reus deportiu

Nuk ka mrekulli për Reus, La Liga fundos katalanasit!

Sport Ekspres — Mon, 28 Jan 2019 13:22:37 +0000

Komisioni i disiplinës pranë La Ligës nuk ka treguar mëshirë ndaj klubit Reus Deportu, duke e dënuar me tre vite pezullim nga futbolli profesionist dhe 250 mijë euro gjobë. Me marrjen e këtij vendimi, lojtarëve u jepet e drejta të shkëpusin marrëdhënien me klubin nëse ata e dëshirojnë një gjë të tillë.

Gjatë tri viteve të ardhshme, klubi katalanas nuk do të ketë të drejtë të luajë në dy divizione e para të futbollit spanjoll. Ky vendim mund të apelohet brenda 15 ditëve. Ndeshjet e mbetura të klubit në Segunda Divizion do të konsiderohen si fitore me rezultat 1 – 0 për kundërshtarët.

Megjithatë, ekziston një opsion, ku dënimi 3-vjeçar mund të reduktohet në rast se pronarët e rinj amerikan prezantojnë plane konkrete për të ardhmen afatgjatë të klubit katalanas, por për këtë do të duhet një apelim i dytë në një gjykatë rajonale.

Ndodh mrekullia, Reus Deportiu i shpëton falimentimit!

Sport Ekspres — Mon, 21 Jan 2019 22:27:49 +0000

Para pak javësh flitej vetëm për borxhe dhe falimentim, aq sa javën e shkuar nuk u luajt fare ndeshja e kampionatit, por tashmë makthi i Reus Deportiut ka marrë fund dhe si në filma, gjithçka po mbyllet bukur.

Klubi katalanas i Segunda Division ishte në fije të perit, sepse borxhet e shumta kishin bërë që futbollistët të mos paguheshin prej muajsh dhe prej dhjetorit shumë lojtarë u detyruan të largoheshin.

Mbetën rreth 15 futbollistë në total, duke përfshirë disa të rinj, por me vetëmohim këta heronj fituan 3-0 në Malaga në 6 janar dhe barazuan 1-1 ndaj Numancias në 12 janar.

Sfida ndaj Las Palmas fundjavën e shkuar nuk u luajt, me urdhër të federatës spanjolle, por duket se vetëmohimi i trajnerit dhe lojtarëve të Reus preku të gjithë dhe tashmë klubi ka gjetur pronar të ri, pikërisht kur po bëhej gati funerali i klubit.

? OFFICIAL STATEMENT (21/01/2019)

?? https://t.co/RhVsn3udFu #CFReus ?? pic.twitter.com/FVq4VxaybI

— CF Reus ?? (@cfreusdeportiu) January 21, 2019

Një kompani amerikane pronash të patundshme, US Real Estate Investment Bankers Russel C. Platt and Clifton V. Onolfo, ka blerë klubin dhje do të ndërtojë një stadium me 18.000 vende në bashkëpunim me qytetin e Reus dhe Katalunjën.

Për momentin Reus është në vendet e fundit në Segunda, aty ku ka vetëm pak vite histori, por pronarët e rinj kanë premtuar merkato, mbijetesë këtë vit dhe Primeran brenda një periudhe të shkurtër.

La Liga nuk toleron, përjashtohet ekipi që nuk jepte rrogat

Sport Ekspres — Fri, 18 Jan 2019 21:00:15 +0000

Komisioni i Disiplinës i La Ligas ka vendosur që të pezullojë të gjitha ndeshjet e mbetura të skuadrës së Reus Deportiu. Skuadra që aktivizohet në Segunda Divizion, nuk të lejohet të zbresë më në fushë, ndërsa ndeshjet e mëparshme nuk do të preken.

Arsyeja për këtë pezullim është situata e vështirë financiare e klubit, që nuk paguan prej muajsh lojtarët dhe ndër të tjera ka akome dhe shumë borxhe të prapambetura për të shlyer.

Interesant është fakti se Federata Spanjolle (RFEF) është kundër këtij vendimi pretendon që Liga (La Liga), ta kthejë mbrapsht këtë vendim. Drejtuesit e klubit të Reus Deportiu kanë 15 ditë kohë për të apeluar këtë vendim në gjykatën administrative sportive.