Tare pagoi 6.5 milionë euro te Betisi për të siguruar shërbimet e Durmishit, por 25-vjeçari, i cili numëron 466 minuta aktivizim me bardhekaltrit, është pranë rikthimit në kampionatin spanjoll. Mediat italiane flasin për një huazim të anësorit të majtë tek ekipi i Selta Vigos.

Lojtari i përfaqësueses së Danimarkës, me të cilët ka zhvilluar 23 ndeshje, do të kalojë te Selta gjashtë muaj huazim, ndërsa mbetet për t’u përcaktuar nëse ekipi spanjoll do të zotërojë të drejtën e blerjes së lojtarit në fund të sezonit, apo do të jetë thjeshtë një huazim.

Lojtari me origjinë shqiptare, i cili luan me Danimarkën, u rikthye në ndeshjen e fituar përballë Marsejës në Romë, çka vulosi dhe kualifikimin më tej të Lacios në Europa League. Simone Inzagi i vlerëson shumë cilësitë e tij: vrapim, grintë, dhe altruizëm.

Siç citon “Gazzetta dello Sport”, trajneri i Lacios po mendon t’i ndërrojë rol Durmishit, duke e futur më shumë në qendër. Inzagi po shfrytëzon periudhën e pushimit dhe po e provon lojtarin në qendër të mesfushës. Cilësitë e tij mund të shprehen më mirë në qendër, sesa në krah.

Ndeshja e radhës është kundër Milanit, një sfidë Champions-i. Lacio dhe Durmishi janë gati për t’u rinisur, lojtari në një pozicion të ri në fushë dhe bardhekaltrit në kërkim të fitores së radhës.

Anësori i majtë i bardhekaltërve u rrëzuar keq pas përplasjes me Da Kostën e Ajntrahtit dhe sot ka kryer një kontroll të specializuar mjekësor. Lojtari arriti paradite në klinikën e Paideias për kontrollin e krahut të djathtë, që ka pësuar një zhvendosje dhe Durmishit do i dihet të qëndrojë jashtë fushave të blerta për një muaj.

Një lajm i keq për trajnerin Simone Inzagi, pasi vetëm Senad Luliç mund të luajë në krahun e majtë për momentin. Lukaku nuk është rikuperuar ende, ndërsa Durmishi do të rikthehet në nëntor, kështu që boshnjaku do të jetë zgjedhja e vetme e trajnerit në krahun e majtë.

24-vjeçari me origjinë shqiptare, por që kontribuon për kombëtaren e Danimarkës, ka dëmtuar keq krahun, pas një përplasje me Da Kostën. Gjatë kryerjes së rezonancës Durmishi është shprehur se: “Gjithmonë beso në zot. Daje Lacio. Do të kthehem më i fortë se më parë”.

Anësori i majtë ka patur një zhvendosje të bërrylit të djathtë, ndërsa priten teste të mëtejshme për një vlerësim të saktë të dëmtimit. Një lajm i keq për trajnerin Inzagi, i cili ka në zotërim vetëm Senad Luliç në krahun e majtë të mbrojtjes. Lukaku nuk është rikuperuar akoma, ndërsa do i duhet të qëndrojë pushim dhe Riza Durmishit.