Renova

Gjilani përmbys Renovën, Bushiç debuton me gol

Sport Ekspres — Sun, 28 Jul 2019 19:43:04 +0000

Gjilani ka fituar 3 – 2 në testin miqësor të zhvilluar ditën e sotme ndaj Renovës. Ndeshja u luajt në Mavrovë të Maqedonisë së Veriut, ku Gjilani është zhvendosur prej disa ditësh në kuadër të përgatitjeve të sezonit të ri të IPKO Superligës.

Pjesa e parë u mbyll me rezultatin 2 – 1 në favor të skuadrës nga Xhepçishti, por në pjesën e dytë gjilanasit përmbysën rezultatin me golat e Dautajt dhe kroatit Tomislav Bushiç, ky i fundit iu bashkua skuadrës vetëm dy ditë më parë.

Renova 2 – 3 Gjilani
Shënues: Kadriu 20’ , Fetai 43’ / Aziz 40’, Dautaj 62’, Bushiç 90+1’

Mbyllet në paqe, s’ka fitues mes Tiranës dhe Renovës

Sport Ekspres — Sat, 20 Jul 2019 18:26:25 +0000

Tirana luajti sot një miqësore përballë Renovës, takim që u mbyll i barabartë në shifrat 2-2. Për bardheblutë e drejtuar nga Ardian Mema, shënoi Gentian Muça me penallti dhe një autogol i lojtarëve të Renovës, ndërsa në krahun tjetër, gjetën rrjetën Ademi dhe Zuka.

Këtë takim, trajneri Mema e shfrytëzoi për të provuar disa lojtarë të rinj, por iu dha mundësinë dhe disa senatorëve që të angazhoheshin dhe të kapnin një formë të caktuar fizike. Problemet e Tiranës jashtë fushave të lojës nuk kanë ndikuar në kalendarin përgatitor të bardhebluve, që vazhdojnë të zbresin në fushat e lojës dhe të zhvillojnë miqësoret e planifikuara.

Miqësore, 19 korrik 2019

Tirana – Renova 2-2
Muça (p) 36’, Autogol 72’ / Ademi 22’, Zuka 75’

Tirana drejt Ohrit, zbulohet miqësorja e parë

Sport Ekspres — Fri, 12 Jul 2019 12:23:26 +0000

Tirana ka nisur përgatitjet dhe ditën e hënë pritet të zhvendoset në Ohër, ku edhe do të kryejë fazën përgatitore. Bardheblutë do të zhvillojnë atje edhe ndeshje miqësore dhe e para është zbuluar. Të shtunën e 20 korrikut përballë 24 herë kampionëve të vendit do të vihet Renova.

Pritet që në vazhdim të ketë edhe të tjera miqësore, sikurse edhe lëvizje në merkato. Deri më tani Tirana ka afruar lojtarë si Elton Kale (Flamurtari), Agustin Torasa (Flamurtari), Idriz Batha (Flamurtari), Ismael Dunga (Luftëtari), Kostandin Karriqi (Volos NFC), Edvan Bakaj (Luftëtari) dhe Pano Qirko (Flamurtari).

Në kryeqytet presin edhe Majkëll Ngo, i cili mbetet vetëm të zyrtarizohet sërish si lojtar i Tiranës. Me sulmuesin anglez ka një akord dhe vetë ai ka lënë të kuptohet se do të kthehet sërish në Shqipëri.

“Bum” afrimesh te Renova, prezantohen tre lojtarë

Sport Ekspres — Sat, 06 Jul 2019 20:08:36 +0000

Skuadra e Renovës ka zyrtarizuar tri afrime. Një prej lojtarëve është një rikthim për skuadrën nga Xhepçishti, bëhet fjalë për sulmuesin Remzifaik Selmani, i cili rikthehet në klubin ku shkëlqeu pas dy vitesh, ku ishte pjesë e Ujpeshtit, Shkëndijës dhe Llapit.

Dy lojtarët e tjerë janë mbrojtësi Altin Sefo dhe portieri Valon Neziri, të dy futbollistët kanë qenë pjesë e Vëllazërimit të Kërçovës gjatë sezonit të kaluar.

Renova është një ndër ekipet që pësuar ndryshimet më të shumta gjatë kësaj merkato vere me plot 9 lojtarë të larguar deri më tani. Megjithëse nuk ia dolën të siguronin pjesëmarrjen në kualifikueset e Europa League, klubi ia ka dalë të arkëtojë 300 mijë euro falë shitjes së sulmuesit Vlatko Stojanovksi te francezët e Nimes.

Renova mbulohet me para, klubi francez blen bomberin maqedonas

Sport Ekspres — Thu, 04 Jul 2019 20:31:07 +0000

Renova ia ka dalë të arkëtojë një shumë rekord për kartonin e sulmuesit Vlatko Stojanovski. Sulmuesi maqedonas është shitur për 300 mijë euro te francezët e Nimes, shumë kjo e konsiderueshme e për një ekip me financat e Renovës.

Stojanovski ishte kryegolashënuesi i kampionatit të Maqedonisë së Veriut në sezonin që lamë pas me 18 gola në 32 aktivizime. 22-vjeçari është lojtari i dytë më i shtrenjtë i shitur nga klubi nga Xhepçishti, me rekordin që mbahet nga Besart Ibraimit që nëntë vite më parë u shit për 450 mijë euro te Shalke 04.

Et si vous avez des problèmes de vue, on vous annonce l'arrivée de Vlatko Stojanovski pour les 3 prochaines saison.

Il portera le numéro 17.

Bienvenue Vlatko! pic.twitter.com/5VaITkBiz1

— ? Nîmes Olympique (@nimesolympique) July 3, 2019

Festojnë “Shvercerat”, Ustabasi dërgon Shkupin në Europë

Sport Ekspres — Sun, 26 May 2019 16:27:46 +0000

Berat Ustabasi është heroi i Shkupit. Lojtari i lindur në Mançester shënoi dy herë në minutat e fundit, duke përmbysur dizavantazhin e Rabotniçkit. Kjo fitore e arritur në transfertë e ngjiti ekipin kryeqytetas në vendin e katërt, që do të thotë kualifikim në Ligën e Europës.

25-vjeçari shënoi në minutat 89’ dhe 90+2’, duke siguruar një fitore të pabesueshme dhe duke dërguar “Shvercerat” në ekstazë. Të pafata Renova dhe Makedonija GP, të cilave nuk ju mjaftuan fitoret në javën e fundit të kampionatit të Maqedonisë Veriore.

Shkëndija u mposht nga Renova me rezultatin 3-2. Qatip Osmani ju dha mundësinë shumë lojtarëve të rinj për të luajtur, ndërsa drejtuesit do fillojnë punën për përforcimin e ekipit para ndeshjeve të Champions Ligës, kompeticion në të cilin kampionët nga Tetova duan të shkojnë sa më larg.

Renova-Shkëndija 3-2
(Ramadani 40’, 44’, Useini 77’ / Ljuma 12’, Bojku 86’)

Rabotniçki-Shkupi 1-2
(Ilijoski 84’ / Ustabasi 89’, 90+2’)

Shkëndija zyrtarisht kampione, Renova “masakron” Pobedën me 9 gola

Sport Ekspres — Sat, 04 May 2019 16:22:27 +0000

Shkëndija është zyrtarisht ekipi kampion i Ligës së Parë të Maqedonisë së Veriut. Tetovarët mundën në transfertë 1-0 Rabotniçkin falë golit të shënuar nga mesfushori Enur Totre në minutën e fundit të takimit.

Rol në shpalljen kampion të Shkëndijës luajtën dhe skuadra e Shkupit që ndali Vardarin me një barazim me shifrat 2-2. Ky është titulli i tretë kampion i Shkëndijës dhe i dyti radhazi.

Renova ka regjistruar një fitore me rezultat të pabesueshëm ndaj Pobedës, duke shënuar plot 9 gola ndaj skuadrës së vendit të fundit të kampionatit.

MAQEDONI E VERIUT LIGA 1 – Java 32

E shtunë, më 4 maj 2019, ora 16:00

Belasica-Makedonija GP 3-1

Rabotniçki-Shkëndija Tetovë 0-1
Shënues: Totre 90’

Renova-Pobeda 9-1

Shënues: Miovski 9’, Stojanovksi 22’, 35’, 64’, 90’, Ramadani 38’, 51’, Mustafov 45’, Useini 84’ / Ristevski 24’

Shkupi-Vardar 2-2

Shënues: Serzhinjo 32’, Bajrami 85’ / Zhuninjo 43’, Micevski 88’

Sileks-Akademija Pandev 3-0

Standings provided by Sofascore LiveScore

Shkëndija shkatërron Shkupin në derbi, Vardari e afron me titullin

Sport Ekspres — Sat, 27 Apr 2019 15:55:12 +0000

Shkëndija nuk ka treguar aspak mëshirë për Shkupin. 5-1 për djemtë e Qatip Osmanit u mbyll ndeshja e zhvilluar në Tetovë. Kuqezinjtë kryesues zgjidhën gjithçka që në pjesën e parë.

Dy golat e Omar Imeri dhe rrjeta e Alimit dërguan Shkëndijën në pushim me avantazhin e tre golave. Në të dytën pati gëzim edhe për golin e Ibraimit dhe një tjetër rrjetë të Imerit.

Miqtë gjetën golin e nderit pesë minuta përpara fundit me anë të Bajramit, ndërsa vendasit luajtën me një lojtar më pak gjysmën e pjesës së dytë pas daljes me të kuqe të Egzon Bejtulait.

Kjo ishte një fundjavë fantastike për Shkëndijën, që përfitoi edhe nga ndalesa e Vardarit në shtëpi. Diferenca me ekipin ndjekës ka shkuar në 11 pikë. Nga ana tjetër, Renova nuk ia doli të evitonte humbjen në transfertë kundër Makedonija GP dhe tashmë renditet në mesin e artë me 39 pikë.

MAQEDONI E VERIUT LIGA 1 – JAVA 31

E shtunë, më 27 prill 2019, ora 16:00

Akademija Pandev-Rabotniçki 3-1

Makedonija GP-Renova 3-1
Shënues: Tanturovski 9’, 13’, Da Silva 54’ / Mustafov 35’

Pobeda-Sileks 0-1

Shkëndija Tetovë-Shkupi 5-1
Shënues: Imeri 20’, 42’, 66’ Alimi 29’, Ibraimi 52’ / Bajrami 85′

Vardar-Belasica 1-1

Shkëndija ngec në transfertë, Iseni nderon Shkupin

Sport Ekspres — Wed, 24 Apr 2019 15:53:29 +0000

Shkëndija është rikthyer pas shtatë ndeshjes te humbja dhe i ka dhënë fare pak shpresa Vardarit ndjekës. Kuqezinjtë nga Tetova u mposhtën në transfertë kundër Belasicës. Vendasit fituan 2-1, ndërsa goli i Shefit Shefitit 20 minuta përpara fundit të ndeshjes shërbeu vetëm për të shkurtuar rezultatin.

Vardari ia doli të fitonte kundër Makedonija GB dhe tashmë gjendet 9 pikë poshtë djemve të Osmani, kur kanë mbetur edhe 6 ndeshje deri në fund.

Një gol i Besar Isenit katër minuta nga fundi i ka dhënë tre pikë shprese Shkupit. Bardhekaltrit fituan në shtëpi ndeshjen direkte për një vend në Europë kundër Akademisë Pandev. Diferenca me vendin e tretë është shkurtuar dhe tashmë Akademija Pandev është 5 pikë larg.

Me të njëjtin rezultat fitoi edhe Renova kundër Sileksit. Goli i shpejtë i Miovskit i dhuroi tre pikët vendasve, të cilët renditën në vendin e pestë me 39 pikë.

MAQEDONI E VERIUT LIGA 1 – Java 30
E mërkurë, më 24 prill, ora 16:00

Belasica-Shkëndija Tetovë 2-1
Shënues: Gorgiev 5′, Bejtullai (aut) 64′ / Shefiti 70′
Makedonija GP-Vardar 0-2
Rabotniçki-Pobeda 1-2
Renova-Sileks 1-0
Shënues: Miovski 5′
Shkupi-Akademija Pandev 1-0
Shënues: Iseni 86′

Festojnë Shkëndija e Shkupi, Vardari shumë i fortë për Renovën

Sport Ekspres — Sat, 20 Apr 2019 15:57:37 +0000

Shkëndija është rikthyer te fitorja pas barazimit kundër Vardarit. Kuqezinjtë nga Tetova mposhtën 4-2 në shtëpi ekipin e Makedonija GP. Djemtë e Osmanit zgjidhën gjithçka në pjesën e parë, duke shënuar tre gola me anë të Marjan Radeskit (dygolësh) dhe Omar Imerit.

Visar Musliu shënoi golin e katërt për ekipin kryesues, ndërsa miqtë shkurtuan diferencën e humbjes me dy golat e shënuar. Kjo fitore e ngjit Shkëndijën në kuotën e 66 pikëve. Diferenca me Vardarin ndjekës është 12 pikë dhe deri në fund të kampionatit kanë mbetur 7 ndeshje.

Renova nuk ia doli të frenonte Vardarin në transfertë. Dy golat e Najdovskit dhe Zhuninjos i dhuruan fitoren vendasve, që vazhdojnë ndjekjen e Shkëndijës. Fitore të rëndësishme arriti edhe Shkupi.

Ekipi nga kryeqyteti mposhti Pobedën e vendit të fundit në transfertë me rezultatin 0-3. Të tre golat u shënuan në pjesën e dytë dhe mbajnë firmat e Serzhinjos dhe Angelov (dygolësh).

MAQEDONI E VERIUT LIGA 1 – Java 29

E diel, më 20 prill 2019, ora 16:00

Akademija Pandev-Belasica 0-2

Pobeda-Shkupi 0-3
Shënues: Serzhinjo 50’, Angelov 73’, 83’

Shkëndija-Makedonija GP 4-2
Shënues: Radeski 8’, 31’, Omeri 40’, Musliu 87’ / Tanturovksi 59’, Karvaljo 90’

Sileks-Rabotnicki 1-0

Vardar-Renova 2-0
Shënues: Najdovksi 45’, Zhuninjo 50’

Shkëndija fitore me aromë titulli, Renova ia del përballë Shkupit

Sport Ekspres — Wed, 03 Apr 2019 15:26:08 +0000

Një gol i Visar Musliut (goli i tretë në kampionat) në pjesën e parë i ka siguruar tre pikë të tjera Shkëndijës. Kuqezinjtë nga Tetova fituan në transfertë përballë Akademija Pandev, ekipit që renditet në vendin e tretë në renditjen e kampionatit të Maqedonisë Veriore dhe që vinte nga katër fitore rresht në kampionat e kupë.

Kjo fitore i ngjit kampionët në fuqi në kuotën e 59 pikëve, duke e çuar në 10 pikë diferencën me Vardarin ndjekës (u ndal në barazim në transfertën e Pobedës).

Renova mposhti Shkupin në shtëpi dhe u ngjit në vendin e katërt. Goli i Stojanovski në fundin e pjesës së parë, i cili kryeson renditjen e golashënuesve më të mirë me 14 gola, vendosi sfidën. Triumfi i dytë rresht në shtëpi për Renovën, ndërsa kjo ishte humbja e katërt rresht në kampionat për ekipin nga kryeqyteti.

MAQEDONIA E VERIUT LIGA 1 – Java 26

E mërkurë, më 3 prill 2019, ora 15:30

Akademija Pandev-Shkëndija Tetovë 0-1
Shënues: Musliu 30’

Pobeda-Vardar 0-0

Rabotnicki-Belasica 1-1

Renova-Shkupi 1-0
Shënues: Stojanovksi 45’

Sileks-Makedonija GP 1-1
Shënues: Aleksovski 66′ / Kirovski 41′

Renditja

VIDEO | “Po frynte erë, nuk ka mundësi”, çfarë goli nga Useini!

Sport Ekspres — Fri, 29 Mar 2019 08:00:44 +0000

Muhamed Useini u largua nga Flamurtari në muajin shkurt dhe u kthye në Maqedoni, ku veshi fanellën e Renovës. Ditën e djeshme mesfushori ka arritur të shënojë edhe golin e tretë për skuadrën e tij në triumfin 3-2 të regjistruar kundër Belasicës.

Useini nuk është nga ata që shënon shpesh, për këtë sezon ky ishte goli i tij i parë. Gjithsesi ai ishte i veçantë, pasi mesfushori e ka realizuar pas ekzekutimit të një goditjeje dënimi nga një distancë e konsiderueshme.

https://www.facebook.com/infosport.mk/videos/593959224349060/

Mesfushori e ka postuar golin edhe në rrjetet sociale, ku nuk mungojnë as ngacmimet. Emiljano Musta i shkruan me shaka: “Po frynte erë, apo jo? S’e s’ka mundësi!”. Replikë e menjëhershme nga Useini: Rastësisht, i mbylla sytë”. Elbasanasi e vulos me një koment tjetër: “(Qesh) Më bëri çudi vëlla, prandaj. Po gjithsesi i more në qafë skuadrat në Maqedoni. Me këtë gol, gati kontratat”.

Shkëndija vazhdon dominimin dhe fiton me goleadë, thyhet Shkupi

Sport Ekspres — Thu, 28 Mar 2019 15:38:00 +0000

Shkëndija vazhdon marshimin drejt titullit kampion në Maqedoninë e Veriut. Kuqezinjtë nga Tetova mposhtën Sileksin në transfertë me rezultatin 0-3, duke u ngjitur në kuotën e 53 pikëve. Ndeshja u zhbllokua nga një autogol i Milenkovskit në minutën e 25-të. Dy golat e tjerë erdhën në pjesën e dytë.

Agim Ibraimi dyfishoi rezultatin në mesin e pjesës së dytë (goli i dytë në kampionat për 30-vjeçarin), ndërsa Visar Musliu vulosi fitoren me golin e shënuar tre minuta përpara fundit të ndeshjes.

Shëndija vazhdon të ruajë diferencën prej 8 pikësh me Vardarin ndjekës, që fitoi në transfertë përballë Rabotniçkit me rezultatin 0-2. Ndeshja e radhës për djemtë e Osmanit do të zhvillohet të dielën në shtëpi përballë Pobedës.

Shkupi nuk ia doli të evitonte humbjen në shtëpi përballë Makedonija GP. Një gol i pësuar tre minuta nga fundit i dha fitoren miqve, ndërsa kjo ishte humbja e dytë rresht në kampionat për bardhekaltrit.

Shkupi ka zbritur në vendin e pestë me 33 pikë, në të njëjtën kuotë pikësh me Renovën. Kjo e fundit fitoi në shtëpi përballë Belasicës. 3-2 përfundoi ndeshja për Renovën, që siguroi fitoren e dytë rresht me këtë rezultat. Ekipi shqiptar po kalon një formë të mirë dhe nuk humbet në kampionat prej gjashtë ndeshjesh.

MAQEDONIA E VERIUT LIGA 1 – Java 24

E enjte, më 28 mars 2019, ora 14:30

Sileks-Shkëndija Tetovë 0-3
Shënues: Milenkovksi 25’ (aut), Ibraimi 66’, Musliu 87’

Shkupi- Makedonija GP 0-1
Shënues: Bozinovski 87′

Rabotniçki-Vardar 0-2
Shënues: Cvetanoski 6’, Felipe 55’

Renova-Belasica 3-2
Shënues: Miovski 8’, Ramadani 21’, Useini 75’ / Mirçevski 31’, Saviç 91’

Shkëndijës i mjafton Zhunior, një penallti vendos derbin e kryeqytetit

Sport Ekspres — Sat, 16 Mar 2019 15:27:38 +0000

Shkëndisë i ka mjaftuar një gol i Stenio Zhunior për të fituar në Tetovë kundër Rabotniçkit. Braziliani shënoi në minutat e para të pjesës së dytë dhe ndeshja nuk dhuroi më gola. Kuqezinjtë e ruajtën avantazhin deri në fund, duke u ngjitur kështu në kuotën e 50 pikëve.

Diferenca me Akademinë Pandev dhe Vardarin vazhdon të jetë 8 pikë, ndërsa djemtë e Osmanit do të shfrytëzojnë pushimin e kombëtareve për të pushuar dhe qenë gati për sprintin finale drejt titullit kampion.

Derbi i kryeqytetit shkoi për Vardarin. Shkupi humbi ndeshjen si pasojë e një penalltie të kthyer në gol nga Miçevski në minutën e 20-të. Shkupi vazhdon të qëndrojë në vend të katërt me 33 pikë, nëntë më pak se dyshja e vendit të dytë.

Nuk ia del Shkupi, por buzëqesh Renova. Ekipi shqiptar ia doli të fitonte në transfertë përballë Pobedës së vendit të fundit. 2-3 për Renovën, që ngjitet në kuotën e 30 pikëve duke iu larguar zonës së ftohtë.

MAQEDONI E VERIUT

LIGA 1 – JAVA 23 E shtunë, më 16 mars, ora 14:30

Pobeda-Renova 2-3
Shënues: Tanushev 52’, 61’ / Mustafov 16’, 18’, Stojanovksi 57’

Shkëndija Tetovë-Rabotniçki 1-0
Shënues: Zhunior 54’

Vardar-Shkupi 1-0
Shënues: Miçevksi (pen) 20’

Shkupi fiton derbin me Shkëndijën, ngec Renova

Sport Ekspres — Sun, 10 Mar 2019 15:08:59 +0000

Java e Shkupit në Maqedoni, pasi ka fituar derbin me Shkëndijën e Tetovës. Një gol i shënuar nga Bajrami me penallti në pjesën e parë vendosi fituesin dhe tanimë vendi i dytë dhe i tretë janë vetëm gjashtë pikë larg. Shkupi synon pjesëmarrjen në Europë dhe realisht ky objektiv është i arritshëm.

Shkëndija, pavarësisht humbjes, është e shkëputur në krye, teksa numëron 8 pikë më shumë se Akademija Pandev dhe Vardari. Ndërkohë sot ka luajtur edhe Renova, që në shtëpi duhet ta kishte kaluar me sukses Makedonija GP. Skuadrat ndanë nga një pikë, pasi barazuan pa gola.

LIGA 1 MAQEDONI E VERIUT – JAVA 22

Renova-Makedonija GP 0-0
Shkupi-Shkëndija Tetovë 1-0
Shënues: Bajrami 30’ (pen.)

Triumfojnë Shkëndija dhe Shkupi, Renova reziston me të kuqe

Sport Ekspres — Sun, 03 Mar 2019 14:54:15 +0000

Shkëndija e Tetovës ka reaguar pas barazimit në transfertë kundër Makedonijas dhe është rikthyer te fitorja. Kuqezinjtë mposhtën në shtëpi ekipin e Belasicës me rezultatin 3-0. Pjesa e parë u mbyll pa gola, ndërsa djemtë e Osmanit ishin të papërmbajtshëm në 45 minutat e dyta.

Izair Emini zhbllokoi shifrat në minutën e 56-të, ndërsa Agim Ibraimi vulosi fitoren me golin e shënuar në minutën e 78-të. Shkëndija nuk u ndal, duke gjetur dhe golin e tretë me anë të një autogoli të Maslak.

Kjo fitore i ngjit kuqezinjtë në kuotën e 47 pikëve dhe diferenca me Vardarin ndjekës (fitoi 3-1 në shtëpi përballë Makedonijas) mbetet 9 pikë. Fitore të rëndësishme mori dhe ekipi i Shkupit, që fitoi në transfertë përballë Akademisë Pandev. Një autogol i Trajanovskit në minutat shtesë të pjesës së parë dhe goli i Angelov i dhuruan tre pikët ekipit nga kryeqyteti.

Kjo fitore e ngjit Shkupin në vendin e pestë me 30 pikë dhe vendi i tretë që të dërgon në Europë është vetëm 6 pikë larg. Renova mori një pikë me vlera në transfertë përballë Sileksit. Ekipi shqiptar luajti me një lojtar më pak që nga minuta e 39-të pas ndëshkimit me karton të kuq të Emran Ramadanit.

LIGA I MAQEDONIA E VERIUT– JAVA 21

E diel, më 3 mars, ora 14:00

Akademija Pandev-Shkupi 0-2
Shënues: Trajanovski 45+2’ (aut), Angelov 78’

Shkëndija Tetovë-Belasica 3-0
Shënues: Emini 54’, Ibraimi 83’, Maslak (aut) 88’

Sileks-Renova 0-0

Renova turpëron Vardarin, Shkupi thyen Pobedën. Ngec Shkëndija

Sport Ekspres — Sun, 24 Feb 2019 15:12:39 +0000

Shkëndija e Tetovës nuk ia ka dalë të fitojë në transfertë me Makedonija GP, edhe pse shënoi e parë. Kuqezinjtë shënuan shumë shpejt me Omar Imerin, por në pjesën e dytë vendasit barazuam me anë të Da Silva. Gjithsesi tetovarët kanë një diferencë prej tetë pikësh nga vendi i dytë, që tanimë është marrë nga Akademija Pandev.

Vardari është shpartalluar një Renova, që i bën nder Shkëndijës. Plot katër gola të shënuar nga bardheblutë. Emra Ramadani, ish-lojtari i Partizanit, arriti të shënonte dy herë për skuadrën e tij. Emanuel Mbella, “ish”-i i Byllisit, gjithashtu gjeti rrugën e rrjetës. “Pokerin” e realizoi Stojanovski në minutën e 74-t.

Fitore e rëndësishme edhe për Shkupin, që me “tris” likuidoi Pobedën. Bajrami shënoi në pjesën e parë, kurse Angelov dhe Serxho arritën të shënonin edhe dy herë të tjera. Festë për bardhekaltrit, që kërkojnë të marrin pjesë në kupat e Europës.

LIGA 1 MAQEDONI – Java 20
E diel, më 24 shkurt, ora 14:00

Makedonija GP-Shkëndija Tetovë 1-1
Shënues: Da Silva 58’ / Imeri 5’

Renova-Vardari 4-0
Shënues: Ramadani 9’, 48’ Mbela 13’, Stojanovksi 74’

Shkupi-Pobeda 3-0
Shënues: Bajrami 38’, Angelov 50’, Serxho 75’

VIDEO | Mjafton një gol i Imerit, Shkëndija “shkelmon” Vardarin dhe sheh titullin

Sport Ekspres — Sun, 17 Feb 2019 14:53:01 +0000

Një gol i Omar Imerit i ka dhuruar fitoren Shkëndijës përballë Vardarit dhe ka lumturuar “Ballistët” dhe tifozërinë kuqezi të ekipit nga Tetova.

Ky trepikësh konfirmon Shkëndijën në vendin e parë dhe tashmë diferenca me Vardarin e vendit të dytë ka shkuar 8 pikë. Ndeshja u zhvillua në një atmosferë shumë të bukur dhe stadiumi “shpërtheu” në minutën e 23-të. Aksion i gjatë i vendasve, që konkretizohet me golin e Imerit.

Shkëndija ruajti avantazhin deri në fund të ndeshjes, duke hedhur një hap të madh drejt titullit kampion. Në ndeshjet e tjera të ekipeve shqiptare, Shkupi dhe Renova siguruan nga një pikë në minutat shtesë.

Ekipi kryeqytetas barazoi në minutën e nëntë shtesë në transfertën përballë Sileksit me rezultatin 2-2, ndërsa dhe Renova siguroi një pikë në fund, duke barazuar në transfertë përballë Rabotniçkit me penalltinë e Mishkovskit.

Shkëndija-Vardar 1-0
(Imeri 23′)

Sileks-Shkupi 2-2
(Georgiev 20′, Rajkoviç 40′ / Kocev (aut) 76′, Veliu 90+9′)

Rabotniçki-Renova 1-1
(Petkovski 45′ / Mishkovski 90+2′)

Prishi kontratën me Flamurtarin, mesfushori nënshkruan në Maqedoni

Sport Ekspres — Sat, 09 Feb 2019 20:32:05 +0000

Situata te klubi i Flamurtarit me vonesën e pagave ka bërë që disa lojtarë të largohen nga klubi vlonjate, me Muhamed Useinin largimin më të fundit. Mesfushori i kishte vënë afat klubit për ta shlyer financiarisht, por kërkesa e tij nuk u plotësua dhe si pasojë, u largua nga kuqezinjtë.

Useini ka nënshkruar një kontratë katër vjeçare me skuadrën e Renovës në Maqedoni dhe do të vazhdojë karrierën e tij në elitën maqedonase. Kjo është hera e tretë që Useini nënshkruan me skuadrën e Renovës, pasi më përpara është aktivizuar dhe në dy periudha të tjera.

Pas largimeve të Bushiç dhe Siljanovskit, Useini është emri i tretë që largohet nga drejtimi i Ilir Dajës, që për pjesën e mbetur të sezonit, duhet të bëjë pa shërbimet e mesfushorit 30–vjeçar.

U largua në verë nga Teuta, tani firmos te Renova

Sport Ekspres — Fri, 28 Dec 2018 11:54:17 +0000

Teuta janarin e shkuar bëri disa afrime dhe një prej lojtarëve që u mor ishte mesfushori Burhan Mustafov, i cili luajti vetëm gjashtë ndeshje me durrsakët. Katër prej tyre ai i nisi nga minuta e parë, ndërkohë që pati edhe një dëmtim që e penalizmi 24-vjeçarin.

Qendërmesfushori në verë nënshkroi me Pobedën, ish-ekipi i tij. Aty luajti rregullisht në 15 ndeshje (12 titullar) dhe arriti të shënonte edhe dy gola. Tashmë ka ndryshuar sërish skuadër dhe do ta vijojë karrierën me Renovën.

Në këtë skuadër janë disa lojtarët që kanë qenë pjesë e Superiores. Dy prej tyre ishin pjesë e Partizanit dhe janarin e shkuar u veshën bardheblu. Bëhet fjalë për Emran Ramadanin dhe Alban Sulejmanin, ndërkohë që edhe Fisnik Zuka ka luajtur me Flamurtari. Gjithashtu Florian Kadriu është pjesë e Renovës. Mesfushori me tipare sulmuese ka qenë pjesë e Tiranës dhe Teutës.

Shkëndija “tris” në derbi, Shkupi befason Rabotniçkin

Sport Ekspres — Sun, 02 Dec 2018 13:55:44 +0000

Shkëndija e Tetovës ka fituar derbin kundër Renovës me rezultatin 0-3, ndërkohë që ky triumf e ka çuar në pesë pikë diferencën me Vardarin e vendit të dytë. Akademija Pandev i ka ndalur kryeqytetasit dhe kjo ka bërë që Shkëndija të festojë dyfish.

Valmir Nafiu ishte ai që hapi serinë e golave për tetovarët, ndërkohë që në pjesën e dytë realizuan edhe Bojku e Imeri. Ky i fundit është edhe pjesë e Shqipërisë U21. Një fitore me vlera për Shkëndijën, por nga ana tjetër Renova i afrohet zonës së ftohtë.

Feston Shkupi, që ka arritur të mundë me rezultatin e pastër 0-2 Rabotniçkin. Një ndeshje derbi e fituar nga skuadra bardhekaltër. Amir Bilali i shënoi gol ish-skuadrës së tij, ndërkohë që në fund Veliu i dha fund takimit me golin e dytë të realizuar.

LIGA 1 MAQEDONI – Java 18

Renova-Shkëndija Tetovë 0-2
Shënues: Nafiu 23’, Bojku 67’, Imeri 89’

Rabotniçki-Shkupi 0-1
Shënues: Bilali 26’, Veliu 82’

Shkëndija befasohet në shtëpi, “paqe” në derbin Shkupi-Renova

Sport Ekspres — Wed, 28 Nov 2018 14:04:16 +0000

Shkëndija e Tetovës ka bërë një hap fals, teksa është mundur 0-1 në shtëpi nga Akademija Pandev. Kuqezinjtë pësuan gol që në fillim dhe nuk arritën dot që të paktën të barazonin. Rrjeta e tundur nga Krstovksi në të 26’ mbeti në fuqi deri në fund të takimit.

Kështu ka ndryshuar edhe diferenca e Shkëndijës me Vardarin ndjekës. Tetovarët kanë vetëm tre pikë më shumë në renditje, duke e bërë edhe më interesant kampionatin në Maqedoni. Kuqezinjtë vijin pas shtatë fitoresh radhazi në kampionat.

Ndërkohë sot ka pasur edhe një derbi. Shkupi e Renova u vunë përballë dhe nuk pati fitues. Velija ishte ai që zhbllokoi ndeshjen për Renovën dhe pjesa e parë u mbyll 0-1. Skuadra kryeqytetase reagoi në pjesën e dytë dhe shmangu humbjen falë golit të shënuar nga Stojkoski.

LIGA 1 MAQEDONI – JAVA 17

Shkëndija Tetovë-Akademija Pandev 1-0
Shënues: Krstovksi 26’
Shkupi-Renova 1-1
Shënues: Stojkoski 68’ / Velija 28’

Shkëndija marshon, Shkupi “merr frymë” në fund

Sport Ekspres — Sun, 25 Nov 2018 14:00:20 +0000

Shkëndija e Tetovës vijon të fitojë dhe këtë herë në transfertë kundër Pobedës me rezultatin e pastër 0-2. Kuqezinjtë nuk ia kanë dalë të shënojnë dot në pjesën e parë, por në të dytën Bejtulai arriti të zhbllokojë rezultatin.

Tre minuta nga fundi ishte Izair Emini ai që tundi rrjetën për të dytën herë dhe “vulosi” fitoren e Shkëndijës. Triumf në limite për Shkupin, që lë vendin e parafundit në renditje. Bardhekaltrit mundën 1-0 skuadrën e Belasica dhe ishte mbrojtësi Tipuriç që në shtesë realizoi golin e fitores.

Renova nuk ka shkuar më shumë se një barazim 1-1 kundër Akademija Pandev. Miqtë madje shënuan të parët me anë të Kostov, kurse Stojanovksi në fundin e pjesës së parë barazoi. Në fraksionin e dytë të lojës nuk pati ndryshime në rezultat dhe skuadrat ndanë nga një pikë.

LIGA 1 MAQEDONI – Java 16

Pobeda-Shkëndija 0-2
Shënues: Bejtulai 74’, Emini 88’
Renova-Akademija Pandev 1-1
Shënues: Stojanovski 39’ / Kostov 27’
Shkupi-Belasica 1-0
Shënues: Tipuriç 93’

Shkëndija arratiset në krye, Shkupit i ikën fitorja nga duart

Sport Ekspres — Thu, 22 Nov 2018 15:33:24 +0000

Shkëndija vijon të shkëputet në krye të klasifikimit, pasi sot ka mposhtur 5-0 Sileksin e vendit të fundit. Tetovarët dominuan dhe fituan, ndërkohë që Vardari rival u mund në shtëpi nga Rabotniçki. Tashmë kuqezinjtë kanë gjashtë pikë më shumë.

Në ndeshjen e sotme ishte Valmir Nafiu ai që hapi takimin, ndërsa më pas Emini shënoi edhe dy herë të tjera. Shefiti dhe Fazli realizuan gjithashtu dhe Shkëndija mori tre pikët e radhës. Edhe Shkupi ishte pranë fitores, por në fund takimi me Makedonija GP u mbyll 2-2.

Bozhinavkoski për maqedonasit shënoi i pari, por Angelov dhe Muarem përmbysën gjithçka. Shkupi mbeti me një lojtar më pak në fund të pjesës së dytë dhe Da Silva realizoi golin e barazimit. Sot luajti edhe Renova, që u mund 3-1 nga Belasica.

LIGA 1 MAQEDONI – Java 15
Shkëndija Tetovë-Sileks 5-0
Shënues: Nafiu 25’, Emini 28’, 64’, Shefiti 69’, Fazli 76’
Belasica-Renova 3-1
Shënues: Ivanovksi 9’, Baldovaliev 80’, Gjorgiev 92’ / Mishkovski 45’
Makedonija GP-Shkupi 2-2
Shënues: Bozhinovksi 15’, Da Silva 87’ / Angelov 19’, Muarem 24’

Festë kuqezi në Maqedoni: Shkëndija nis shkëputjen, festojnë Shkupi dhe Renova

Sport Ekspres — Sat, 10 Nov 2018 13:54:39 +0000

Shkëndija nuk ndalet dhe arrin të fitojë në transfertë përballë Rabotniçkit me rezultatin 1-2. Fitorja e pestë radhazi në kampionat për kuqezinjtë nga Tetova, të cilët kryesojnë në kuotën e 31 pikëve, duke iu shkëputur Vardarit me tre pikë. Izair Emini dhe një autogol i Mitrev ishin autorët e golave të fitores, ndërsa për vendasit barazoi përkohësisht rezultatin Oliver Pev.

Të fitosh derbin e qytetit është gjithmonë një kënaqësi dhe krenari e madhe. Shkupi ia ka dalë të lumturojë “Shvercerat”, duke mposhtur Vardarin në stadiumin e Çairit me rezultatin 1-0. Braziliani Serxhinjo ishte heroi i ekipit shqiptar me golin e shënuar në minutën e 57. Trepikësh shumë i rëndësishëm për moralin dhe renditjen, duke e ngjitur Shkupin në vendin e tetë me 15 pikë.

Fitore dhe për ekipin tjetër shqiptar, që garon në kampionatin maqedonas të futbollit. Renova ka fituar me përmbysje përballë Pobedës me rezultatin 2-1. Stojanovski dhe Argjend Gafuri ishin heronjtë e vendasve, të cilët parakalojnë Pobedën në renditje dhe shfrytëzojnë ndalesën e Akademisë Pandev. Ky trepikësh e ngjit Renovën në vendin e katërt me 19 pikë, tre më pak se vendi që të dërgon në Europë, që mbahet nga Akademija Pandev.

Rabotniçki-Shkëndija 1-2
(Pev 28’ / Emini 20’, Mitrev (aut) 51’)

Renova-Pobeda 2-1
(Stojanovski 45’, Gafuri 85′ / Tanushev 33’)

Shkupi-Vardar 1-0
(Serxhinjo 57’)

Shkëndija “pullë poste” Vardarit, Shkupi lë vendin e fundit

Sport Ekspres — Wed, 31 Oct 2018 14:43:29 +0000

Shkëndija e Tetovës ka likuiduar Belasicën në transfertë dhe vijon ndjekjen e Vardarit. Këta të fundit fituan në shtesë sot kundër Makedonija GP. Kuqezinjtë e Tetovës triumfuan 0-2, teksa ishte Emini ai që zhbllokoi takimin në pjesën e parë.

Me fillimin e pjesës së dytë ishte Totre ai që realizoi sërish dhe në njëfarë mënyre hipotekoi edhe fitoren e Shkëndijës. Kundërshtari luajti për më shumë se 30 minuta me një lojtar më pak, çka ia lehtësoi punën tetovarëve.

Fitore e rëndësishme edhe për Shkupin, që iu fal golit të Angelovit në ndeshjen kundër Akademija Pandev. Për momentin bardhekaltrit lënë vendin e fundit, pasi Sileksi mori vetëm një pikë këtë javë. Ata u përballën me Renovën dhe shënuan të parën, por skuadra shqiptare reagoi dhe arriti të barazonte përmes Stojanovksit.

MAQEDONI LIGA 1 – Java 12

Belasica-Shkëndija Tetovë 0-2
Shënues: Emini 28’, Totre 49’

Renova-Sileks 1-1
Shënues: Stojanovksi 79’ / Aleksovski 67’

Shkupi-Akademija Pandev 1-0
Shënues: Angelov 75’

Shkëndija thyen Renovën, feston edhe Shkupi

Sport Ekspres — Sun, 21 Oct 2018 14:42:23 +0000

Festojnë Shkëndija dhe Shkupi, pasi kanë fituar ditën e sotme. Ndryshe situata për Renovën, që u thye në shtëpi nga Rabotniçki. Për tetovarët ishte një ndeshje shumë e rëndësishme ajo përballë Vardarit.

Kuqezinjtë fituan falë golave të shënuar nga Izair Emini dhe Besart Ibrahimi, duke e ngushtuar diferencën me Vardarin në katër pikë. Festë legjitime në fund. Shkupi e kishte detyrim fitoren ndaj Sileksit dhe ia ka dalë.

Serxho dhe Stojkoski shënuan dy herë për bardhekaltrit, që lanë vendin e fundit për momentin. Për Renoën ishte programuar një ndeshje e vështirë kundër Rabotniçkit. Këta të fundit shënuan dy herë në portën e skuadrës shqiptare dhe morën tre pikët.

MAQEDONA LIGA 1 – Java 10

Renova-Rabotniçki 0-2
Shënues: Stjepanoviç 26’ (pen.)

Shkupi-Sileks 2-0
Shënues: Serxho 50’, Stojkoski 57’

Vardar-Shkëndija Tetovë 0-2
Shënues: Emini 45+4’, Ibraimi 89’

Renova “frenon” Shkëndijën, Shkupi barazon në derbi

Sport Ekspres — Sat, 06 Oct 2018 15:01:05 +0000

Shkëndija e Tetovës nuk po kalon një moment të mirë në kampionat dhe kjo është reflektuar në rezultatet e kuqezinjve. Këtë herë barazuan 2-2 në shtëpi në derbin me Renovën. U duk se gjithçka do të mbyllej lehtësisht.

Goli i Ibraimit në minutën e 23-të bëri që kuqezinjtë të shkonin në pushim në epërsi, por me fillimin e pjesës së dytë Renova përmbysi gjithçka. Stojanovksi për dy minuta arriti të shënojë dy herë dhe rezultati shkoi në 1-2.

Shkëndija u hodh në sulm dhe në minutën e 80-të ishte Bejtullai ai i cili me një goditje potente nga distanca arriti të shënojë. Tetovarët u munduan të shënonin edhe golin e fitores, por Renova u mbrojt mirë dhe ndeshja u mbyll në barazim 2-2.

Kështu Vardari është shkëputur në krye me shtatë pikë më shumë. Situatë jo e mirë edhe për Shkupin, që barazoi në shtëpi me Rabotniçkin. Dimitrovksi shënoi autogol në fillim dhe bardhekaltrit ishin në avantazh për më shumë se një orë, deri kur Petkovski për miqtë shënoi. Rezultati përfundimtar 1-1 bëri që skuadrat të ndanin nga një pikë.

MAQEDONI LIGA 1 – JAVA 9

Shkëndija Tetovë-Renova 1-2
Shënues: Ibraimi 23’, Bejtullai 80’ / Stojanovski 53’, 55’

Shkupi-Rabotniçki 1-1
Shënues: Dimitrovski 8’ (aut.) / Petkovski 63’

Ibraimi nderon Shkëndijën, triumfon edhe Shkupi

Sport Ekspres — Sun, 23 Sep 2018 15:38:00 +0000

Shkëndija e Tetovës ka fituar me rezultatin 1-2 në frymën e fundit në transfertën kundër Sileksit. Ishte kapiteni Ibrahimi ai që shënoi në shtesë golin që u dha tre pikët tetovarëve. Ndeshja u zhbllokua shpejt, teksa ishte Bojku ai i cili shënoi për Shkëndijën.

Kuqezinjtë e mbyllën në avantazh pjesën e parë, por nga fundi i ndeshjes e pësuan, Në të 81’ Grozdanoski shënoi golin e barazimit. Sigurisht Shkëndijës nuk i shkonte për shtat rezultati dhe me Ibraimin gjetën golin në shtesë.

Fitore edhe për skuadrën tjetër shqiptare: Shkupin. Kundër Makedonija GP arritën të shënojnë dy herë, por edhe miqtë nuk qëndruan duarkryq, pasi e realizuan golin e barazimi të përkohshëm. Humbje për Renovën, që me Belasicën në shtëpi u thye me rezultatin 0-2.

MAQEDONI LIGA 1 – Java 6
Renova-Belasica 0-2
Shënues: Serafimovski 70’, Ivanovksi 85’

Shkupi-Makedonija GP 2-1
Shënues: Muharem 10’, Ilijoski 75’ (pen.) / Kirovksi 54’

Sileks-Shkëndija Tetovë 1-2
Shënues: Grozdanoski 81’ / Bojku 14’, Ibraimi 92’

Shkëndija luan “tenis” me Rabotniçkin, Shkupi nuk ia del me Vardarin

Sport Ekspres — Sun, 16 Sep 2018 16:40:46 +0000

Shkëndija ka triumfuar në derbin me Rabotniçkin. Rezultat tenistik ai i regjistruar në fitoren e kuqezinjve, që shënuan gjashtë herë në portën e miqve. Takimi u mbyll me rezultatin 6-2, ndërkohë që Rabotniçki shënoi i pari.

Petrovski realizoi që në minutën e 11-të, ndërkohë që Mici, Ibraimi dhe Bojku kanë shënuar tre herë në harkun kohor të katër minutave. Gjithçka ndodhi në minutat e fundit të pjesës së parë së parë, që u mbyll 3-1.

Dhjetë minuta nga nisja e pjesës së dytë, Herrera shënoi autogol, ndërsa Stjepanoviç më pas ngushtoi shifrat në 4-2.,Shkëndija nuk u ndal më kaq dhe me Ibraimin shënoi edhe dy herë të tjera. Fitore me vlera për tetovarët.

Ndryshe ndodhi me Shkupin, që u mposht në derbi me Vardarin. Gjithçka nisi mirë, teksa ishte Serxhio Zhunior ai që kaloi në avantazh bardhekaltrit dhe pjesa e parë u mbyll në fitore, por Vardarit me Sousa dhe Nora shënoi dy herë dhe mori pikët e plota.

Renova u mposht në transfertë me rezultatin 1-0 nga Pobeda. Një gol i realizuar nga Burhan Mustafov (ish-mesfushori i Teutës) që në minutën nëntë u mjaftoi vendasve për të marrë pikët e plota.

Test i vërtetë për Skënderbeun, sot në fushë

Sport Ekspres — Tue, 17 Jul 2018 09:13:00 +0000

Skënderbeu mundi para pak ditësh Maliqin në miqësore dhe golat u realizuan nga Bruno Dita dhe Leonit Abazi. Tashmë trajneri Orges Shehi do të ketë mundësinë të shohë ekipin e tij përballë një ekip më të fortë, çka do t’i tregojë edhe më saktë gjendjen e skuadrës. Përballë korçarët do kenë Renovën, që garon në elitën e futbollit maqedonas. Ky takim do të luhet prej orës 18:00 në stadiumin “Skënderbeu”.

Duke qenë se luhet miqësorja pasdite, trajneri Shehi e ka lënë pushim skuadrën paradite, por jo të gjithë. Ata që i janë bashkuar ekipit me vonesë: Gjergji Muzaka, Marko Radas dhe Kristi Vangjeli, janë shfaqur sot duke vrapuar përreth fushës stërvitore. Të tre duhet të kapin ritmin e shokëve dhe më pas të vihen nën urdhrat e Shehit.

https://www.facebook.com/kfskenderbeu.al/photos/a.514189058618820.1073741826.187998704571192/1779816388722741/?type=3&theater

Shoku e nxjerr zbuluar me foton e publikuar, ja ekipi i ri i “vlonjatit”

Sport Ekspres — Tue, 03 Jul 2018 15:34:04 +0000

Flamurtarit i kanë ikur disa lojtarë këtë verë, ndërkohë që po punohet për të rinovuar kontrata me disa prej lojtarëve të sezonit të shkuar. Fisnik Zuka është njëri prej atyre që do ta vijojë gjetkë karrierën, edhe pse ka një kontratë edhe për një vit me kuqezinjtë.

Lojtari i linjës së majtë, i cili la Shkupin në janar dhe provoi Superioren, prej ditësh po bisedonte me vlonjatët për ndërprerjen e kontratës. Flamurtari nuk ka bërë asnjë njoftim për largimin e 22-vjeçarit, por Zuka tashmë duket se e ka gjetur ekipin e tij të ri.

Flitej prej ditësh se e kishte arritur marrëveshjen me Renovën dhe tashmë ai ka nisur përgatitjet me këtë ekip. Florian Kadriu, ish-mesfushori i Tiranës dhe Teutës, ka postuar në “Instagram” një foto ku shfaqet se bashku me Zukën me fanellën e Renovës. Në këtë ekip gjen edhe Jeton Beqirin, ish-zëvendëstrajnerin e Flamurtarit.

Partizani do ta sistemojë, ka një pistë për mesfushorin

Sport Ekspres — Sat, 30 Jun 2018 07:10:10 +0000

Partizani afroi verën e shkuar shumë lojtarë dhe një pjesë e mirë e tyre u larguan. Edhe në janar pati disa “divorce” dhe mes atyre që ikën ishte edhe Realdo Fili, i cili kaloi te Kamza. Të kuqtë e lanë të ikte me parametra zero, teksa menduan të kursejnë pagën që lojtari merrte dhe në fakt nuk ishte e vogël. Paguhej rreth 3000 euro në muaj dhe për një lojtar që luan pak, shpenzimi është i tepërt.

Gjithsesi tanimë lojtarët me potencial për të ardhmen nuk mund të ikin me parametra zero. Kjo po shihet me Alban Sulejmanin, mesfushorin e krahut të majtë. I marrë nga Legia e Varshavës, 20-vjeçari ka luajtur vetëm në shtatë takime. Dy herë e ka nisur si titullar dhe normalisht që kërkon të luajë.

Partizani mendon ta huazojë Sulejmanin dhe në Maqedoni është Renova klubi që i ka kthyer sytë nga mesfushori. Rikthimi te bardheblutë mund të shihej si hap pas, por për mesfushorin është me shumë rëndësi që të luajë rregullisht. Klubi shqiptar në Maqedoni ia mundëson këtë.