rejnxhërs

Grezda “out”, sulmuesi kuqezi nuk grumbullohet me Rejnxhërsin

Sport Ekspres — Thu, 20 Jun 2019 16:47:20 +0000

E ardhmja e Eros Grezdës duket gjithmonë e më larg Rejnxhërsit. Sulmuesi kuqezi u transferua te gjiganti skocez në fillim të sezonit të shkuar dhe i kushtoi bluve plot 2.5 milionë euro, para që u transferuan në arkat e Osijek.

Por që nga kalimi i tij nga kampionati kroat në atë skocez, Grezda nuk arriti të lërë gjurmë dhe shumicën e takimeve i ka ndjekur nga stoli. Për më tepër, sulmuesi ka vuajtur dhe nga dëmtimet e shumta, që i kanë limituar minutat në fushë.

Siç raportojnë mediat skoceze, Stiven Xherrard e ka humbur besimin te anësori i Shqipërisë dhe ka vendosur të mos e grumbullojë me skuadrën në fazën përgatitore që do të zhvillohet në Portugali, duke lënë të kuptohet se Grezda nuk është në planet e tij dhe se me shumë gjasa do të largohet.

30 klubet më të suksesshme në botë, kryesuesi do t’iu habisë!

Sport Ekspres — Sat, 15 Jun 2019 19:38:00 +0000

Futbolli luhet për të fituar trofe. Çdo lojtar dhe trajner, synon që të fitojë sa më shumë tituj, pasi në fund të fundit, futbolli është një garë dhe vetëm fituesi vlerësohet. Skuadra si Real Madrid dhe Barcelona kanë dominuar futbollin në vitet e fundit, por skuadra si Rejnxhërs dhe Ajaks kanë fituar trofe të shumtë vitet e shkuara.

Sot, është publikuar lista me 30 klubet më të suksesshme në botë dhe këtë listë, e kryeson ekipi egjiptian, Al Ahli. Plot 118 trofe ka fituar Al Ahli, që ndiqet nga Rejnxhërs me 115. Podiumin e plotëson skuadra uruguaiane, Klub Nacional, me 113 trofe. Më poshtë, është dhe lista e plotë me 30 skuadrat më të suksesshme në botë.

Xherard i lumtur për Grezdën: Tani është gati!

Sport Ekspres — Fri, 19 Oct 2018 12:18:56 +0000

Eros Grezda është bashkuar menjëherë me skuadrën e tij pas dy ndeshjeve të Kombëtares. Tek Rejnxhërs duket se e ka pritur mjaft mirë trajneri Stivën Xherard, i cili është mjaft i lumtur që do ta ketë të gatshëm lojtarin kuqezi për ndeshjen e radhës, diçka që e ka përmendur edhe në konferencën për shtyp që ka mbajtur.

“Grezda është në gjendje të mirë dhe gati për ndeshjen e kësaj jave”. Duket se ka ardhur mundësia që ta shohim sulmuesin anësor nga minuta e parë, pasi deri më tani nuk ka mundur që të gjejë hapësira.

Aktivizimi me Kombëtaren ka qenë në të mirë të lojtarit që tani gradualisht po arrin formën optimale. Kjo gjë pa diskutim i ka pëlqyer dhe teknikut të gjigantëve skocez, i cili ka një “armë” më shumë në arsenalin e tij.