Rojs

VIDEO | Dortmundi përmbys Hertën në limite, Rojs mban gjallë ëndrrën e titullit

Sport Ekspres — Sat, 16 Mar 2019 19:40:01 +0000

Borusia e Dortmundit ka vuajtur shumë për të dalë me tri pikë nga transferta në kryeqytet ndaj Hertës së Berlinit. Skuadra e Lysien Favre dominoi gjatë të gjithë takimit, por në fund fitorja erdhi me rezultatin e ngushtë 3-2.

Momenti vendimtar i takimit ishte goli i Marko Rojs, dy minuta para fundit të ndeshjes. Një pasim i zgjuar nga Sanço u shfrytëzua siç duhej nga kapiteni i Dortmundit, që shënoi golin e 12 personal për këtë sezon.

Më herët Dortmundi kishte humbur raste të pabesueshme, ndërsa goditi edhe traversën, me pjesën e dytë që u lujtur thuajse e gjithë na mesfushën e Hertës.

Berlinezët luajtën me 10 lojtarë në fundin e takimit, ndërsa në minutën e 94-t sulmuesi Ibisheviç humbi toruan, duke goditur me top portierin e Dortmundit, çka i kushtoi kartonin e kuq, i dyti i ndeshjes për Hertën.

Me këtë rezultat Dortmundi merr vendin e parë përkohësisht me 60 pikë, 3 më shumë se Bajerni i Mynihut, që ka një sfidë të lehtë në letër kundër Maincit këtë të diel.

Herta Berlin 2 – 3 Borusia Dortmund
Shënues: Kalu 4’, 35’ (penallti) / Delanej 14’, Zagadu 47’, Rojs 90+2

Rojs ndan lajmin e gëzueshëm, ish-kolegu e uron me shakanë e pisët

Sport Ekspres — Fri, 19 Oct 2018 20:21:09 +0000

Marko Rojs ndau sot me fansat e tij një lajm tepër të gëzueshëm. Sulmuesi i Dortmundit do të bëhet baba për të parën herë. Menjëherë kanë vërshuar me mijëra komente në formë urimi, ku më i çuditshmi ishte ai i Kevin Grosrkojc, ish-lojtari i Dortmundit dhe kombëtares gjermane.

“Më në fund pistoleta jote funksionoi”, ishte komenti i Groskrojc, i cili gëzon një reputacion si një prej lojtarëve më shakator në futbollin gjerman.

Groskrojc tanimë 30-vjeç ka pësuar një rënie të frikshme në karrierë. Tani mesfushori polivalent luan për KFC Uerdigen në kategorinë e tretë gjermane dhe të mendosh se katër vite më parë ai ishte një ndër 23 lojtarët që vlerësoheshin me një medalje kampioni në Botërorin “Brazil 2014”.

Rojs: Sivjet do fitojmë titullin dhe Kupën

Sport Ekspres — Fri, 22 Sep 2017 22:08:49 +0000

“Borusia do ta mbyllë kampionatin në vendin e parë dhe e duam gjithashtu që trofeun e Kupës ta mbajmë në Dortmund”. Kështu është shprehur Marko Rojs në një intervistë të fundit. Edhe pse është i dëmtuar, ai e ndjek skuadrën dhe i duket mirë.

“Po luajmë futboll shumë të mirë. Kështu duhet të vazhdojmë”, – ka shtuar ai. 28-vjeçari po punon fort për të kaluar dëmtimin e gjatë, por nuk nxitohet. “Po ec mirë. Gjithçka po shkon sipas planit, por më duhet edhe pak kohë. Gjëja më e keqe është se duhet të punoj vetëm, por ia vlen. Rikthimi im do të jetë shumë emocional. Po e pres me padurim”.