Te skuadra e re Rexhinaldo gjen ish-kolegun e tij te Kukësi, Donjet Shkodra, i cili iu bashkua ekipit kazak në muajin shkurt. Rexhinaldo lë shqipërinë me një rekord prej 39 golash në 96 aktivizime në Kategorinë Superiore, ndërsa në Kupën e Shqipërisë mozambikasi shënoi 14 gola në tetë takime.

https://www.instagram.com/p/Bzqe07iBMPO/?utm_source=ig_web_copy_link

Pas tij u vunë disa klube dhe në fund sulmuesi pranoi ofertën e Kukësit. Me verilindorët shënoi 13  herë dhe u shpall shënuesi më i mirë sezonin e fundit.  “Kur arrin të bësh ato që kam bërë unë, ka gjithmonë klube të interesuara. Vendosa të largohem nga Shqipëria pasi e fitova atë që desha’, tregon Rexhinaldo.

Tashmë do të luajë në Kazakistan me Shaktar Karagandi, aty ku gjen edhe Donjet Shkodrën me të cilin ka qenë rival në kampionatin tonë. “Kam nënshkruar për një klub të ri. Jam i lumtur, pasi kam nënshkruar kontratën e karrierës dhe të jetës time”, shprehet sulmuesi, i cili do të përfitojë 10 mijë euro në muaj dhe premio të shumta për gola, asiste dhe për objektivat e arritura me klubin e ri.

Rexhinaldo ndërkohë falënderon edhe Kukësin: “Faleminderit klubit tim në Shqipëri për besimin. Kukësi donte të vazhdoja, por futbolli është një karrierë. Preferova t’i jap fund karrierës në Shqipëri dhe i falënderoj të gjithë ata që më mbështetën”.

“Sigurisht që ndikojnë shumë largimet e lojtarëve si Uilliam Kordeiro dhe Rexhinaldo. Ishin dy lojtarë që bënin diferencën. Nuk e kuptoj se si i lanë të iknin. Gjithsesi këtë gjëra i takojnë drejtuesve. Është e pakuptimtë që ata u larguan për gjëra të vogla”.

“Ka ardhur Markovanbasten Çema. Është një futbollist që sapo kishte filluar hapat e parë të karrierës te Dinamo. Ka një gjatësi 2 metra dhe ka një stil të bukur loje. Në bisedimet që bënim për të, përmendej fakti që na kujtonte stilin e Pero Pejiç.

Kanë marrë Kitanovskin, i cili luan mbrojtës të djathtë. Bruno Lujaj është një lojtar i laftë të luajë si mbrojtës i djathtë, mbrojtës qendre dhe para mbrojtjes. Mendoj se merkato në tërësi është cilësore. U bë mirë që nuk u ndërhy në mënyrë masive. Unë mendoj se Çema do të jetë një futbollist cilësor. Kishte vite që Kukësi e kishte në plane dhe më në fund drejtori Nexhipi e mori”.

Gjithashtu, 28-vjeçari ka rrëfyer ditët shqiptare, ambientimin e tij në Shqipëri, kalimin nga Portugalia në Superiore dhe preku disa tema të tjera. Në një intervistë për “A Bola”, Rexhinaldo tha:

“Në jetë, disa herë duhet të bësh një hap prapa që të ecësh përpara në të ardhmen. Kështu ndodhi dhe me mua kur lashë Portugalinë për t’u transferuar në Shqipëri.

E kisha shumë të vështirë ambientimin, më duhej të mësoja gjuhën shqipe, pasi në Shqipëri, askush nuk fliste gjuhën portugeze dhe shumë pak flisnin anglisht. Pata shumë vështirësi, por ia dola t’i lë pas dhe të bëhem golashënuesi më i mirë në kampionat sezonin e shkuar”, u shpreh Rexhinaldo.

Ish-sulmuesi i Kukësit kishte vënë në lëvizje agjentin e tij për t’i gjetur një skuadër të re dhe mësohet se Rexhinaldo ka qenë shumë pranë firmës me skuadrën e njohur greke, Panathinaikos. Megjithatë, zhvillimet e fundit kanë bërë që kjo marrëveshje të prishet.

Siç raporton portali grek i Panathinaikos, “newspao.gr”, drejtori i klubit jeshil, Dabizas, pas konsultimit me trajnerin e ekipit, ka vendosur ta bllokojë këtë transferim, me arsyen se Rexhinaldo nuk është provuar në nivelet më të larta. 29-vjeçari mozambikas është ende pa skuadër.

QËNDRIMI I KLUBIT – “F.K. Kukësi njofton përfundimin e bashkëpunimit me Reginaldo Artur Faite. Sulmuesi, i ardhur te skuadra jonë gjatë merkatos së verës, arriti të shënonte 20 gola në 43 ndeshje, nga të cilat 13 gola në Kategorinë Superiore, 5 gola në Kupën e Shqipërisë si dhe dy gola në Turin e parë të Uefa Champions League.

Mozambikasi me skuadrën tonë arriti të fitonte Kupën e Shqipërisë si dhe “Këpucën e artë’ me 13 golat e tij në Superligë. Klubi falënderon Reginaldo Artur Fait për kontributin e dhënë në skuadrën tonë dhe i urojmë suksese në karrierë!”, shkruhet në njoftimin e Kukësit.

“Sezoni ka përfunduar! Çfarë mund të them? Ishte periudha ime më e mirë, kam shënuar 21 gola, po aq sa sezonin e shkuar në të gjithë kompeticionet, në Europë, me kombëtaren dhe në ndeshjet kampionatit.

Përveçse jam shpallur shënuesi më i mirë në kampionat, gjithashtu jam shënuesi më i mirë edhe në Kupë, që e fituam dhe rikthehem në shtëpi shumë i lumtur që e kreva detyrën. Vetëm unë e di sa kam luftuar për t’i realizuar të gjitha këto. Sezoni do të kishte qenë perfekt nëse do të fitonim titullin kampion dhe nëse me Mozambikun do të kualifikoheshim në Kupën e Kombeve”, shkruan Rexhinaldo në llogarinë e tij në “Facebook”.

Sulmuesi, në lidhje me të ardhmen shkruan: “Kontrata ime me Kukësin ka përfunduar. Jam i hapur ndaj ofertave për të ardhmen dhe do të vendos së bashku me familjen time me shumë qetësi. Sigurisht kam shumë propozime, por e ardhmja i përket vetëm Zotit”.

Falënderimet e Rexhinaldos janë të shumta dhe jo vetëm për tifozët. Klubi i Kukësit merr pjesën më të madhe të tyre, duke nisur me presidentin Safet Gjici, për të vijuar me trajnerin Ernest Gjoka dhe stafin e tij, Fatjonin, Ermalin dhe Rraman Hallaçin. Sigurisht nuk harron shokët e skuadrës dhe drejtorin Nexhipi.

Sot, sulmuesi 29–vjeçar ka pasur një mesazh për shokët e tij të skuadrës, të cilët i përshëndet dhe në këtë mënyrë e mbyll me Kukësin. Një kthesë e papritur, pasi palët kishin gjetur akordin për nënshkrimin e kontratës së re dhe pritej vetëm të zyrtarizohej zgjatja e bashkëpunimit.

SHKAKU I LARGIMIT – Rexhinaldo largohet i zhgënjyer nga Kukësi, pasi kishte pranuar ofertën e bere nga klubi. Gjithsesi në orët e fundit ka ardhur kthesa e papritur. Vetë sulmuesi ua ka shprehur edhe shokëve të tij diçka të tillë.

Klubi i Kukësit, që Rexhinaldo të merrte pagat dhe shpërblimin, i kishte propozuar që fillimisht duhet të nënshkruante kontratën e re. Futbollisti nga Mozambiku nuk ka pranuar dhe kështu vjen edhe ndarja pas një sezoni.

Në kampionatin shqiptar të futbollit, gara për titullin kampion mori fund disa javë para fundit, por ajo për çmimin e golashënuesit më të mirë, vijoi deri në frymën e fundit. Rexhinaldo, Hasani dhe Shkurtaj zbritën në fushë në javën e fundit të kampionatit në kuotën e 11 golave, në baraspeshë totale.

Sulmuesi mozambikas qëndroi në krye, për shkak se kishte shënuar vetëm një gol me penallti, ndërsa Shkurtaj dhe Hasani nga dy. Roxher dhe Shtubina me nga 10 gola, mbanin pozitat 4 dhe 5. Hasani dhe Shkurtaj arritën të gjenin rrjetën edhe në javën e fundit të kampionatit, duke shkuar në kuotën e 12 golave, por Rexhinaldo shënoi një dopietë në sfidën kundër Kastriotit dhe mposhti rivalët e “Këpucës së Artë”, pasi triumfon me 13 gola të shënuar.

Gjithsesi ka edhe shqetësime. Sulmuesi Vasil Shkurtaj nuk ka mundur të stërvitet gjatë këtyre ditëve për shkak të një problemi me shtyllën kurrizore. Vlonjati në takimin me korçarët ka pak shanse të luajë. Edhe Valdet Rama nuk do të jetë nën urdhrat e trajnerit Ernest Gjoka.

Sulmuesi anësor së fundmi ka qenë në Gjermani dhe ka zhvilluar një vizitë tek ortopedi i Shalkes. Gjendja e tij duket e mirë dhe në finalen e Kupës ndaj Tiranës pritet në fushë. Ky është një lajm i mirë për stafin teknik, që tashmë mund  t;i bëjë llogaritë edhe me Shametin. Gjirokastriti mori minuta në ndeshjen me Luftëtarin dhe tanimë mund të luajë edhe nga fillimi.

REXHINALDO – Sulmuesi nga Mozambiku është nën kontratë me Kukësin deri në fund të këtij muaji, por në kampin verilindor janë të vendosur ta mbajnë në skuadër. Sipas asaj që raporton Supersport, bisedimet për nënshkrimin e një marrëveshjeje kanë nisur.

Jo vetëm kaq, por thuhet se ka edhe një akord me menaxherin e sulmuesit. Gjithsesi pa u hedhur e zeza mbi të bardhë asgjë nuk mund të konsiderohet e mbyllur. Rexhinaldo këtë sezon me Kukësin ia ka dalë të shënojë 10 gola në kampionati.

Gjithashtu sulmuesi ka realizuar edhe katër herë në Kupë, në ndeshjet e rëndësishme në fazën çerekfinale dhe gjysmëfinale me Teutën dhe Skënderbeun. Për cilësitë e tij si futbollist nuk ka dyshime, por problem është karakteri i tij. Rexhinaldo është nga ana që nuk i pëlqen shumë t’i flasin, por në fushën e blertë jep gjithnjë maksimumin e tij.

Në bazë të rregullores së FIFA-s, në botën e civilizuar dhe të përparuar kontratat përfundojnë më 30 qershor, atëherë kur edhe sezoni merr fund. Gjithsesi, për të shmangur një pagë për futbollistët, klubet shqiptare kanë gjetur zgjidhjen, me kontratat që përfundojnë në fund të muajit maj.

Një gabim që mund të kushtojë shtrenjtë, si në rastin konkret me Kukësin. Sulmuesi Rexhinaldo, i cili kohët e fundit ka pasur probleme te Kukësi, pak ditë më parë bëri një postim në rrjetet sociale dhe bënte me dije se marrëveshja me verilindorët është e vlefshme deri më 31 maj të vitit 2019.

Në këto kushte, futbollisti i Kukësit nuk mund të aktivizohet në finalen e Kupës së Shqipërisë, gjithmonë në rast se verilindorët do e eliminojnë Skënderbeun. Ndeshja për trofeun zhvillohet më 2 qershor dhe sikurse shihet, kontrata e sulmuesit do ketë përfunduar.

Pa një kontratë të re, ai dhe kushdo lojtar tjetër që ka nënshkruar deri më 31 maj nuk mund të aktivizohet. Sigurisht, jemi në Shqipëri dhe mund të ketë sërish shpikje një-mujore. Mbetet për t’u parë se çfarë zgjidhje do të gjendet. Ndoshta do dalë ndonjë klauzolë në faqen 4 dhe Rexhinaldo të mbetet edhe një vit pjesë e Kukësit.

Edhe një ditë më parë pati probleme, teksa gjatë nxehjes u largua drejt dhomave të zhveshjes. Një debat e ka nervozuar atë, por më pas është qetësuar dhe u aktivizua nga minuta e parë. Sulmuesi ishte protagonist, teksa pati dy mundësi shënimi në shtesat e secilës pjesë.

Ndërkohë, Rexhinaldo si zakonisht pas ndeshjeve ka bërë postimin e radhës në rrjetet sociale. “Një muaj tjetër. Mjaft”, shkruan sulmuesi. Domethënia mbetet për t’u zbuluar, por gjasat janë ta ketë për kontratën dhe mbylljen e bashkëpunimit me Kukësin, pikërisht në fund të muajit të ardhshëm.

Sipas asaj që u raportua, Rexhinaldo ka pasur diçka me një nga lojtarët e skuadrës së tij dhe i është drejtuar dhomave të zhveshjes. Pas një bisede të shkurtër me drejtuesit ai ka zbritur në fushë dhe do të jetë titullar.

Një javë më parë, në mbyllje të pjesës së parë në ndeshjen me Tiranën, ishte braziliani Uillian Kordeiro ai që pati një zënkë të vogël me mesfushorin Eduart Rroca.

Duke qenë fundi i sezonit, janë të shumta lajmet që qarkullojnë rreth të ardhmes së futbollistit nga Mozambiku. Që tani ka zëra se me përfundimin e kampionatit ai do të largohet nga Kukësi.

Vetë Rexhinaldo, përmes një postimi në rrjetet sociale, kërkon që të mos spekulohet për të ardhmen e tij. Sulmuesi thekson, madje në gjuhën shqipe, se deri në ditën e fundit që është nën kontratë do të kapë shpirtin në fushë. Kjo gjë i ka pëlqyer edhe trajnerit Ernest Gjoka, çka shihet edhe në postimin e Rexhinaldos.

Sulmuesi nga Mozambiku ishte ai që mbeti nga lista e shënuesve më të mirë të sezonit të shkuar. Ali Soue (21 gola) dhe Sindrit Guri (20 gola) u larguan jashtë vendit, kurse autori i 18 golave me Laçin pranoi ofertën e Kukësit. Futbollisti afrikan ka shënuar vetëm 10 gola deri më tani, një prej tyre me penallti. Nëse shikohen minutat që ka qenë në fushë, nga përllogaritjet del që Rexhinaldo ka shënuar një gol çdo 222 minuta. Shifrat e renditin atë të fundit në rajon.

KRAHASIMI – Lehtësisht mund të evidentosh lojtarët që kanë realizuar më shumë gola në të gjitha kampionatet përreth nesh. Edhe diferencat mes ligave nuk janë të mëdha. Rekordi mbahet nga Nermin Haskiç, sulmuesi i Radniçk Nishit, që renditet i dyti në Superligën serbe. Plot 28 gola të realizuar, me një mesatare shumë të mirë: realizon çdo 84 minuta. Zhvendosemi në Sllovaki, aty ku Andrazh Shporar shënon çdo 101 minuta. Nemanja Bilbija është ai që plotëson “podiumin”. Sulmuesi i Zrinjski ka realizuar 14 herë, nga një gol për çdo 102 minuta.

Në Superiore mund të ngushëllohemi me faktin që edhe në Kroaci shënuesi më i mirë ka realizuar 14 herë, apo ai në Mal të Zi 12 herë. Nikola Krstoviç i Zetës gjen rrugën e rrjetës çdo 189 minuta, kurse Mirko Mariç i Osijek çdo 179 minuta. Vlato Stojanovski (Renova) dhe  Rudi Pozheg (Çelje) kanë shënuar gjithashtu nga 14 gola në Maqedoninë e Veriut dhe Slloveni, ndërkohë që më mirë se ata ka bëër Kastrioti Rexha.

Futbollisiti i Feronikelit ka gjetur rrugën e rrjetës 15 herë dhe shifrat tregojnë që shënon çdo 133 minuta. Ish-sulmuesi i Vllaznisë në Superiore është nga të paktët që nuk ka realizuar nga penalltitë. Normalisht kampionati ku luan nuk është aq i fortë.

FLORIAN ALLA

Përkushtimi i mbështetësit të Kukësit i ka lënë mbresa te sulmuesi Rexhinaldo, i cili ka menduar ta shpërblejë tifozin me një dhuratë të veçantë. Me anë të një postimi në llogarinë e tij në “Instagram”, futbollisti kërkon të marrë vëmendjen e tifozit në fjalë për ta takuar e për t’i dhënë fanellën e ti.

https://www.instagram.com/p/BwFurk-JuVE/?utm_source=ig_web_copy_link

Mbishkrimi që shoqëronte foton e postuar nga Rexhinaldo: Falënderoj këtë fans të madh të Kukësit. Megjithëse me aq të ftohtë, ai ndihej ngrohtë. Më duhet të takoj ty , dua që të të ofroj fanellën time. Faleminderit.

“E di që është një moment shumë i vështirë për të gjithë mozambikasit dhe për të gjithë ata që vijnë të na ndihmojnë gjithmonë. Po shkruaj këtu që t’u them se sa të mërzitur jemi ne. Ne lojtarët, stafi teknik, masazhatorët, stafi mjekësor dhe drejtuesit e kombëtares së futbollit të Mozambikut. Donim aq shumë ta fitonim ndeshjen dhe të kualifikoheshim për të shumëdëshiruarën, Kupën e Kombeve të Afrikës.

Donim shumë t’u jepnim pak qetësi vëllezërve tanë që po vuajnë për shkak të fatkeqësive natyrore që shkatërruan vendin, donim t’ua jepnin kualifikimin popullit mozambikas dhe mbi të gjitha qytetit të Beirës. Sot jemi të trishtuar, i gjithë populli dhe kombi është i trishtuar. Dhamë gjithçka, dhamë jetën tonë për të fituar. Ne pranojmë çdo lloj kritikash.

E provuam, dhamë gjithçka, ashtu si dhe stafi i trajnerëve, por i tillë është futbolli dhe futbolli është mizor. Nuk e donim këtë përfundim dhe nuk e di kur trishtim im/ynë do të marrë fund. Jam i zhgënjyer, donim të ishim pjesë e Kupës së Kombeve, kemi cilësitë e duhura për të, por kështu ishte e shkruar. Dua që në emrin tim dhe në emër të të gjithë grupit, të kërkoj falje për mosarritjen e kualifikimit.

E di që është shumë e komplikuar, por mos na braktisni, mund të na kritikoni. Të gjithë po vuajmë. Të gjithë po qajmë. Sot jemi të fortë, nuk humbëm ndeshjen, por humbëm mundësinë për t’u kualifikuar dhe i treguam botës së Mozambiku ka futboll, ka punë dhe përgjegjësi, por na duhet të ecim përpara. Ne kemi mësuar nga gabimet që bëmë, të gjithë humbëm, por do të rikthehemi më të fortë. Ju kërkojmë edhe njëherë ndjesë”, shkruan Rexhinaldo.

Si zakonisht pas ndeshjeve, Rexhinaldo bëri një postim në llogaritë e tij në rrjetet sociale. Flet për dëmtimin, sakrificën e berë dhe zbulon se shumë i kanë kërkuar të mos rrezikojë. Gjithsesi ai edhe njëherë ka treguar se është nga ata që nuk dorëzohen lehtë.

“Kur ke forcë, vullnet për të fituar dhe vullnet të qartë për të ndihmuar ekipin, asgjë nuk mund të të ndalë. Shumë kishin frikë, disa me këshillonin të mos luaja, i falënderoj pa masë për shqetësimin, por kjo ishte brenda meje, as unë nuk e di si vazhdova të luaj. Megjithatë, kryesorja është që gjithçka shkoi mirë. Ndihmova ekipin të marrë tre pikë të çmuara dhe dhashë edhe një asist për golin. Tani duhet të riaftësohem dhe fundjavën e ardhshme do të jem më mirë. Faleminderit të gjithëve për mesazhet mbështetëse dhe i përqafoj të gjithë”, shkruan Rexhinaldo.

NDESHJA “Mendoj që në përgjithësi djemtë bënë një lojë të mirë, ishim në ekuilibër në pjesën e parë dhe cinikë. Si rezultat i kësaj, kaluam në avantazh dhe e mbyllëm pjesën e parë në avantazh. E dinim që do të kishim presion nga kundërshtari në pjesën e parë”.

“Arritëm të dilnim para portë me Rrocën për të siguruar fitoren, por nuk arritëm ta bënim diçka të tillë. Toleruam në mesin e fushë, duke bërë disa faulla në mesfushë shumë të rrezikshme. ekipi i teutës ka shtatlartë më shumë se ne. Lojtarët e qendrës së fushës sakrifikuan: Dzaria me temperaturë dhe Limaj me problem në kavilje”.

KAMPIONATI – “Futbolli i tillë është, por Kukësi ka forca dhe ka fuqi për të vazhduar përpara dhe të bëjë kampionatin e vet. Kampionati nuk ka mbaruar, janë dhe 14 javë. Çdo gjë mund të ndodhi në futboll. Kukësi i ka mundësitë për të luajtur futboll dhe për të marrë pikët e saj. Në fund bëhet bilanci. Për mendimin tim. Kukësi po bën një sezon shumë të mirë deri më tani dhe kaq mund të them”.

RREZIKSHMËRIA – “Sapo e thashë që shkaqet e mesfushorëve që nuk ishin në gjendjne e tyre më të mirë. Nuk kishim alternativa për të bërë lojën më të mirë. Isha i gathsëm për të rrezikuar në 20 minutat e fundit. Pësuam golin e barazimi dhe nuk kisha çfarë të humbja më. Kërkuam të gjenin sërish golin, por i druhesha mesfushës së Teutës. Me situatat dhe mundësitë që kishim, nuk ishim me fat.

PETKU I KAMPIONIT – “Kukësi ka potenciale. Kukësi ka treguar që di të luajë futboll dhe ka bërë një kampionat të shkëlqyeshëm në dy fazat e para. Nuk e kemi filluar mirë këtë gjysmë të dytë, për shkak të ardhjeve të reja. Ekipi ishte i kujdesshëm në fazën mbrojtëse. E theksova dhe më përpara që i druhesha mesfushës së Durrësit, pasi fizikisht janë shumë të fortë, si në tokë, ashtu dhe në ajër. Ne kemi një lojtar prej tri ditëve me temperaturë, si dhe Limaj që u dëmtua në kavilje. Natyrshëm nuk mund të mendonim për të bërë presing lart dhe menduam ta kapim me kundërsulm. Kemi dalë të paktë 3-4 herë me kundërsulme të shpejta. Gjuajtëm shtyllë, humbëm dhe penallti dhe nuk e di se çfarë duhet të bëjmë më shumë”.

“Unë nuk e kam thënë asnjëherë që nuk kam cilësi në skuadër. Kjo cilësi ka bërë që të gjitha ndeshjet të luajmë jashtë shtëpie dhe të luajmë më mirë se kundërshtarët dhe të marrim rezultate të shkëlqyeshme. Nuk e kemi nisur mirë për arsyet që thashë më lart”.

SULMI – “Rexhinaldo e hodha në formacion se isha i bindur se ka gjendje të mirë fizike dhe do të na ndihmonte shumë. Po të luaja me dy sulmues, kemi vështirësi, pasi nuk kemi lojtarë për ta nxjerrë topin në sulm. Luajmë me dy sulmues në momentin kur rezultati nuk është në favorin tonë. E nisa vetëm me Rexhinaldon dhe kjo gjë më dha të drejtë.

SKEMA – “Në fakt, ekipi kishte krijuar një fizionomi loje në fazën e dytë, ku për 6-7 javë nuk pësuam asnjë gol. Arritëm të ngushtonim diferencat me kundërshtarët. Me ardhjet e reja, menduam të bënim një zgjidhje tjetër, për t’iu dhënë mundësinë ardhjeve të ingranohen në fushën e lojës. Të them të drejtën, ndeshja e sotme më pëlqeu. Gjithsesi, ne pretendojmë më tepër dhe e kam thënë dhe herë të tjera që të gjithë lojtarët duan kohën e tyre. Nuk duhet t’i vëmë në presion lojtarët e ardhur dhe kush e njeh futbollin sado pak, e kupton sa kohë i duhet një sportisti.”

PENALLTITË – “Nuk kam asnjë lloj pengu. As kur Rexhinaldo ka humbur penalltinë kundër Tiranës, as për Kordeiron. Ai ka qetësinë e duhur dhe aftësi teknike shumë të mira. Humbja e penalltisë mund t’i ndodhi gjithkujt, por fatkeqësisht na ndodhi neve dy herë rresht. Ekipi ka krijuar mundësitë për t’i fituar dy ndeshjet e fundit, por nuk kemi marrë asnjë pikë. Futbolli i tillë është. Mundësi dhe potenciale reale kemi”,- përfundoi Cungu.

Autor i golit ishte Shkurtaj, i cili shkëputet mirë nga mbrojtja e Apolonisë, driblon në hyrje të zonës dhe shënon me të djathtën. Gjatë këtij aksioni, Rexhinaldo kishte mundësinë disa herë të merrte topin dhe të godiste vetë, por krijoi hapësira për shokun e tij të sulmit.

Gjatë gjithë takimit, dyshja e sulmit kombinoi mirë dhe me mbështetjen nga krahët të Çyrbjas, Et’hemit dhe Valdet Ramës në pjesën e dytë, krijuan disa raste të rrezikshme. Megjithatë, pas ndeshjes Cungu tha se nuk e mendon aspak të luajë me dy sulmues si titullarë, por vetëm kur të jetë e domosdoshme.

Gjithsesi ishte një vendim që u tërhoq dhe kjo shumë shpejt. Tanimë Rexhinaldo ka vendosur të flasë dhe tregon atë që ka përjetuar gjatë muajit janar, madje thekson se ka qenë shumë i vështirë për të.

“Janari ishte një muaj shumë i vështirë për mua. Ishte një muaj me shumë pasiguri në lidhje me të ardhmen time futbollistike. Kam pasur disa propozime për t’u transferuar në një klub tjetër. Në fakt, propozimet e bëra me kanë pëlqyer në të gjitha aspektet.

Gjithmonë ia kam komunikuar klubit dhe herë të tjera e kam ditur që ata kanë marrë propozime për mua nga menaxherë të ndryshëm. Propozime të tillë ndoshta nuk i kanë pëlqyer klubit. Kam folur me njerëzit në klub rreth tyre, pasi ishte një mundësi e mirë mua.

Gjithsesi pa sukses, pasi klubi nuk më ka lejuar të iki për shkak të vlerës që ata donin për transferimin, që nuk i ka kënaqur, por edhe për arsyen se ne po luftojmë për titullin kampion. Duhej të respektoja dhe të pranoja vendimin e presidentit, por e pranoj se kurrë nuk kam përjetuar diçka të tillë dhe kjo situatë më ka turbulluar pak.

Gjithsesi unë jam profesionist, që respektoj dhe jam mirënjohës për mundësinë që më është dhënë të përfaqësoj Kukësin. Ajo çka lamë pas është e shkuara, tani vazhdoj të punoj siç kamë bërë gjithmonë. Jam i fokusuar të ndihmoj klubin që të arrijë objektivat . E ardhmja i takon Zotit. Forca Kukësi”, shkruan Rexhinaldo në profilin e tij në “Instagram”.

Sulmuesi është paraqitur në zyrën e presidentit dhe Gjici ka vendosur ta falë. Gjithsesi nuk ka më falje. “Rexhinaldo më erdhi së bashku me familjen dhe realisht më vendosi në pozitë. Vendosa ta fal për këtë herë edhe sepse më erdhi së bashku me familjen”, ka treguar Gjici për A2 CNN.

“Pas bisedës, që zgjati mbi 1 një orë, i komunikova se sjellje të tilla nuk do të tolerohen më. I kërkova edhe familjes ta ndihmojë në këtë pjesë, ndërsa Rexhinaldo më premtoi se nuk do të përsëriten këto situata”, përfundon presidenti i Kukësit.

Rexhinaldo në Superiore për herë të parë ju bashkua Luftëtarit, ekip me të cilin arriti të shënonte tetë gola. Më pas kaloi te Laçi. Me kurbinasit spikati edhe më shumë, duke arritur ta dërgonte topin në rrjetë 18 herë në kampionat.

Kjo bindi Kukësin t’i besonte majën e sulmit. Vetëm shtatë gola të realizuar, tre prej tyre ndaj Tiranës. Në kampin verilindor nuk ishin fort të kënaqur prej tij, ndërkohë që në dhjetor blenë Vasil Shkurtajn. Rexhinaldo nuk e priti mirë diçka të tillë dhe u kthye në një çështje në klubin e tij. Gjithsesi për momentin tashmë ka sërish paqe dhe shpresohet që sulmuesi të qetësohet dhe të japë kontributin e tij në arritjen e objektivave të Kukësit.

Tashmë presidenti Safet Gjici ka marrë masa ndaj futbollistit, teksa ka urdhëruar që të stërvitet me ekipin e dytë. Ky është lajmi më i fundit që raportohet nga Supersport dhe kjo ka ardhur pas kapricove të shumta të lojtarit.

Rexhinaldos nuk i ka pëlqyer aspak fakti që do të ishte në stol me Laçin. Sulmuesi thuhet se ka pësuar një dëmtim në seancën e fundit para ndeshjes, gjë që u tha edhe nga trajneri Armando Cungu pas takimit. Por ka pasur zëra të shumtë që sulmuesi as që u është përgjigjur telefonatave të drejtuesve gjatë ditës së shtunë.

Tashmë vjen edhe dënimi për të, teksa nuk përjashtohet edhe ndonjë gjobë për Rexhinaldon. Ai është ndër më të paguarit në skuadër, pasi merr rreth 7 mijë euro në muaj. Gjithashtu ai përfiton edhe bonuse të tjera prej golave të realizuar.

Shkurtaj u shpreh: “Normale që këtu objektivi është ndryshe, të fitojmë kampionatin dhe të arrijmë Ligën e Kampionëve. Unë stërvitem mirë, dua të ndihmoj ekipin dhe të shënoj gola që të arrijmë të gjitha objektivat. Shokët më kanë ndihmuar që të ambientohem dhe jam shumë i lumtur.

Rexhinaldo? Nuk është diçka që unë shqetësohem. Bëj punën time dhe kur të më kërkojë trajneri, do të përgjigjem! Trajneri e di kur do të luaj dhe do e respektoj. Të them të drejtën nuk e njihja si lojtar, por unë dua të shënoj sa më shumë dhe të shikoj vetëm lojën time”.

Më pas, foli dhe afrimi i ri i verilindorëve, Faton Xhemaili. Në fjalën e tij, mbrojtësi tha: “Kukësi ka dy lojtarë shumë cilësorë, si Cuculi dhe Rrumbullaku, por besoj se me punë të vazhdueshme, do të fitoj një vend në formacionin titullar”.

Kampionat i mirë, madje më i miri për sulmuesin, që në fund arriti të numëronte në llogarinë e tij plot 18 gola. I treti në renditjen e golashënuesve dhe ofertat gjatë verës sërish nuk i munguan. Laçi i dha lejekalimin para mbylljes së kontratës dhe Rexhinaldo tani është pjesë e Kukësit.

Me fanellën e verilidorëve ai ka arritur të shënojë 7 gola në 18 ndeshje. Sulmuesi vetëm në një ndeshje e ka nisur nga stoli, ndërsa të tjerat si titullar. Duke parë statistikat, shihet që Rexhinaldo ka sëhnuar vetëm në pesë ndeshje.

KRAHASIMI – Një sezon më parë te Laçi, Rexhinaldo, shënoi po shtatë gola. Gjithsesi mesatarja ishte më e mirë te bardhezinjtë, pasi atë shifër golash e realizoi vetëm në 12 ndeshje. Te Kukësi ka luajtur edhe gjashtë më shumë. Me kurbinasit sulmuesi realizoi në gjashtë ndeshje, pra mesatarisht realizonte çdo 180 minuta.

Dukshëm kuptohet se Rexhinaldo i bardhezinjve ishte më lart dhe te Kukësi presin që bëjë më mirë në ndeshjet e pjesës së dytë të sezonit. Janë 18 ndeshje në dispozicion të sulmuesit, i cili dëshiron shumë që me Kukësin ta kalojë shifrën e 18 golave, as sa shënoi me fanellën e Laçit.

Gjithsesi, para pak kohësh, klubi reagoi në lidhje me Rexhinaldon sa i takon rolit të sulmuesit në skuadër, duke e konsideruar si pjesë shumë të rëndësishme të projektit.

Aktualisht, Rexhinaldo dhe Shkurtaj janë të grumbulluar së bashku me pjesën tjetër të ekipit në Antalia, aty ku Kukësi po kryen fazën përgatitore.

E pikërisht në Turqi, burime të “sportekspres.com” mësojnë se Rexhinaldo po vëzhgohet nga tri skautë. Nuk dihen ende se nga kush klube ka interesim për sulmuesin, por duket se e ardhmja e tij është në një kampionat të huaj dhe larg Kukësit.

Të tri skautët janë akomoduar pranë klubit dhe e kanë bërë të qartë arsyen e ardhjes së tyre. Sulmuesi nga Mozambiku u studiua në takimin kundër Bashaksehir, si dhe do të vëzhgohet edhe në ndeshjen e Kukësit kundër Rostov, me datë 11 janar.

Në rast të paraqitjeve të mira, për Rexhinaldon mund të ketë disa oferta dhe me ardhjen e Shkurtajt, 28-vjeçari nuk shihet më si i paprekshëm dhe një transferim i tij i mundshëm, do të shtonte jo pak të ardhurat në klubin verilindor.

“Në stol ulem vetëm në shtëpi”, shkruante Rexhinaldo. Një paralajmërim se do të kërkojë të jetë zgjedhja e parë. Sigurisht do të vendosë trajneri Armando Cungu, sikurse edhe është shprehur presidenti Safet Gjici i ftuar në emisionin “Pressing”, që drejtohet nga Gerti Çarçani dhe transmetohet në ABC News.

Numri një i verilindorëve është i qartë për sulmuesi dhe stafin. Nuk ka asnjë justifikim për titullin kampion, ashtu sikurse edhe për Rexhinaldon nuk do të ketë më asnjë tolerim. Madje Gjici tregon se masat kanë nisur të merren që tani.

“Ai është sulmuesi i mirë i kampionatit, ka bërë mirë deri diku. E prisja të bënte edhe më mirë te Kukësi, por aq sa ka bërë ka bërë. Nuk mund të rrimë dot me një sulmues. Një ekip që do të dalë kampion, patjetër që i duhen dy sulmues. Kampionati është i gjatë dhe nuk mund të rrish me një sulmues e të presësh se kur do të bëjë ndonjë gol Rexhinaldo. Ai ka një problem, sa shoh. Një lojtar profesionist duhet ta shohë qetësisht konkurrencën. Një profesionist që nuk e pret qetësisht konkurrencën, do të thotë që ka probleme. Megjithatë them se ata të dy do gërshetohen të dy bashkë. Varet se si trajneri do e bëjë skemën e lojës”.

“Rexhinaldo është sulmues që edhe luan mirë aty ku luan, por edhe kthehet shumë mbrapa. Nuk e di si do luajë trajneri, ai e ka në dorë. E rëndësishme është që këta lojtarët janë kërkuar nga trajneri. Kemi pasur ankesa dhe në fakt me një sulmues nuk dilet kampion, edhe pse profesori ka bërë skema që të ndihmojnë edhe krahët. Por me një sulmues pykë, ne kemi menduar që Shkurtaj e bën mirë atë punë. Kukësi ka pasur gjithmonë një lojtar përpara si Shkurtaj, që na ka dhënë garanci”.

“Rexhinaldo do ulet në pankinë? Nuk e thashë këtë, atë e di vetëm trajneri. Nëse luhet me dy sulmues, nuk ka pse ulet në stol. Ndaj janë në fazë, të provojnë. Nuk dua të rri atje në tribunë dhe të pres kur po vjen goli. Për hir të vërtetës kemi shënuar pak, kjo ka të bëjë edhe për faktin se ka sulmues të dobët në kampionatin tonë. Ne kemi prodhuar lojë, por nuk kemi shënuar. Me Partizanin në Elbasan kishin 6-7 raste dhe nuk shënuam. Edhe kjo ndikon. Nëse prodhon lojë dhe nuk ke sulmues të bëjë golin, normal do vuash”.

“Rexhinaldo jo i qetë, i druheni ndonjë kontradikte? Nuk i frikësohem. Rexhinaldo e ka kuptuar mirë se ka rregullore klubi, ka disiplinë dhe nuk tolerohet më. Nëse është toleruar deri tani, nuk do të ndodhë më. Ka kontratë dhe do e zbatojë kontratën. Nuk do ta tolerojmë. Që tani ka nisur mostoleranca. Nëse Rexhinaldo ka frikë nga konkurrenca, atëherë nuk është profesionist. Pra ai duhet t’i bindet urdhrave të trajnerit, rregullores së klubit. Është nën kontratë dhe do e zbatojë deri kur t’i përfundojë. Nuk ka arsye pse Rexhinaldo, që ende pa parë skemat, të mërzitet”.

“I kam thënë Cungut, po të isha unë do të luaja me dy sulmues. Problemi është se nuk vendos unë, por trajneri. I kam than t’i shohë në miqësore në Turqi. Ai vendos se cila është skema më funksionale. Nuk mund të them, se për shkak se Rexhinaldo do vendosë kushte që o do luaj unë, o plasa, do luhet me dy sulmues. I kam thënë Rexhinaldos, do marr katër sulmues. Nëse do paraqitesh mirë, do luash. Trajneri e shikon, nëse luan me një sulmues gjithmonë. Edhe Rroca. E kemi marrë për lojtar të mirë, por nëse nuk paraqitet mirë, atëherë do luajë tjetri. Po të marrim 22 lojtarë të të njëjtit nivel, çfarë do ndodhë?! Po rrinë rezerva lojtarë të Barcelonës, lojtarë të ekipeve të mëdha dhe nuk rrika Rexhinaldo”.

“Rroca nuk luan në vendin e Shkodrës, luan më para. Shkodra ishte mesfushor qendre. Ai nuk ishte në planet tona, kështu biseduam dhe e falënderojmë për kontributin. Rroca e bën edhe mesfushorin e qendrës, por edhe përpara. Gjithmonë varet nga skema e trajnerit. Na kërkuan këto lojtarë, ia dhamë. Nuk ka justifikime për titullin, fare. Kjo është e prerë. Nuk ka justifikime stafi teknik për titullin. Të gjithë lojtarët i kanë. Madje asnjë ekip në Shqipëri nuk i ka lojtarët njëlloj. Fusha përcakton kush është më i mirë. Ne kemi bërë një investim gjigant, deri tani asnjë ekip në Shqipëri nuk ka blerë dy lojtarë si ne. I kemi marrë jo pa qëllim, pasi mund të merrnim edhe të huaj. Morëm këta që e njohin kampionatin dhe i njohim edhe ne. Kjo do të thotë se trajneri e ka topin”.

“A ka presion Cungu? Nuk është trajner i ri ai. Vitin e parë që shkoi deri në tur të katërt thoshin të gjithë që e ka vënë në presion presidenti. Është kalitur, ka qenë te Vllaznia dhe Laçi. Është trajner me eksperiencë. Vetëm se nuk mund të përcaktojë një lojtar se çfarë blerjesh bën klubi. Të gjithë kanë një kontratë. Trajneri nuk ka pse të jetë në presion. Ku ta gjesh ti një president që të bën dy blerje që i ka zili gjithë Superiorja. Pse Laçi nuk i do? Po t’i kishte këto dy lojtarë do thoshte do dalim ne kampion, 100%. Ja ku e kemi trajnerin (i referohet Besnik Prengës, teknikut të Laçit, që ndodhej në studio), pyeteni”.

28-vjeçari ka postuar një foto ku është i ulur në stol në shtëpinë e tij, me nënshkrimin: “Unë ulem në stol vetëm në shtëpi”, duke lënë të kuptohet se do të jetë ai titullar në majë të sulmit.

Rivaliteti mes Shkurtajt dhe Rexhinaldos ka nisur ende pa filluar gjysma e dytë e sezonit dhe duket se do të jetë një detyrë shumë e vështirë për teknikun cungu që të vendosë për formacionin startues.

“Ky vit po shkon drejt fundit. Kështu, dua të falenderoj në radhë të parë Zotin dhe më pas të gjithëve, në veçanti tifozët për mbështetjen e tyre. Ishte një vit fantastik për mua. Arrita gjëra të mira, të cilat i ndava me ju. Arritje të tilla do të jenë të shënuara gjithmonë në jetën time, normalisht dhe në karrierën time. Mu desh shumë sakrificë, shumë këmëngulje për të qenë gjithmonë i fokusuar në objektivat e mi, sigurisht dhe me mbështetjen e kolegëve të mi, trajnerëve, drejtorëve, presidentëve, familjes, normalisht dhe me ndihmën tuaj.

Gjithashtu, dua të theksoj që, ish-presidenti im në klubin ku jam aktivizuar në Mozambik, Z. David Ramos Dos Reis, ka qenë vendimtar në karrierën time. Tani, shoh këtë ecuri: 25 gola të shënuar në 2018. Premtoj që do të bëj më mirë në vitin 2019. Vazhdoni të kaloni festa të gëzuara. Për ata që janë sëmurë në këtë moment, u uroj shërim sa më të shpejtë, të burgosurve u uroj lirim, të rikthehen sa më shpejt në familjet e tyre, jetimët fëmijët e rrugës, handikapët, dhe nevojtarët uroj që Zoti t’i bekojë dhe t’u japë forcë për të vazhduar që të luftojnë dhe të kenë sukses në vitin e ardhshëm. RF9”, shkruan sulmuesi në llogarinë e tij në “Facebook”.

Ndryshe nga një vit më parë, po kërkohet që ekipi të mbahet më këmbë në tokë. Kjo është shumë e rëndësishme, nisur edhe nga diferencat e vogla mes ekipeve në Superiore. I ftuar në emisionin “Fair Play” të gazetares Enkelejda Zeko në “Ora News”, ka qenë portieri Isli Hidi.

Në lidhje me objektivat ai ka qenë i qartë:“Stafi dhe presidenti kanë vendosur si objektiv Kupat e Evropës dhe titulli mund të vij ndeshje pas ndeshjeje. Them se po bëjmë një kampionat të mirë”, ka deklaruar portieri i Teutës. 

I pyetur në lidhje me sulmuesin më të rrezikshëm të Superiores, Hidi ka veçuar goleadorin e Kukësit. “Sulmuesi më i mirë dhe ai që na ka krijuar probleme është Rexhinaldo i Kukësit, meqë kemi dhe Gjicin përballë”, është shprehur Hidi. 

Pjesa e dytë e takimit nuk pati shumë volum me Kukësin që mbajti kontrollin e topit dhe krutanët, që u treguan të pafuqishëm për të rrezikuar portën e Frashërit.

KATEGORIA SUPERIORE – JAVA 18

E diel, më 23 dhjetor 2018, ora 13:30
Stadiumi “Elbasan Arena”, Elbasan
Kukësi-Kastrioti 2-0
Shënues: LImaj 2′, Rexhinaldo 35′

Kukësi: Frashëri, Maliki (Rrumbullaku 57′), Qaqi, Shameti, Krasniqi, Uilliam, Limaj, Shkodra, Ethemi (Kalaja 61′), Çyrbja, Rexhinaldo (Shpehar 63′). Trajner: Armando Cungu
Kastrioti: Puja, Husein, Shehi, Çela, Stijepoviç, Ymeraj (Vatnikaj 73′), Shehu (Caca 56′), Okebugu, Bardhi, H. Marku, Roxher. Trajner: Stavri Nica

Vëzhgues: Kridens Meta, Melis Dervishi, Rejdi Zajimi, Indrit Myrtja
Kartonë të verdhë: Maliki 32′ / Çela 34′
Delegat: Marjus Sulejmani; Vëzhgues: Mikel Shestani

35′ Gol – Rexhinaldo është rikthyer te goli, teksa ka realizuar golin e dytë në portën e Kastriotit. Sulmuesi shënoi me një goditje me kokë dhe ia dedikon golin të birit

2′ GOL – Vesel Limaj me një goditje nga jashtë zone arriti të mposhtë portierin Puja dhe të kalojë në avantazh Kukësin

Verilindorët duket se janë klubi që po tregohen më konkret. Pasi kanë marrë Eduart Rrocën, ata tashmë synojnë të finalizojnë marrëveshjen edhe për Shkurtajn. Jo vetëm kaq, por ka edhe një plan dhe është mjaft interesante.

Sipas asaj që raporton Supersport, Kukësi po tenton të përfshijë në marrëveshje edhe Rexhinaldon. Kështu, mozambikasi do të kthehej tek ish-skuadra e tij dhe Shkurtaj do i bashkohej ekipi të Armando Cungut për të tentuar fitimin e titullin kampion.

Më një shqipe jo të mirë, ai bën një premtim për tifozët dhe gjithçka është e realizueshme. Nuk është mbyllur ende as gjysma e kampionatit dhe Rexhinaldo deri më tani ka arritur të shënojë gjashtë gola.

“Ne donim të fitonim ndeshjen, por nuk mundëm! Barazimi nuk ishte aspak i keq. Ne vazhdojmë në luftën për titullin kampion dhe jam i sigurt se do të arrijmë. Topat nuk po vijnë, por dikush do të paguajë është një premtim. Vazhdoni dhe gjithmonë fokusoheni. Unë dua të jem kampion dhe golashënuesi më i mirë i Super Ligës Shqiptare në këtë kohë. Do ta bëjmë, do ta bëj”, shkruan Rexhinaldo në llogarinë e tij në Facebook.

Sulmuesi nga Mozambiku u duk i irrituar me trajnerin Cungu, të cilit nuk i pranoi përgëzimet kur po ulej në stol. Edhe pse fillimisht u duk se inati ishte me teknikun shkodran, numri një i stolit sqaroi pas ndeshjes se ishte një keqkuptim. Te Kukësi bëjnë me dije se Rexhinaldo ka menduar se Arlind Kalaja e ka ofenduar dhe kjo ka sjellë reagimin e 29-vjeçarit.

Siç bëhet me dije nga burime të sigurta, trajneri Armando Cungu, drejtori Nderim Nexhipi, sulmuesi Rexhinaldo dhe Arlind Kalaja janë takuar për ta sqaruar këtë situatë, që duket paksa jo normale, pasi sulmuesi nuk kishte pse të shfrynte te trajneri, nëse kishte pakënaqësi me shokun e skuadrës. Para seancës stërvitore të ditës së djeshme, dy lojtarët kanë biseduar për afro 30 minuta me trajnerin dhe drejtorin për të “sheshuar” gjithçka.

Lajmi i mirë për Kukësin është fakti se ky moment pushimi u ka dhënë mundësinë disa lojtarëve që të fitonin gjendjen e tyre fizike. Me skuadrën sot është bashkuar dhe sulmuesi Rexhinaldo, i cili ka qenë i grumbulluar me skuadrën e tij përfaqësuese. Autori i gjashtë golave këtë edicion arriti që ta ndihmonte Mozambikun, duke shënuar ndaj Zambias golin e vetëm të ndeshjes.

28-vjeçari e gjeti rrugën e rrjetës dhe në takimin e fundit me Teutën dhe te Kukësi shpresat më të mëdha për shënim janë te ai. Skuadra e Cungut do të ndeshet me Kamzën këtë të diel në orën 14:00 dhe fakti që sulmuesi është bashkuar 4 ditë para ndeshjes me ekipin i krijon komoditetin që të rikuperojë energjitë dhe të jetë ti gatshëm për sfidën e radhës.

Momentalisht ata renditen në vendin e tretë me shtatë pikë dhe në mars do të kërkojnë fitoren kundër Guinea Bisau në transfertë. Një mision jo i lehtë, por Mozambiku do të provojë gjithçka. Nuk ka asgjë për të humbur.

Sa i takon sezonit të Rexhinaldos, sulmuesi ka arritur të shënojë gjashtë gola me fanellën e Kukësit dhe është shënuesi më i mirë i skuadrës së tij. Ndërkohë ai është edhe një nga kandidatët kryesorë për të fituar “Këpucën e Artë”, pasi Latif Amadu që kryeson listën e golashënuesve, deri më tani ka shënuar vetëm dy gola më shumë.

Nëse vjet Lilaj ishte më i shtrenjti, referuar çmimit të transfermarkt, këtë sezon janë dy të huaj. Në fakt duhet përmendur që vlerësimi për ta është bërë prej kohësh dhe i referohet asaj që kanë bërë në Brazil dhe Kili. Uilliam Kordeiro dhe Sebastian Toro, në transfermarkt vlerëson me 600 mijë euro.

Jurgen Bardhi, i cili po bën një sezon të mirë, vlen 25 mijë euro më pak. Gentian Selmani, portieri i Laçit dhe i Shpresave, ka një çmim prej 550 mijë eurosh, ndërkohë që i njëjti vlerësim është edhe për ish-shokun e tij të skuadrës, sulmuesin aktual të Kukësit, Rexhinaldo.

Nëse bëjmë një krahasim me një edicion më parë, kuksianët kanë marrë një pikë më pak, por kanë plot 10 gola më pak se një vit më parë. Një vit më parë Kukësi e kishte gjetur rrugën e rrjetës plot 22 herë, ndërsa këtë edicion vetëm 12 realizime janë regjistruar pas 13 javësh. Mesatare shumë e dobët, me më pak se një gol për ndeshje.

6 gola Rexhinaldo, 3 Kordeiro, 2 Shameti dhe 1 Shpehar, kjo është “gjeografia” e ndarjes së golave te Kukësi. Vetëm 4 shënues në 13 javë dhe dy prej tyre janë mbrojtës, edhe pse braziliani luan si mesfushor i djathtë. Vetë largimi i Harbës tregoi se llogaritë janë bërë gabim dhe se në sulm Kukësi ka probleme.

Nuk mund të priten në çdo javë gola nga Rexhinaldo apo të jetë besimi se në goditjet standarde Shameti do të jetë ne vendin e duhur e në momentin e duhur, sikurse të presësh që dhe Koredeiro të vijojë të befasojë si një sulmues i improvizuar.

Mozambiku është ndeshur sot me Namibia, sfidë kjo e vlefshme për Kualifikueset e Kupës së Kombeve të Azisë. Skuadra e sulmuesit të Kukësi është mundur me rezultatin 1-2 edhe pse e ka parë veten në avantazh.

Rexhinaldo zbriti në fushë në minutën e 77-të por pa mundur që të lërë gjurmë. Skuadra e tij ka qenë e pafat, kjo për shkak se goli që vendosi fatin e ndeshjes u shënua nga miqtë në minutat shtesë të ndeshjes. Udhëtimi i gjatë i shkon kot sulmuesit, i cili në fund do të kthehet i zhgënjyer tek verilindorët.

“Kur fitojmë, fitojmë të gjithë dhe në humbje, humbasim të gjithë së bashku. Është e nevojshme që të kemi përulësinë për të pranuar humben, nuk do fitojmë përherë. Është koha t’i përvishemi punës dhe të mendojmë për ndeshjen e radhës, që është akoma më e rëndësishme. Forca Kukësi”.

https://www.instagram.com/p/BorbhE3D_Ke/?utm_source=ig_web_copy_link