rexhepi

ZYRTARE | Jo vetëm Atanda, një tjetër qendërmbrojtës largohet nga Partizani

Sport Ekspres — Thu, 04 Jul 2019 21:34:53 +0000

Klubi i Partizanit ka njoftuar largimin e qendërmbrojtësit Lum Rexhepi. Futbollisti shtatlartë dhe drejtuesit e klubit kryeqytetas kanë arritur marrëveshjen për ndërprerjen e bashkëpunimit. 26-vjeçari është lojtari i dytë që largohet nga “demat” ditën sotme, pasi më parë klubi njoftoi ndarjen me mesfushorin Ardit Hila.

Rexhepi ishte një ndër përforcimet e kryera nga Partizani gjatë merkatos së janarit. Qendërmbrojtësi pati një debutim të shkëlqyer teksa ishte një ndër më të mirët në fushë në fitoren 1 – 0 të Partizanit në Korçë ndaj Skënderbeut, por më pas 26-vjeçari nuk mundi të tregonte vazhdimësi në kampionat.

Rexhepi është qendërmbrojtësi i dytë që largohet nga “demat” gjatë kësaj merkatoje pas nigerianit Sodik Atanda. Tanimë në dispozicion të trajnerit Franko Lerda mbeten vetëm dy qendërmbrojtës, Egzon Belica dhe Eneo Bitri.

Rama: Rexhepi i shkëlqyer, nuk i shoh kundërshtarët

Sport Ekspres — Fri, 25 Jan 2019 18:56:49 +0000

Edhe drejtori i përgjithshëm i Partizanit, Olsi Rama, foli pas ndeshjes kundër Skënderbeut, ku u shpreh shumë i kënaqur me paraqitjen e “Demave” në këtë ndeshje. Gjithashtu, Rama tha se ardhja e re, Rexhepi bëri një ndeshje shumë të mirë dhe i ka shtuar shumë kualitet skuadrës. Në fjalën e tij për “Supersport”, Rama tha:

“Fitorja në Korçë, ka bukurinë e vet. Unë gjithmonë e kam thënë se nuk i shoh ekipet tjera, ndoshta i shoh në 2-3 javët e fundit. Lufta jonë është me veten tonë, që të përmirësohemi dhe të bëjmë diçka ndryshe.

Gjëja që pashë ka qenë dëshira e djemve për tu përmirësuar, fakti që janë të vetëdijshëm që kanë një ekip të mirë. Mendoj se kjo ishte dhe një nga arsyet që fituam. Terreni nuk na ndihmoi dhe bëri që të mbrohemi më shumë dhe të sulmojmë me kundërsulme. Shënuam shumë shpejt dhe kjo gjë na ndihmoi.

Blerjet e reja do të luajnë atëherë kur ta meritojnë. Jam shumë i kënaqur me Rexhepin dhe mendoj se është një prurje shumë e mirë për ekipin tonë”,- u shpreh Rama.

Debutimi i shkëlqyer i Rexhepit, mbrojtësi tregon çelësin suksesit

Sport Ekspres — Fri, 25 Jan 2019 18:41:35 +0000

Qendërmbrojtësi Lum Rexhepi kreu një debutim të mirë me fanellën e Partizanit. Në fitoren ndaj Skënderbeut, kosovari ishte ndër më të mirët në fushë e jo më kot mori komplimentat e trajnerit Gega. Në përfundim të ndeshjes 26-vjeçari foli për emisonin “Gol pas Goli” në “Supersport”.

Impakti i parë – “Unë personalisht e vlerësoj Skënderbeun shumë lart dhe këto tri pikë që kemi marrë janë me shumë vlera. Fusha sot ishte e vështirë, por u adaptuam shpejt dhe luftuam më shumë se kundërshtari. Aty e fituam ndeshjen, te duelet një kundra një”.

Përshtatja – “Po, unë e ndjej që jam pjesë e skuadrës dhe nuk kam asnjë problem. Belicën e njoh nga koha e Finlandës dhe kjo gjë më ndihmon. Nuk kam asnjë problem për momentin”.

Penalltia e diskutueshme – “Unë isha shumë larg nga situata dhe nuk e pashë ishte penallti apo jo. Përveç penalltisë, e kemi pasur një shans me Kardozon, që ka qenë gol i sigurt. Gjithsesi, fituam dhe kjo gjë është kryesorja.

Rivali kryesor – “I analizojmë të gjithë kundërshtarët dhe surpriza nuk ka. Do të luajmë si të barabartë përballë kujtdo”.

DIFERENCAT MIDIS FUTBOLLIT NË FINLANDË – “Këtu ka më shumë talente, futbollistët janë më të talentuar se në Finlandë. Atje luajnë shumë ngadalë, këtu loja është shumë dinamike. Në Finlandë mungojnë sulmuesit, ndërsa këtu janë shumë të shpejtë dhe shumë të fortë”,- u shpreh Rexhepi.