ZYRTARE | Dortmundi kryen lëvizjen e parë në merkato

Sport Ekspres — Thu, 27 Dec 2018 21:51:42 +0000

Dortmund është me plot meritë në krye të Bundelsigës , Skuadra verdhezi ka bërë mirë këtë edicion duke dominuar ndaj pjesës më të madhe të kundërhstarve dhe me të drejtë pretendon titullin kampion. Gjithsesi, janë të rralla skuadrat që në merkaton e janarit nuk bëjnë asnjë ndryshim.

Sot, ka ardhur dhe lëvizja e parë nga kryesuesit e kampionatit gjerman. Sebastian Rode do të luajë te ekipi i Eintrahtit të Frankfurtit për gjysmën e mbetur të sezonit.

28-vjeçari nuk mundi që të gjente hapësira te skuadra e parë e Dortmundit, duke u aktivizuar vetëm në 2 takime me ekipin e dytë verdhezi. Duke parë situatën, mesfushori e ka parë më të arsyeshme të rikthehet në Frankfurt, ku ka luajtur më parë dhe nuk do të jetë e vështirë për t’u përshtatur.

Rode lë pas ferrin e dëmtimeve, në janar rikthehet aty ku shkëlqeu

Sport Ekspres — Mon, 24 Dec 2018 21:21:42 +0000

Sebastian Rode mund të jetë blerja më e dështuar e historisë së Dortmundit. Futbollisti gjerman u ble dy vite e gjysmë më parë nga rivalët e Bajernit të Mynihut për 12 milionë euro, por në dy sezonet e fundit ai nuk ka luajtur qoftë dhe asnjë minutë në Bundesligë.

Shkak për këtë regres të frikshëm kanë qenë dy dëmtime të përsëritura në gju. Në fund të nëntorit, Rode u rikthye të luante me skuadrën rezervë të Dortmundit dhe hap pas hapi 28-vjeccari po rikthehet ai i mëparshmi, por është e qartë që e ardhmja e tij nuk është te Dortmundi.

Sipas medies së njohur “Kicker”, në janar Rode do të huazohet tek ekipi i Ajntrahtit të Frankfurtit. Pikërisht në këtë skuadër, mesfushori arriti kulmin e karrierës e më pas siguroi një transferim te Bajerni i Mynihut, ku luajti për dy vite.