Rinovim

Firmë e rëndësishme te Teuta, rinovon mesfushori i talentuar

Sport Ekspres — Mon, 29 Jul 2019 16:58:58 +0000

Skuadra e Teutës ka rinovuar sot me mesfushorin e talentuar, Uendi Vecaj. “Djemtë e Detit” kanë bindur 22-vjeçarin që të rinovojë kontratën edhe për tre vite te tjera. Vecaj do të jetë pjesë e Teutës deri në 2022 dhe shihet si një lojtar i rëndësishëm nga drejtuesit e klubit. Sezonin e shkuar, 22-vjeçari luajti 17 ndeshje në Superiore, ku shënoi dhe një gol.

Tirana “lidh internetin”, zyrtarizime në seri

Sport Ekspres — Wed, 10 Jul 2019 19:07:33 +0000

Tirana ka pasur sot një ditë shumë të ngarkuar. Klubi kryeqytetas ka afruar tre futbollistë dhe ka rinovuar me dy të tjerë. I pari që rinovoi, ishte portieri Lika, ndërsa tani ka radhën mbrojtësi Imami. Mëngjarashi u transferua nga skuadra e Kukësit dhe bëri një sezon shumë të mirë te bardheblutë, çka i ka siguruar rinovimin edhe për një vit tjetër.

Po ashtu, janë prezantuar sot dhe dy futbollistët Agustin Torasa dhe Elton Kale. Të dy futbollistët kanë eksperiencë në kampionatin shqiptar të futbollit dhe janë dy përforcime shumë cilësore për Tiranën.

Nga i padëshiruar, në hero! Siti rinovon me talentin ukrainas

Sport Ekspres — Wed, 12 Jun 2019 16:14:53 +0000

Mançester Siti është një nga skuadrat më të pasura në botë, e cila asnjëherë nuk tërhiqet kur bëhet fjalë për transferime të shtrenjta. Shpenzimet e “Qytetarëve” kanë qenë faraonike vitet e fundit, por tashmë, duket se kanë filluar të shohin dhe nga Akademia.

Pas Fil Foden dhe Arijanet Muriç, Siti ka plane edhe për futbollistin Zinçenko. Para fillimit të sezonit të shkuar, Guardiola tentoi ta shesë 22-vjeçarin te skuadra e Real Betis, por ky i fundit refuzoi, duke qëndruar në Mançester.

Edhe pse shihej si i padëshiruar nga Guardiola, tekniku spanjoll mbeti pa mbrojtës të majtë dhe u detyrua t’i besojë Zinçenkos. Mbrojtësi e shfrytëzoi mjaft mirë mundësinë e dhënë dhe bëri paraqitje të shkëlqyera, duke bërë që Guardiola të ndërrojë mendje. Tashmë, për të është vendosur një kontratë e re në tavolinë dhe në rast se Zinçenko rinovon, do të qëndrojë te “Qytetarët” deri në vitin 2024.

10 milionë euro investim, ja fotot e rinovimit të stadiumit “Adem Jashari”

Sport Ekspres — Wed, 20 Mar 2019 15:13:50 +0000

Qeveria e Kosovës vazhdon të mbështesë investimet në fushën e sportit. Pas rinovimit të stadiumit “Fadil Vokrri”, një tjetër impiant sportiv do t’i nënshtrohet një transformimi total.

Bëhet fjalë për stadiumin olimpik “Adem Jashari” në Mitrovicë. Pas përfundimit të rinovimit, stadiumi do të ketë një kapacitet të shtuar me 18000 mijë ulëse në total si dhe mbulim në çdo tribunë.

Media “reporteri.net” ka siguruar pamje të projektit të rinovimit.

Ndërkaq, një investim tjetër madhor që pritet të nisë së shpejti në Kosovë është ai i ndërtimit të stadiumit të ri kombëtar, investim ky që u paralajmërua pak ditë më parë nga Kryetar i Kuvendit, Kadri Veseli.

Lajm fantastik për Liverpulin, vjen firma e shumëpritur

Sport Ekspres — Mon, 03 Sep 2018 18:07:39 +0000

Pas blerjeve të shumta te merkato e verës, te Liverpuli ka ardhur koha për disa “blerje” brenda klubit. Ekipi anglez sapo ka njoftuar rinovimin e kontratës me kapitenin e skuadrës, Xhordan Henderson. Falë firmës së re, mesfushori anglez e sheh veten të lidhur me të “kuqtë” për të paktën pesë vitet e ardhshme.

28-vjeçari luan prej tetë sezonesh me Liverpulin dhe është pjesë thelbësore e skuadrës së Klop, si dhe përfaqësueses angleze. Trajneri gjerman u shpreh shumë i kënaqur nga arritja e marrëveshjes duke thënë: Henderson, përveç se një lojtar i shkëlqyer është dhe një lider për këtë skuadër. Jam i bindur se ai ka akoma shu,ë për t’u përmirësuar si lojtar.

? The captain has committed his future to the Reds…https://t.co/uOqJu7C2k9

— Liverpool FC (@LFC) September 3, 2018

Zyrtare / Juve rinovon me Pjaniç, boshnjaku kap “podiumin” e rrogave

Sport Ekspres — Tue, 21 Aug 2018 16:28:50 +0000

Juventusi ka zyrtarizuar rinovimin e kontratës me mesfushorin Miralem Pjaniç. Boshnjaku ka nënshkruar një marrëveshje të re që do ta mbajë të lidhur me “Zonjën e Vjetër” deri në vitin 2023. Rinovimi vjen pas një vere, ku për 28-vjeçarin shfaqi interes shumë klube elitare si Barcelona, Real Madrid dhe Manchester Siti.

Me nënshkrimin e kontratës së re paga e Pjaniç pëson një rritje të konsiderueshme. Boshnjaku tani është lojtari i tretë më i paguar në sezon, pas përfiton 6 milionë euro në sezon, vetëm Duglas Kosta (8 milionë euro) dhe natyrisht, Kristiano Ronaldo (30 milionë euro në sezon).

OFFICIAL: @Miralem_Pjanic extends Juventus contract through 2023!

??? https://t.co/eU4wozSP1T #ForzaJuve ?? pic.twitter.com/ez8vcrUnma

— JuventusFC ???? (@juventusfcen) August 21, 2018

De Rosi sfidon moshën, Roma ka gati “dhuratën”

Sport Ekspres — Tue, 21 Aug 2018 15:20:28 +0000

Daniele De Rosi ishte një ndër lojtarët më të mirë në fushë në fitoren e vuajtur që ekipi verdhekuq siguroi në transfertën e veshtirë ndaj Torinos. Vështirë të besohet se kapiteni 35-vjeçar ka debutuar plot 17 vite më parë me klubin e qytetit të tij.

Kontrata e mesfushorit mbaron në fund të këtij sezoni, por palët po punojnë për një rinovim 1-vjeçar. Drejtuesit e Romës besojnë se kapiteni mund të japë akoma për klubin dhe marrëveshja mund të finalizohet brenda këtyre javëve.

Gjithsesi kontrata e re e ka një kleçkë. De Rosi do i duhet të pranojë një pagë të përgjysmuar, diçka që e ka bërë dhe dy vite më parë kur pranoi një rinovim 2-vjeçar që ia uli pagën nga 6 milionë euro (më i paguari në skaudër asokohe) në tre milionë euro që përfiton aktualisht. Një rast dështimi të marrëveshjes, një opsion tjetër ështe dhe varja e këpucëve në kampionatin amerikan.