Reinhard Grindel

“Tërmet” në futbollin gjerman, kreu i federatës jep dorëheqjen

Sport Ekspres — Tue, 02 Apr 2019 13:55:27 +0000

Kreu i Federatës Gjermane të Futbollit, Rajnhard Grindel, ka dhënë ditën sotme dorëheqjen nga ky post. Zyrtari gjerman mbante prej dy vitesh këtë pozicion.

Sipas medieve gjermane arsyeja për këtë dorëheqje të parakohshme të Grindel ka të bëjë me një sërë dështimesh të ndodhura gjatë administratës së tij. Problematikat e kombëtares gjermane patën ndikimin e tyre në këtë vendim.

Tri vite më parë Grindel premtoi se do të balanconte futbollin amator dhe gjysmëprofesionist në Gjermani, por një gjë e tillë nuk ka ndodhur. Shumë klube të kategorisë së tretë dhe të katërt rrezikojnë falimentimin për shkak të të ardhurave të pakta dhe borxheve të prapambetura.

Fillimisht u përfol se pasuesi i Grindel do të ishte Filip Lahm, por ky i fundit e përgënjeshtroi lajmin duke pohuar se nuk ka ambicie për atë post. Kandidatë të tjerë janë Kristof Metzelder dhe Olivier Bierhof.

Lahm tregohet ambicioz, synon “fronin” e futbollit gjerman

Sport Ekspres — Mon, 01 Apr 2019 16:59:18 +0000

Presidenti i Federatës gjermane të futbollit, Rajnhard Grindel, pritet të japë dorëheqjen pas tri vitesh nga ky post në ditët në vazhdim.

Lajmi u raportua fillimisht nga “Spox”, ndërsa tani është konfirmuar nga thuajse të gjitha mediet e njohura në Gjermani. Kandidati favorit për të zëvendësuar 57-vjeçarin është Filip Lam.

Ish-mbrojtësi i Bajernit punon prej disa vitesh në adminitratën e federatës dhe është një figurë me mbështetje të gjerë nga i gjithi opinioni publik . Emërimi i tij në krye të institucionit qeverisës së futbollit gjerman do të përmirësonte ndjeshëm imazhin e federatës.

DFB-Boss Reinhard #Grindel vor dem Aus – wird Philipp #Lahm sein Nachfolger?https://t.co/aKZDuQ5ORL

— MVolkmar (@MartinVolkmar) April 1, 2019

Kreu i DFB ndihet “fajtor”, Grindel: Duhet të veproja ndryshe me Ozilin

Sport Ekspres — Sun, 19 Aug 2018 14:00:32 +0000

Presidenti i Federatës Gjermane të Futbollit (DFB) i është rikthyer dhe një herë çështjes Ozil. Në një prononcim për “Bild”, Reinhard Grindel është shprehur se i ka ardhur shumë keq, që nuk e mbrojti mesfushorin nga sulmet raciste. Ai tregon se Federata nuk kishte asnjë qëllim për të bërë “kokë turku” Ozilin për rezultatin zhgënjyes të kombëtares në Botëror.

Lojtari i Arsenalit u akuzua për foton e bërë me presidentin e Turqisë dhe ndaj atij shpërthyen akuza nga tifozë të shumtë, por dhe personalitete të futbollit gjerman. 29 vjeçari nuk duroi më dhe shpalli vendimin e tij për t’u tërhequr nga kombëtarja gjermane.

“Pas sulmeve racistë, do të kisha dashur të shprehja veten në mënyrë më të qartë në mbështetje të Ozil, i cili pësoi diçka krejtësisht të papranueshme. Më vjen keq që ai u ndje i braktisur nga Federata”, përfundon kreu i futbollit gjerman.