Ai i dha fund karrierës në vitin 2015, ndërsa në një rrëfim për “The Guardian”, zbulon disa anë të errëta të jetës së tij. Rio ishte një mbrojtës potent dhe i frikshëm për sulmuesit kundërshtar, ndërsa po ashtu ishte dhe para… një gote birrë ose vodka!

Kur e mendon tani, nuk ndihet mirë për faktin që ka pirë aq shumë alkool, por forca e tij i dha mundësinë t’i jepte fund vesit të keq dhe të zhvillonte një karrierë të madhe.

PASIONI PËR ALKOOLIN – “Kur isha më i ri, isha komplet i çmendur. Kujtimet e karrierës time janë të turbullta, njerëzit flasin për episode ndeshjesh, ndërsa unë ulem dhe dremis. Nuk e kam idenë se për çfarë po flasin, nuk mbaj mend asgjë. E kam ekzagjeruar shumë. Pija shumë, mund të kaloja tetë, nëntë, ose dhjetë birra dhe më pas kaloja te vodka. Mund të vazhdoja duke pirë gjithë ditën.”

PENGU – “Atëherë kishte një tjetër kulturë në ndryshim nga ditët e sotme. Kur isha pjesë e Uest Hemit mendonim për futboll, për të birë dhe për t’u dëfryer në klubet e natës. Kur më pyesin nëse kam ndonjë peng nga karriera ime, u përgjigjem që nuk duhet të kisha pirë aq shumë alkool. Unë isha me fat dhe kam patur një aftësi natyrale për ta kapërcyer atë periudhë të jetës time.”

Sipas Ferdinand, shumica ekipeve kërkojnë t’i evitojnë përballjet me skuadrat angleze në Champions dhe se nuk preferon PSG-në apo Barçën. Ekipi i parapëlqyer për të, duket se është Mançester Siti, pasi dhe përgjigja e tij flet qartë.

“Për fitimin e Championsit shumica po sheh si favorite Barcelonën. Unë di të them këtë. Janë të pakta ekipet që kanë dëshirë të përballen me ekipet angleze. Ne luajmë shpejt dhe bëjmë një futboll dinamik. Nuk do të doja të përballesha me Sitin ose Liverpulin. Mançester Siti është ekipi im i preferuar.”

Përgjigja e anglezit me siguri do të shkaktojë irritim te tifozët e Mançester Junajtid, ku mjafton të kujtojmë faktin që Ferdinand ka qenë pjesë e “djajve të kuq” për plot 12 vite, teksa ka mbajtur edhe shiritin e kapitenit.

Së fundi Ferdinand ka shpërndarë me fansat një lajm të gëzueshëm. 39-vjeçari do të martohet sërish. Fatlumja është aktorja e njohur angleze Katie Wright. Lidhja e çiftit ka filluar më shumë se një vit më parë

Lidhur me këtë çështje kanë folur dy legjenda të Mançester Junajtid, siç janë Rio Ferdinand dhe Pol Skolls. Anglezët kanë reaguar ashpër ndaj faktit që Murinjo vazhdon të qëndrojë në krye të Junajtid edhe pse rezultatet janë momentalisht katastrofike. Sipas ish-lojtarëve të Junajtid, tekniku portugez duhet të shkarkohet sa më shpejt të jetë e mundur, pasi sezoni mund të mbyllet akoma dhe më keq.

“Shoh lojtarë të cilët nuk punojnë mjaftueshëm. Te Mançester duhet të punosh shumë dhe të dish vlerën e klubit. Gjithsesi, unë mendoj se nuk është problemi tek lojtarët. Ka disa vendime që duhet të merren një herë e më parë. Sa vjen e po bëhet akoma më e madhe, luftërat e vogla në dhomat e zhveshjes, polemikat me lojtarët apo dhe gjërat për të cilat flasin mediat. Po bëhen jashtëzakonisht shumë. Ky mund të jetë sezoni më i keq në historinë e klubit në qoftë se nuk ndryshojnë diçka shpejt. Duhet të marrin një vendim një herë e mirë”, përfundoi Ferdinand.

Ndërkohë, gjithashtu foli dhe Pol Skolls, i cili ishte më pak i ashpër se ish-shoku i tij i skuadrës.

“Ndoshta është periudha më e keqe që kemi parë te Junajtid prej shumë kohësh. Unë do të përqendrohesha te qëndrimi para ndeshjes. Urinë dhe dëshirën e lojtarëve për të luajtur dhe fituar nuk e shikoj në asnjë moment. Për këtë fakt nuk është faji vetëm i lojtarëve, ndaj dhe drejtuesit duhet të reagojnë dhe të ndryshojnë diçka”, deklaroi Skolls.