Me ardhjen e Skënder Gegës te Partizani, 23-vjeçari humbi vendin e formacionit dhe aktivizimet për të qenë të pakta, konkretisht vetëm katër takime gjatë këtij sezoni.

Ditën e sotme, boshnjaku është prezantuar tek ekipi i tij i ri, Zrinjski Mostar, skuadra kampione në fuqi e kampionatit të Bosnjës. Klubi i Mostarit njofton se Gojkoviç ka nënshkruar një kontratë që do të mbajë të lidhur për një vit e gjysmë.

“E vërteta është se në ndërpremë kontratën. Nuk isha i lumtur me minutat, doja të luaja më shumë dhe ramë dakord të shkëpusnim marrëveshjen. Kam kaluar një vit këtu dhe nuk kam asnjë vërejtje për klubin, veçse për minutat. Kam pritur të luaj më shumë. Partizanit i uroj më të mirat dhe të fitojë titullin kampion”, është shprehur Gojkoviç për “SportSport.ba”.

Sa i takon të ardhmes, dëshira e tij është të luajë në një kampionat më të fortë. Një rikthim në Bosnje Hercegovinë nuk përjashtohet nga Gojkoviç, i cili më parë ka qenë pjesë e Çelik. Gjithashtu ai ka luajtur edhe me Istra në Kroaci.

Shtatlarti 23-vjeçar te Partizani u transferua në muajin janar dhe në gjysmën e dytë të sezonit të shkuar ishte titullar i padiskutueshëm. Ai luajti në 19 ndeshje dhe vetëm njërën prej tyre e nisi nga stoli. Me ardhjen e Skënder Gegës në stolin e të kuqve, situata për Gojkoviç ndryshoi. Këtë sezon është aktivizuar në 4 ndeshje dhe vetëm në dy takimet e vendit të fundit me Kastriotin i ka luajtur si titullar.