Klubi italian ka gati një ofertë serioze për Valencian: 70 milionë euro pa llogaritur bonuset e ndryshme në bazë të objektivave të arritura.

Sulmuesi 28-vjeçar është objektivi i madh i Napolit, por problem mbetet dëshira e tij. Ai nuk është totalisht i bindur për kalimin tek ekipi i Ançelotit, por Horge Mendes mund t’i japë zgjidhje çështjes.

Agjenti portugez zotëron të drejtat e Rodrigos dhe marrëdhëniet e mira me klubin nga jugu i Italisë mund të ndikojnë në kryerjen e këtij transferimi.

Largimet e Lukas Dinj dhe Pako Alkaser nuk u zëvendësuan me prurje të reja, diçka kjo që pritet të ndryshojë gjatë kësaj merakoje vere. Sipas së përditshmes katalanse “SPORT”, drejtuesit e Barcelonës kanë filluar bisedimet për transferimet e Rodrigo Morenos dhe Rafael Guerreiros.

Sulmuesi i Valencias, Moreno, është bindur nga oferta e katalansve, ndërsa tani negociatat po kryhen në rang drejtuesish. 28-vjeçari nuk e ka problem të qëndrojë i dytë në radhë pas uruguaianit Suarez.

Mbrojtësi Guerriero ka vetëm një vit të mbetur në kontratë me Dortmundin. Përveç rolit si mbrojtës i majtë, portugezi është i aftë të luajë dhe si mefushor ose sulmues krahu. Megjithëse dëmtimet e shpeshta janë një disavantazh për 25-vjeçarin, Guerreiro mbetet një lojtar cilësor që ka ende shumë vite karrierë.