“E kam menduar shumë këtë gjë gjatë javëve të fundit. Siç e dini të gjithë, vendosa të merrja kohë për t’iu informuar mbi vendimin për të ardhmen time pas ndeshjes së fundit me Bajernin. Kam vendosur ta mbyll karrierën time si futbollist profesionist”.

“Ka qenë padyshim vendimi më i vështirë i karrierës sime. Një vendim ku zemra dhe mendja u përplasën me njëra-tjetrën. Kam jetuar 19 vite për këtë pasion timin dhe u përpoqa të merrja ç’mundesha. Dashuria dhe bindja se mund t’ia dalësh u vunë përballë realitetit që është se jo gjithçka është ashtu siç ti mendon. Nuk jam më ai 16-vjeçari që nuk ia kishte idenë se ç’ishte një dëmtim”.

“Për momentin jam në formë dhe i shëndetshëm dhe si një fans i sporteve të ndryshme dua që të mbetem kështu dhe për të ardhmen. Prandaj kam vendosur t’i jap fund përfundimisht, por kjo është rruga e duhur”, tha Roben.

Sipas “BILD”, 35-vjeçari është në bisedime të avancuara me klubin e Benfikës, por krahas portugezëve interes për Roben kanë shfaqur dhe dy klube në vendlindje.

Bëhet fjalë për “gjigantët” e PSV-së dhe Ajaksit, që janë të gatshëm t’i ofrojnë atij një kontratë 1-vjeçare. Një tjetër klubi i interesuar për Roben është Groningen. Skuadra nga qyteti i fëmijërisë së Roben ëndërron rikthimin e mëngjarashit, por për këtë duhet që futbollisti të bëjë një sakrificë të konsiderueshme financiare, pasi Groningen është një klub me financa relativisht modeste.

Arjen Roben ka piketuar “viktimën” dhe e ka zënë të papërgatitur. Holandezi nisi një sprint sikur ndeshja po luhej akoma. Birra në gotën e madhe përfundoi mbi kokën e Niko Kovaç, me trajnerin e bërë qull që u befasua totalisht.

Momente feste dhe emocionuese për Bajernin, që arriti të fitonte rivalitetin me Borusian e Dortmundit. Holandezi zhvilloi ndeshjen e fundit në karrierë me ekipin bavarez, aventurë të cilën e mbylli me gol dhe titull kampion.

 

View this post on Instagram

 

?? ??

A post shared by Football Soccer Futbol (@bestoffootball) on May 18, 2019 at 9:52am PDT

Për fat të keq koha nuk toleron askënd dhe të dy anësorët ofensive sot janë nga 35 vjeç holandezi dhe një vit më i madh francezi.

Drejtuesit e gjigantit gjerman kërkojnë zëvendësimin e tyre dhe njërin e kanë gjetur. I preferuari është Nikolas Pepe, i cili luan në qendër të sulmit, ndërsa bën mirë edhe rolin e sulmuesit të krahut të djathtë. Bajerni e ndjek prej kohësh 24-vjeçarin (i mbush me 29 maj) dhe ka gati ofertën e parefuzueshme për Lilën.

70 milionë euro janë në pjatë për klubin francez, që u rikthye pas disa vitesh mungesë në Champions. Sulmuesi nga Bregu i Fildishtë ka shënuar 20 gola dhe numëron 11 asiste deri tani, duke qenë një nga zbulimet më të bukura të sezonit në Francë.

Me shumë mundësi Roben nuk do të arrijë të luajë ndeshjen përmbyllëse me bavarezët dhe e tillë do të quhet përballja e fituar ndaj Benfikës në Champions në nëntorin e kaluar, ku shënoi një dygolësh.

Këtë e pohoi edhe vetë 35-vjeçari për “Sky Sports”: “Ndjej disa shqetësime dhe nuk jam i sigurt nëse mund të luaj sërish për Bajernin këtë sezon”, tha Roben. Ai largohet nga klubi gjerman pas plot 10 vitesh ku ka fituar gjithçka. Arritja më e madhe ishte tripleta e vitit 2013, nën drejtimin e Jup Hainkes.

Shumë kampionate e kupa në Gjermani dhe plot dashuri nga tifozeria bavareze: Me këtë palmares e mbyll holandezi historinë e tij tek klubi më i titulluar në Gjermani.

“Vendimi për të lënë një klub të madh si Bajerni nuk është aspak e lehtë për tu marrë. E kam menduar për një kohë të gjatë, por them se kam bërë zgjedhjen e duhur. Duhet të mendoj për të ardhmen time, por them se pas kësaj ndarjeje të dyja palët do të mbeten të kënaqur”.

Sa i përket mundësie për të shijuar një aventurë në Kinë apo në vendet e  tjera, ku shifrat ekonomike janë startosferike, Roben nuk është aspak i tunduar. Ai vetë thekson se nuk e ka si synim që të zgjedhë një destinacion që do e mbante larg familjes.

“Në ndeshjen ndaj Benfikës tregova se mund të luaj në nivele të larta, ndaj ende nuk mund të them nëse do ta mbyll me futbollin apo jo. Do të shoh ofertat që do të në vijnë  dhe më pas do të vendos. Unë kam tre fëmijë të mrekullueshëm që meritojnë të jenë të lumtur, ndaj nuk do të marr rrugën drejt Kinës apo drejt shkretëtirës”

Ka qenë vetë 34-vjeçari, i cili i ka dhënë fund dilemave për të ardhmen e tij në një intervistë për “Omnisport”. “Ky është sezoni im i fundit te Bajerni. Kam kaluar 10 vite të mrekullueshme, por tani ka ardhur momenti”, tha futbollisti 34-vjeçar.

Me shumë gjasa,  lamtumira e Roben nuk do të jetë e vetmja, “ceremoninë” e largimit mund të ketë vend edhe për kolegun e tij Frenk Riberi, kontrata e të cilit mbaron në fund të këtij sezoni. Në harkun e nëntë viteve, Roben, fitoi statusin e një legjende te bavarezët, ku deri më tani është aktivizuar në 305 ndeshje, ku ka shënuar 143 gola dhe shërbyer 101 asiste.

Pas paraqitjes nuk mund të mungonin komplimentet e ndryshme nga trajneri Niko Kovaç dhe shokët e ekipit. “Ai luajti shumë mirë ndaj AEK-ut. Dha një asist në pjeën e dytë, ndërsa në pjesën e parë krijoi 2-3 raste për shënim. Tani ka fituar më shumë vetëbesim dhe shpresoj që ai mund të vazhdoj të mbajë këtë ritëm gjatë së ardhmes”, tha tekniku kroat.

Arjen Roben vlerësoi sjelljen e kolegut të tij të ri duke thënë: “Më pëlqen shumë ai djalosh. Tani e kam dhe shok në palestër, e shoh gjithmonë atje, nuk mungon asnjë ditë. Gjithmonë punon për t’u përmirësuar. Ka një profesionisti”.

Forma e mirë e Gnabrit është një problem vetëm për një person te Bajerni. Bëhet fjalë për francezin Frank Riberi, i cili mund të thuhet se ka humbur formacionin ndaj kolegut 12 vite më të ri në moshë.

“Ndoshta ky është sezoni im i fundit me Bajernin, por ndoshta dhe jo. Për sa kohë jam këtu do mendoj vetëm për të fituar tituj dhe asgjë tjetër”, tha Roben, i cili foli dhe për kolegun e tij Riberi, që ka marrë shumë kritika pas krizës së rezultateve që ka kapur ekipin bavarez.

“Unë dhe Riberi jemi akoma të vlefshëm. Shoh që diskutohet mosha, por për mua ajo s’ka rëndësi. Në futboll ka vetëm mirë ose keq, jo i ri ose i vjetër. Ndihem më në formë se kurrë. Kemi bërë një përgatitje të mirë këtë javë dhe do të japim gjithçka si çdo herë tjetër”, përfundoi Roben

Në konferencën për shtyp para takimit të nesërm, 34-vjeçari ka kujtuar një episod në fillimet të karrierës së tij, që ka bërë që në dhomën e konferencave të shpërthejnë të qeshurat. Ngjarja ka ndodhur 16 vite më parë, kur Roben ishte ndër talentet më premtues në Holandë”.

“Kur isha 17-vjeç fillova të kisha oferta nga klube të ndryshme, ndër to dhe Ajaksi. Ata më dërguan një ofertë, por në të gjitha dokumentet ma kishin shkruar mbiemrin gabim, nuk më pëlqeu kjo gjë dhe prandaj vendosa të transferohem te PSV-ja”, tha Roben .

Kreu i departamenti të fitnesit te Bajerni, Dr. Holger Broish foli me superlativa për dy lojtarët duke deklaruar: Arjeni dhe Frenku nuk kanë thuajse as një gram yndyrë në trupin e tyre, stërviten siç duhet dhe janë një model për pjesën tjetër të skuadrës.

Vetë dy lojtarët u shprehën në një prononcim për “SportBild” se për momentin ata nuk po e ndjejnë peshën e viteve. “Ndihem 27-vjeç, megjithëse në prill do të mbush 36”, u shpreh francezi Riberi, ndërsa kolegu i tij holandez tha: Nuk e di për sa do të zgjasë, por ndihem në formë të shkëlqyer edhe pse jam 34-vjeç.