Trajneri Leonardo Zhardim njihet si ata trajnerë që vlerëson shumë eksperiencën dhe Riberi do ishte lojtari perfekt për të udhëzuar të rinjtë e shumtë që ka nën kontratë klubi nga Principata, por në fund francezi ka refuzuar ofertën e bërë.

Interes për Riberi ka dhe nga kampionati amerikan dhe ai australian, por francezi tregoi gjatë sezonit të kaluar se zotëron ende cilësitë për të bërë diferencën në një kampionat elitar.

Filipe Luis nuk do të jetë më pjesë e Atletiko Madrid. Pasi negociatat me Barcelonën u mbyllën pa sukses, mbrojtësi brazilian po mendon për një rikthim në vendlindje ku klubi më i pasur në Brazil , Flamengo, i ka bërë një ofertë tunduese.

Fernando Jorente është lojtar i lirë në treg. Totenhem nuk preferoi të rinovonte me sulmuesin bask dhe tani 34-vjeçari po pret ofertat për të firmosur atë që mund të jetë ekipi i fundit në karrierë. Ndoshta fundi perfekt do ishte te ish-klubi i Atletik Bilbaos.

Frenk Riberi në ndryshim nga kolegu i tij Arjen Roben nuk ka ndërmend të japë dorëheqjen nga futbollit. Francezi është në bisedime me një ekip australian, por marrëveshja midis palëve duket larg.

Tomas Vermaelen i ka dhënë fund qëndrimit 5-vjeçar te Barcelona. Mbrojtësi belg nuk është më lojtari i dikurshëm, por mbetet një opsion interesant për ato klube që duan të kenë në stol një futbollit që jep garanci në raste emergjencash.

Kampionatet kinez ose ai amerikan po e tundojnë “ish”-in e Bajernit, por dëshira e Riberi është që të vazhdojë të kontribuojë në një ekip të madh.

“Dëshira ime është që të luaj edhe dy sezone të tjera. Ku do që të shkoj do paguhem mirë, por ky është një vendim shumë i rëndësishëm që nuk më takon vetëm mua, duhet ta marr bashkërisht me familjen time. Goli i fundit që shënova për Bajernin sikur më ndezi diçka. Pse jo të mos provoj një sfidë tjetër në karrierën time”.

“Kam akoma uri. Mendoj se kam diçka për të dhënë dhe për sa kohë të ndihem kështu do shikoj mundësi për të luajtur në klube të mëdha pasi mundem. Kam eksperiencën e duhur për të bërë diferencën”.

Arjen Roben dhe Frenk Riberi…. Dy legjenda te skuadra e Bajernit, pa pikë dyshimi. Dy sulmues që kanë mbajtur për dore kampionët e Gjermanisë për vite të tëra, duke treguar klas, cilësi, dëshirë dhe duke qenë shembuj për shumë breza që kanë kaluar te bavarezët. Të dy futbollistët luajtën ndeshjen e fundit për Bajernin përballë Ajntrahtit të Frankfurtit dhe lamtumira e tyre ishte fantastike.

Të futur në fushë nga stoli në pjesën e dytë, Riberi dhe Roben gjetën rrugën e rrjetës, për herë të fundit me Bajernin. Emocionet ishin të papërshkrueshme për të dy sulmuesit, që një skenar të tillë duhet ta kanë ëndërruar mbrëmjen e shkuar. Ishte francezi ai që shënoi fillimisht, në minutën e 72’. Klas, dëshirë, potencë! Në fund, një parabolë fantastike. Festa? E çmendur, heqje fanellë dhe emocione të mëdha.

Më pas, erdhi radha e Roben. Në minutën e 78’, holandezi është në vendin e në kohën e duhur për të shënuar, pas një pasimi perfekt të Alaba. Çfarë feste e tij, duke rrëshkitur me gjunjë për herë të fundit në tapetin e “Allianz Arena”. Një ndeshje e shkëlqyer për dy futbollistët veteranë, që largohen kështu në mënyrën më të mirë të mundshme nga skuadra gjermane.

Edhe pse ka mbi supe 36 vite, kërkesat për lojtarin mbeten të shumta. Sipas “Kicker”, agjenti i Riberisë, Alen Miljaço po negocion me një klub australian dhe një klub nga Katari.

Për momentin oferta nga Lindja e Mesme është më joshësja përsa i përket aspektit financiar. Ekipi i interesuar për francezin është Al Sad, klub ky më i pasuri në shtetin që do të organizojë Botërorin e ardhshëm.

Një tjetër fakt interesant mbi këtë ekip është se në të ndodhen dy mesfushorë të mëdhenj që Riberi i njeh mirë. Bëhet fjalë për legjendën e Barcelonës Ksavi Hernandez, i cili ka dhe një vit kontratë me kryesuesit e kampionatit të Katarit. Futbollisti i dytë, është ish-kapiteni i Atletikos, Gabi.

E ardhmja e Riberisë duket se do të jetë kampionati australian, ku klube të ndryshme po kërkojnë shërbimet e sulmuesit të krahut, duke i ofruar atij shifra marramendëse.

Ndërkohë, te Bajerni u duhet të gjejnë një zëvendësues për francezin. Së fundimi të gjithë zërat të çojnë te skuadra e Lilës, ku talenti Nikolas Pele është kthyer në një shënjestër për shumë klube elitare.

Presidenti i Lilës, Gerard Lopez, tha pak ditë më parë se ai nuk ka ndërmend ta lëshojë 23-vjeçarin pa 50 milionë euro. Megjithatë, në Mynih janë të bindur se drejtuesi i skuadrës franceze mund të bindet dhe me një ofertë më të vogël.

Ky reagim vjen pasi futbollisti i Bajernit vizitoi një lokal luksoz në Dubai, ku porositi një biftek me kosto 1200 dollarë, ky veprim shkaktoi një stuhi kritikash nga nëpër rrjete sociale, diçka kjo që siç duket e ka mërzitur shumë Riberinë.

https://twitter.com/FranckRibery/status/1080754426292457473

“Për ta filluar 2019-ën. Po ia nis me xhelozët dhe inatçinjtë, që ndoshta kanë lindur për shkak të ndonjë prezervativi të grisur. Ju Q***** nënat, gjyshet dhe madje të gjithë pemën familjare. Nuk ju kam borxh asnjë gjë, suksesin që kam arritur ia kam borxh vetëm Zotit, vetes sime dhe shokëve të afërm e familjes, që kanë besuar gjithmonë tek unë”, shkroi Riberi.

Pas ndeshjes trajneri Niko Kovaç i bëri komplimente, por kjo nuk ndryshon asgjë në lidhje me planet e klubit. Kontratë të re nuk ka, të paktën për momentin.

Ndërkaq, interesimi për francezin është i madh, të paktën nga klube që nuk u përkasin kampionateve të elitës në Europë.

? Aux Champs-Elysées, aux Champs-Elysées ?

Mehr ? von @FranckRibery & #SGEFCB gibt’s auf https://t.co/ARPJxWe8Iy. ?#FCBayern #MiaSanMia pic.twitter.com/jhZkjUwmPv

— FC Bayern München (@FCBayern) December 23, 2018

E përditshmja turke “Fanatik” raporton se Gallatasaraj po interesohet për mesfushorin dhe në ditët e ardhshme është caktuar edhe një takim, ku Riberisë do t’i ofrohet kontratë 1.5-vjeçare, duke nisur nga janari.

Megjithatë, Riberi kërkon ta çojë deri në fund sezonin e tij të 12-të në Mynih dhe më pas dëshiron të jetojë me familjen në qytetin ku ka fituar gjithçka.

Gjithsesi, Riberi ka luajtur për një vit e gjysmë te Gallatasaraj në vitin 2005, ku fitoi edhe kupën, ndaj njeh ambientin dhe e di sa shumë e adhurojnë tifozët. Përveç kësaj, Turqia nuk është shumë larg, ndryshe nga Kina, ku në fakt ka super oferta. Për momentin Riberi ka konfirmuar se në verë nuk ka ndërmend ta lërë futbollin, kaq mjafton që Gallata të shpresojë…

Pak javë më parë sulmuesi 35-vjeçar tha në një intervistë për mediet gjermane se nuk e konsideronte të pamundur rinovimin e kontratës me kampionët e Gjermanisë pavarësisht moshës se ka shumë vite mbi supe.

Por, drejtuesit e Bajernit nuk ndajnë këtë mendim me lojtarin. Sipas gazetës gjermane “BILD”, pavarësisht ecurisë së lojtarit gjatë këtij sezoni, në fund do të ketë shtrëngim duarsh dhe një ceremoni speciale lamtumire, për një lojtar që në dhjetë vite u kthye në një legjendë për ekipin bavarez.

Pasuesi i Riberisë? – “Jo është e pamundur. Nuk mund të ketë të dytë si Riberi, por ai mbetet një shembull për mua. Dua të jem Kingsli Koman dhe jo pasuesi i Frenk Riberi. Do të ishte një ëndërr e bërë realitet nëse do të bëhem një ditë aq i rëndësishëm për Bajernin sa Riberi dhe Roben. Dua që të plotësoj pritshmëritë që klubi ka për mua.  Ata të dy janë ikona

Titulli? – “Asgjë nuk ka mbaruar. Do të bëjmë gjithçka në pjesën e dytë të sezonit. Nëse mundim Dortmundin në Allianz Arena diferenca shkon në gjashtë pikë. I kemi të gjitha mundësitë për të qenë kampion”.

BOTËRORI I HUMBUR – “Nuk u mërzita. Jam ende i ri dhe luaj në një klub si Bajerni. Kam që tani fituar tituj të shumtë. Isha i dëmtuar, e tillë është jeta. Duhet të vazhdoj përpara dhe të jem mirënjohës. Mund të fitojmë akoma tituj me Francës, më mbetet të punoj fort  e të shpresoj që unë të jem atje.

“Ndoshta ky është sezoni im i fundit me Bajernin, por ndoshta dhe jo. Për sa kohë jam këtu do mendoj vetëm për të fituar tituj dhe asgjë tjetër”, tha Roben, i cili foli dhe për kolegun e tij Riberi, që ka marrë shumë kritika pas krizës së rezultateve që ka kapur ekipin bavarez.

“Unë dhe Riberi jemi akoma të vlefshëm. Shoh që diskutohet mosha, por për mua ajo s’ka rëndësi. Në futboll ka vetëm mirë ose keq, jo i ri ose i vjetër. Ndihem më në formë se kurrë. Kemi bërë një përgatitje të mirë këtë javë dhe do të japim gjithçka si çdo herë tjetër”, përfundoi Roben

Kreu i departamenti të fitnesit te Bajerni, Dr. Holger Broish foli me superlativa për dy lojtarët duke deklaruar: Arjeni dhe Frenku nuk kanë thuajse as një gram yndyrë në trupin e tyre, stërviten siç duhet dhe janë një model për pjesën tjetër të skuadrës.

Vetë dy lojtarët u shprehën në një prononcim për “SportBild” se për momentin ata nuk po e ndjejnë peshën e viteve. “Ndihem 27-vjeç, megjithëse në prill do të mbush 36”, u shpreh francezi Riberi, ndërsa kolegu i tij holandez tha: Nuk e di për sa do të zgjasë, por ndihem në formë të shkëlqyer edhe pse jam 34-vjeç.

Prej kohësh Roben e Riberi ishin nervozë, pasi rinovimi i tyre po zvarritej më shumë se vitet e shkuar, por Bajerni kishte pezull edhe çështjen e trajnerit dhe tani që ka zgjedhur Niko Kovaç si pasues të Jup Hajnkesit, është vënë në lëvizje edhe për ndërtimin e skuadrës për sezonin e ardhshëm.

Ishte ndeshja e parë pas largimit të bujshëm të Karlo Ançelotit dhe pas shumë zhurme e aludimesh se titullarët e Bajernit e larguar italianin, sot pritej kthesa e fuqishme me trajnerin e përkohshëm Uilli Sanjol. Ajo nuk erdhi, ose më saktë zgjati vetëm 49 minuta, aq sa u desh që “tradhtari” Humels dhe Levandovski të shënonin dy gola, por më pas erdhi përmbysja e madhe.

Duda në minutën e 51-të dhe Kalu në të 56-tën shënuan dy gola të shpejtë, që tronditën Bajernin, dukshëm në vështirësi, edhe pse pati 66% zotërim të topit.

Ndoshta ky Bajern do të shpërthejë më vonë, por Dortmundi është që tani 5 pikë përpara.

Nuk mjaftoi barazimi, por Bajerni ka marrë edhe një lajm mjaft të keq, sepse në minutën e 60-të Frank Riberi pësoi një dëmtim serioz në gju, duke dalë nga fusha i ndihmuar nga mjekët, pasi nuk ecte dot më. Një dëmtim shqetësues, sepse u duk një problem i rëndë.