Rekord

Ndeshja më e gjatë në histori, Lioni vendos një rekord të ri

Sport Ekspres — Thu, 04 Jul 2019 18:45:57 +0000

Lojtarët e akademisë së Olimpikut të Lionit në bashkëpunim me fondacionin e këtij klubi kanë arritur të thyejnë rekordin e ndeshjes më të gjatë dhe me pjesëmarrjen më të madhe në histori. Kjo sfidë zgjati plot 68 orë pa asnjë ndërprerje. Rregulli ishte që lojtarët ndërroheshin vazhdimisht pas një kohe të caktuar.

Në këtë organizim morën pjesë plot 807 lojtarë të vegjël nga 60 vende të ndryshme të botës. Ndeshja përfundoi me rezultatin 399-369. Rekordi i mëparshmën ishte me një pjesëmarrje prej 677 lojtarësh në një ndeshje me pesë lojtarë për skuadër në fushë.

Parakalon Mesin dhe CR7, rekordit të Mbapesë i afrohet vetëm fenomeni

Sport Ekspres — Wed, 12 Jun 2019 15:44:40 +0000

Kilian Mbape është kthyer në fenomenin më të ri të botës së futbollit. Futbollisti 20-vjeçar nuk njeh konkurrencë në grupmoshën e tij. Goli i djeshëm ndaj Andorrës ishte 100-ti në karrierën e tij si profesionist.

Për të plotësuar 100 finalizime Mbapesë iu deshën 180 ndeshje. Idhujt e tij Kristiano Ronaldo dhe Lionel Mesi e kanë arritur këtë shifër golash në moshën 22-vjeçare, ndërsa i vetmi futbollit që i afrohet Mbapesë në këtë rekord është sulmuesi brazilian Ronaldo, i cili gjithashtu ka kapur shifrën e 100 golave në moshën 20-vjeçare.

VIDEO | Lenjani shkruan histori në Zvicër, ja rekordi i pabesueshëm i shqiptarit

Sport Ekspres — Sun, 07 Apr 2019 19:56:10 +0000

Ermir Lenjani po kalon një formë të shkëlqyer në kampionatin zviceran. Në takimin e ditës së sotme ndaj Lucernës, lojtarit të Sionit u deshën vetëm 11 sekonda për zhbllokuar rezultatin e ndeshjes.

Me anë të një postimi në llogarinë e tij zyrtare në “Facebook”, Lenjani konfirmoi se falë këtij goli ai tani është mbajtësi i rekordit të golit më të shpejtë të shënuar në historinë e futbollit zviceran.

Il ne fallait pas arriver en retard à Tourbillon! Le FC Sion a ouvert le score contre Lucerne après 11 secondes de jeu seulement, grâce à son homme en forme du moment Ermir Lenjani, lors de la 28e journée de RSL. pic.twitter.com/ObEUlQYmjE

— blue Sport FR (@blueSport_fr) April 7, 2019

Futbollisti më i vjetër në planet, izraeliti “shkërmoq” rekordin

Sport Ekspres — Fri, 05 Apr 2019 17:55:47 +0000

“Rekordet janë bërë për t’u thyer”, me siguri kjo shprehje e famshme në mbarë botën kanë qenë për shumë vite në mendjen e izraelitit, Isak Hajik.

Ditën e sotme ai theu rekordin 5-vjeçar të uruguajanit Roberto Karmona si lojtari më i vjetër që luan një ndeshje futbolli zyrtare. Karmona e kishte vendosur këtë rekord në moshën 53-vjeçare, ndërsa Hajik jo vetëm që e theu, por me një diferencë prej plot dy dekadash. Ky rekord u vendos në një ndeshje të kategorisë së katërt izraelite.

Në përfundim të ndeshjes midis Irohi Or Jehuda dhe Tzeirejh Tabies, 73-vjeçarit iu dorëzua certifikata nga agjencia e njohur “Guinness World Records”. Në një intervistë më gazetarët e pranishëm, Hajik, i cili për pak ditë do të festojë ditëlindjen e 74-të, tha: “Kur do luajmë prapë? Jam gati edhe për një ndeshje tjetër!”.

Ronaldo drejt rënies, Mesi i thyen një tjetër rekord

Sport Ekspres — Wed, 03 Apr 2019 15:57:31 +0000

Lionel Mesi po përjeton një nga sezonet më të mira në karrierën e tij, këtë e dëshmon qartë numri i pabesueshëm i golave që ka shënuar në këtë edicion të La Ligës.

Në 28 ndeshje “pleshti” ka gjetur 32 herë rrugën e rrjetës, duke qenë lojtari kyç në çdo ndeshje të katalanasve. Kjo ecuri e mirë ka bërë argjentinasi të thyejë një tjetër rekord të Kristiano Ronaldos.

Portugezi ka shënuar 19 gola në Itali, një shifër që do ishte e kënaqshme për çdo sulmues, por jo për standardet që “CR7” na ka mësuar të shohim në dekadën e fundit. 34 vitet e luzitanit po bëjnë të vetëm, mjafton të themi se në dy sezonet e fundit ai nuk e ka kaluar shifrën e 30 golave.

415 – Messi is now the top goal-scorer ever in the Top 5 European leagues (415), ahead of @Cristiano (414). Legend. pic.twitter.com/JGxyP3Am61

— OptaJose (@OptaJose) April 3, 2019

Me golin që Mesi shënoi ndaj Vijarealit ai kaloi rekordin e Ronaldos përsa i përket golave të shënuar në pesë kampionatet elitare (Itali, Angli, Spanjë, Gjermani, Francë), duke shënuar regjistruar shifrën 415 finalizime. Për të kaluar rekordin e përgjishëm të Ronaldos, Mesit i duhen dhe tri gola të tjera, pasi portugezi ka shënuar në total 417 gola, po të marrim parasysh dhe tri golat e tij në sezonin 2002/2003.

Turpe historike në Madrid, 2 të tilla në pak muaj!

Sport Ekspres — Sat, 02 Mar 2019 21:58:28 +0000

Sezoni i tanishëm i Real Madrid po rezulton një katastrofë e vërtetë, dhe kjo gjë mbështet edhe nga statistikat. Me humbjen e sotme ndaj Barcelonës, Real Madrid humb epërsinë në përballjet direkte ndaj katalanasve pas 87 vitesh kryesim.

Përballja e sotme ishte 242-ta në historinë e përballjeve midis klubeve. Tani Barcelona qëndron në kuotën e 96 fitoreve ndaj 95 të Realit, ndërsa 51 ndeshjet e mbetura kanë përfunduar në barazim.

Barcelona get two wins over Real Madrid in one week.

They now lead the series for the first time since 1932. pic.twitter.com/JOkIq3gvYf

— ESPN FC (@ESPNFC) March 2, 2019

Një turp tjetër historik i përjetuar këtë sezon është humbja 3 – 0 në “Santiago Bernabeu” ndaj CSKA-së së Moskës, disfatë kjo më e thella në historinë e klubit në kupat e Europës.

Real Madrid 0-3 CSKA Moscow

? pic.twitter.com/rWFHb2Mo8a

— Bleacher Report (@BleacherReport) December 12, 2018

Largimi i Kristiano Ronaldos dhe dorëheqja e Zinedin Zidan kanë sjellë efekte të paimagjinueshme për “Los Blancos”. Nëse duhet të gjejmë fajtorin, është fare e thjeshtë: Florentino Perez. Me eksperiencën e madhe që ka në majat e futbollit botëror, biznesmenit spanjoll nuk i falet strategjia e ndjekur gjatë 6 muajve të fundit.

“Plakushi” Kualjarela i pandalshëm, vetëm një ndeshje larg rekordit të Batistutës

Sport Ekspres — Sun, 20 Jan 2019 21:59:43 +0000

Fabio Kauljarela nuk di të ndalet. Sulmuesi 35-vjeçar është paradoksi më i madh i futbollit italian, pasi po zhvillon sezonin më të mirë të karrierës në një moshë ku pjesa dërrmuese e futbollistëve varin këpucët në gozhdë.

“Bomberi” shënoi një dopietë në ndeshjen në transfertë ndaj Fiorentinës, që u mbyll me shifra të barabarta 3 – 3. Ecuria e italianit gjatë muajve të fundit është e pabesueshme, pasi ai ka gjetur rrugën e rrjetës në 10 takime, një statistikë kjo që e mban vetëm një ndeshje larg rekordit të argjentinasit Batistuta, i cili shënoi në 11 ndeshje radhazi në sezonin 1994/1995.

Ndërkohë, që krahas këtij rekordi Kualjarela është në garë dhe për këpucën e artë të kampioanatit italian, teksa për momentin ndan vendin e parë me Kristiano Ronaldon dhe Duvana Zapatën, me 14 finalizime pas 20 ndeshjesh të zhvilluara deri më tani në Serie A.

VIDEO | Barça merr tri pikët, Mesi vendos rekordin historik

Sport Ekspres — Sun, 13 Jan 2019 19:23:22 +0000

Barcelona mundi me rezultatin 3 – 0 Eibarin dhe vazhdon të mbajë pesë pikë larg ndjekësit e Atletiko Madrid. Suarez ishte lojtari më i mirë i takimit me dy gola dhe një asist, por skenën e merr sërish Leo Mesi, i cili me finalizimin e tij të vetëm vendosi një rekord historik.

Pleshti është lojtari i parë në historinë e kampionatit spanjoll që kap shifrën e 400 golave. Ndërsa po të marrim parasysh pesë ligat elitare europiane, vetëm rivali i përjetshëm Kristiano Ronaldo ia kalon me 409 gola, por argjentinasi e ka arritur këtë objektiv me 63 ndeshje më pak se sa portugezi i Juventusit.

BARCELONA 3 – 0 EIBAR
Shënues: Suarez 19’, 59’, Mesi 53’

ATLETIKO MADRID 1 – 0 LEVATE
Shënues: Grizman 57′ (pen)

ATLETIK BILBAO 2 – 0 SEVIJA
Shënues: Uilliams 23′, 84′

VIDEO / Ronaldo hyn në histori, gol jubilar ndaj Xhenoas

Sport Ekspres — Sat, 20 Oct 2018 16:44:58 +0000

Kristiano Ronaldo tundi rrjetën ndaj Xhenoas, duke i dhënë avantazhin skuadrës së Juventusit. Ky finalizim i portugezit është shumë special në aspektin e statistikave. 33-vjeçari është lojtari i parë në histori që kap shifrën e 400 golave në pesë ligat elitare europiane (Angli, Spanjë, Itali, Gjermani, Portugali ).

Këtë shifër të pabesueshme Ronaldo e ka arritur në 497 takime, ndërsa ndjekësi i tij më afërt, është padyshim Leo Mesi, i cili ka deri më tani 11 gola më pak se portugezi, por edhe 71 ndeshje më pak.

Cristiano Ronaldo is the 1st player to score 400 career goals in Europe's top 5 leagues pic.twitter.com/SO4szJZbXL

— Sky Sports Statto (@SkySportsStatto) October 20, 2018

Kanelo arrin marrëveshjen rekord, tani zyrtarisht atleti më i paguar në planet

Sport Ekspres — Wed, 17 Oct 2018 17:20:57 +0000

Boksieri meksikan Kanelo Alvarez, ka nënshkruar një marrëveshje me kompaninë mediatike gjermane “DAZN”, ku për të drejtat televizive të 10 dueleve të tij të ardhshme do të përfitojë një shumë të jashtëzakonshme prej 365 milionë dollarësh.

Meritën më të madhe për këtë marrëveshje e ka promotori i Kanelos dhe njëkohësisht ish-boksieri amerikan Oskar De La Hoja. Kampioni i peshave të mesme ka rënë dakord që të në pesë vitet e ardhshme të luftojë të paktën dy herë në vit, në këmbim të shumës së lartpërmendur.

Kanelo Alvarez duke nënshkruar kontratën e re me kompaninë “DAZN”

Paratë e marrëveshjes me kompaninë televizive do t’i sigurojnë Kanelos të ardhura prej 73 milionë dollarësh, po të shtojmë dhe të ardhurat nga marrëveshjet e marketingut, meksikani është lehtësisht atleti më i paguar në planet me mbi 100 milionë dollarë para të xhiruara në vit, duke lënë në vend të dytë Lionel Mesin.

Kasijas hyn në histori, dy dekada punë për të vendosur rekordin unik

Sport Ekspres — Tue, 18 Sep 2018 18:39:00 +0000

Me aktivizimin në ndeshjen ndaj Shalkes, Iker Kasijas, vendos një rekord unik në botë e futbollit. Gardiani spanjoll do të luajë sezonin e tij të 20-të në Champions. 37-vjeçari është aktivizuar për herë të parë në këtë kompeticion në sezonin 1999-2000.

Në 19 edicionet e kaluara, Kasijas ka arritur ta fitojë 3 herë titullin më të lakmuar të futbollit evropian, duke triumfuar në tre finalet, ku ka marrë pjesë. Kontrata e Kasijas me Porton, mbaron në fund të këtij sezoni, por spanjolli ka deklaruar se nuk është ende gati për të lënë futbollin, dhe më ka shumë gjasa që të çojë këtë rekord në 21 sezone.

“Goleadori” Ramos, kapiteni i Realit barazon rekordin e frikshëm të Mesit

Sport Ekspres — Mon, 27 Aug 2018 16:20:39 +0000

Serxho Ramos është një mbrojtës, i cili ka një marrëdhënie shumë të mirë me golin. Kapiteni i “Los Blancos” njihet për aftësitë e tij të shkëlqyera në duelet ajrore, ku ka shënuar me dhjetra herë nga harkimet në zonën kundërshtare.

Ditën e djeshme erdhi një tjetër gol nga 32-vjeçari. Kësaj radhe me një penallti “panenka” që barazoi rezultatin në transfertën kundër Zhironës. Goli i djeshëm vlen shumë dhe për librat e rekordeve, pasi falë tij Ramos barazoi rekordin Leo Mesin, duke shënuar për të 15-in sezon radhazi.

Edhe pse thjeshtë një qendërmbrojtës, Ramos renditet i 13-ti në listën e golashënuesve aktiv të La Ligas me 56 gola, shifër kjo që ka një diferencë prej 21 golash nga mbrojtësi më i afërt. Në një intervistë për mediet angleze shoku i tij i ngushtë dhe kolegu i ekipit, Lukas Vazkes, deklaroi: “Ramos është personi me vetëbesimin më të madh që unë kam parë ndonjëherë, jam i bindur se nëse do fillonte të luante në majën e sulmit 20 gola në sezon s’do të ishin të paarritshëm për të”.

Video | Rekord i ri në boks, dueli fitohet sa bie gongu

Sport Ekspres — Sat, 25 Aug 2018 15:31:12 +0000

Një ngjarje e rrallë ka ndodhur në sportin e boksit. Boksieri amerikan Kërtis Harper ka çuditur të gjithë me veprimin e tij gjatë duelit me kundërshtarin nigerian Efe Axhagba. Amerikani ka lënë ringun sapo dëgjuar rënien e gongut duke shtangur të pranishmit, por edhe mijëra teleshikuesit që po e shikonin ndeshjen nga ekranet e televizorëve.

Arsyeja për këtë sjellje të 30-vjeçarit ishte pagesa tepër e ulët që organizatorët e takimit i kishin akorduar atij, duke mos i dhënë as 20% të të ardhurave, ndërkohë nigeriani Axhagba përfitonte të gjithë pjesën tjetër.

First time I’ve ever seen this: heavyweight boxer Curtis Harper walks out of the ring at the opening bell for his fight against Efe Ajagba on live TV! Ajagba wins by DQ without a punch thrown #PBConFS1 pic.twitter.com/U8EH9Vaduf

— Ryan Songalia (@ryansongalia) August 25, 2018

Armani shkruan historinë, thyen rekordin 50-vjeçar në Argjentinë

Sport Ekspres — Mon, 20 Aug 2018 18:44:09 +0000

Franko Armani është njeriu i momentit në futbollin argjentinas. Portieri i River Plejtit ka mbajtur të paprekur portën e tij në kampionatin argjentinas prej 789 minutash, duke thyer rekordin e vendosur në vitin 1968 nga Amadero Karrizo, me 20 minuta më shumë.

Rekordi i Armanit do t’i shtohen dhe më shumë minuta, pasi takimi ndaj Belgranos u mbyll me shifrat 0-0. Portieri 31-vjeçar debutoi për herë të parë me fanellën e Argjentinës në Botërorin “Rusi 2018”. Gardiani i River Plejt shihet si kandidati numër 1 për të mbrojtur portën e “albiceleste” për të paktën dy vitet e ardhshme.

Prej vitesh Armani cilësohej si një ndër portierët më të mirë në Amerikën e Jugut. Injorimi nga Argjentina për pak sa nuk bëri që ai të zgjidhte të përfaqësonte Kolumbinë, vend ku ka luajtur për shtatë sezone. Por pritja ia vlejti, edhe pse i kishte kaluar të 30-tat, Franko e realizoi një ndër ëndrrat e fëmijërisë së tij.

Mesi rekord trofesh, Alveshi i kujton se është i pari…

Sport Ekspres — Mon, 13 Aug 2018 20:19:38 +0000

Dani Alvesh njihet për natyrën e tij… le të themi të çuditshme. Mbrojtësi brazilian nuk është ndër ato futbollistë fjalëpak, por përkundrazi ka dhe momente kur del jashtë kontrollit. Së fundmi 35-vjeçari ka bërë një postim në rrjetin social “Instagram”, ku është mburrur me faktin se është lojtari me më shumë trofe në historinë e futbollit plot 37, rekord që e ndan me bashkëkombësin e tij Maksuell.

Postimi i Alveshit vjen menjëherë pas fitores së Superkupës së Spanjës nga ish-ekipi i tij Barcelona, trofe që e bëri mikun e tij Leo Mesi, lojtarin me më shumë trofe në historinë e Barcelonës, duke kaluar kolegët e tij Ksavi dhe Iniesta. Madje në postimin e tij shikohej dhe një ngacmim i vogël, teksa kishte shkruan frazën angleze: Sorry not sorry…

“Sorry but no sorry” #GoodCrazyistheking? #37No #littlebitmore???? #justfordontforget?

A post shared by DanialvesD2 My Twitter (@danialves) on Aug 13, 2018 at 9:42am PDT

Shitja rekord e Kepës, Vajadolid pasurohet prej një huazimi

Sport Ekspres — Thu, 09 Aug 2018 08:47:47 +0000

Kepa Arrizbalaga është portieri më i shtrenjtë në historinë e futbollit pas transferimit të këtij të fundit te londinezët e Çelsit për shumën marramendëse prej 80 milionë eurosh.

Gardiani 23-vjeçar, përveç se ka mbushur arkat e Atletik Bilbaos, i ka dhënë një ndihmesë jo të vogël dhe klubit të Real Vajadolidit, ekip në të cilin Kepa ishte i huazuar për një sezon, tri vite më parë në Segunda Divizion.

Vajadolid përfiton 0.5% të transfertës së Kepës, pra 400000 €, dhe kjo falë mekanizmit të solidaritetit. Shuma e lartpërmendur është një bekim i papritur për klubin spanjoll, që gjatë viteve të fundit ka rrezikuar seriozisht rënien nga Segunda Divizion.

Postimi i Ronaldos në Instagram kap shifra rekord

Sport Ekspres — Wed, 18 Jul 2018 19:39:22 +0000

Kristiano Ronaldo është padyshim futbollisti më i famshëm në rrjetet sociale dhe me diferencë të madhe nga ndjekësi më i afërt Nejmar, i cili ka 35 milionë ndjekës më pak se “CR7” në rrjetin social Instagram, ku portugezi është gjithashtu i treti për nga ndjekësit pas këngëtares Selena Gomez dhe modeles Kajli Xhener.

Postimi i “CR7”me të cilin ai njoftoi kalimin te klubi i Juventusit ka marrë mbi 11 milionë pëlqime në harkun e 24 orëve duke u bërë kështu postimi i shtatë më më shumë pëlqime në historinë e Instagramit. Futbollisti 33-vjeçar gjithashtu shiti 20000 bluza gjatë një ditë të vetme, një rekord kjo për një futbollist të Juventusit.

Forza Juve! #FinoAllaFine

A post shared by Cristiano Ronaldo (@cristiano) on Jul 16, 2018 at 11:34am PDT

Zyrtare: Alison te Liverpuli, bëhet portieri më i shtrenjtë në botë

Sport Ekspres — Wed, 18 Jul 2018 18:02:38 +0000

Liverpuli i sezonit të ardhshëm po bëhet gjithnjë e më i frikshëm. Klubi i drejtuar nga Jyrgen Klop sapo ka arritur marrëveshjen me klubin e Romës dhe portierin Alison për transferimin e portierit Alison në Angli për shumën rekord prej 75 milionë eurosh.

Transferta e gardianit 25-vjeçar është më shtrenjta në historinë e Liverpulit si dhe rekordi i ri për transferimin e një portieri, duke thyer atë të Bufonit, i cili u transferua 17 vite më parë nga Parma te Juventusi për shifrën e 52 milionë eurove.

Prezantimi zyrtar i Alisonit do të bëhet mbasi ai të kalojë testet mjekësore ditën e nesërme. Fansat e Liverpulit po fillojnë të besojnë gjithnjë e më shumë se pritja e tyre 28-vjeçare për një titull kampion është drejt fundit.

Pas Kupës së Botës, Areola vendos rekordin unik

Sport Ekspres — Wed, 18 Jul 2018 16:57:49 +0000

Portieri francez Stefan Areola ishte një ndër 23 lojtarët që u nderuan me një medalje kampioni pas fitimit të Kupës së Botës nga Franca. Gardiani i PSG-së së bashku me kolegun e tij Adil Rami ishin të vetmit lojtarë që nuk morën qoftë edhe një minutë, por kjo ka ndodhur edhe më parë (Erik Durm 2014, Viktor Valdez 2010), sidomos me portierët.

Megjithatë, kurrë më parë në historinë 88-vjeçare të Kupës së Botës nuk kishte ndodhur që një lojtar ta fitonte trofeun pa të paktën një aktivizim me kombëtaren e vendit të tij. Po është e vërtetë, Areola ka çuar në shtëpi medaljen e fituesit të Botërorit, pa siguruar ende debutimin e tij me fanellën e Francës.

Megjithatë pritet që gardiani 25-vjeçar të debutojë shumë shpejt me fanellën e “gjelave”, pasi ai shihet si e ardhmja e portës së Francës. Kolegët e tij Loris dhe Mandanda i kanë kaluar të 30-tat dhe cilësitë e të riut kanë filluar të marrin vëmendjen e teknikut Deshamp.

Goli i Panamasë thyen rekordin historik, kompanitë e basteve humbasin shifra të frikshme

Sport Ekspres — Fri, 29 Jun 2018 07:39:32 +0000

Panamaja ishte ekipi më i dobët i Kupës së Botës, pa pikë dyshimi. Skuadra që mori pjesë në grupin G u eliminua pa asnjë pikë, pasi humbi me Anglinë, Belgjikën dhe Tunizinë. Ekipi panamez nuk do të mbahet mend për fushatën e tij në këtë botëror, por për rekordin që theu.

Skuadra ishullore arriti të shënonte dy gola në fazën e grupeve dhe për herë të parë në historinë e një botërori të gjitha ekipet e kanë dërguar dy herë topin në rrjetë. Panamaja i shënoi Anglisë në humbjen 6-1 dhe Tunizisë në humbjen 2-1.

Golat e lojtarëve panamezë i bënë “gropën” kompanive të basteve, pasi vetëm BetVictoria u pagoi lojtarëve të saj £663,000 pas shënimit të golit nga Panamja kundër Tunizisë dhe Polonia kundër Japonisë.