Çfarë tregoi dhe çfarë po shohim? Java e 16-të edhe me llogari ndryshe!

Sport Ekspres — Mon, 11 Feb 2019 15:42:55 +0000

E 16-ta në Kategorinë e Parë ndoshta mund të quhet edhe java e të papriturave, jo vetëm për rezultatet që u shënuan, por edhe për mënyrën se si disa skuadra arritën deri aty. Dhe kjo “valle” nuk përfshiu skuadra që kërkojnë vetëm kreun e renditjes, por edhe ato që kërkojnë mbijetesën në këtë kategori, çka nënkupton se në fazën e tretë do të kemi “valle” të tjera nga zona e krahina të vendit tonë, si kjo me “melodinë” e javës së 16-të.

Në Grupin A të gjitha rezultatet erdhën natyrshëm në logjikën e lojës, dhe këtu nuk ka asgjë për tu cekur, por në Grupin B duket se llogaritë dhe aleancat kanë nisur të zbulohen, si ajo e së shtunës në Kavajë. Ishte një përmbysje e “çmendur” e Besës ndaj Egnatias, kryesisht në pjesën e dytë, sepse në të parën kavajasit dukeshin si të mpirë në rrugën drejt golit. Por drejtuesit rrogozhinas kanë kritikuar tifozët për debatet në rrjetet sociale, ndërsa humbja pë ta mbetet në vazhdsimësinë e ngjitjes!

Në këtë grup, Tomori ka marrë një fitore në ekstremin e ndeshjes me Apoloninë, dhe këtu është e vështirë të thuash se pati ndonjë aleancë mes tyre, por llogaritë e beratasve dolën për hajër, pa përjashtuar arbitrimin e kontestuar “non stop” gjatë ndeshjes. Po kështu edhe tri pikët e Bylisit në Pogradec, ku liqenorët luajtën si të “dehur” nga aroma e naftës së ballshiotëve. Ndeshjet e tjera në këtë grup ishin për revansh, sepse pozicionet e skuadrave e bënin të domosdoshëm tri pikëshin për skuadrat vendase.

Java e 17-të nis të shtunën më 16 shkurt, dy ditë pasi skuadrat të kenë festuar Shën Valentinin, por jo në fushën e lojës!

AGRON KAJA

KATEGORIA E PARË – Java 16

GRUPI A / REZULTATET
Të shtuën 9 shkurt 2019
Veleçiku-Erzeni 3-1
Burreli-Korabi             1-0
Të dielën 10 shkurt 2019
Vllaznia-Shënkolli       3-0
Besëlidhja-Vora          1-0
Dinamo-Iliria               2-0

GRUPI B / REZULTATET
Të shtuën 9 shkurt 2019
Besa-Egnatia               3-2
Lushnja-Elbasani 3-1
Oriku-Turbina             3-2
Të dielën 10 shkurt 2019
Tomori-Apolonia         3-2
Pogradeci-Bylis 0-3

Kupa test dhe realitet: Bylis, Vllaznia dhe Apolonia nderojnë Kategorinë e Parë

Sport Ekspres — Thu, 24 Jan 2019 14:21:20 +0000

Në ndeshjet e turit të dytë të Kupës së Shqipërisë janë të kualifikuara gjashtë skuadra të Kategorisë së Parë, të cilat përbëjnë 16 skuadrat në tetë çiftet e këtij turi. Në sfidat që u luajtën dje në mesditë, natyrisht që spikat skuadra e Bylisit me fitoren e pastër 2-0 ndaj Laçit, por edhe ajo e Apolonisë 2-1 ndaj Kukësit, dhe e Vllaznisë me Kamzën 2-1. Të dyja skuadrat e Prefekturës së Fierit treguan vlerësim për Kupën e Shqipërisë, po kështu edhe Vllaznia, që veç rezultatit ato paraqitën në fushën e lojës realitetin e tyre përballë skuadrave të elitës.

Tre skuadrat e tjera të këtij turi, Besëlidhja, Egnatia dhe Lushnja, edhe pse luajtën në fushat e tyre nuk mundën që merrnin fitoren, qoftë edhe për moral. Lezhjanët ishin të barabartë në pjesën e parë me Skënderbeun, por nuk mundën të ishin të tillë deri në fund duke humbur 1-2, ndërsa Egnatia përballë Luftëtarit duket e dorëzuar me humbjen 0-3. Vetëm një gol shënuan lushnjarët ndaj Teutës, ndërsa pësuan tre të tjerë, duke shënuar kështu të trija këto skuadra eliminimin nga Kupa që në takimin e parë të turit të dytë.

Ndërsa ky ishte realiteti pas ndeshjeve të para të turit të dytë të Kupës së Shqipërisë, parashikimet për ndeshjet e dyta të këtij turi duken jo shumë pozitive për skuadrat e Kategorisë së Parë. Duke përjashtuar Bylisin që në takimin e parë fitoi 2-0 me Laçin dhe ka mundësi kualifikimi, Vllaznia dhe Apolonia që fituan ngushtë 2-1 me Kamzën e Kukësi, ndoshta do të penalizohen nga pësimi i golit në fushën e tyre.

AGRON KAJA

Rezultatet

Çfarë tregoi dhe çfarë po shohim? Java e 16-të edhe me llogari ndryshe!

Kupa test dhe realitet: Bylis, Vllaznia dhe Apolonia nderojnë Kategorinë e Parë