Ditën e sotme, me nisjen e sezonit të ti, Roxher ka nënshkruar me kampionët e Letonisë, te FC Riga. Kështu ai do të jete shok skuadre me mbrojtësin Herdi Prenga,i ftuar më parë në kombëtaren shqiptare të futbollit.

Roxher do të ketë mundësinë të luajë në Champions League. Paraqitjet e mira me Kastriotin, skuadër me të cilën shënoi 10 gola, bënë që Riga t’i ofronte një marrëveshje sulmuesit dhe tashmë gjithçka është bërë zyrtare.

“Jam i lumtur për punën e shkëlqyer të skuadrës dhe ishte ndjesi fantastike të shënoja sërish dhe ta ndihmoja skuadrën të fitonte. Ishte ndeshje shumë e vështirë. Pësuam gol, por reaguam dhe fituam. Le të punojmë për të fituar ndeshjen e ardhshme”, u shpreh sulmuesi i Kastriotit.

Mbrojtësi i majtë u hodh në sulm në fund dhe ia shpërbleu trajnerit Devolli, duke mposhtur portierin Frashëri dhe duke i dhënë fitoren Kastriotit. “Jam i lumtur për golin dhe mbi të gjitha për tre pikëshin. Ishte një ndeshje e madhe. Ndonëse pjesën e parë nuk e nisëm si duhet, gjetëm forcë dhe arritëm të barazonim dhe më pas të fitonim. Por duhet të kemi kujdes. Nuk duhet të na kalojë në eufori kjo fitore, duhet të qëndrojmë me këmbë në tokë. Në mesjavë na pret një tjetër finale, dhe duhet të jemi gati për Luftëtarin”, u shpreh Ndreca.

Para ndeshjes me Kukësin, ai ka folur dhe fillimisht është ndalur te situata në ekipin krutan: “Nuk ishte sezoni që dëshironim, kemi pasur shumë luhatje dhe kemi fituar rrallë, pa gjetur vazhdimësi. Duhet të analizojmë mirë çfarë kemi bërë gabim dhe të rregullojmë situatën. Për mua personalisht ishte një sezon ku munda të tregoj pak nga ajo që di të bëj. Bëra gjithçka për të ndihmuar Kastriotin në mënyrën më të mirë të mundshme”.

E ardhmja është e rëndësishme dhe Roxher ia kalon topin menaxherit të tij: “Kam kontratë deri në fund të sezonit, për të ardhmen time mendon agjenti im, sepse nuk kam dokumente për të qëndruar në Shqipëri sipas ligjit”.

Kur erdhi në Shqipëri nuk e bëri për “thërrime”. Kukësi e bindi me ofertën e bërë dhe më pas e çoi te Kastrioti, por një pjesë të pagës duhet t’ia japin verilindorët. Të paktën kështu pretendohet. “Po paguhem vetëm nga Kastrioti. Nëse Kukësi mendon se jam paraqitur mirë, mund të më marrë në janar”, thotë qartazi Roxher.

Roxher jo vetëm që shënoi një gol, por fitoi një 11-metërsh të cilin po vetë e shpërdoroi, por dhe goditi shtyllën pak minuta më vonë. I pafat, pasi mund të kishte ndryshuar fatin e takimit, kjo pasi penalltinë e humbi kur rezultati ishte 1-0 në favor të Kastriotit, ndërsa shtyllën e goditi kur rezultati ishte 1-1. Pas shtyllës erdhi dhe zëvendësimi që 22-vjeçarit nuk i pëlqeu, megjithatë doli nga fusha me kokën poshtë. Në një farë mënyre nga “engjëlli” që po i jepte fitoren u kthye në “djalli” që nuk i dha suksesin e shumë munguar.

Kukësit mund t’i ketë mjaftuar kjo ndeshje për t’u bindur për aftësitë e tij, edhe pse në fillim kur u afrua tek kuksianët ishte jashtë forme. Pas ndeshjes, lojtari më i spikatur në fushë për krutanët foli për mediat duke veçuar se e gëzon fakti që u paraqit mirë, por e mërzit shumë mungesa e rezultatit: “Për fat të keq na mungoi fitorja, edhe pse ishim më mirë në pjesën më të madhe të ndeshjes. Duhet të shohim, të analizojmë gabimet dhe të gjejmë zgjidhje. Humba një penallti, por pata kënaqësinë e golit të shënuar. Jam i mërzitur për humbjen, sepse jemi në një situatë delikate dhe nuk mund të lëshojmë pikë në shtëpi. Megjithatë, duhet të punojmë dhe të përmirësohemi. Mendoj se mund të jepja më shumë në këtë ndeshje, por ishte vendimi i trajnerit dhe më duhet ta respektoj”.