Leonardo kërkon goditjen “blic”, tenton t’i vjedhë brazilianin Realit

Sport Ekspres — Thu, 28 Mar 2019 10:49:10 +0000

Leonardo nuk humbet kohë dhe ka nisur të lëvzië për merkaton e ardhshme, me Milanin që pritet të jetë edhe më aktiv në verë. Spekulimet kanë qenë të shumta për sa i përket objektivave të rinj, teksa së fundmi ka dalë një tjetër lojtar në skenë.

Bëhet fjalë për një ndër më premtuesit në Brazil, 17-vjeçari Reinier Zhesus Karvajo. Talenti aktivizohet me Flamengon dhe shihet si një ndër lojtarët më me potencial për të ardhmen, ku për të interesohet dhe Reali i Madridit.

Reinier

Madrilenët kanë avantazhin se djaloshi brazilian, ka si idhull Zinedin Zidan, por nga ajo çfarë thuhet në media, kontakte mes Realit dhe Flamengos nuk ka pasur. Pikërisht, nga ky fakt kërkon të përfitojë Leonardo, i cili do të mundohet të nisë sa më shpejt kontaktet për të përshpejtuar një transferim të mundshëm të Reinier. 17-vjeçari luan si organizator.

? #Milan, interesse concreto per #Reinier Jesus Carvalho, talento del Flamengo, classe 2002. Tanti i top club interessati, tra cui il #RealMadrid (piccola curiosità: il suo idolo è proprio Zidane), ma offerta Blancos per ora NON confermata. E i rossoneri provano ad accelerare. pic.twitter.com/RWiUzNWOEa

— Matteo Pedrosi (@MatteoPedrosi) March 27, 2019

Leonardo hedh sytë nga Brazili, synohet një tjetër Paketa

Sport Ekspres — Fri, 22 Mar 2019 15:14:46 +0000

Drejtuesit e Milanit vazhdojnë punën për gjetjen e elementëve cilësorë për Milanin. Leonardo dhe Maldini po monitorojnë lojtarë të ndryshëm. Braziliani ka hedhur sytë nga vendi i tij, aty ku ka talente pafund.

Leonardo ka zbuluar më parë emra si: Kaka, Tiago Silva dhe së fundmi Lukas Paketa. Sipas “Gazzetta dello Sport”, tre janë objektivat brazilianë të kuqezinjve të “Djallit”. Në listën e Leonardos gjenden emrat e Everton Souza Soares, sulmues i Gremios dhe dyshja e Korinthiasit: Pedrinjo e Fabrisio Ojia.

Pedrinjo (mes) dhe Fabricio Oia (djathtas)

I pari është 23 vjeç, bën mirë të gjitha rolat e sulmit, por mbetet problem klauzola e largimit prej 80 milionë eurosh. Edhe dyshja e Korinthiasit pëlqehet shumë. Pedrinjo është 20 vjeç, ndërsa Oia një vit më i vogël. Të dy luajnë në sulm.

Reinier

Një tjetër emër që preferohet shumë është edhe Reinier i Flamengos. Ai është 17 vjeç dhe aktivizohet në rolin e organizatorit. Për këtë të fundit interesohen edhe Liverpuli, Real Madrid dhe Mançester Siti.