Mançestër Junajtid po tenton një riformatin të organikës dhe 22-vjeçarin e sheh si një prej objektivave. Sipas “Goal”, ata janë gati të bëjnë një ofertë të madhe për të. Megjithatë, është vetë lojtari, që frenon klubin nga “Old Trafford”. Ai shprehet se ndihet i lumtur në “Merseyside” dhe nuk e mendon një transferim.

“Ndihem mjaft mirë kur marr lavdërime për punën time. Por për momentin nuk e mendoj transferimin në një vend tjetër. Kam ardhur me dëshirë te Everton dhe jam shumë i lumtur”, deklaroi ylli i kombëtares Seleçao.

Sipas raportimeve të “Mirror”, ka garë treshe për shërbimet e 22-vjeçarit. Mançester Junajtid, PSG dhe Atletiko Madrid janë të interesuara për brazilianin e talentuar, ndërsa Evertoni ka bërë të qartë çmimin e kartonit të lojtarit.

Kush dëshiron Riçarlison duhet të paguajë të paktën 70 milionë sterlina. Ankandi është hapur…

Nuk është kështu për Riçarlison, brazilianin e Evertonit, i cili e pranon me çiltërsi se idhulli i tij ka qenë dhe mbetet Nejmar, aq sa pas miqësores së fituar 5-0 ndaj El Salvadorit, Riçarlison i dha fanellën yllit të PSG-së për t’i marrë një autograf.

“Shkruajti ‘Të bekoftë zoti, djalosh i artë’. E kam ruajtur fanellën e Nejmarit në atë ndeshje, ashtu si dhe timen. Do t’i mbaj në kornizë, në një dhomë në shtëpinë time, që njerëzit t’i shohin kur të vijnë për vizitë”, tregon Riçarlison, i cili është rritur duke e adhuruar Nejmarin deri në atë pikë sa i kopjonte edhe modelet e flokëve.

Nga qyteti jugor Nova Venecia në Brazil, tek transferimi milioner tek Evertoni dhe tashmë në kombëtare me lojtarin që nga afër e kishte parë vetëm në ëndërr, çfarë mund të dëshirojë më shumë nga jeta Riçarlison? Ah, po, 2 gola në debutimin e tij me kombëtaren, një prej tyre me pasim final nga Nejmar.

“Nejmar ka qenë idhulli im që fëmijë, e kam ndjekur gjithnjë dhe jam munduar ta imitoj në çdo aspekt, nga loja deri te flokët. Doja të imitoja edhe flokët e tij të ngritura lart si indian, por ishte e pamundur, nuk kisha përbërësit e nevojshëm dhe flokët nuk më qëndronin lart. Kur e tregova këtë gjë gjatë grumbullimit me kombëtaren, gjithë skuadra u shkri së qeshuri. Gjithnjë kam parë golat e tij, Ronaldos dhe Adrianos, për t’i imituar sa të mundem në fushë”, tregon 21-vjeçari i Evertonit, i cili 15 muaj më parë ishte një djalosh i panjohur te Fluminense, para se të niste fluturimin, duke kaluar tek Uotford, Everton e më pas kombëtare, si një përgjigje për gjithë ata që i thoshin se nuk kishte shanse në futboll, përfshirë nëna e tij Vera Lucia.

“Kur luajta kundër El Salvadorit, mendova për problemet që kam pasur duke u rritur. Njerëzit më thoshin që nuk do ia dilja mbanë, por ja ku jam, kam besuar gjithmonë në potencialin tim, edhe pse mamaja ime më thoshte të gjeja punë të vërtetë dhe kemi debatuar shpesh. Babai im ka besuar tek unë verbërisht, tani mendoj se është njeriu më krenar në botë”.

Riçarlison e nisi shkëlqyeshëm Premier Ligën këtë sezon, por një karton i kuq në Bornemuth, ku goditi me kokë një kundërshtar, i ka kushtuar disa ndeshje pezullim: “Çfarë ndodhi ishte vendimi im, dola me karton të kuq për një veprim timin. Ishte një ngjarje e çuditshme, sepse unë nuk jam lojtar agresiv. Jam dëshpëruar shumë pas atij kartoni, por kam nxjerrë mësime dhe nuk do të ndodhë më”.

Një tjetër tifoz ra sipër tij gjatë festimeve të golit të avantazhit të Evertonit dhe Harrison kaloi momente të frikshme. Ambulanca e dërgoi në spital, aty ku tifozi kishte nevoje për oksigjen për të marrë veten. Nga spitali doli me krahun në allçi dhe pastaj… ftesa e klubit për të takuar “shkaktarin” e këtij dëmtimi.

Mbasi mori vesh lajmin nga rrjetet sociale, Evertoni ftoi tifozin e dëmtuar në qendrën stërvitore të klubit. Riçarlison u shokua, kur pa foton, në të cilën tregohej dëmtimi i frikshëm i tifozit. Braziliani i dhuroi një bluzë më firmën e tij dhe nuk mungoi as foto mes të dyve, me Harrison, i cili e “harroi” dhimbjen për disa momente.

https://www.youtube.com/watch?v=p_yDLo5Dzd0

Braziliani ka lindur në Espirito Santo, një zonë e varfër dhe me kriminalitet të madh. Ai ka kaluar një fëmijëri të vështirë dhe futbolli i ka shpëtuar jetën. Moshatarët e tij shisnin dhe konsumonin drogë, ndërsa ai shiste akullore më nënën e tij. Shumë shokë i kanë përfunduar në burg, e shumë të tjerë kanë vdekur.

“Shumë prej miqve të mi ndodhen në burg, ndërsa disa të tjerë kanë vdekur. Unë mund të përfundoja si ata, por futbolli më shpëtoi jetën. Në moshën 7-vjeçare babai më bleu 10 topa dhe nisa të luaja futboll. Më kujtohet që ecja rrugëve dhe ata më thërrisnin vagabond dhe bandit. Falë zotit nuk u bëra një djalë i keq si ata. Tashmë ndodhem në Premier Ligë dhe ndihmoj familjen time. Kjo është ajo që ka rëndësi dhe ndihem mirë që nuk i dëgjova miqtë, të cilët mendonin vetëm për gjëra të këqija.

Ata shisnin drogë dhe kjo punë u jepte para të shpejta dhe të shumta, por e dija që ishte diçka e gabuar dhe unë shisja akullore dhe çokollata me nënën time.

Miqtë më ngacmonin dukë më thënë: ‘Mos u bë si një vajzë e vogël, por hajde dhe tymos me ne, hajde shit më ne dhe bëhu me para’. Por unë iu përkushtova futbollit dhe ja ku jam sot”, mbyll tregimin e tij, Riçarlison, sulmuesi më i ri i Evertonit.

Këta të fundit kanë afruar një futbollist me të ardhme, por edhe me këmbë në tokë. Nga lagjet e varfra të Brazilit në Premier Ligë. Djaloshi ka punuar, sakrifikuar, vuajtur dhe ka mentalitetin e duhur për t’u rritur akoma dhe më shumë. Ky është 21-vjeçari i sulmit të Evertonit.