rikthimi

E ardhmja e Kontes, “bookmarkers” e rikthejnë në Serie A

Sport Ekspres — Fri, 29 Mar 2019 11:24:02 +0000

Antonio Konte është pranë rikthimit në Serie A. Të paktën kështu mendojnë “bookmakers” që e shohin trajnerin leçez në pankinën e Interit në sezonin e ardhshëm.

1.5 kuotohet kalimi i Kontes në stolin zikaltër sipas “Sisal Matchpoint”, ndërsa më pas vjen Roma. Verdhekuqtë kërkojnë një trajner me peshë për sezonin e ri dhe transferimi i Kontes në kryeqytet kuotohet me koefiçentin 4.5.

Kaq mundësi ka dhe ulja e tij në pankinën e PSG-së, pavarësisht se drejtuesit e klubit janë afër rinovimit me gjermanin Tuhel. Tepër i vështirë mendohet kalimi i Kontes te Milani, që ka gjetur stabilitet dhe rezultate me Xhenaro Gatuzon.

Konte u largua nga kampionati italian në verën e vitit 2014, pasi drejtoi për tre vite Juventusin. Ai mori drejtimin e kombëtares italiane, ndërsa në verën e vitit 2016 u ul në pankinën e anglezëve të Çelsit.

Ikardi në stërvitje nën sytë e drejtuesve, Brozo aprovon rikthimin

Sport Ekspres — Wed, 27 Mar 2019 13:43:25 +0000

Mauro Ikardi është rikthyer në stërvitje me Interin. Sulmuesi u rikthye gjatë ditës së djeshme pjesë e grupit, pas një muaji e gjysmë mungesë.

Seanca stërvitore u ndoq nga Stiven Zhang. Presidenti shoqërohej nga Xhuzepe Marota, administratori i deleguar dhe Pier Auzilio, drejtori sportiv. Një sinjal i fortë i klubit, që kërkon mbylljen e kësaj çështje.

Interi duhet të arrijë me çdo kusht kualifikimin në Champions dhe ekipi ka nevojë edhe për golat e argjentinasit. Shumë lojtarë nuk ishin pjesë e stërvitjes, pasi shumë prej tyre janë të grumbulluar me ekipet kombëtare.

Një sinjal pozitiv ka dhënë dhe Marselo Brozoviç, i cili njihet si një nga “kundërshtarët” e ish-kapitenit. Mesfushori kroat ka pëlqyer një postim të “Sky Sports” në rrjetet sociale, që lajmëronte rikthimin e Ikardit në stërvitje.

Tashmë gjithçka është qetësuar dhe Ikardit i duhet të gjejë sa më shpejt formën fizike dhe të rikthehet të bëjë atë që di të bëjë më mirë, shënimin e golave aq shumë të rëndësishme në këtë pikë të sezonit për të ardhmen e Interit.

VIDEO | Lajme të mira për Klop, rikthehet ylli i skuadrës

Sport Ekspres — Wed, 13 Feb 2019 17:52:22 +0000

Sezoni futbollistik është futur në fazën më të ngarkuar dhe ndeshjet janë çdo tri ditë për skuadrat elitare të Europës. Edhe Liga e Kampionëve është futur në fazën më të rëndësishme, ajo me eliminim direkt dhe të gjithë trajnerët do të donin një kontingjent të plotë për këto sfida.

Lajme të mira ka marrë këtë javë tekniku gjerman i Liverpulit, Jurgen Klop, pasi ylli i skuadrës, Aleks Çambërlejn është rikthyer nga dëmtimi afatgjatë, që e mbajti jashtë fushave për plot 2 vite.

Mesfushori u dëmtua në gjysmëfinalen e Ligës së Kampionëve sezonin e shkuar dhe pritej të rikthehej në fillim të këtij sezoni. Por pas operacionit të parë në gju, u konfirmua se mesfushori anglez do të mungojë edhe për një vit tjetër.

Megjithatë, 26-vjeçari është rikuperuar më shpejt seç mendohet dhe pritet të jetë i gatshëm për teknikun Klop brenda këtij muaji.