21-vjeçari është një mbrojtës i majtë, i cili preferon shumë të dalë në fundore dhe të driblojë kundërshtarin. Kompania e statistikave “Opta” kanë publikuar një të dhënë, sa interesante po aq të “pabesueshme”!

Teo Hernandez është lojtari me numrin më të madh të driblimeve në La Liga për tre sezonet e fundit. Plot 129 ka lënë pas kundërshtarët e tij blerja më e re e Milanit, duke lënë pas edhe një emër si Leo Mesi.

Tifozët e Milanit besojnë fort te kualiteti i anësorit dhe po presin me padurim ta shohin në aksion në fushat e blerta.

Official Statement: Theo Hernández ? https://t.co/mlblGuynfM

Comunicato Ufficiale: Theo Hernández ? https://t.co/dUzNpyCTyp pic.twitter.com/kifL4TQQis

— AC Milan (@acmilan) July 6, 2019

Emocione të mëdha dhe koreografi fantastike e tifozëve për dyshen e madhe, por një tjerr kampion i madh ndodhet te Bajerni, madje një rekordmen. Kingsli Koman nuk i ka mbushur akoma 23 vjeç. Ditëlindjen e radhës e feston me datë 13 qershor, por francezi festoi titullin e tetë kampion gjatë ditës së djeshme.

Të tetin rresht me tre ekipe të ndryshme. Që kur ka nisur karrierën e profesionistit nuk i është ndarë titullit. Dy të parët i fitoi me PSG-në, më pas dy herë kampion në Serie A me Juventusin dhe katër të fundit në Bavari.

Koman pësoi një dëmtim të tmerrshëm në ndeshjen e parë të kampionatit dhe dëshpërimi ishte aq i madh, saqë nuk e përjashtoi tërheqjen e parakohshme. Megjithatë, ai punoi fort dhe u rikthye për të fituar trofeun prestigjioz. Të tetin rresht, me vetëm 22 vite mbi supe dhe 16 trofe në total. Thjeshtë fantastike…

Kingsley Coman (22 ans) a été champion à 8 reprises en 7 saisons depuis ses débuts en professionnels :

2013 ? Ligue 1 ??
2014 ? Ligue 1 ??
2015 ? Serie A ??
2016 ? Serie A ?? + Bundesliga ??
2017 ? Bundesliga ??
2018 ? Bundesliga ??
2019 ? Bundesliga ??

INCROYABLE ! ? pic.twitter.com/Kgt33MUIYh

— Actu Foot (@ActuFoot_) May 18, 2019

Stadiumi pritet të jetë i mbushur si gjithmonë, madje një rekord do të vendoset në këtë përballje. Interi numëron gjatë këtij sezoni plot 979.710 tifozë në 16 ndeshje shtëpiake në kampionat me një mesatare prej 61.200 tifozësh për ndeshje.

Kundër Kievos numri i tifozëve do të kalojë shifrën 1 milionë. Në vend të dytë renditën kushërinjtë e Milanit. Edhe tifozët e “Djallit” kanë qenë të shumtë sivjet në stadium dhe shifrën me gjashtë zero do e kalojnë në ndeshjen shtëpiake kundër Frozinones.

Në minutën e 75’, argjentinasi shënoi golin e parë, ndërsa në minutën e 83’, realizoi dhe golin e dytë personal, një kryevepër. Ky gol, ishte i 600-ti për 32-vjeçarin, i cili për koeçidencë, golin e parë e ka shënuar pikërisht me datën 1 maj të vitit 2005, përballë Albasetes në kampionët. Magjistar…

Pas ndeshjes, Mesi foli shkurtimisht, duke thënë se ndeshja e sotme përballë Liverpulit ishte e shkëlqyer: “Një rezultat shumë i mirë, bëmë një ndeshje të madhe. Krijuam shumë raste dhe e gjithë skuadra luajti në maksimum. Asgjë nuk ka mbaruar, por sot ia dolëm të merrnim atë që dëshironim.

“Jemi në një moment të bukur, por duhet të qëndrojmë të bashkuar. Lojtarët dhe tifozët, duhet unitet. Është diçka e shëmtuar të shohësh Kutinjon të bombardohet ashtu. Duhet unitet dhe të mbështetim njëri-tjetrin”, u shpreh argjentinasi.

600 – Lionel Messi ha marcado su gol nº 600 con el @FCBarcelona en todas las competiciones, justo 14 años después de lograr el primero ante el Albacete el 1 de mayo de 2005. Genio. pic.twitter.com/nWSlYygQ1C

— OptaJose (@OptaJose) May 1, 2019

Ylli i Juventusit është krahasuar shpeshherë me “SuperMarion”, i cili shënoi tre ndeshje radhazi në Serie A në vitin 2009. Por me golin kundër SPAL-it, Ken shënoi në katër ndeshje, duke parakaluar ish-sulmuesin e Interit dhe të Milanit.

Një gjuajtje-kros nga Zhoao Kanselo u devijua nga Moise Ken, i cili shënoi golin e gjashtë në vetëm tetë ndeshje për Juventusin në Serie A. Me mungesën e Ronaldos në ndeshjet e fundit në Serie A, ka qenë Ken ai që ka udhëhequr Juventusin dhe ka shënuar gola të rëndësishëm. Një djalosh me një të ardhme të ndritur…

“Qytetarët” kanë fituar kupën Carabao në këtë sezon. Trofeu i parë u sigurua pas triumfit kundër Çelsit në goditjet e penalltive. Siti është në garë edhe për tre trofetë e tjerë.

Në kampionat kryeson me një pikë më shumë se Liverpuli, në FA Cup do të luajë në finale përballë Uotfordit, ndërsa në Champions do të luftojë fort kundër Totenhemit për një vend në katërshen më të mirë.

Nëse ia del t’i fitojë këto tre kompeticione, Guardiola do të futej në histori. Ai do të bëhej trajneri i parë që fiton katër trofe brenda një sezoni dhe i pari që fiton një tripletë me dy skuadra të ndryshme.

Tripleta e parë u fitua me Barcelonën në sezonin 2008/2009. Leo Mesi me shokë ishin të papërmbajtshëm në atë sezon dhe dhuruan shifra të pabesueshme. Champions Liga u ngrit në qiell në Romë pas fitores 2-0 kundër “Djajve të Kuq” të Fergusonit.

Në qytetin e përjetshëm shënuan Samuel Eto dhe Leo Mesi. Kampionati u fitua me 9 pikë më shumë se Reali i Madridit dhe finalja e Kupës së Mbretit përballë Atletikos së Bilbaos. Atë sezon, Barcelona shënoi 158 gola në 62 ndeshje!

Në këtë sfidë u aktivizuan rezervat, ndërsa titullarët ishin ruajtur për ndeshjen e radhës. Pas 5 orë e gjysmë, Lara zbriti përsëri në fushë. Federata i druhej trazirave që kanë prekur vendin dhe vendosi të nxitonte me kalendarin.

Një gjë e tillë do i ndodhë edhe ekipit të Zamorës, që do i duhet të luajë brenda pak orësh kundër Karakas (kampionat) dhe Atletiko Mineiros (Libertadores). Më parë kjo gjë u ka ndodhur ekipeve argjentinase të Rasingut dhe Velezit në vitin 1997, San Paolos (Brazil) në vitin 1994, ndërsa rekordi absolut i përket Nacionalit. Ekipi nga Uruguai zhvilloi tre ndeshje brenda një dite në vitin e largët 1925.

Rikthehemi te Lara. Ndeshja e dytë luhej në shtëpi përballë Hurakanit të Argjentinës për Kupën Libertadores. Vendasit fituan 2-1, duke siguruar një trepikësh shumë të rëndësishëm për avancimin më tej në kompeticionin më të rëndësishëm për klube në Amerikën Latine.

Gjatë ndeshjes së dytë u vendos edhe një rekord në Libertadores. Bernaldo Manzano është 28 vjeç, luan në rolin e mesfushorit dhe aktivizohet me Larën prej janarit të vitit 2017. Manzano bëri gjithçka në këtë ndeshje.

Në minutën e nëntë u tregua i saktë nga pika e penalltisë dhe kaloi ekipin e tij në avantazh. Në fundin e pjesës së parë dhuroi asistin për Centenon, me këtë të fundit që dyfishoi shifrat.

Qendërmesfushori ishte i pafat rreth mesit të pjesës së dytë dhe shënoi në portën e tij, duke rihapur takimin. Kjo ishte ndeshja e tij dhe në minutën e 68-të, ai u ndëshkua me karton të verdhë.

Një të tillë e kishte marrë më parë në pjesën e parë dhe ky ishte i dyti. Automatikisht karton i kuq dhe Lara me një lojtar më pak. Vendasit arritën ta ruanin deri në fund avantazhin, duke siguruar fitoren e dytë brenda pak orësh, ndërsa Manzano ishte personazhi kryesor i kësaj përballje.

Bernaldo Manzano ya es LEYENDA VIVA de la Copa Libertadores: primer jugador con gol, autogol, asistencia y expulsión en un mismo partido. pic.twitter.com/sQqbp0jgfS

— MisterChip (Alexis) (@2010MisterChip) April 4, 2019

Fitorja e djeshme në transfertë përballë Parmës me rezultatin 1-3 ka thyer një rekord. Goli i Pashaliç dhe dygolëshi i Zapatës kanë ngjitur Atalantën në kuotën e 60 golave të shënuar në kampionat, duke ndarë vendin e parë me kryesuesit e Juves.

Por jo vetëm, Atalanta ka sulmin më të mirë në ndeshjet jashtë fushe në Serie A dhe në 5 kampionatet kryesore të Europës. Papu Gomez me shokë kanë festuar 35 herë jashtë Bergamos dhe pas tyre renditen bardhezinjtë e Alegrit me 27 gola të shënuar.

Ekipi i Gasperinit kryeson edhe në Europë. Me 35 gola të shënuar në 15 ndeshje, Atalanta lë mbrapa Bajernin e Mynihut, PSG, Totenhemin, Liverpulin, dy ekipet e Mançesterit, Barcelonën dhe Realin.

Aktori kryesor i kësaj ecurie është Duvan Zapata. Djali nga Kali po zhvillon sezonin më të mirë personal dhe kundër Parmës shënoi dy herë, duke u ngjitur në kuotën e 24 golave në 38 ndeshje sezonale. Nga muaji dhjetor e deri tani, Zapata ka shënuar 21 gola. Më mirë se ai gjatë kësaj periudhe ka bërë vetëm i madhi Leo Mesi me 24 gola (41 në total në 38 ndeshje gjatë këtij sezoni).

28-vjeçari i Atalantës feston sot ditën e lindjes dhe është në garë për të fituar edhe titullin e golashënuesit në Serie A. Në krye qëndron Fabio Kualjarela me 21 gola, i ndjekur nga Zapata, Kristof Piatek dhe Kristiano Ronaldo me nga 19 gola.

Renditja e ekipeve me numrin më të madh të golave të shënuar në transfertë

Atalanta – 35 gola në 15 ndeshje
Bajerni i Mynihut – 34 gola në 14 ndeshje
PSG – 34 gola në 14 ndeshje
Barcelona – 31 gola në 14 ndeshje
Totenhemi – 33 gola në 17 ndeshje
Mançester Siti – 28 gola në 15 ndeshje
Mançester Junajtid – 30 gola në 16 ndeshje
Liverpuli – 26 gola në 16 ndeshje
Reali i Madridit – 28 gola në 14 ndeshje
Juventusi – 27 gola në 14 ndeshje

“Të rinjtë janë e ardhmja e Milanit”, u shpreh trajneri përpara disa muajsh. Më i vjetri është Mateo Muzakio (mbush 29 vjeç në gusht). Pas tij vjen zvicerani Rodrigez (26 vjeç), ndërsa më i riu është Xhanluixhi Donaruma.

Portieri mbushi 20 vjeç me datë 25 shkurt, ndërsa numëron 156 ndeshje me ekipin e “Djallit”. Emra si Suso, Kesi, Kalabria, Çalhanoglu dhe Bakajoko janë të gjithë nën 25 vjeç.

Dy blerjet e janarit, Kristof Piatek dhe Lukas Paketa, janë gjithashtu të rinj. Polaku mbush 24 vjeç në ditën e parë të korrikut, ndërsa braziliani do të festojë 22-vjetorin e lindjes me datë 27 gusht.

Ekipi ka një bazë të fortë, të gjithë të rinj dhe të talentuar, ndërsa rezultat pozitive e kanë afruar shumë Milanin me rikthimin në Champions Ligë. Projekt i qartë i drejtuesve dhe kënaqësi për tifozët, të cilët i ka marrë malli të shohin kuqezinjtë në mbrëmjet magjike europiane.

Përveç kolumbianit shënuan edhe Levandovski, Koman dhe Alfonso Dejvis. Ky i fundit shënoi 11 minuta pasi ishte futur në vend të Alabës dhe gjeti golin e parë me gjigantin gjerman.

Dejvis, i cili do të mbushë 19 vjeç në fillim të nëntorit, cilësohet si një nga talentët më të mëdhenj dhe tifozët gjermanë kanë besim të madh tek ai.

Sulmuesi i krahut nuk do e harrojë kurrë golin e parë, por edhe rekordin e vendosur. Kanadezi me origjinë afrikane është bërë lojtari i parë i shekullit dhe mijëvjeçarit të ri, i cili shënon një gol zyrtar me Bajernin e Mynihut.

Me atë fitore 1-3 në transfertën londineze, Solskjaer regjistroi fitoren e 8 radhazi jashtë shtëpie, një rekord absolut. Këtë gjë nuk e kishte arritur as trajneri legjendar, Sir Aleks Ferguson, pavarësisht se në krye të Junajtid qëndroi më shumë se dy dekada.

Solskjaer mori drejtimin e “Djajve të kuq” në muajin dhjetor, kur zëvendësoi të shkarkuarin Murinjo. Fillimisht tekniku norvegjez erdhi për të drejtuar Junajtidin deri në fund të sezonit, por me punën shumë të mirë që po bën, pankina mund t’i besohet edhe për sezonin e ardhshëm.

36-vjeçari (i mbush të premten) shënoi gol për të 11-ën ndeshje rresht në kampionat duke barazuar rekordin e vendosur përpara 24 vitesh nga një “kanibal” goli si Gabriel Batistuta. Batigol shënonte në 11-të ndeshjet e para të sezonit 1994/1995 me Fiorentinën dhe e mbyllte sezonin me 26 gola të shënuar.

Kualjarela është shfaqur i emocionuar pas ndeshjes dhe ka thënë fjalët e para pas rekordit të barazuar. Krenari dhe modesti, por kapiteni i Sampdorias nuk e beson akoma se çfarë ka bërë. Njerëzit dëshirojnë që ai të rikthehet në kombëtaren e Mançinit dhe lojtari ka një përgjigje të bukur për këtë.

Ndeshja e radhës është përballë Napolit të tij në transfertë. Bomberi do të tentojë të mos ndalet dhe ta kthejë në të paharrueshme pasditen e dy shkurtit. Mjafton vetëm një gol dhe më pas të gjithë do të ëndërrojnë të barazojnë rekordin e Fabio Kualjarelës…

“Është një emocion i papërshkrueshëm. Vetëm ta imagjinosh diçka të tillë të jep ndjesi të bukura. Batistuta? Dridhem vetëm kur e dëgjoj një emër të tillë… Pas golit të parë mendova vetëm të shijoja mbrëmjen me tifozët e mi. Kam mbetur pa fjalë. Të barazosh këtë rekord në moshën 36-vjeçare është krenari. E kaluara ime dhe sakrificat e mia shërbyen për diçka. Kombëtarja? Trajneri duhet të përqendrohet te të rinjtë, përndryshe nuk do të rriten kurrë. Është e drejtë e Mançinit për të bërë zgjedhjet e tij. Unë luaj futboll për t’u zbavitur dhe kënaqem njësoj si kur shënoj, ashtu dhe kur nxjerr shokët e skuadrës përpara portës”, flet Kualjarela.

Urimet për sulmuesin kanë qenë të shumta, por njëri ka qenë më i veçantë se të tjerët. “Armiqtë” e Xhenoas kanë uruar sulmuesin rival, duke zgjedhur fjalë të bukura për rekordin e tij. “Krenarë që jemi xhenoanë dhe që kemi në qytet një rival kaq të fortë sa ti. Komplimente Fabio Kualjarela”, shkruan klubi i Xhenoas në rrjetet sociale.

11 ndeshjet rresht ku Kualjarela ka shënuar
Milan
Torino
Genoa
Bologna
Lazio
Parma
Empoli
Chievo
Juventus
Fiorentina
Udinese

?? Orgogliosi di essere genoani e di avere in città un rivale forte come te. ?? Complimenti, @FQuagliarella27! pic.twitter.com/JK8hm6yA4g

— Genoa CFC (@GenoaCFC) January 26, 2019

Ai ka “rilindur”, po përjeton një sezon të pabesueshëm dhe ndodhet në një formë të mrekullueshme. Kualjarela është një sulmues që njihet për eurogolat e shënuar në karrierë, por nga 26 janari i sotëm do të mbahet mend dhe për diçka tjetër. Me golin e sotëm nga pika e penalltisë, sulmuesi i Sampdorias ka barazuar një rekord, që mendohej i pathyeshëm.

Kjo është ndeshja e 11-të rresht në kampionat që Kualjarela shënon, duke barazuar kështu një emër të madh si Gabriel Omar Batistuta. Argjentinasi i famshëm shënonte gjatë sezonit 1994/1995 në 11-të ndeshje rresht me Fiorentinën e tij, duke e mbyllur kampionatin në shifrën e 26 golave.

Kualjarela ia ka dalë ta barazojë pas 24 vitesh, ndërsa ka shansin të vazhdojë me gola. Ai është ngjitur në kuotën e 15 golave në kampionat, duke lënë poshtë Ronaldon dhe Zapatën me nga një gol më pak. Ndeshja e radhës është e vështirë, luhet kundër Napolit në transfertë dhe “plakushi” do tentojë të vendosë rekordin e tij. Tashmë asgjë nuk është e pamundur, por goleadori shpreson në fillim që Sampdoria të sigurojë fitoren dhe të dërgojë në shtëpi tre pikët në ndeshjen e sotme.

11 ndeshjet rresht ku Kualjarela ka shënuar
Milan
Torino
Genoa
Bologna
Lazio
Parma
Empoli
Chievo
Juventus
Fiorentina
Udinese

11 – Fabio #Quagliarella has scored in 11 consecutive Serie A games played, the joint-longest such run in the history of the competition, equalling Gabriel Omar Batistuta (11 in a row in 1994). Olympus. #SampdoriaUdinese pic.twitter.com/vUlIJrxw2N

— OptaPaolo (@OptaPaolo) January 26, 2019