Romagnoli

Milani përgatit spastrim, por 2 lojtarë nuk preken!

Sport Ekspres — Fri, 10 May 2019 08:32:28 +0000

Sido që të shkojë në ndeshjet e mbetura të sezonit, Milani e ka kuptuar se ekipi aktual nuk ka të ardhme dhe nuk do të luftojë kurrë për më shumë se vendi i katërt, që edhe këtë vit po duket shumë larg.

Për këtë arsye, drejtuesit e Milanit e kanë vendosur që në verë të bëjnë spastrim, duke nisur nga trajenri Gatuzo e duke vazhduar me lojtarë si Bakajako, Çalhanoglu e shumë të tjerë.

Gjithsesi, lojtarët e rinj nuk do të preken dhe në kampin kuqezi kanë shuar çdo shpresë të klubeve të tjera për të rrëmbyer portierin Donaruma dhe qendërmbrojtësin Romanjoli.

Të dy janë lojtarë kyçë për të ardhmen, edhe në aspektin e imazhit, sepse Milani kërkon të ndërtojë një bërthamë lojtarësh të rinj dhe me ndikim edhe te tifozët, që kanë nevojë për disa figurë qendrore në ekip, përveçse presin disa përforcime reale, për të pasur një ekip të denjë të paktën të rivalizojë me Napolin për vendin e dytë në Serinë A, pasi Juve duket vite dritë larg.

Kostakurta: Bakajoko bëri të mbushej kupa, Romanjoli po gabon gjithnjë!

Sport Ekspres — Thu, 02 May 2019 08:48:49 +0000

Milani po kalon padyshim një ndër momentet më të errët të sezonit, me kuqezinjtë që renditen në vendin e shtatë, me shpersat për Champions që po shuhen nga java në javë.

Së fundmi, Bakajoko u vonua për në stërvitje, ndërsa trajneri Gatuzo vendosi të ndëshkonte të gjithë ekipin, duke i mbajtur të grumbulluar deri në sfidën ndaj Bolonjës. Lidhur me gjendjen e kuqezinjve, ka folur një legjendë si Billi Kostakurta, i cili është ndalur edhe te Romanjoli, të cilin e ka kritikuar ashpër.

BAKAJOKO – “Skuadra duhet shkundur në ndonjë mënyrë, në stërvitje, në fushë apo në grumbullim të detyruar. Besoj se vonesa e Bakajokos ka qenë pika që ka bërë të derdhet gota, sepse një vonesë mund të ndodhë, edhe pse nuk ishte hera e parë.

Duhej një shkundje, paraqitjet e skuadrës kohët e fundit kanë qenë mediokre. Bakajoko ishte thjesht justifikimi, sepse besoj se Gatuzo kishte kohë që mendonte se duhej bërë diçka. Gjeste të tilla mund të nevojiten, por duhet gjetur mënyra dhe momenti i duhur. Duhet edhe autoritet”.

ROMANJOLI – “E mori atë karton të kuq si pasojë e gjithë protestave. Një kapiten i Milanit nuk mund të protestojë në atë mënyrë, gjithmonë. Nuk është e mundur, Romanjoli është një djalë inteligjent dhe nuk mund të bëjë gafa të tilla”.

Presidenca, kapiteni dhe Maldini-Leonardo: Barezi “zbërthen” Milanin e tij

Sport Ekspres — Wed, 13 Mar 2019 13:42:13 +0000

Franko Barezi është padyshim një ndër ikonat më të mëdha të historisë së Milanit. Ish-kapiteni i kuqezinjve, ka folur së fundmi për “Gazzetta dello Sport”, duke analizuar klubin e “djallit”. Legjenda italiane foli për presidencën aktuale, kapitenin Romanjoli, si dhe për dyshen Maldini-Leonardo dhe trajnerin Gatuzo.

FONDI ELLIOT – “Presidenca aktuale të jep një ndjesi besimi të madh. Milani është një ndër 10 klubet më të mëdhenj në Botë dhe ‘Elliot’ e di këtë gjë, prandaj dhe ka pasur ambicie që në fillim. Janë profesionistë dhe duan t’i bëjnë gjërat në mënyrën e duhur. Shpresoj që presidenca aktuale të bjerë në dashuri me Milanin dhe të qëndrojë për shumë vite”.

KAPITEN ROMANJOLI – “Më pëlqen shumë që është ai kapiteni. Është i kujdesshëm, i jep shumë besim ekipit dhe këtë gjë e ka treguar me sjelljen e tij. Jo rastësisht ai respektohet nga të gjithë, si nga shokët e ekipit, si nga trajneri, po ashtu edhe nga drejtuesit. Kualitetet e tij janë evidente, si teknike ashtu edhe fizike. E meriton shiritin e kapitenit”.

MALDINI-LEONARDO – “Avantazhi i madh është se ata e dinë kuptimin e botës ‘Milan’ dhe po ecin në hapat e duhur. Erdhën në kohë të vështirë dhe kanë bërë mjaft mirë deri tani, mjafton të shohim merkaton e janarit. Për Maldinin të gjithë prisnin që të rikthehej sa më shpejt në botën e futbollit dhe tani janë të gjithë të lumtur që ai është në shtëpinë e tij”.

GATUZO – “Po tregon nga dita në ditë se e meriton atë post dhe duhet të lihet të punojë në qetësi. Ka treguar gjithmonë dëshirë dhe përkushtim për klubin e Milanit”, shprehet legjenda e Milanit, Franko Barezi.

Romanjoli: Fitore jetike, japim gjithçka ndaj Interit!

Sport Ekspres — Sun, 10 Mar 2019 10:53:32 +0000

Alesio Romanjoli është padyshim një ndër liderët e Milanit, i cili po mahnit gjithnjë e më shumë nga ndeshja në ndeshje. Kapiteni, ka folur pas fitores ndaj Kievos, të cilën e ka konsideruar si fitore jetike, pasi ekipi nuk shfaqi një lojë të mirë.

Gjithashtu, mbrojtësi foli edhe për derbin ndaj Interit, që do të luhet javën e ardhshme, si dhe për dyshen e sulmit kuqezi, Piatek-Kutronte.

“Është një fitore jetike, që na lejon të vazhdojmë me rezultatet pozitive të kohëve të fundit. Nuk bëmë një lojë të mirë dhe tri pikët në një ndeshje si kjo, janë ato që kanë më shumë rëndësi. Ishim kompakt. Tani, na duhet të përgatitemi për derbin, që është një sfidë e vështirë. Duhet të japim gjithçka që kemi dhe të marrim një fitore përpara sprintit final që kemi në tre muajt e ardhshëm.

Goli i pësuar? Është zhgënjyese, sepse nuk është asnjëherë mirë të pësosh. Piatek? Është i fortë dhe po e tregon këtë gjë. Kutrone gjithashtu luan me shpirt kur futet në lojë. Na duhet t’i përgëzojmë dhe të shpresojmë që do të vazhdojnë kështu.”

Gatuzo bën shaka me Romanjolin: S’ka çmim, po i vura do të na e marrin

Sport Ekspres — Sat, 23 Feb 2019 19:53:07 +0000

Alesio Romanjoli po përjeton një formë të shkëlqyer që prej rikthimit pas dëmtimit në muajin dhjetor. Kapiteni i Milanit ka qenë deçiziv në çdo takim të “djallit” dhe kjo gjë është vlerësuar nga trajneri Xhenaro Gatuzo.

Tekniku i Milanit u pyet pas fitores së djeshme kundër Empolit mbi vlerën e kartonit të lojtarit të tij. Gatuzo zgjodhi të përgjigjej me një shaka: “Nuk jap çmim për të, pasi po bëra këtë gjë dikush do të na trokasë në derë dhe do të na marrë. Romanjoli do të qëndrojë me ne. Shiriti i kapitenit e ka bërë më të përgjegjshëm, është një lojtar me të ardhme”.

Kontrata e 24-vjeçarit me skuadrën e Milanit zgjat deri në vitin 2022, çka e bën të sigurt se e ardhmja e qendërmbrojtësit do të jetë me “djallin”.

VIDEO | Gatuzo i futet në sparkatë Romanjolit, Higuain merr hak

Sport Ekspres — Tue, 15 Jan 2019 11:58:53 +0000

Milani do të ndeshjet nesër me Juventusin në Xhehah të Arabisë Saudite ndaj Juventusit. Takimi i nesërm do të përcaktojë skuadrën fituese të Superkupës së Italisë.

Atmosfera te skuadra nga Milano duket shumë optimale. Në një video që shpërndahet me shpejtësi në rrjetet sociale, dallohet qartë që raporti midis trajnerit dhe lojtarëve është shumë i afërt.

Tutti che parlano della scivolata di #Higuain, ma vi focalizzate sull'intervento sbagliato!#Rino su #Romagnoli è la vera entrata !

? pic.twitter.com/a9KN27JinO

— Pietro Balzano Prota (@PBPcalcio) January 14, 2019

Gjatë një ushtrimi në kuadrat, Xhenaro Gatuzo vendosi të bëhej pjesë e lojës dhe në përpjekje për të kapur topin iu fut në spërkatë kapitenit Alesio Romanjoli. Gjithsesi pak minuta më vonë, Gatuzo e pësoi, pasi argjentinasi Gonzalo Higuain i dha atij të njëjtin trajtim që ai i bëri qendërmbrojtësit.

https://twitter.com/TheMilanBible/status/1084873532415320064

Dritë në fund të tunelit, Milanit i rikthehen dy titullarë

Sport Ekspres — Tue, 11 Dec 2018 16:39:02 +0000

Milani është një ndër ekipet, që është prekur më shumë nga dëmtimet këto kohë. Dëmtime, që kanë ndikuar jo pak në ecurinë e kuqezinjve, teksa mjafton të përmendim, që këto tre javë kanë pasur vetëm Kristian Zapatën në dispozicion si qendërmbrojtës.

Pikërisht, nga ky repart duket se po shihet dritë. Ditën e sotme është konfirmuar se, në fundjavë ndaj Bolonjës, Gatuzo ka shumë shanse që të ketë në dispozicion, kapitenin Alesio Romanjoli dhe Mateo Musakion, të dy të dëmtuar javë më parë.

Musakio ka bërë stërvitje me grupin ditët e fundit dhe mund të grumbullohet që në ndeshjen ndaj Olimpiakosit, pra prezenca e tij në fundjavë është e sigurt. Pak më ndryshe paraqitet situata për kapitenin, i cili bëri stërvitje me grupin vetëm në pjesën e fundit të seancës. Gjithsesi, shanset që Romanjoli të jetë gati janë të mira.

Mbrojtje për Halloween, por Milanin e shpëton “Ibranjoli”

Sport Ekspres — Wed, 31 Oct 2018 21:30:19 +0000

Është një Milan i çmendur, të paktën tifozët mund të ngushëllohen me faktin se tashmë kuqezinjtë dhurojnë emocione pa fund. E keqja është se emocionet shpesh janë nga ato që të rrezikojnë zemrën, duke parë mënyrën si mbron skuadra e Gatuzos.

Sot Milani fitoi 2-1 sfidën 3 rpapamebtur kundër Xhenoas, me një mrekulli nga Romanjoli në shtesë, pasi mbrojtësi shpiku një gol nga ata që zakonisht i bën Zllatan Ibrahimoviç, si në një sfidë Angli-Suedi.

WATCH: ROMAGNOLI WITH AN INCREDIBLE GOAL! #MilanGenoa 2-1. pic.twitter.com/t2VqXjb7Xf

— SempreMilan (@SempreMilanCom) October 31, 2018

Nostalgjia mënjanë, Milani aktual do ishte për titull po të kishte mbrojtje.

Suso shënoi që në fillim një gol fantastik, i katërti sezonal, duke treguar se është në formë të mrekullueshme, por çfarë ndërtoi spanjolli si zakonisht e prishi mbrojtja.

Suso’s goal against Genoa [via @TVACM]https://t.co/0DqL34uTdu

— Milan Eye (@MilanEye) October 31, 2018

Në pjesën e dytë një gafë kolosale e Milanit në prapavijë prodhoi barazimin, me Romanjoli që devijoi në portën e vet një kros nga Kuame.

https://twitter.com/Destaquito2/status/1057735609639469056

Më pas shumë rrëmujë, raste të humbura, dy portierët fenomenalë dhe… minutat shtesë! Kros i dëshpëruar, portieri i Xhenoas largoi keq dhe Romanjoli me kthesë fantastike gjeti golin e festës dhe vendit të katërt. Gëzuar Halloween!

Romanjoli i dëshpëruar: Duhet të kishim bërë më shumë!

Sport Ekspres — Thu, 25 Oct 2018 19:37:54 +0000

Milan pësoi ditën e sotme një tjetër humbje, ku pas derbit të së dielës ndaj Inter, ishte Betis, që triumfoi në “San Siro” me shifrat 1-2. Një humbje që konfirmon momentin jo të mirë, që të besuarit e Gatuzos po kalojnë. Pas sfidës së sotme, ka qenë kapiteni i kuqezinjve Alesio Romanjoli, i cili ka folur për mediat, teksa është shfaqur i dëshpëruar për humbjen.

“Ne i dhuruam 75 minuta kundërshtarit, pasi luajtëm me të vërtetë shumë keq dhe duhet të kishim bërë më shumë. Duhet ta lëmë pas tani sfidës e së dielës dhe sfidën e sotme. Është një periudhë, ku gjërat nuk po na shkojnë siç duam ne. Duhet të punojmë akoma më shumë”, përfundoi fjalët e tij kapiteni i Milanit.

“Djalli” do të provojë të bëjë kthesën në fundjavë, ku do të presë sërish në “San Siro” Sampdorian. Gjithashtu pozitat e teknikut Xhenaro Gatuzo, tashmë duken mjaft në dyshim, pasi dhe loja e shprehur në këto dy ndeshjet e fundit ka lënë për të dëshiruar.