi Abramoviç nuk e njihte afrikanin. Akordi u arrit, Marseja përfitoi 24 milionë sterlina, ndërsa sulmuesi nga Bregu i Fildishtë shënoi gola pafund, fitoi tituj dhe trofe dhe i dha Champions Ligën Çelsit në vitin 2012.

“E mbaj mend mirë kur Abramoviç më pyeti: ‘Cilin? Cilin dëshiron në sulm?’ Kishte gjithë ata sulmues të mëdhenj në Europë në atë moment, ndërsa unë i thashë: Drogba! ‘Po ky kush është? Ku luan?’ Unë iu përgjigja: Zoti Abramoviç, nxirr paratë nga xhepi dhe mos fol më.”

Blerje të shtrenjta, rroga stratosferike dhe dëshirë për dominancë në çdo aspekt. Nën udhëheqjen e Abramoviç, Çelsi ka fituar shumë, ku bien në sy 5 tituj kampion, një Champions Ligë dhe një Europa Ligë, duke e kthyer klubin londinez ndër më të fortit në botë.

Tifozët e Çelsit vazhdojnë të shijojnë suksese dhe falë një… gabimi të bërë para 15 vitesh. Abramoviç kishte shprehur interesin e tij për të blerë një klub të Premier Ligës, kryesisht një klub londinez. “The Sun” raporton se rusi i kishte kërkuar bankës UBS një vlerësim financiar të klubeve elitare angleze, me një interesim për ato që ndodheshin në kryeqytet.

Dëshira e tij e madhe ishte blerja e Arsenalit, por rezultatet e hulumtimit theksonin se “topçinjtë” nuk ishin në shitje! Diçka e tillë zbulohet në librin me titullin “The Club”, shkruar nga dy gazetarë ekspertë të Uoll Stritit.

Ish-zëvendëspresidenti i Arsenalit gjatë asaj kohe, David Dein ka theksuar të kundërtën në libër. “Abramoviç mund ta blinte Arsenalin, nëse do të shpenzonte aq shumë para”, shprehej Dein. Rusi shprehu interes dhe për klubin e Totenhemit dhe “The Sun” zbulon një detaj interesant sa i përket kësaj çështje.

Abramoviç vendosi të bënte një xhiro me makinë rreth stadiumit “White Hart Line”, por pamjet nuk i pëlqyen dhe ai u shpreh se “këtu është më keq se në Omsk”, duke iu referuar qytetit siberian ku ndodhen rafineritë e tij. Më pas erdhi Çelsi dhe Abramoviç vendosi të investonte dhe gëzonte tifozët e “Bluve të Londrës”.

Shumë para të shpenzuara, por lojtarët e ardhur thuajse nuk kanë lënë asnjë gjurmë në “Stamford Bridge”. Disa prej tyre sot shkëlqejnë diku tjetër, por te Çelsi nuk kanë arritur për asnjë moment të japin më të mirën e tyre dhe të marrin përdore londinezët.

Që nga viti 2013 deri në momentin që po flasim, klubi i Roman Abramoviç ka shpenzuar plot 137.1 milionë euro, për të afruar te Çelsi në merkaton e janarit, lojtarë, të cilët kanë zhgënjyer me paraqitjet e tyre, por ka dhe nga ata që ndoshta sot janë zhdukur si futbollistë dhe ndoshta nuk luajnë më futboll.

Pikërisht e nisim me këtë të fundit. Janarin e vitit 2013, Çelsi shpenzonte 5.4 milionë euro për të afruar brazilianin Uollas, nga ekipi i Fluminenses. Një mbrojtës, i cili shihej si një talent i së ardhmes, por sot në moshën 24-vjeçari, Uollas është pa ekip. Për të vijuar me Mat Miazga dhe Mario Pasaliç, respektivisht 4.6 dhe 2.5 milionë euro. Të dy lojtarët nuk arritën asnjëherë të ishin protagonistë me fanellën e bluve.

Demba Ba u ble nga Njukasëll Junajtid dhe shihej si një përforcim i rëndësishëm, ku u shpenzuan 8.5 milionë euro, por historia ishte e njëjtë, një dështim. Për të vijuar me “peshat e rënda”, të cilët janë blerë për shifra më të larta se të lartpërmendurit.
Mohamed Salah u mor me bujë nga Baseli për 16.5 milionë euro, por hapësirat e egjiptianit ishin të pakta. Sot të gjithë e dinë se çfarë po bën “faraoni” me fanellën e Liverpulit. Kurt Zuma, u mor nga Sant Etieni për 14.6 milionë euro, por vijon të jetë në huazim vit pas viti. Aktualisht, tek Evertoni.
Huan Kuadrado është transferimi më i shtrenjtë i janarit që nga 2013, i cili ka dështuar. Kolumbiani u mor me bujë nga Fiorentina për plot 31 milionë euro, por nuk arriti të përmbushte pritshmëritë në Londër dhe u largua te Juventusit për 20 milionë euro.
Janarin e shkuar, blutë morën lojtarë si Ros Barklej dhe Olivier Zhiru, secili nga 17 milionë euro. Të dy lojtarët nuk kanë arritur të japin më të mirën. Ndoshta Barklej këtë sezon me Sarrin ka shfaqur disa shenja jete, por përsëri jo aty ku duhet. Për ta mbyllur, Emerson Palmieri, nga Roma në drejtim të Çelsit, plot 20 milionë euro. Sezoni aktual, 0 ndeshje në Premier Ligë.