reguilon

Real largon të padëshiruarin e radhës, e dërgon në Andaluzi

Sport Ekspres — Fri, 05 Jul 2019 07:32:22 +0000

Real Madrid ka një numër jo të vogël lojtarësh që duhet të largohen, pasi nuk kanë hapësira. Serxho Reguilon është njëri prej disave që pritet të ikin këtë verë. Mbrojtësi ka pasur një pjesë të parë sezoni mjaft të mirë, me Solarin që i dha shumë mundësi për të treguar talentin e tij.
Megjithatë, ardhja e Zidan ishte ajo që vulosi qëndrimin në stol për talentin. Francezi kërkon më shumë eksperiencë në krahët e mbrojtjes. Kështu Reguilon do të largohet. Sevija është klubi i ardhshëm i tij. Këtë e ka konfirmuar Monçi, drejtori sportiv i klubit andaluzian.

Spanjolli është shprehur se janë duke mbyllur negociatat me Realin për të sjellë në formulën e huazimit talentin e krahut të majtë të mbrojtjes. Sevija është klubi i zgjedhur nga ai. Së shpejti madrileni do të vijë për të kryer vizitat mjekësore.

“Negociatat me Realin janë në vazhdim e sipër dhe duhet të them se puna më e madhe është bërë. Reguilon së shpejti do të vijë në Sevije për t’iu nënshtruar vizitave mjekësore. Lojtari dëshiron të vijë këtu. Kjo e përjashton konkurencën dhe na lejon të punojmë me idenë se ai do vijë”, u shpreh Monçi.

VIDEO | “Mos më prek shëmtirë”, mediet spanjolle zbulojnë debatin në “El Clásico”

Sport Ekspres — Mon, 04 Mar 2019 13:40:32 +0000

Rivaliteti midis Barcelonës dhe Real Madrid është krejt i veçantë në botën e futbollit. Na ka ndodhur shpesh që të shikojmë episode tensioni në këtë ndeshje, sidomos në kohën kur Zhoze Murinjo ishte në krye të “Los Blancos”. Gjërat janë zbutur tashmë, por ka ende momente kur tensioni rikthehet.

Një i tillë ndodhi dhe në përballjen e kaluar midis Luis Suarez dhe të riut madrilen Serxho Reguilon. Mëngjarashi i Realit filloi të kapej me fjalë me uruguaianin, i cili është një ndër ato lojtarë që i mirëpret ngacmimet e kundërshtarëve. Një televizion spanjoll ka zbuluar fjalët ndërmjet të dyve me anë të teknikës së leximit të buzëve.

No mesmo lance Reguilon chamando Suárez de “Coelho, feio” e perguntando para Messi “O que você quer? O que te incomoda pulga”

MADRIDISMO! pic.twitter.com/DJki3wpWS5

— Real Madrid Brasil (@RealBrasil_BR) March 4, 2019

Reguilon: Mos më prek, mos më prek! E di çfarë shëmtire që je a e di çfarë shëmtire je. Hej çfarë the ti (i drejtohet Mesit), plesht çfarë fole ma thuaj tani

Më pas Suarez fillon të tallet me Reguilon duke i imituar me ironi momentin ku ai shpërtheu në lot pas humbjes 3 – 0 në takimin e Kupës së Mbretit të zhvilluar vetëm pak ditë më parë. Natyrisht kuptohet që uruguaiani është një “ujk i vjetër” përsa i përket anës së pistë së futbollit dhe acarime të këtij lloji nuk kan si t’i bëjnë përshtypje atij.

Suarez duke ngacmuar Reguilon

“Boll më”, Marselo shkund Realin dhe kërkon largimin

Sport Ekspres — Wed, 20 Feb 2019 12:15:46 +0000

Mbrojtësi brazilian Marselo po përjeton një nga momentet më të errëta të karrierës së tij. Futbollisti 30-vjeçar ka humbur vendin në formacionin e Real Madrid, pasi trajneri Santiago Solari preferoi të luajë që nga minuta e parë me të riun Serxhio Reguilon.

Një situatë krejtësisht e habitshme, pasi deri pak muajsh Marselo konsiderohej nga shumë vetë si një ndër lojtarët më të mirë në planet në rolin e tij.

Sipas radios spanjolle “COPA”, lojtari nuk ka duruar dot më dhe pas takimin kundër Zhironës ai është takuar me drejtorin e përgjithshëm të klubit, Hoze Angel Sançez. Në takimin me kreun me klubit ai ka bërë të ditur se nuk pajtohet me kritikat e shumta që po merr dhe në fund te sezonit do të ishte më e mira që dy palët të ndaheshin.

Kontara e Marselos me Realin e Madridit mbaron në vitin 2022 dhe për kartonin e mëngjarashit, klubi spanjoll pritet të kërkojë jo më pak se 25 milionë euro.