Interes i paparë për Rodrin, katër klube në negociata

Sport Ekspres — Sun, 16 Jun 2019 09:35:07 +0000

Largimi i Rodrigo Hernandez (Rodri), nga Atletiko Madrid është vetëm çështje kohe. Mesfushorit shtatlartë i ka mjaftuar vetëm një vit me fanellën e madrilenëve për të tërhequr vëmendjen e skuadrave elitë nëpër Europë.

Futbollisti 22-vjeçar ka një klauzolë largimi prej 70 milionë eurosh, shumë kjo që mund të aktivizohet nga Bajerni i Mynihut ose Mançester Siti, të dyja ekipet tani po përpiqen të gjejnë akordin financiar me lojtarin.

Megjithatë, sipas “MARCA” gjatë ditëve të fundit interesi për mesfushorin është shtuar me PSG-në dhe Mançester Junajtid që janë futur në garë për lojtarin. Te Atletiko tani u duhet të mendojnë për të gjetur pasuesin e 22-vjeçarit.

https://www.youtube.com/watch?v=juYswp18Nxo

Objektivi i Sitit, gati akordi me mesfushorin spanjoll

Sport Ekspres — Fri, 17 May 2019 10:22:54 +0000

Mançester Siti është pranë transferimit të radhës dhe është një nga lojtarët më të rëndësishëm të Atletikos së Madridit. Bëhet fjalë për Rodrigo Hernandez, mesfushorin qendror që në verë u ble nga Vijareali për rreth 20 milionë euro.

Mesfushori ka një ofertë zyrtare nga Siti dhe duhet vetëm të hedhë të zezën mbi të bardhë. Klubi anglez është gati të paguajë, kurse Atletiko as që futet në tratativa. Zgjidhja është një dhe e vetme: të paguhet klazuola prej 70 milionë eurosh. “Qytetarët” nuk e kanë problem.

Momentalisht është gjithçka në dorën e Rodrigos, vetëm 22 vjeç. Sipas asaj që raporton AS, mesfushori momentalisht ka një numër të madh ofertash dhe dëshiron të mendohet mirë para se të vendosë. Siti e ka gati kontratën, 5 ose 6-vjeçare, si dhe 70 milionët. Koha që Rodrigo të ndajë mendjen.