Synimi ishte që të shmangej humbja dhe Zeneli arriti të shënonte në minutën e 82-të. Një penallti e fituar nga një prej shokëve të tij të skuadrës u kthye në gol nga ish-lojtari i Herenven. Portieri i Kaen nuk kishte asnjë shans ta ndalte dardanin, pasi u hodh në krahun e kundërt.

Zeneli është një lojtar që shquhet për asistime e tij, por edhe që shënon shpesh. Ky ishte goli i tretë në Ligue 1 me Reims. Po aq ka shënuar këtë sezon edhe me Herenven në Holandë. Rekordin e golave brenda një sezoni 24-vjeçari e ka me Elfsborg në Suedi, ku ka shënuar 10 herë në kampionat.

Edhe këtë javë, Zeneli arriti të shënojë, duke u përfshirë dhe në formacionin më të mirë të javës në Ligue 1. 23-vjeçari u largua nga skuadra e Herenvenit për të vazhduar karrierën e tij në Francë dhe ky vendim, duket i shkëlqyer deri më tani…

Kësaj radhe nuk ishte momenti për asistet e shpeshta, teksa pak sekonda më vonë 24-vjeçarit iu dha një mundësi  për të goditur portën, gjë që e bëri me sukses. Ky është goli i dytë i Zenelit në kampionatin francez, pas atij ndaj Montpeliesë, ku shënoi me 11-metërsh.

Probleme ka pasur në ndeshjen mes Amiens dhe Reims, që është mbyllur me rezultatin 2-2. Tifozët e Amiens shkaktuan trazira në stadium, me flakadanë dhe sende të hedhura në fushë. Si pasojë, Federata Franceze e Futbollit pritet të dënojë ashpër klubin e Amiens.

Shtatë tifozë francezë janë arrestuar për trazirat, por klubi i Amiens nuk ka ndërmend të ndalet. Klubi ka vendosur të padisë tifozët e saj, diçka e rrallë në futboll. Dënimin që pritet të marrë nga Federata, Amiens ka vendosur ta shlyejë duke paditur tifozët e saj.

Për Zenelin, së fundmi ka folur trajneri i tij, David Gio, i cili në një prononcim për “RMC Sport”, është pyetur rreth transferimit të 24-vjeçarit dhe se çfarë e tërhoqi për ta afruar te Reimsi. Tekniku është shprehur se po e vëzhgonin prej kohësh lojtarin dhe se blerja e tij që në muajin janar ishte diçka mjaft e mirë për klubin.

“Kampionatin holandez kemi vite që e ndjekim pasi është një kampionat, ku lojtarët ofensivë janë shumë interesant dhe bien shumë në sy. E kemi vëzhguar Zenelin prej kohësh dhe drejtuesit kanë punuar për transferimin e tij dhe kanë krijuar mundësinë për të firmosur në janar, gjë që normalisht na bëri mirë. Gjithashtu, nëse nuk do ta merrnim në janar, në muajin qershor çmimi i tij nuk do të ishte i njëjtë. Tashmë, falë klubit në fazën ofensive jemi të kompletuar.”

Zeneli dhuroi asistin e golit të barazimit 1-1 (asisti i dytë në kampionat), ndërsa në minutën e dytë të pjesës së dytë kaloi Reimsin në avantazh. Sulmuesi i krahut u tregua i saktë nga pika e bardhë, duke shijuar golin e tij të parë në Ligue 1.

Paraqitja e lojtarit të përfaqësueses së Kosovës është vlerësuar nga mediat italiane. “Gazzetta dello Sport” ka publikuar formacionin më të mirë të javës për 5 kampionatet më të forta të Europës, pa përfshirë atë italian. Prestigjiozja italiane ka vlerësuar shqiptarin me notën 7.5.

Zeneli renditet mes emrave të mëdhenj si Leo Mesi, Kilian Mbape dhe Jan Oblak. 24-vjeçari është një nga futbollistët më të mirë shqiptarë dhe po kalon një formë fantastike. Gjatë merkatos së janarit ai la Herenvenin për t’u transferuar te Reimsi dhe aventura franceze ka nisur në mënyrë pozitive për të.

Kjo fitore e ka ngjitur Reimsin në vendin e gjashtë në kampionat me 41 pikë, vetëm 5 pikë poshtë Lionit të vendit të tretë, që të kualifikon në Champions Ligë. Në pesë javët e fundit askush nuk ka bërë më mirë se ekipi i Zenelit, që ka grumbulluar 13 pikë (katër fitore dhe një barazim, duke ia kaluar dhe kampionëve të PSG), ndërkohë që nuk njeh shijen e humbjes prej dhjetë ndeshjesh rresht.

Omgångens Europaelva (Serie A ej med) i Gazzetta dello Sport, med plats för Arber Zeneli (ex-Elfsborg) pic.twitter.com/91RL2TG8jo

— Frederic Pavlidis (@FredPavlidis) February 25, 2019

Një triumf i tillë sigurish që meriton të festohet dhe në Francë dinë ta bëjnë më së miri këtë gjë. Prej dekadash në Francë është kthyer në traditë festa e ekipeve në dhomat e zhveshjes me anë të improvizimit të këngëve me motive afrikane.  Rezultati është diçka krejt e veçantë që nuk e shohim në vende të tjera.

Në takimin e sotëm në transfertë përballë Montepelier, ylli i Kosovës ka qenë protagonist, duke asistuar dhe duke shënuar. Në minutën e 27’, Zeneli driblon mirë kundërshtarin dhe shërben te Oudin, i cili shënon golin e barazimit.

Për të kaluar Reimsin në avantazh, mendoi vetë Zeneli, i cili mori përsipër ekzekutimin e penalltisë në minutën e 47’. Sulmuesi tregohet i saktë dhe i jep avantazhin skuadrës së tij. Në fund, Reims triumfoi 2-4, me Zenelin që ishte një nga lojtarët më të mirë në fushën e lojës.

Kjo fitore e ngjit Reimsin në kuotën e 41 pikëve, vetëm 2 më pak se St. Etieni i vendit të katërt, vend që të siguron pjesëmarrjen në Europë sezonin e ardhshëm.

Ka mjaftuar ndeshja e tretë që 23-vjeçari të regjistrojë asistin e parë në elitën e futbollit fnracez. Në takimin e ditës së sotme ndaj Renesë, Zeneli u fut në fushë në minutën e 55-të dhe 13 minuta më vonë shërbeu asistin e golit të dytë të Reims. Takimi u mbyll me shifrat 2 – 0 për ekipin e shqiptarit që tani shkon në vendin e shtatë të renditjes me 38 pikë, shumë pranë vendeve që të japin një “biletë” për në turet kualifikuese të Europa League.

Në tre takimet e para Zeneli është aktivizuar nga stoli i rezervave. Me paraqitjen e sotme sulmuesi i krahut mund të fitojë besimin e trajnerit David Guion dhe të sigurojë aktivizimin e parë si titullar.

Me kalimin në Francë, sulmuesi anësor i jep fund qëndrimit në Holandë, ku aktivizua për tre vite më skuadrën e Herenven. Kontrata e 23-vjeçarit me Reims është e vlefshme për pesë sezone.

La nouvelle recrue rémoise démasquée… #Mercato pic.twitter.com/DbKmIzuHzv

— Stade de Reims (@StadeDeReims) January 26, 2019

Për të prezantuar Zenelin para tifozëve, departamenti i medias dhe komunikimit te klubi francez përgatiti një video shumë speciale, duke grumbulluar të gjithë golat fenomenal që Zeneli ka shënuar në kampionatin holandez.