GJENDJA NË EKIP – “Atmosfera është shumë pozitive. Ato 2-3 javë që ishim në Bullgari na kanë ndihmuar shumë për të rregulluar gjendjen fizike, po ashtu edhe për të konsoliduar ekipin dhe afrimet e reja që të përshtaten më shumë me ekipin. Besoj se çdo gjë është gati dhe atmosfera është shumë pozitive”.

RIVALI – “Ishte kundërshtari më i mirë i mundshëm që mund të na bindte. Gjithë këto kohë e kemi studiuar kundërshtarin. Sigurisht që kanë 3-4 pika shumë të forta, por besoj se janë ekip i kalueshëm dhe për këtë do të mundohemi që të japim maksimumin. Ndeshja e parë jashtë është pozitive për ne, pasi një rezultat i mirë atje do të thotë se kemi më shumë shanse këtu. Kështu që të shpresojmë.  Nuk duhet kurrsesi ta nënvlerësojmë apo ta mbivlerësojmë kundërshtarin. Do të bëjmë lojën tonë. Të shkojmë atje dhe të marrim një rezultat pozitiv, siç është barazimi, dhe ta tentojmë këtu kualifikimin”.

MERKATO – “Në tërësi jemi shumë të kënaqur, pasi janë afruar lojtarë cilësorë. Aq më tepër që edhe janë përshtatur me ekipin, pasi janë lojtarë që kanë eksperiencë. Besoj se do të na ndihmojnë shumë në të ardhmen. Kur ke dy sulmues që kanë cilësi dhe janë në formë, kjo të bën optimist. Aq më tepër Bushiç, i cili është adoptuar shumë më mirë. Po ashtu edhe gjendja fizike e tij është përmirësuar ndjeshëm.

Me golat që ka shënuar edhe besimi është rritur shumë. Edhe sulmuesi tjetër (Darko Nikaç) që ka ardhur është cilësor. Normalisht që rritja e konkurrencës i bën mirë ekipit. Unë notën do ia jepja 8-të, sepse edhe ndonjë përmirësim i mundshëm pas Kupave të Europës për t’u përforcuar më shumë nuk do të ishte keq”, ka deklaruar Arapi për Ora News.

“Europa? Ai është objektivi dhe do luftojmë deri  në fund. Kalendari është i vështirë dhe do mundohemi që çdo ndeshjeje t’i marrim maksimumin”, shtoi mbrojtësi durrsak, i cili beson se nëse ruhet grupi, sezonin e ardhshëm mund të luftojnë për titullin kampion.

“Kampionati? Kur erdha pritshmëritë ishin më të larta. Çeduam, erdhën lojtarët të rinj dhe ndoshta nuk u përshtatën. Uroj të ruhet grupi, pasi me pak lëvizje mund të konkurrojmë edhe për titullin kampion”.

“U mbrojtët dhe shmangët humbjen, pse të quhet hap pozitiv? Na intereson ta lexojmë si hap pozitiv, për të mbajtur moralin lart. Normal që fakti që nuk shënojmë nuk shkon. Shpresojmë ta rregullojmë këtë pjesë dhe të shënojmë në vazhdim”.

“Pjesa më e madhe e lojtarëve me eksperiencë luajnë në mbrojtje dhe nuk bëjnë dot diferencën në sulm. Ata që janë para duhet të bëjnë diferencën, sigurisht me mbështetjen tonë”.

“Të them të drejtën nuk është se na prishur ose na ka rregulluar shumë, duke pasur parasysh se objektivi jonë pjesëmarrja në Europë. E mira është që iu afruam me pikë Partizanit, e keqja është se na u afrua Laçi. Duke qenë se objektivi jonë është pjesëmarrja në Europë edhe një fitore e Partizanit do të na bënte mirë”.

“E mira është se janë 42 pikë në lojë, por e keqja është se duhet të gabojë Partizani, ndërsa ne s’duhet të gabojmë. Kjo është pak e vështirë, të shikojmë. Partizani është me meritë aty ku është, pasi kanë ekip shumë të mirë. Kanë ruajtur pjesën më të madhe të grupit”.

“Do thosha që ata vështirësitë më të mëdha Partizani i ka tek ekipet që mblidhen mbrapa dhe mbrohen. Me ekipet që i sulmojnë, duke qenë se lojtarët e sulmit i kanë shumë të shpejtë dhe mundohen që të bëjnë diferencën. Problemi më i madh i Partizanit është në ndeshjet në vazhdim, gjatë të gjithë këtij kampionati nuk kanë pasur oscilacione. Tani presioni rritet dhe do shikojmë si do reagojnë. Shtatë pikë janë edhe shumë edhe pak. Siç e thash, ne s’duhet të gabojnë dhe ata duhet, por mbeten 42 pikë në lojë”, përfundoi Arapi.

Mbrojtësi, ka folur së fundmi për “RTSH Sport”, teksa është pyetur mbi rikthimin në Shqipëri, marrëdhënien me trajnerin Shkëmbi, me të cilin ka luajtur te Skënderbeu si dhe për ndeshjen e radhës që ekipi i tij do të luajë me Kukësin.

RIKTHIMI NË SUPERIORE – “Të them të drejtën ishte i lehtë rikthimi. Unë më përpara këtu kam luajtur edhe pse erdha nga një kampionat tjetër. U përshtata mirë dhe shpresoj të vazhdoj mirë.”

SHKËMBI – “Ndihem shumë mirë me Shkëmbin. Si futbollistë, kur kemi qenë bashkë, kemi kujtime të bukura pasi kemi fituar trofe. Shpresoj që të vijojmë me trofetë.”

NDESHJA ME KUKËSIN – “Është një përballje e rëndësishme, por ka dhe shumë ndeshje për tu luajtur. Duhet të bëjmë maksimumin për të arritur fitoren dhe t’ia shpërblejmë presidencës dhe tifozëve. Shpresojmë që ta arrijmë diçka të tillë.

RIKTHIMI – “Kisha një muaj e gjysmë që nuk luaja. As në miqësore nuk kam luajtur. Si ndeshje e parë ishte mirë”.

BARAZIMI – E nismë mirë, shënuam shpejt, por pësuam shpejt edhe ne. Na vuri në vështirësi Tirana. Ishte një moment ku nuk u përqendrua. Pjesa e parë ishte e ekuilibruar, ndërsa në të dytën ishim më mirë ne dhe kishim dy raste me Prognin. Barazimi është rezultat pozitiv”.

SKUADRA – “Kemi mundësi dhe aftësi për të bërë më tepër, por terreni ishte i rëndë. Është e vështirë për një ekip që të mbyllet pas. Ekipi do të përmirësohet, pasi ekipi ka cilësi brenda”.

SKËNDERBEU – “Skënderbeu ka pasur shumë kualitet dhe bënin diferencën. Niveli ka rënë disi, por kjo e ka bërë më të bukur kampionatin, pasi është bërë më i luftuar”.

MBROJTJA – “Ka kohë që nuk kam luajtur me tre në mbrojtje. Nuk e pata të vështirë që të përshtatesha. Ishte ndeshja e parë që e nisëm me tre dhe shkoi mirë deri diku. Kemi vend për përmirësim nëse do të luajmë me këtë skemë.

“Jam shumë i kënaqur që erdha këtu në Durrës. Tani do të përqëndrohem për të dhënë gjithçka që kam si futbollit për këtë fanellë. Në Vlorë ishte një situatë shumë e vështirë. Dje u takova me presidentin, si xhentëlmen u dhamë duart njeri-tjetrit dhe mbaruam punë”, tha për Supersport Bushiç.

Sulmuesi mund të aktivizohet që nesër, pikërisht ndaj Flamurtarit. “Jam gati, normalisht. Jam profesionist, të shikojmë nesër. Kam shanse që të luaj, për mua nuk asnjë problem. Tani jam me Teutën dhe normal që mendoj se fiton Teuta”, përfundoi kroati.

Renato Arapi është peng i “OK” – it të federatës turke, ndërkohë që tregon se Teutën e zgjodhi me zemër. “Ndihem mirë për faktin se jam në shtëpinë time, por akoma s’ka mbaruar çdo gjë.  Presim lejekalimin nga Federata Turke, atëherë do të mbyllet gjithçka”, tha mbrojtësi durrsak.

Më tej shtoi: “Të them të drejtën vendosi zemra, por edhe ekipi që këmbënguli më shumë nga ekipet e tjera ishte ekipi i Durrësit. Kështu që  s’kisha si ta refuzoja”.

OBJEKTIVI – “Realisht Teuta e ka kapacitetin për të shkuar lart. Përveç lojtarëve që kanë fituar trofe e kanë eksperiencë, kemi lojtarë të rinj që janë shumë të talentuar. Atyre do u duhet edhe pak kohë për të treguar realisht vlerat që kanë. E lehtë nuk do të jetë, duke parë edhe ecurinë e Partizanit. Shpresoj që të bëjmë më të mirën e ekipi të vazhdojë me të njëjtat hapa, siç edhe e mbylli vitin që kaloi”.

Vonesa e zyrtarizimit ka ardhur për shkak të kontratës që ai kishte me Afjet Afjonspor, por Supersport raporton se tanimë palët e kanë zgjidhur marrëveshjen dhe mbrojtësi mund të nënshkruajë me Teutën. Klubi turk ka shlyer detyrimet ndaj 32-vjeçarit.

Arapi pritet të firmosë për dy vite dhe synon të fitojë titullin kampionatin me “Djemtë e Detit”, klub me të cilin ai do të luajë për herë të parë. Në të shkuarën ai ka qenë pjesë e Besës, Skënderbeut, Shkumbinit dhe Partizanit.

“Morëm atë që mendonim nga kjo miqësore. Shkoi mirë, por patëm disa defekte. Do mundohemi të rregullohemi deri te ndeshja e parë. Ne si staf na vjen mirë për qëndrimin e Latif. Nëse vjen ndonjë më i mirë, e mirëpresim. Arapi? Ai duhet të zgjidhë problemet që ka në Turqi, pastaj do të shohim se çfarë do të ndodhë”.

“Objektivi unë është që të vazhdojmë të njëjtën ecuri. Kjo është dëshira jonë dhe synimi ynë. Shpresoj që t’ia arrijmë deri në fund”.

Nisur nga situata e krijuar atje, Arapi e ka shkruar në daljet e tij mediatike se dëshiron të largohet. Kontrata duhej zgjidhur dhe Teuta është klubi që e pret. Mbrojtësi, që luan në të majtë dhe në qendër ndodhet momentalisht në Durrës.

Ai ka postuar edhe një foto nga Spitali Rajonal i këtij qyteti, çka ka bërë që edhe të nisin edhe aludimet e para. Vallë gjithçka është mbyllur dhe Arapi tanimë do të jetë pjesë e Teutës? Mbetet për t’u parë. Klubi turk ende nuk e ka njoftuar largimin e 32-vjeçarit.

“Gjysma e kampionatit të parë ka qenë e mirë, e dimë se kampionati sa vjen e vështirësohet. Merkato? Deri në këto momente, është vetëm Frashëri që është afruar. Kemi kohë që me Frashërin kemi shprehur dëshirën dhe kemi gjetur marrëveshjen me Kamzën”.

“Për momentin, do të vazhdojmë me këtë grup që kemi, vetëm nëse vjen një lojtar më i mirë se këto që kemi dhe atëherë mund të ketë disa ndryshime”.

“Arapi? Kanë dëshirë të dyja palët që ky transferim të kryhet, por nuk ka asgjë konkrete. Ka disa probleme me klubin turk dhe nuk e di se çfarë do të ndodhë. Deri më tani, nuk ka asgjë konkrete. Në media mund të ketë shumë emra, por deri tani jemi këto që jemi”.

“Nga java e parë deri në javën e 18-të nuk mund të mbash të njëjtin ritëm ose nivel loje, por deri më tani kemi bërë mirë. E rëndësishme është që nga java në javë të përmirësohemi dhe të bënin mirë”.

“Do të punojmë më shumë që të bëjmë më mirë në dy fazat e mbetura”,- tha Shkëmbi

“U nisëm për më të mirën, menduam se bëmë zgjedhjen e duhur, por në fakt nuk doli ashtu. Kishte mungesë profesionalizmi, problemet që ndodhën në Turqi me valutën e tyre, reflektuan në kontratat tona, duke na kërkuar që të bënim ulje. Diçka e papranueshme. Klubi kishte edhe mungesë organizimi dhe kjo reflektoi edhe në rezultate”, tregon Arapi për “A2 News – CNN”.

Më tej flet për situatën kontraktuale: “Nuk i kam shkëputur marrëdhëniet me klubin në Turqi. Menaxheri im do të jetë gjithë kohën në kontakt me klubin. Të dyja palët duam të shkëpusim marrëdhënien, por kam edhe disa pagesa të prapambetura. Nëse nuk do të jetë e mundur të vazhdoj në Turqi, me kushtet që kërkoj, normalisht do të kthehem në Shqipëri, por asgjë nuk është vendosur”.

Kalimi te Teuta komentohet kështu nga Arapi : “Për Teutën më vjen mirë, sepse kanë bërë një projekt serioz edhe më bëhet qejfi, sepse është ekipi i qytetit tim. Kontakte me Teutën kam pasur, me stafin dhe lojtarët, sepse aty kam miq. Kemi folur, kemi diskutuar, por asgjë nuk është përcaktuar”.

SUPERIORJA – “Skënderbeun do ta përfshija pretendent për titullin, siç janë Partizani, Teuta dhe Kukësi. Këto skuadra do ta diskutojnë titullin. Për shkak se Skënderbeu është dobësuar këtë vit, duke shitur shumë lojtarë nga formacioni i vitit të kaluar, të gjitha ekipet kanë një nivel. Kjo e ka bërë kampionatin më të bukur dhe më konkurrues”.

Arapi verën e vitit 2016 la Skënderbeun dhe iu bashkua Partizanit, klub që më pas e la të lirë të ikte në Turqi. Me Boluspor u aktivizua në dy sezone dhe në  verë ai u tentua nga të kuqtë, por zgjodhi të mos ndryshonte kampionat.

Por tek Afjet Afjonspor ka luajtur vetëm tetë ndeshje në pjesën e parë të këtij sezoni dhe durrsaku është i pakënaqur dhe do të donte të lëvizte nga aty. Teuta është gjithashtu një opsion, por edhe Partizani tanimë është i interesuar për shërbimet e tij.

I penduar për zgjedhjen e bërë, mbrojtësi që luan në të majtë dhe në qendër nuk e mohon dëshirën për të lëvizur nga ekipi aktual. “Ka qenë sigurisht zgjedhja ime dhe e menaxherit e gabuar. Ekipi nuk ka qenë në nivelin e duhur. Nuk ishte zgjedhja ime 100%, por i besova menaxherit, sepse e nje më mirë ambientin në Turqi. Jam penduar, sepse në ekip ka pasur mungesë të theksuar organizimi. Nuk mund të them se e kam mbyllur me ekipin tim. Kam kontratë dhe jam i lidhur me atë klub. Por nuk e fsheh se dëshira ime është që të lëviz”, shprehet Arapi për “Supersport”.

“Rikthimi në Shqipëri? Gjithmonë e kam pasur dëshirë për t’u kthyer në Shqipëri. Në momentin që nuk do kisha mundësi me ato kushte që kërkoj, ardhja në Shqipëri është shumë e mundur”, ka shtuar mbrojtësi durrsak, që ka nisur të përflitet edhe si një opsion për Teutën. “Nuk e mohoj dëshirën, pasi jam nga qyteti i Durrësit. Nuk do të ishte keq”, shprehet Arapi, i cili në fund analizon edhe atë çka ndodh në Superiore.

“Na vjen mirë që ka konkurrencë, janë 3-4 ekipe që luftojnë për Kupat e Europës. Kjo ka ardhur edhe për shkak të dobësimit të Skënderbeu, që ka shitur lojtarët bazë. Kjo ka sjellë ndoshta një nivel më të ulët të Skënderbeu, por e ka bërë kampionatin më të bukur”.

Në ndeshjen tjetër të kampionatit azer, skuadra e Sabien Lilajt dhe nigerianit Xhejms Adeniji, Gabala, u ndal në një barazim pa gola me Zirën e vendit fundit. Ndeshja mbaroi pas 33 minutash, pasi takimi kishte filluar që ditën e djeshme, por mjegulla e rënduar bëri që arbitri të ndërpriste takimin në minutën 57-të. Pushimi një ditor, mesa duket ka favorizuar ekipin e Keshlës, që arriti të merrte një pikë të vlefshme, me anë të së cilës kalon në vendin e parafundit të tabelës.

Kthim në fushë pas një periudhe të gjatë në stol, ka pasur dhe për mbrojtësin durrsak Renato Arapi, i cili aktivizohet në ligën e parë turke (divizioni i dytë) me skuadrën e Afjet Afjonsporit. Mëngjarashi luajti për 90 minuta në përballjen direkte për mbijetesë ndaj Eskishehirsporit, ku u ndëshkua me një karton të verdhë. Ndeshja përfundoi me fitoren 2 – 1 të Afjet, që me tri pikët e fituara sot e largohet përkohësisht nga zona e ftohtë.