Ishte gushti i vitit 2000, kur 13-vjeçari Leo Mesi erdhi për të kryer një provë një javore në klub, gjatë së cilës shkëlqeu dhe mahniti trajnerin Abrahamian.

“Mesi krijoi një impakt që në stërvitjen e parë. Ai ishte shumë i vogël, por mua nuk më interesonte madhësia e tij, por aftësitë teknike, që i kishte me shumicë. Ai ishte mbresëlënës dhe shënoi 12 gola brenda 3-4 ditësh. Lajmërova drejtorin e përgjithshëm të klubit dhe i thashë të vinte të shihte djaloshin, i cili kishte diçka befasuese si: kualitetin teknik, shpejtësinë dhe mënyrën se si i shmangte kundërshtarët.

Drejtuesit duhet të flisnin me të atin për ta sjellë atë në klub. Unë e dëshiroja Mesin te Riveri, por drejtuesit duhet të akomodonin të atin dhe familjen e tij. Nuk mund të shohësh çdo ditë një lojtar si Leo, i cili bënte diferencën dhe ishte i jashtëzakonshëm. Ai luante futboll me gëzim dhe freski, por kishte disa gjëra që duhet të zgjidheshin”, tregon Abrahamian, i cili ishte personi që i ngjiti Mesit nofkën “Pleshti”.

“Isha i bindur, që ai mund të luante në nivele të larta dhe i thashë klubit që lojtari ka cilësi të mëdha, por ata më thanë që kanë disa lojtarë si ai në ekip. Riveri nuk e kuptoi që investimi për të ishte pothuajse asgjë. Kur Boka Zhuniors investoi te Maradona, ai luante në kategorinë e parë me Argjentina Zhuniors.

Por, Boka investoi te Diego dhe pagoi për të dhe Riveri duhet të kishte bërë të njëjtën gjë me Mesin”, përfundon Eduarto Abrahamian. Me 17 shtator të vitit 2000, Mesi udhëtoi drejt Barcelonës, për të kryer një test të ngjashëm me atë te Riveri. Ai shkëlqeu në provën e klubit katalanas dhe dihet se çfarë ndodhi më pas, ku ndryshoi historia e Barcelonës dhe e futbollit botëror.

Të dyja skuadrat elitare argjentinasë kanë një numër të konsiderueshëm tifozësh, madje kanë dhe tifozë të çmendur. Një tifoz i River Plejt, ka bërë një tatuazh në këmbën e tij, ku është një “Quick Response Code” (Barkodi), me anë të të cilit, dhe me ndihmën e telefonit, shikon direkt golat e takimit mes River Plejt dhe Boka Zhuniors. I pabesueshëm…

¡DE NO CREER?! Un hincha de River se tatuó un código QR que al leerlo el celular, lo remite a un video con los goles de la final de la Copa Libertadores ante Boca. ¡El fútbol nos tiene muy locos?! pic.twitter.com/JqEYnKKtdG

— Actual Fútbol (@ActualFutbol) April 11, 2019

Ndeshja kundër Rosarios u zhvillua nën një atmosferë të zjarrtë dhe në një stadium të tejmbushur. Një episod i veçantë ka ndodhur gjatë minutave të para të pjesës së dytë dhe arbitrit kryesor i është dashur të ndërpresë sfidën për disa momente.

Një tifoze e Rosarios është futur në fushë. Forcat e sigurisë i janë vënë pas, por kanë vuajtur paska për ta kapur. Sigurisht, për shkak të shpejtësisë së saj. Tifozja gjysme e zhveshur ka festuar në fushë dhe ka sjellë ilaritet në shkallët e stadiumit.

Lojtarët e të dy ekipeve kanë qëndruar pa lëvizur në fushë, ndërsa rritja e numrit të forcave të sigurisë ka sjellë dhe fundin e aventurës së tifozes së çmendur. Ajo është shoqëruar jashtë fushës së blertë dhe ndeshja ka rinisur.

Fatkeqësisht “perla” e Kuinteros nuk mjaftoi për t’i siguruar skuadrës nga Buenos Airesi fitoren, pasi vendasit barazuan në fillim të pjesës së dytë pas një gafe të portierit Franko Armani.

? Con ustedes, el ? de River Plate: @juanferquinte10 ?pic.twitter.com/KMZC7ftjx1

— River Plate (@RiverPlate) February 15, 2019

Mesfushori kolumbian është kthyer në lojtarin kyç të skuadrës kampione në fuqi të trofeut Libertadores dhe me siguri gjatë merkatos së verës do të rikthehet në Europë, ku për të interesohen me dhjetëra klube.

Një episod i veçantë ka ndodhur së fundmi. Riveri po luante në shtëpi përballë Rasingut, ndërsa rreth stadiumit “Monumental” është parë një tifoz armik. Një person me bluzën e Bokës ka guxuar të futet në zonën e ndaluar, duke sjellë irritimin e tifozëve të Riverit.

Këta të fundit e kanë marrë si provokim dhe një prej tyre ka reaguar. Tifozi i Bokës nuk i ka shpëtuar grushteve, por policia i ka ardhur në ndihmë. Tifozi i Bokës ka vazhduar rrugën dhe një polic e ka detyruar të heqë bluzën, pasi më tej mund të binte përsëri pre e sulmeve të rivalëve të përjetshëm.

 

View this post on Instagram

 

1000 modi per morire: fare jogging vestiti così fuori dal Monumental prima di una partita del River. #riverplate #bocajuniors #tifosi #superclasico #brawl

A post shared by Chiamarsi Bomber (@chiamarsibomber) on Feb 12, 2019 at 4:10am PST

Për “FoxSports”, 20-vjeçari është shprehur: “Përpiqem që të mos mendoj shumë për këtë, edhe pse Reali i Madridit është një klub fantastik. Interi është gjithashtu një ekip i mirë, por për momentin jam i përqendruar 100% me Riverin. Ndihem mirë këtu, ndjej që të gjithë më japin besim dhe jam shumë krenar për atë që kam arritur deri tani”,- tha fillimisht mesfushori.

Më tej, Palasio shtoi: “Me të vërtetë më pëlqen momenti që ne të gjithë po kalojmë. Përpiqem që të jem sa më i qetë dhe që të shijoj kohën time këtu. Çdo ofertë është tunduese, por jam i qetë dhe po shijoj çdo stërvitje dhe ndeshje me ekipin tim momental”,- përfundoi ylli argjentinas.

Kujtojmë që Palasio arriti që të fitojë Kupën “Libertadores” me ekipin e River Plejt kundër Boka Zhuniros, ndeshje e cila u luajt në mitikun “Bernabeu”. Riveri arriti që ta fitojë atë sfidë me përmbysje 3-1 kundër rivalit të tyre të përjetshëm.

Sfida nisi me mjaft ritëm, ku brenda 16 minutave u shënuan plot tre gola. Fillimisht ishin vendasit e Al Ain, të cilët kaluan në avantazh pas vetëm 3 minutash, me golin e shënuar nga Markus Berg, pas një goditje nga këndi. Reagimi i River Plejt ishte i menjëhershëm, ku kolumbiani Borre shënoi dy herë brenda pesë minutave, për të kthyer gjithçka.

Në minutën e 11-të fillimisht sulmuesi kolumbian baraspeshoi gjithçka, ndërsa në minutën e 16-të shënoi golin e dytë personal, pasi u tregua i saktë përballë portierit të Al Ain. Pjesa e parë u mbyll me avantazhin e argjentinasve, teksa në minutat e fundit vendasve iu anullua një gol, pas vëzhgimit në sistemin VAR.

Fraksioni i dytë, nisi po ashtu si i pari, me ritëm dhe me gol. Në minutën e 51-të ishte Rodrigo Kaio, braziliani i Al Ain që barazoi shifrat, pas një goli mjaft të bukur, ku shpalosi të gjitha aftësitë e tija individuale. River Plejt u hodh në sulm përsëri në kërkim të fitores dhe rastin më të mirë e kishte në minutën e 69-të, por Martinez gaboi nga pika e bardhë e penalltisë.

Kështu ekipet e përfunduan sfidën në barazim dhe tashmë ishte radha e kohës shtesë. 15 minutat e para, përfunduan ashtu siç nisën, ku të dyja skuadrat u treguan të kujdesshme për të mos pësuar. Gjithashtu dhe fraksioni i dytë nuk nxorri fitues, kështu që ekipet iu drejtuan “ruletës ruse” të 11-metërshave, për të vendosur finalisten e parë të Botërorit të Klubeve.

Nga goditjet e 11-metërshave lojtarët u treguan pothuajse të gjithë të saktë dhe penalltia që vendosi gjithçka, ishte ajo e fundit. Pikërisht në goditjen e fundit, në serinë e pestë të gjuajtjeve ishte Enzo Perez, i cili gaboi duke u neutralizuar nga portieri Eisa Kalid, i cili u shndërrua në hero.

Lidhur me këtë çështje, Boka kishte kërkuar në CAS fitoren në tavolinë, si pasojë e sulmueve të ndodhura disa ditë më parë, por zyrtarisht kjo kërkesë u hodh poshtë nga vetë CAS. Ndeshja do të luhet mbrëmjen e së dielës, në orën 20:30.

Zhvillimi i ndeshjes në “Bernabeu”, bën që impianti i Realit të Madridit të futet në histori. “Tempulli” i “Los Blancos”, do të hyjë në histori si stadiumi që ka pritur gjashtë nga finalet më të mëdha dhe më të zjarrta në futboll.

Sfida do të jetë një ndër më të ndjekurat në historinë e Libertadores dhe çdokush do të bënte gjithçka për të qenë në stadium për superpërballjen, madje dhe dy superyje si Lionel Mesi e Kristiano Ronaldo.

Siç raportohet së fundmi, të dy lojtarët do të jenë të pranishëm në Bernabeu për të parë nga afër finalen, ku Florentino Perez duket se ka kërkuar që t’i ulë afër njëri-tjetrit. Kjo do të jetë e para e herë për Ronaldon në Madrid, që pas transferimit të tij te Juventus këtë verë.

Barcelona do të luajë ndaj Espanjolit ditën e shtunë, ku një ditë më pas Mesi pritet të udhëtojë drejt Madridit, teksa Ronaldo e ka me të lirë axhendën, pasi Juventus luan të premten ndaj Interit dhe fundjava e Kristianos do të shpenzohet e gjitha në kryeqytetin spanjoll sipas të gjitha gjasave.

Gjatë ditëve të fundit në Argjentinë janë raportuar histori nga më të çuditshmet si: Shokë që djegin shtëpitë e njëri-tjerit për shkak të debateve mbi këtë ndeshje, një ndërsa një tifoz fatkeq u qëllua me armë teksa kalonte me një bluzë të River Plejt në rrugët e Buenos Aires. Por, ka dhe histori si ato të Renzoz së vogël, foto e të cilët ka mallëngjyer me miliona njerëz.

Renzo është vetëm 6-vjeç por pasioni i tij për River Plejtin nuk njeh kufij. Djaloshi i vogël jeton në një qytet 1500 kilometra larg Buenos Aires dhe vjen nga një familje e varfër. Me pafajësinë e 6-vjeçari Renzo vendosi të dilte rrugës e të shiste lodrat e tij të pakta.

“Shes lodra, për të shkuar në Monumental”, shkruhej në tavolinën e vogël që mbante lodrat e Renzos. Foto e vogëlushit të vogël u bë lajm në mbarë vendin dhe më gjerë. Biletat për në “Monumental” kanë mbaruar me kohë, por veprimi Renzos nuk ishte i kotë, pasi për të mendoi një “fanclub” i River Plejtit me bazë në Malaga të Spanjës.  Spanjollët morën përsipër koston e biletës dhe transportit drejt Buenos Aires për ndeshjen që River Plejt do të luajë ndaj Gimnasias më datë 29 nëntor . Së shpejti Renzo do të shkelë për herë të parë stadiumin që e ka parë me qindra herë nga ekranet e televizorëve.

Spektakël dhe gola, por fatkeqësisht pa fitues më ndeshjen Boka-River, e cila u mbyll në rezultatin 2-2. Nuk kishte si të ndodhte ndryshe në derbin e Argjentinës, që këtë herë kishte një vlerë akoma dhe më të madhe, pasi ky takim ishte i vlefshme për finalen e parë të Kupës Libertadores.

Në një stadium të tejmbushur, tifozeria ja shtoi hijeshinë këtij takimi, që është konsideruar si sfida e vitit. Gjithsesi, në fund tifozeria vendase largohet e zhgënjyer, pasi River Plejt gjeti forcat që të ngrinte krye në dy raste, pasi Boka nuk e ruajti dot avantazhin.

The atmosphere at the #CopaLibertadores final first leg ?

? Via @BocaJrsOficial #BocaRiverpic.twitter.com/8cHcV2UzcA

— Ladbrokes (@Ladbrokes) November 11, 2018

Një sfidë me raste dhe emocion, grindë dhe nervozizëm, por fatmirësisht për ne do të ndjekim një tjetër 90 minutësh, një tjetër finale të madhe pas 2 javësh, saktësisht më 24 nëntor, kur do të luhet dhe ndeshja e kthimit, por këtë herë në “ferrin” e River Plejtit.

Duhet të veçohet se nuk njihen golat në fushën kundërshtare në këtë kompeticion, çka do të thotë dhe asnjëra skuadër nuk është e disavantazhuar në takimin e kthimit. Nuk ka mbaruar asgjë, emocionet do të vijojnë në finalen e dytë, e cila do të vendosë se kush nga skuadrat do të “groposë” kundërshtarin.

NDESHJA  – Abila kaloi Bokën në avantazh, ndërsa vetëm pak sekonda më vonë ishte Prato që shënoi golin e barazimit. Pak sekonda para fundit të pjesë së parë ishte Benedeto, i cili shënoi golin e epërsisë për Bokën.

Vijon spektakli dhe nga tifozët në shkallët e stadiumit, siç shihet një atmsoferë e zjarrtë dhe një ndeshje spektakolare.

Gjithsesi, siç njoftohet së fundmi, duket se supersfida do të shtyhet përsëri dhe këtë herë nuk bëhët fjalë për një ditë. CONMEBOL mund të japë vendimin që finalja e parë të luhet me datën 17 nëntor, pra të shtunën e ardhshme. Akoma asgjë nuk është zyrtarizuar, por me shumë mundësi zgjidhja mbetet të jetë kjo. Me sa duket, duhet ende të presim për të shijuar finalen e Superclasicos.

Në postimin e bërë nga “CONMEBOL”, bëhet e ditur se takimi do të zhvillohet ditën e nesërme në orën lokale 16:00, pra në orën 20:00 me orën shqiptare. Sigurisht nuk përjashtohet mundësia që ndeshja të shtyhen për herë të dytë nëse kushtet e këqija atmosferike nuk ndalen.

Por motivos de fuerza mayor el partido queda suspendido para mañana, domingo 11 de noviembre a las 16:00 h.

— CONMEBOL.com (@CONMEBOL) November 10, 2018

Reshjet e shumta të cilat i kalojnë me intensitet 40 milimetra në orë e kanë kthyer fushën e stadiumit të Boka Xhuniors në një moçal të vërtet. Një video e publikuar së fundmi nga mediet argjentinase tregojnë se tapeti i fushës ku do të zhvillohet finalja e sotme, është shumë larg gjendjes optimale që kërkohet për t’u luajtur një ndeshje normale.

Rrugët pranë stadiumit janë përmbytur, megjithatë nuk pritet që të ketë ndonjë problem para ndeshjes, pasi shumë persona janë angazhuar për mbarëvajtjen e kësaj sfide. Kujtojmë që për këtë ndeshje ka një interes jashtëzakonisht të madh, aq sa president i Bokës, ka ndryshuar foton e whatsapit, duke vendosur një njoftim: “Nuk kam asnjë biletë”.

Pritshmëritë për këtë takim janë të mëdha, pasi është një nga derbit më të mëdha në botë. Për çështje sigurie në këtë ndeshje do të jetë vetëm tifozeria vendase, duke qenë se finalja e këtij kompeticionin luhet me 2 takime.

Faltan menos de 10 horas para la primera de la final de la Copa Libertadores y así diluvia en las afueras de La Bombonera. ¡Impresionante! pic.twitter.com/NGOitrOt6T

— SportsCenter (@SC_ESPN) November 10, 2018

Një biletë arrin deri në 4500 dollarë, një shifër relativisht e kripur për një ndeshje futbolli. Gjithsesi, shitja e biletave vijon me ritëm të lartë dhe pritet një stadium i tejmbushur në finaleje e parë. Askush nuk do ta humbasë finalen e parë e cila është më shumë se një ndeshje.

“Ndihemi të befasur. Si ka mundësi që një klub si Reali të veprojë në këtë lloj mënyre, duka na anashkaluar neve si klub. Kemi lidhje historike me Real Madridin, që fillojnë që nga koha e Alfredo Di Stefanos. Ata janë një klub që kanë vlera të mëdha dhe s’e kuptoj se si mund t’i hedhin poshtë ato vlera për të marrë lojtarin tonë”, tha presidenti në një prononcim për “MARCA”.

Në ditët në vazhdim pritet që Reali t’i kërkojë falje publike klubit argjentinas, ndërkohë transferimi i lojtarit do të vazhdojë pa asnjë problem. River Plejt do të arkëtojë 20 milionë euro për mesfushorin dhe do ta ketë në huazim deri në fund të sezonit aktual.

Arsyeja ka të bëjë me trajnerin e Riverit, i cili është Marselo Gajardo. Ky i fundit ishte i pezulluar, pasi ishte ndëshkuar me karton të kuq, që në ndeshjen e parë, por në pushimin e ndeshjes së luajtur në Brazil, teksa Gremio po fitonte 1-0, Gajardo ka shkuar në dhomën e zhveshjes duke folur me ekipin e tij, diçka që nuk
lejohet normalisht.

Gajardo nuk e ka mohuar këtë gjest nga ana e tij dhe Gremio ka në plan që çdo gjë t’i drejtohet gjykatës. CONMEBOL, i cili është institucioni më i lartë në Amerikën Latine, ka për detyrë të japë një vendim disi të shpejtë, pasi finalja e parë është programuar që të luhet javën e ardhshme, pikërisht me 10 nëntor.

“Rregullorja u shkel dhe ne do të bëjmë një apel formal në CONMEBOL dhe departamenti ynë ligjor do të takohet për të paraqitur ankesën. Do të apelojmë kundër ndeshjes dhe do të presim për vendimin që do të merret. Jemi të zemëruar me atë që ndodhi”, tha zëvendësdrejtori i Gremios, Duda Kroef.

Gajardo nuk shfaqi asnjë shenjë pendese për veprimin e bërë, madje tha se një dënim ndaj tij për të mos qenë i pranishëm në finale nuk do ta shqetësonte.

“Kam marrë vendimin për të shkuar poshtë në pushimin e pjesës së parë për të biseduar me lojtarët sepse mendova se ata kishin nevojë për këtë gjë. Ndoshta kam thyer një rregull, por unë marr përgjegjësinë. Ishte ajo që ndjeva dhe duhet ta bëja, nuk më vjen keq fare. Nuk më intereson nëse do të mungoj në finale. Lojtarët kishin nevojë më shumë se kurrë për mua dhe nuk mund t’i zhgënjeja”, ka përfunduar fjalët e tij trajneri i River Plejt.

Boka Zhuniors kishte fituar ndeshjen e parë në shtëpi me rezultatin 2-0 falë dy golave të shënuar nga Dario Benedeto, ndaj edhe ishin favoritë për t’u kualifikuar në finale. Një betejë në fushë, teksa që në fillim brazilianët kërkuan golin e avantazhit.

Në minutën e 10-të Bruno Henrike shënoi, por pas ndërhyrjes së Var goli u anulua për pozicion jashtë loje. Tre minuta më pas argjentinasit patën pretendime për një gol në favorin e tyre, por për arbitrin topi nuk e kishte kaluar plotësisht vijën fatale.

Pavon më pas nuk arriti të shfrytëzonte një mundësi të mirë, duke e dërguar jashtë. Gjithsesi ishte Abila që nuk gaboi në minutën e 18-të dhe tifozët e Boka Zhuniors shpërthyen në festë. Iniciativa më pas i takoi djemve të Palmeiras, që iu afruan golit. Gjithsesi pjesa e parë u mbyll 0-1.

Edhe e dyta nisi me dominimin e brazilianëve. Portieri Rosi u bë shpëtimtar fillimisht, por në minutën e 54-t nuk e ndaloi goditjen e Luan dhe rezultati u barazua në 1-1. Palmeiras vijoi të sulmonte dhe pas pesë minutash fitoi një 11-metërsh.

Gomez u tregua i ftohtë para portës dhe kaloi në avantazh Palmeirasin, ndërkohë që epërsia mund të ishte rritur pak minuta më pas. Gjithsesi Benedeto ishte ai që u dha fund shpresave të braziliane, pasi me një goditje nga jashtë zone arriti të shënonte golin e barazimit për Boka Zhuniors. Në fund të 90 minutave argjentinasit festuan kalimin në finale dhe do të kërkojnë triumfin në derbin e çmendur kundër River Plejt.

Excellent tifo from River Plate fans honoring team manager Marcelo Gallardo before their game against Gremio in the first leg of the Copa Libertadores semi finals. https://t.co/EzJX7h35LR

— Mootaz Chehade (@MHChehade) October 24, 2018

Një atmosferë spektakolare para ndeshjes në Monumental, por mallkimi për Riverin vazhdon, sepse është mundur për të tretën përballje rresht nga Gremio, duke pësuar humbjen e parë shtepiake pas më shumë se një viti.

Vendosi një gol i shënuar nga Miçel në pjesën e dytë të një sfide mjaft të ekuilibruar, ku në fakt pritej me shumë nga River, sepse Gremio ishte pa dy titullarë shumë të rëndësishëm.

O gol de Michel, para River Plate 0x1 #Grêmio.

? @FoxSportsBrasil pic.twitter.com/i11qJfCHjp

— Rádio Pachola (@radiopachola) October 24, 2018

Gjithsesi, eksperienca e brazilianëve triumfoi sërish dhe javën e ardhshme në Brazil një barazim do të mjaftojë që Gremio të kualifikohet sërish për në finalen e madhe.

Pas barazimit pa gola në vajtje, Lukas Prato shënoi golin e parë në fillim të ndeshjes, ndërsa pa mbushur gjysmë ore lojë Ezekiel Palasios dyfishoi. Në fund shënoi edhe Rafael Santos Borre, para se të shpërthente kaosi në fushë, me 3 kartonë të kuq.

Sfida ishte e nxehtë që pa nisur, sepse Rasingu akuzon Konfederatën e Amerikës së Jugut për favorizim të Riverit, që nuk u dënua edhe pse luajti me një lojtar të pezulluar në vajtje. Conmebol u justifikua se ishte një harresë e saj për të njoftuar Riverin për lojtarin e pezulluar.

Surprizë e madhe ishte kualifikimi i Kolo Kolos (21 vite pritje) , që u mund 2-1 në Brazil nga Korinthians, por kishte fituar 1-0 në vajtje. Vendimtar goli i sulmuesit të njohur Lukas Barrios në minutën e 32-të, ndërsa Korinthians mori avantazhin e ri në minutën e 64-t, por nuk e shënoi dot golin e kualifikimit. Ditë historike për Kolo Kolon, sepse për herë të parë në histori eliminoi një ekip brazilian në përballje direkte, pas 9 eliminimesh.

? El resumen de @Corinthians 2 – @ColoColo 1 en la vuelta de los octavos de final de #CONMEBOLLibertadores. pic.twitter.com/JlM66SNJC0

— CONMEBOL Libertadores (@Libertadores) August 30, 2018

¡Gracias! #EternoCampeón pic.twitter.com/TDEA1XA90B

— Colo-Colo (@ColoColo) August 30, 2018

Ndërkaq, në derbin brazilian Kruzeiro u mund 1-0 në shtëpi nga Flamengo, por kaloi në çerekfinale, sepse kishte fituar 2-0 në vajtje.

? El resumen de @Cruzeiro 0 – @Flamengo 1 en la vuelta de los octavos de final de #CONMEBOLLibertadores. pic.twitter.com/YmwFObfyuB

— CONMEBOL Libertadores (@Libertadores) August 30, 2018

Rekordi i Armanit do t’i shtohen dhe më shumë minuta, pasi takimi ndaj Belgranos u mbyll me shifrat 0-0.  Portieri 31-vjeçar debutoi për herë të parë me fanellën e Argjentinës në Botërorin  “Rusi 2018”.   Gardiani i River Plejt shihet si kandidati numër 1 për të mbrojtur portën e “albiceleste” për të paktën dy vitet e ardhshme.

Prej vitesh Armani cilësohej si një ndër portierët më të mirë në Amerikën e Jugut. Injorimi nga Argjentina për pak sa nuk bëri që ai të zgjidhte të përfaqësonte Kolumbinë, vend ku ka luajtur për shtatë sezone. Por pritja ia vlejti, edhe pse i kishte kaluar të 30-tat, Franko e realizoi një ndër ëndrrat e fëmijërisë së tij.

Gjithçka ka ardhur pas kontrolleve rutinë në sfidën e Kupës Libertadores, kundër kolumbianëve të Independiente Medelínit.

Tre futbollistët në fjalë janë Kamilo Majada, Lukas Martinez Kuarta e Sebastian Driusi, ky i fundit i kërkuar nga shumë klube europianë këtë verë, mes tyre edhe Interi.

Substanca e përdorur është e njëjta, një pilulë diuretike me kombinim kafeine dhe efedrine, substancë e ndaluar mbi një normë të caktuar nga ËADA, Agjencia Antidoping.

Tani problemi mund të bëhet shumë më serioz se kaq, sepse do të testohet e gjithë skuadra dhe mund të jetë futbollistë të tjerë që kanë përdorur të njëjtin suplement vitaminash. Nëse lojtarët rezultojnë pozitivë edhe nga testet B, atëherë rezikojnë pezullim nga dy muaj deri në dy vite, por edhe River Plejti rrezikon shumë.

Ya son tres los positivos de jugadores de River en menos de 24 horas https://t.co/fHzLFzJJGd pic.twitter.com/A8ppbYVLzW

— MARCA (@marca) June 22, 2017