Roberto Carlos

Solari thuajse i larguar, Perez befason me zgjedhjen e tij

Sport Ekspres — Mon, 11 Mar 2019 11:54:36 +0000

Santiago Solarit nuk i kanë mbetur edhe shumë ditë në krye të Real Madrid. “Los Blancos” u eliminuan brenda një jave nga Kupa e Mbretit, Champions League dhe humbja në “Santiago Bernabeu” ndaj Barcelonës i nxori përfundimisht jashtë garës për titullin e La Ligës.

Raportet e trajnerit me disa nga lojtarët janë si mos më keq dhe nuk duket se mund të ketë përmirësim të situatës.

Sipas “The Sun”, së shpejti klubi i Real Madrid pritet të dalë me një komunikatë zyrtare ku të njoftojë shkarkimin e trajnerit dhe zëvendësimin e tij me Roberto Karlos.

Ish-legjenda e Real Madrid do të jetë një trajneri i përkohshëm dhe pritet të firmosë një kontratë deri në fund të sezonit. Braziliani shërbejë për të normalizuar ambientin e tensionuar që ekziston prej muajsh te Real Madrid.

Gjithsesi, pavarësisht karrierës së madhe si lojtar, duhet thënë se Karlos ka zhgënjyer si trajner, ku pasur dy eksperienca të shkurtra në Turqi dhe Indi.

Në Itali e shfrenojnë fantazinë, edhe Roberto Karlos në listë për kombëtaren tonë?

Sport Ekspres — Thu, 22 Jun 2017 14:46:14 +0000

Çdo ditë një emër i ri dhe duket si një “Big Brother”, ku nuk e merr vesh i pari të dytin, me sitet italiane që po na gjejnë trajner në mënyrë ekskluzive, pa e treguar fare burimin nga dalin informacione të tilla.

Siti më aktiv në gjetjen e pasardhësit të Xhani De Biazit në drejtimin e Shqipërisë është Tuttomercatoweb, që i fut një EKSKLUZIVE përpara dhe çdo 24 orë na servir nga një emër të ri, herë të panjohur e herë të çuditshëm, si ai i fundit.

Sot TMW shkruan se në planet e Shqipërisë qenka edhe Roberto Karlos, braziliani i famshëm si futbollist, por me një CV modeste si trajner, me aventura disa-mujore në 3 klube turke e indiane, si dhe rekordin në Katar, me vetëm pak javë në drejtim tek Al Arabi.

Javët e fundit Roberto Karlos është prezantuar si trajneri i ri i Sauth Melburnit, klub që shpreson të marrë licencën për t’u futur në divizionin e parë australian.

Tani gazetarët e Tuttomercatoweb i gjejnë ekip të ri Roberto Karlosit, i cili do të hidhte një hap gjigant në karrierë, nëse vërtet do të merrte drejtimin e Shqipërisë, edhe pse ka shumë pak gjasa që kjo të ndodhë.

Roberto Karlos: Unë jam 5 herë kampion, Ronaldo 15 vjet me pushime

Sport Ekspres — Mon, 05 Jun 2017 12:41:38 +0000

Ish-mbrojtësi legjendar i Brazilit dhe Realit të Madridit, është tashmë ambasador i Realit, punon në sektorin e të rinjve të klubit madrilen dhe bën edhe rolin e komentatorit në televizion.

Braziliani ka folur pas festës në Madrid për triumfin e para dy ditëve në Champions League dhe batutat e humorit kanë vërshuar, aq sa ishte e pamundur që të merrej një mendim serioz prej tij.

“Unë dhe Rauli nuk ndalemi kurrë, jemi pjesë e përjetshme e Realit. Ronaldo braziliani? Ai është me pushime.Ka 15 vjet që është me pushime, që kur la futbollin. Nuk vjen kurrë në Madrid”.

Raporti me Raulin: “Unë e kam imituar gjithnjë. Më thoshin: ‘Roberto, Rauli tha këtë gjë’. Më pas, unë e përsëritja atë që thoshte ai”.

Marselo është pasuesi i Roberto Karlosit në Madrid: “E takova në dhomat e zhveshjes, ishte komplet tapë. Pyeste kë i dilte përpara pse të gjithë kishin veshur fanellën me numrin 12. Marselo nuk është mirë nga trutë e kokës. Ai më ka barazuar me trofetë e fituar në Champions? Jo, sepse sa herë fiton Reali, fiton edhe unë, duke qenë pjesë e klubit. Unë kam 5 Champions dhe kam një titull kampion më shumë se Sergio Ramos, edhe pse ai mendon se më kapi”.